هل تحب أن تترك بلدك بعدما تنهي دراستك ....؟

الموضوع مهم جدا جدا وبيمثل مشكلة قومية لو مخدناش بالنا منها هتبقى عواقبها وخيمة جداجدا الى ابعد الحدود

انا طبعا متفق جدا مع كلامك يا بشمهندسة ان البلد دى احسن من غيرها , وعاوز اقول ل seawar و amir ان انا معاهم ان البلد فى الفترة الحالية فيها مشاكل كتير و صعبة , لكن اذا احنا الشباب متعبناش عشان نحلها يبقى مين اللى هيحلها نجيب ناس من بره يحلوها , يعنى احنا قبل 73 البلد كانت انيل من كده ميت الف مرة و كان فيها عدم استقرار و احتلال مادى وفكرى واجتماعى و مع كل ده الشباب اللى زينا حاربوا وانتصروا بس الفرق بينا و بينهم انهم مقلوش احنا هنستفيد ايه لما نحلها او نحررها و مقلوش واحنا مالنا ما اللى جايين بعدنا هما اللى يحلوها

و موضوع الجيش ده دى اقل خدمة ممكن تقدمها لبلدك و غير كده ان الجيش فايدة ليك انت قبل اى حد يعنى انت لا قدر الله لو حصل احتلال لو انت مش واخد جيش مش هتعرف تدافع حتى عن نفسك

و انا عن نفسى بحب البلد دى بحلوها و مرها لان كل بلد فيها الحلو والوحش و هفضل فيها لان دى البلد اللى ربتنى و خلتنى انا وانت نعرف نتكلم الكلام ده و خلتك تعرف تعمل مشروع تخرجك فى تشفير البيانات ولا انت ايه رايك ؟؟؟؟؟

وانا عاوز اسال كل واحد عاوز يسيب البلد :

لو انت كنت بتشتغل فى امريكا و دى دولة عظمى , وجه برج التجارة العالمى اتضرب كان هيبقى وضع شغلك ايه , ووضعك الاجتماعى ايه ؟؟؟؟

و مصر ام الدنيا كلها

للحديث بقية

واضح طبعا إن عم Terminator عايش في عصر غير اللي احنا عايشين فيه ....
و بعدين بقوللك البلد اصلا مش عاوزاك ..... يعني ابسط حقوقك مش مدياهالك ... يبقى انت تقول البلد دي احسن من غيرها ....
و بعدين بالنسبة لموضوع الجيش أنا بقوللك إن الجيش مجرد عطلة ليا و طبعا أنت ماتعرفش ظروفي علشان تعرف مدى الخسارة اللي هاتجيلي من ورا دخولي الجيش ...
يعني أبسط مافيها أبويا النهاردة معانا و شايل البيت .. لكن بكرة إيه اللي هايحصل ماعرفش ..طبعا الأعمار بيد الله لكن برده ده ما يمنعش إنك تفكر في الموضوع ده و على فكرة أنا أبويا راجل كبير و عنده من الأمراض ما لا يسر أولها السكر و القلب....
يبقى عرفت ليه أنا مش عاوز أخش الجيش .... بطل ترفع الشعارات بتاعت مصطفى كامل دي و سعد زغلول لأن الناس دي ماكنتش عايشة في زمانا....
و بعدين إنت يمكن ربنا كرمك و جعل ليك واسطة هاتقدر توفرلك فرصة شغل لما تخلص.....لكن غيرك ماعندوش ... زي أنا كده مثلا .....أنا هادور على شغل بنفسي و ما فيش حد معايا خالص ...

اقتباس :

لو انت كنت بتشتغل فى امريكا و دى دولة عظمى , وجه برج التجارة العالمى اتضرب كان هيبقى وضع شغلك ايه , ووضعك الاجتماعى ايه ؟؟؟؟

كان هايبقى زي حال كل العرب و المصريين اللي شغاليمن هناك و مازالو بيشتغلوا هناك لأن الغرب مش عالم متخلفة زي المصريين أمثالك.....يعني مثلا الناس اللي كنا بنسمع إنهم اتبهدلوا و اتضربوا هناك فده أكيد لأنهم كانوا بيثيروا الشكوك حواليهم ..... و بيتهيألي إنم مافيش حد هايأذيك ظلم و للا بلطجة يعني....

