حاضر يا عم وأنا قاعد طبعا ومستربع ومستكيف ومستنى صاحبى اللى جاى بعد عشر دقايق بس طبعا مفيش مواعيد مظبوطه فى مصر يعنى العشر دقايق دول أضربهم فى تسعين أس تمنتاشر وهيجيلك طبعا بمنتهى البجاحه ويقولك عاتى أنا كنت مشغول شويه أو نايم أو أتعطلت أومواصلات أو أى كلام فارغ يجيب صرع للى مستنى ويخليك تقوله علطول سمعنى سكاتك يا عم الحج !!طلعت المحووول اللى بيتصلوا بيه وفضلت أرن وميردش أقوله يرد ميرنش أعمله إيه إيييييه!!
طبعا هوه عايش دور إنه مش عاوز يكلفنى ويفتح والدقيقة بقت بسالب تمانين قرش مش عارف هيرخصوها لكام تانى عشان أخينا يفتح ويرحمنى ويقولى حتى بخ !!!أففففففففففوفجأهسبحان الله يا أخى!!! إن بعد الظن إثم يا مواطنظلمنا الراجل جه بعد نص ساعه بس!!!شكله مش من مصر الواد ده أكيد فيه عرق هولندى لازم أقطعهوله لأحسن كده مش هيستمر معانا !!!!ودار بينا الحوار كالتالى :مى "أنا بس بالعنجليزى" :إيه اللى مأخرك يا عم السريع.محمد صاحبى :أصلى جاى من عند أخويا طازه دلوقتى وزى ما أنت عارف الحياه بقت مره وبقت مراحل برضو على رأى الست شيرين !!مى "أنا بس بالطليانى" : أسكت يا محمد أنا الدنيا خربانه معايا عالاخر النهارده وأكاد أجن من هذا الشعور اللولبى اللى يجيب شلل أطفال بسهوله ويسر!!محمد: ليه يا عم سلامتك من المشاعير اللى أنت فيها دى وعلى فكره أنا أقدر بعون الله أطلعك منها زى الفتله من الخميره!!مى "أنا بس بالعبرى":فتلة مين يا محمد مضايقنيش أكتر منا مضايق ولو معاك حاجه قولها وخلصنا عشان نخلص فى ليلتنا اللى مش فايتة دى.محمد : بصى بقى يا سيدى ....................................................!!!
الشطحه التاسعه بعنوان ماهيتااااااااااااااااااااب!!!!! بيكمل محمد : بص بقى يا سيدى أنا لسه جاى من عند أخويا وحلف مية يمين وشمال وحتما ولا بد إنى أجيله بالليل على المركب اللى هوه شغال عليها عشان أقضى سهره هناك وزى ما أنت عارف إنه شغال على مركب سياحى إنما إيه آخر سياحه فى دنيت ربنا.مى "ما قولنا إنها أنا بالإنجليزى : لسه يا محمد هنستنى لغاية الليل أنا زهقان يا عم يالا نتمشى شويه وأهو يبقى روحنا براحتنا وعشان المواصلات.وفضلنا ماشيين هائمين وكلمة نتسكع قليلة علينا والناس كلها حوالينا حمراااا عالاخر يعنى حمرا دم مثلا!!!
فقولت لصاحبى إيه الحكايه الناس لابسه أحمر ليه هما هيعدموا الشعب ولا إيه ؟؟!!!فرد عليا : لا يا عم تف من بقك ده الناس بتحتفل بعيد الحب وفرحانين ومزأططين وكل واحد معاه حبيبته وبيفرجوا حمارهم لبعض !!!يا سلاااااااام !!!مى : يعنى لو أخضر أو برتقالى أو حتى يوسفندى مش هينفع؟؟!!!صاحبى : يا عم متعقدش الناس أكتر ما هيا متعقدة وإن شالله يلبسوا لون البلاعات حتى !!!مى : طيب يلا يا فالح ورينا شطارتك ووقفلنا ميكروباظ من اللى بيجروا قدامنا زى الطيارات دووول.صاحبى : ماشى يا سيدى بس إبقى أفتكر الموقف ده وسجله فى كتاب حياتك يا عين ما شفت زيه كتاب.طبعا يستحيل حد يوقفلك ولما بيوقف لازم يوقف بعديك بمتين متر مثلا وتفضلى تجرى عشان تلحق ويا لحقت يا لأ !!!
