سنة اولى جامعة

متهيأ لى ان كل واحد فينا قبل ما يدخل الكلية كان عنده امال,احلام و توقعات كبيره لحياته الجامعية!!

يعنى...فى اللى كان ناوى يقطع السمكة وديلها و يقضيها موبايلات و الدى منه( وللاسف فى بعض البنات اللى بتسمح بكده ) , وفى برضه اللى كان ناوى يقضيها طناش لغاية اخر شهر وبعد كده بقى يبا يجمع محاضرات وسكاشن .
بصراحة انا كنت واحدة منهم(الجروب التانى طبعا),كنت فاكرة ان كليتنا زى اى كلية ,بس انا كنت غلطانة والحمد لله انى لحقت نفسى وعديت صافى.
و فى اول السنة كنت خايفة جدا من عالم الجامعات واختلاط الولاد والبنات رغم انى كنت هاتغرب بس كنت متحمسة جدا خاصة انى بحب السفر" بس الغربة صعبة" ,ومن اللى كنتبسمعه من ماما افتكرت ان كل الولاد هيبقوا اخر شهامة وجدعنة معانا,وفعلا كان فى منهم الجدعان اللى احتجتهم فى بعض الاوقات خاصة انى كنت بنت لوحدى فى السيكشن وغبت فترة عن الكلية فكنت محتاجة بعض المساعدة فى السكاشن وخاصة العملى وانا بجد بحترمهم جدا
*لكن كمان للاسف لقيت من اولاد كتير ندالة وعدم احترام للزمالة فى الكلية (يعنى بيحصل فى صحارى مواقف بجد تضايق زى مثلا لما نبقى احنا تعبانين والشمس بتسيحنا وعايزين اول سرفيس نركب فيه بنلاقيهم هجموا عليه ويسيبونا احنا نولع بقى!! ده طبعا غير المعاكسات وخاصة من شباب صحارى) "يعنى ما بنسلمش"
من الاخر كنت فاكرة ان حياتى الجامعية هيبقى لونها بنبى...ولكن...تاتى الرياح بما لا تشتهى السفن
فعلا كليتنا مش سهلة وعايزة شغل وربنا يوفقنا السنين اللى جاية!!!


Toty_mhsn

فعلا يا بشمهندسه كليتنا مش سهله عشان كده الواحد لازم يجتهد و يتعب عشان يوصل للعاوزو

وطبعا يا بشمهندسه صوابعك مش زي بضعها
يعني زي ما هتلاقي الوحش برضو هتلاقي الكويس وفيه ناس اصلا جايه الكليه مش عشان تتعلم
ودول معروفين طبعا
وربنا يهدي الجميع ويوفقهم ان شاء الله
وشكرا لموضوعك

ربنا يطمنك السنة الجاية أول سنة لي فى الكلية

شكرا لمروركم بالموضوع!
ول م/shimz : بيقولوا ان اول سنة هى اصعبهم والمهم ان الواحد يشد حيله شوية!!!