يا ريت تطبطلوا الشعارات الخايبة دي علشان بجد إنتم مش حاسين باللي احنا بنعانيه فعلا

و مصر أم الدنيا علشان كده الدنيا طلعت بنت كلب

من الواضح جدا ياseawar انك اخدت من كلامى اللى عقلك عاوز ياخده , مش الكلام كله

انا لما اتكلمت مقولتش ان مصر المدينة الفاضلة ولا قلت انها من غير اى مشاكل , انا قلت ان فيها مشاكل وكتيرة لكن ده مش معناه ان احنا نسيب البلد لان لو كل واحد عمل كده البلد هتخرب هتقولى طبعا وانا مالى , دى بقى حاجة ترجعلك انت اذا كنت بتحب بلدك وعايزها تبقى كويسة ولا لآ .
و بعدين الدولة ملهاش زنب انك هتتخرج وانت عندك 24 سنة , الطبيعى ان طالب كلية هندسة بيتخرج 21 سنة يعنى المفروض انك دلوقتى تكون بتخلص جيشك وهتشتغل , وخد كمان 4 او 5 سنين كون نفسك واشتغل تبقى انت كده 29 او 30 سنة وده سن الجواز الطبيعى دلوقتى

و انا لا ليه واسطة ولا بتاع لان من الاخر انا ابويا مش وزير ولا موظف كبير فى الدولة , والاهم ان انا مبشجعش مبدأ الواسطة و بعدين دى ارزاق .

و انا عاوز اقولك على حاجة اخيرة : مصطفى كامل وسعد زغلول لما كانوا بيرفعوا الشعارات كان فى ناس بتطاردهم و معترضة معاهم , و اللى معترضين دول سابوا البلد و اشتغلوا بره و بقى حالهم احسن بكتير بس لو هما عايشين دلوقتى هيقولوا يا ريتنا كنا فضلنا فى بلدنا , كفاية انك تحس ان انت وسط اهلك وناسك , و عن تجربة لناس اعرفهم بيشتغلوا بره هما اه مبسوطين جدا الحمد لله بس لما بيجى معاد الاجازة اللى ينزلوا فيها مصر بيبقوا مستنينها بفارغ الصبر ولما بيجوا مبيبقوش عاوزين يمشوا

"انت مش هتحس بقيمة بلدك غير لما تسيبها "

و مصر ام الدنيا

و للحديث بقية ...........

اقتباس :

"انت مش هتحس بقيمة بلدك غير لما تسيبها "

يا رب أسيبها فعلا بجد و إن شاء الله مش راجع هنا تاني .... لا أجازة و لا في مهمة عمل ....
و من ناحية أهلي و ناسي و اصحابي و قرايبي ... أنا مش شايف إن في حد فيهم مهتم بيا من الأساس و مش هايفرق وجودي معاهم .... فعادي يعني .... أسيبها أحسن و أشوف حالي ......

SEWAR101 كتب:

و مصر أم الدنيا علشان كده الدنيا طلعت بنت كلب

[size=29]
هناك حديث قدسي يقول فيه الله تعالي:
"لا تسبوا الدهر فانا الدهر"
مصر لاتستحق كل هذا منك يابشمهندس فهي مهما فعلت بك فهي في المقام الاول وطنك الذي احتضنك طوال سنين عمرك
انا لا انكر ان هناك مساؤي كثيرة بها ولكن لكل مكان ولكل شئ ايجابياته وسلبياته ومن واجبنا نحن الشباب ان نغير هذه السلبيات وليس ان نهرب منها فان هربنا فمن سيصلح هذه البلاد
انا عارفة ان السبب اللي جعل كلاً منا يكره البلد هو النظام الحاكم والنظام الحاكم ما هو الا جزء من مصر
معلش احنا اكيد حنتعب لحد مانلاقي وظيفة كويسة بس يكفي اننا وسط ناسنا حتي لو كانوا مش مهتمين بينا بس اكيد وقت الشدة حنلاقيهم جنبنا
ياريت كل واحد منا يعيد التفكير في موضوع الهجرة والعمل بالخارج لاني اعتقد انه ليس سوي هروب من الواقع والمشكلات وانت ايه اللي يضمن لك انك تلاقي في البلد اللي حتهاجر ليها شغل مش لما يشغلو اللي عنديهم الاول وان كنت تقصد الدول الاجنبية فهم بكل تأكيد بيكرهونا وعمرهم ما حيحبوا لنا الخير وبلدنا اولي بينا ولا ايه
ياريت نراجع نفسنا مرة اخري