ركبنا ميكروباظ يا سبحان الله حاجه منتهى الحلاوة تحث إنك راكب بارجة نفاثه ماركة نورماندى تو تو تو !!!
قعدنا ورا السواق بس جمب الباب أو جمب التباع بمعنى أصح !!!
والغريبه وسبحان الله فعلا لازم تلقى التباع اللى فى العربيه مستحماش ليه قرنين مثلا !!!!
مش عارف إيه الحكمه إن السواقين بينقوا اللى مش نضاف ويحطوهم فى العربية وتلقاه شويه وهيقعد على حجرك من الزنقة !!وبدأ الكروان يغرد على بلابله الدوحعااااااااااااااااااااااااااااااااااااااااااااااااااااااااااااا
صوت التباع "كأنه حمار بالظبط" : الأجررررررررررررررررررررررررررررره يا كابتتتتتتننننننن !!فقولتله بالراحه يا ابنى لتجرالك حاجه ومنلحقش ندبحك قبل ما تموت !!!
وقولت لصاحبى إديله الفلوس أصلى الحاجات دى طلقتها من زمان
والحمد لله قدرنا نسكته بأسرع وقت ممكن قبل ما اضرب نفسى بالنار واضربه قبلها !!
وصلنا المكان اللى بترسى عليه المركب اللى شغال فيها أخو صاحبى اللى هو معايا فى العربية!!!
إيه الكلام المعقد ده كله ده عملية عاوزه بتر علطول !!
دخلنا المركب وفيه حارس وقفنا وقلنا رايحين فينفرد عليه صاحبى وقاله رايح لأخويا إبراهيموفجأه الراجل اللى كان وشه مقلوب ومكشر وعامل زى الشراب المقلوب اتفرد مره واحده وضحك وقالنا اتفضلوا
أتارى الناس مش بتضحك لحد غير اللى تعرفهم بس أو اللى ليهم مصلحة عنده وبس
عجبت لك يا زمن !!!
دخلنا جوه وإنتظرنا شويه لغاية ما جه أخو صاحبى وبعد ما سلمنا ورحب بينا قالنا أنا مش فاضى اقعد معاكم دلوقتى وهقعد معاكم بعد ساعه ودلوقتى تروحوا المطعم الرئيسى بتاع كبار الزوار عشان تاكلوا وأنا وصيتهم عليكم عالآخر ومتقلقوش هاجيلكم بعدين وخدوا راحتكم عالآخر.
المهم واحد راح معانا وإشتغل يفتح فى البيبان وكل ما باب يتفتح يطلع فيه واحد تانى ولا حتى الدهاليز اللى قال عليها فؤاد المهندس
كل ما نفتح دهليز نلقى دهليز وننزل فى الدهليز !!
المهم أخيرا وصلنا ودخلنا المطعم الرئيسى ده وحاجه زى غرائب وطرائف بتاعة جلال علام!!
المهم قالولنا اتفضلوا على ترابيزة يمكن تطلع أربع فدداين !!!
ترابيزة عملاقة ممكن تشيل بلد بحالها فقالنا الراجل إيه رأيكم تقعدوا هنا؟؟
فقولتله لا يا عم لنتوه ولا حاجه فى المجال الكبير ده عاوزين ترابيزه صغننه ولو طبلية يبقى أحسن !!
ضحك الراجل وزغدنى صاحبى وقاله معلش صاحبى بيحب يهزر أصله من بلد الميه بسكر !!!
مشى الراجل وبعد شويه جم تلات أشخاص ببدل وحاجات آخر هيلمان فقولت يمكن جمعية شباب المسقبل الشقيقة باعته أعضاءها عشان يتعشوا معانا لأنه بيشاركوا الناس فى كل حاجه فى البلد !!!!واحد منهم وبمنتهى الذوق والإحترام قالى :أهلا وسهلا بحضراتكم شرفتونا ونورتوا مركب "حاجه طويلة بالإنجليزى كده " تطلبوا إيه ؟؟!!
اممممممممممممممم
دنتوا شغالين هنا بقى ولا بهوات ولا حاجة !!!
