تجميد قسم عمارة (مفيش اولى عمارة السنة دى )

علي فكرة كل سنة بتطلع اشاعات زي كده
والجديد قسم اتصالات زي عمارة .. بس كلها بتطلع اشاعات
علي العموم حتصل بكرة ان شاء الله بشئون الطلاب واسألهم علي الموضوع

بس من وجهة نظري لو عايزين يجمدوه .. المفروض كانوا نبههوا الطلاب من بدري
مش الطلبة تيجي الدراسة وتلاقي قسمها مش قاعد

من غير قلق إحنا مش حنسيب الوضع كده يا بشمهندس من غير ما نعترض ونثبت حقنا في إصلاح الخلل الضخم والخطأ الجسيم اللي حصل من ورا القرار ده ، وعاوزين أسوان تتقدم !!

ومش معنى إن القسم ضعيف على مستوى الدكاترة والمعيدين ( عددياً ) والطلبة ( علمياً ) والإمكانيات ( مادياً ) و الفن والذوق والجمال والمعمار ( كونياً على الأقل ) إن الإدراة تتخذ القرار ده بكل السهولة والمفاجأة و ( الزحلقة ) و ( الدحلبة ) اللي شايفنها دي بحيث يتخرب بيت عدد مش أليل من الطلبة على مستوى طموحاتها وعلى مستوى تجهيزاتها وعلى مستوى تحويلاتها على الأقل لو ما كانش من أهل البلد، في نظام الدول المتغيرة والمتطورة على مدار الساعة بتبقى القرارات المفاجئة دي ليها مبرراتها ، لكن أي علة بتبرر لأصحاب القرار في إمبراطورية أبو الريش العظمى إنهم يتخذوا قرار بتهجير الفن والجمال والذوق والمعمار من أبو الريش ومن أسوان كلها ؟؟ لضعف الإمكانات المادية !! سبب وجيه جداً ويدل على حرص مشكور على موارد الدولة في مقابل العلم والتعمير والتطوير والتقدم والنمو ..


كطلبة سجلنا في أولى عمارة حنقوم بواجبنا إن شاء الله على أكمل وجه بمناقشة القرار ومناقشة الحالة اللي اتحط فيها طلبة كتير ( وأنا واحد منهم ) بالإجبار إني أدخل قسم غير اللي كنت عاوزه ..

ولنقل أن بعضنا ذو عقلية ما تسمح بمتابعة مواد كهربا والتأقلم معها بشكل أو بآخر ، لا تطالبني من فضلك بأن أضع فئام الفنانين جمباً إلى جمب مع إخوتهم من مهندسي الكهرباء ، دون أن تؤكد لي أن شهاداتهم ستوقع لهم بعد عشر سنوات على الأقل !!وأنت تعرف السبب طبعاً !

وكطالب سجلت في أولى عمارة ، أدعو كل من سجل في أولى عمارة من إخوتي المهندسين الفنانين ، للتكاتف والتعاون لأجل مناقشة القرار وتصحيح الخطأ وإعادة النظر في القرار بوضع حيثيات جديدة و زوايا أخرى تسهم في شمولية القرار و حكمته ..

ولنبدأ العمل معاً إخوتي ، وأترككم الآن لأن أمامي هدف الآن هو : إعادة قسم عمارة إلى كيان كلية هندسة أبو الريش بل إلى مدينة أسوان الجميلة مرة أخرى ، بل وإلى مصر كلها !!

انا عاوز اقول كذا حاجه فى المووضووع ده
اولا: انا لغايه دلوقتى مش شايف اي حماس من طلبه اول عماره
انا مش عارف هيتحركوا امتى
لغايه ميلاقوا اساميهم فى كشوفات مدنى وعماره

ثانيا : انا شايف اي مصلحه من ان قسم عماره اتقفل واشمعنى دلوقتى
هم يعنى القسم ده كان في عجز من يوم وليله ماهو العجز ده من البدايه
والكليه هى اللى رضيت بكده من البدايه وعشان كده انتدبت دكاتره لو كانت فعلا
مشكله مكنتش فتحت قسم عماره من البدايه واكتفت بكهربا ومدنى
وبعد كده لما ربنا يوفر يسهل كانو يفتحوا قسم عماره

ثالثا : لو بفرض ان كان لازم وضروري يقفلو قسم عماره
مش وقته دلوقتى كانو يقفلوه لما كان فى دفعه عباره عن 5 افراد
ايوه دفعه اللى بقت بكالوريس دلوقتى (مع احترامى لكل فرد فيه )
بس انا شايف من وجه نظري ان من وقته كان ممكن يتقفل
لان الخمسه ممكن يروحوا قسم تانى وعلى الرغم من كده انتدبوا دكاتره والقسم
كان شغال زى الفل يجوا لما القسم بقى عليه اقبال كبير وضغط يقفلوا

للأسف مفيش اسهل من كلمه اقفل وشيل والغى
مهو كله فى مصلحه هندسه قنا
ماهو لما هندسه اسوان مش هيكون فيها اقسام يبقى ايه الفايده
امال الاقسام الكتيييييييييره اللى فى القاهره واسكندريه وعين شمس تبقى ايه
انا عارف انه مينفعش اقارن بيهم خالص

بس ياجماعه ازاي لما يكون عندنا اكبر معامل كمبيوتر
ومعمل تخيلى اخدناه من بق هندسه القاهره
وده بفضل استاذى ودكتوري العظيم


د/هانى السيد



اللى عنده احلام كبيره للكليه سبق وقالها لينا فى اخر محاضره وعرفنا قد ايه هو عاوز يغير ويطور الكليه بشكل يليق بينا واللى بجد اتمنى تتحقق كلها مش عشان حاجه
بس عشان خاطر نكبر وكليتنا تكبر

بس بالشكل ده الواحد بيجلوا احبااااااااااااااااااط

وبدل منفتح اقسام جديده واسم كليتنا يقوى ويكون ليها مكانه تقدر على الاقل
تزاحم هندسات الاقاليم الكبيره زي هندسه المنصوره او هندسه بورسعيد او على الاقل اسيوط

ربنا يكون فى عونا جميعا ويكون فى عون كل واحد فى كليتنا
وفى عون كل واحد لسه هيدخل كليتنا