موضوع حلو فعلا والله
انا نفسى اسافر فترة صغيرة للعمل وبعد كده ارجع ان شاء الله لبلدى مصر

SEWAR101 كتب:

بس برضه أنا إن شاء الله سايب البلد و مش راجع تاني خالص لا أجازة و لا أي حاجة ...
و حتى لما هاسافر برة هاكون أكبر قدوة في قلة الأصل ......
و أنا فعلا ندمان إني طلعت مصري و لو موضوع إن الغرب بيكروهونا مش مشكلة كبيرة و سهلة إنها تتحل ..... عادي يعني هية خانة في البطاقة تتغير و يبقى كله تمام ....
و أنا مش هاراجع نفسي في اللي قولته لأن البلد دي زي الزفت و بنت .....

___________________________________________________

غفران كتب:

إلي كل الذين يريدون ترك مصر للظروف التي بها"إن الله لا يغير ما بقوم حتى يغيروا ما بانفسهم"
كلنا بما فيهم من يريدون ترك هذه البلد تعنينا هذه الآية الكريمة.

انا بشارك غفران الراي

nana_wow_86 كتب:

عشان كده سافر اعمل فلوس وارجع اتجوز وعيش هنا اعمل مشروعات

معلش نقطة تانية أنا لما أكون عاوز أتجوز ... مش هاتجوز بالطريقة دي .... لأن كده يبقى أنا بشتري واحدة و خلاص ....
أنا لما أحب أتجوز ... مش هاتجوز غير واحدة بتحبني بجد مش علشان فلوسي ... و لازم تكون راضية بيا على وضعي زي مانا ...... سواء كان معايا فلوس أو مش معايا .....

اقتباس :

مشروعات تساعد بيها شباب كان ممكن يسافروا وتبى ووفرت عليهم تعب ومجهود وسنين وخدمتهم وخدمت نفسك

على فكرة أنا مالاقيتش حد يساعدني علشان أساعد حد ... و زي مانا أتغربت و شوفت المر لا زم غيري برضه يعمل نفس اللي انا عملته ..... مش أنا أتعب و أتغرب و في الآخر هو يجي ياخد الشغل على الجاهز...... و زي ما العالم كانت بتاكل فيا و تظلمني أنا مش هارحم حد و اللي هايحاول أو يفكر يقف في طريق ي أنا هاشيله من على وش الدنيا.....

[quote="SEWAR101"]

nana_wow_86 كتب:

عشان كده سافر اعمل فلوس وارجع اتجوز وعيش هنا اعمل مشروعات

معلش نقطة تانية أنا لما أكون عاوز أتجوز ... مش هاتجوز بالطريقة دي .... لأن كده يبقى أنا بشتري واحدة و خلاص ....
أنا لما أحب أتجوز ... مش هاتجوز غير واحدة بتحبني بجد مش علشان فلوسي ... و لازم تكون راضية بيا على وضعي زي مانا ...... سواء كان معايا فلوس أو مش معايا .....



مش واحده وخلاص حتى لو بتحبها ولازم تكون بتحبها اى شقه حتى لو ايجار بكام ؟ عشان تعيش معقول لازم يكون مرتبك كام ؟ عشان تفرش شقه معقوله لازم تصرف كام ؟ كل ده لازم يكون فى بالك .....الحب وحده مش هايسكنكوا واكلكوا ويشربكوا صح ولالا ؟ فى جزء مادى اكيد .....