فرد صاحبى عليا : آه والله أنا إفتكرت أمن الدولة جاية تقبض علينا !!فقولت للواد بتاع الأكل طابخين إيه يا معلم ؟!!!!!رد عليا وقالى إتفضل يا فندم أدى المنوووو !!!أدانى كتاب كبير أفتكرته المعجب البسيط فى الأول أتاريه فيه الأكل يا سبحان الله !!!!
كل ده طابخينه يا ابنى ؟؟؟!!!فرد عليا : لأ يا فندم أنت بتقول على اللى عاوزه وإحنا بنعمل بسرعه جدا فى ظرف عشر دقايق.فقولتله :امممممم بس يا رب متطلعش من العشر دقايق المصرية عشان ما انتحرش بالمره
على العموم انا بحب الفراخ المشوية والملخوية وأي حاجه فيها "مقطع إيه" وشوف صاحبى يطلب إيه
فقالوا هاتلى أى حاجه روشه وادفسلى فيهم الحاجات اللى قال عليها صاحبى أو بمعنى أصح روشنا.
ومشيوا التلاته.....
فقولت لصحابى هما ليه تلاته الجدعان دول هو مش كفايه واحد ياخد الطلبات ولا إيه مش فاهم ؟؟!!
فقالى يا عم تلقى الواد ظروفه مرتاحه ومشغل إتنين وراه يشمرولوا كوعه عشان يعرف يغسل إيديه !!!
تصدق يا محمد مش عارف من غيرك كنت هعمل إيه ؟؟!!!
كنت هتعمل إيه يا صاحبى ؟؟!!!
ما أنا بقول مش عارف يا رخم !!!!
وفجأه
دخلت علينا واحدة ست
إيه ده؟؟؟!!!فيه ناس بالجمال دهفتحنا بقنا أنا وصاحبى زى الوحوش الضاريه !!!فعلا زى ما قال الأخ عمرو كلاب "زى الملايكة أما تشوفها ورداية تحلم تقطفها ما يتحكيش عليها " !!!
جات طبعا وبمشيت الموديلز ورجل فى أقصى الشمال ورجل فى أقصى اليمين ولابسه نضاره زى ما يكون شغاله فى الحسابات وإحنا مذبهلييييييييين على الآخر ومش مستوعبين الموقف !!!
المهمشاورت للتلاته اللى جوا المره اللى فاتت عشان يحطوا الأكل وإحنا مشفناهمش غير بعدين لما شاورتلهم !!!
وبعد ما شاورت إبتدوا يحطوا الأكل بقى وطبعا هيا مبتسمة إبتسامه زى الى على علب كول جيت وسيجنال تو !!
والله كتر خيرها يا أخوانا البنت دى بتتعب بجد
ده شوف بتعمل إيه يا مؤمن بتشاور للى معاها يحطوا الأكل وبسسس !!!
شغلانه فى منتهى الصعوبة ومعرضة فى أى وقت يتقطع صباعها مثلا !!!
ومشيوا اللى معاها وقالت فى منتهى الركة :
تؤمروا بحاجه تانى يا بشمهندسين ؟؟أول مره أعرف إننا مهندسين !!!!!!إفتكرت أم كلثوم لما قالت :
فين دموع عينه اللى ما نامت ليالى بابتسامه من عيونه نسهالى .صاحبى لقينى خربت خالص فقالها لأ شكرا ميرسى يا آنسه هنبعتلك لما نعوز حاجه تانيه.
وبعد ما مشت قالى : إيه يا عم الحاج ما كنت مكتئب وفيك كل العفريت اللى فى دنيا ما عدا عفريتة إسماعيل يس !!
مش عارف يا محمد والله حاسس إنى متلخبط وقلبى بيدق كفتة وكأنى طاير فى السما وبندغ لبان سمارة وعاوز
أرجع !!!
يا عم دى أوهام اصلا وشكلك جعان وباين عليك إن الجوع أثر على مشاعرك ومتقرفناش والنبى أبوس إيدك .
وإبتدينا ناكل أنا وصاحبى ولكن إحنا شايفين حاجات فى أطباق وبيقولوا عليها أكل بس مش مفسرين الأنواع وزى ما
يكون الأكل معمول بسمنة حياتى لأنه هو هو اللى بييجى فى الإعلان بس الظاهر نسيوا ما يحطوا العلبة فى
النص !!!
إيه ده الأكل نضيف بطريقة بشعه وحسيت إنى هيجينى تسمم لو أكلت منه !!! فين أيام الفول اللى ممكن طلبة مدنى يدرسوا تدرج الزلط فيه والسلطة المحرمة دوليا والطعمية اللى لو ضربت بيها واحد ممكن تقتله والعيش الجميل اللى عاوز فاندام عشان يكسره !!!!فقولت لصاحبى : بص إيه رأيك ننده للبت اللى جات ونقولها نشرحلنا الجغرافيه بتاعة الأكل ده لأنى عنيا مش مفسره ولا حاجه من اللى أنا شايفه وخايف لتكون الحاجات دى مش بتتاكل أو بتتشرب مثلا ونروح فطيس بقى ويرمونا فى البحر !!فقالى : أنا عارفك عاوز تشوف البت تانى على العموم وانا برضو موافقك على هذا الشعور إندهها يلابعلو صوتى : يا مزمازيل يا مزمازيل "قديمة قوى مزمازيل دى من التلاتينات مثلا وناقص ألبس طربوش وأنا بقولها" !!
جات المزمازيل وقالت : تؤمرورا بحاجه تانى يا بشمهندسين؟!
فقولتلها العروسه إسمها إيه؟؟!!فردت بصوت فاجر الرقة
ماهيتاااااااااااااااااااااااااااااااااااااااااابحتى الإسم حلو يا بشر !!
أومال الغلطة فين ولا النقص اللى بيقولوا عليه ؟؟؟!!
غمزت صاحبى وقولتله شوفت إسمها ماهيتاب مش ماهيشيفت ولا ماهيكنترول دى قفلت على الكلام ده بالتاب
وقالت ماهيتاااااااااااااااااااااااااااااااب !!!!!
رد محمد : آه والله يا صاحبى خفت عليها ليطلع إسمها وحش أتاريها عامله حسابها بنت اللذينا !!!وقولتلها ما تشرحيلنا المكان يا قمراية بالتفصيل المميت ؟؟؟!
وبصنالها زى ما يكون أطفال بيتفرجوا على كرتون توم آند جيرى.
إبتدت تحكى وتقول وكلامها كان موجه ليا :
الكرسى اللى قاعد عليه حضرتك ده إمبارح كان قاعد عليه أمير الدنماركفقالها صاحبى : يااااااااااه أمير الدنمارك مره واحده ده صاحبى من زمااااان ومعرفة قديمة قوى قوى !!!!
فردت عليه ماهيتاب وقالتله طيب نعرف من فين إنك تعرفه ؟؟!!
فقلها : بإمارة يا ستى إنه لسه عنده حموضه وبيتعالج منها !!!!!!!!!!!!!!!طبعا بصناله إحنا الاتنين على اساس انه من كوكب آخر مش تبعنا
وقولتله : طيب إسمه إيه يا فالح ؟؟!!
فرد : أكيد يا ابنى إسمه أمير أومال يعنى عامله إشاعه أمير الدنمارك !!!!
قلتلها سبيك منه أنا عارفه مش ده بتاع الرسوم المسيئة ؟؟!!!!!البت طبعا كان هيجيلها شلل رباعى فكملت وبدأت تشرحلنا الأكل
وبعد ما خلصت قولتلها لأ أنا فيه جزئية مش فاهمها ده بطاطس ولا فاصوليا ؟؟؟؟!!!!
طبعا مفيش أى علاقة بين ده وده بس أهو غلاسه بقى !!!
آخيرا
جه أخو صاحبى وفضل ينده يا محمد
يا هانىيا محمديا هانىيا محمد
صحيت من النوم على أصوات حد بينده علينا انا وصاحبى وفى الآخر طنشتهوسرحت شويه وقولت لنفسىلما الإمكانيات دى كلها فى الدنيا كده اومال ربنا هيكافىء المؤمين بإيه يوم القيامة ؟؟إلى اللقاء فى الشطحة العاشره إن شاء الله
موضوع: الشطحه التاسعه بعنوان ماهيتااااااااااااااااااااب!!!!! 
الخميس 26 فبراير - 22:33
