^( أين نحن من روبوكون مصر و كورد إيجيبت ؟؟؟؟ )^

السلام عليكم و رحمة الله و بركاته
الأخوة أعضاء المنتدى الكرم
لقد كتبت هذا الموضوع لشئ فى نفسى أود أن أحققه يوما
منذ المرحلة الإعدادية و أنا أتابع مسابقة روبوكون مصر التى يشارك بها فرق من كليات الهندسة بالجامعات المصرية و الفريق الفائز يمثل مصر فى المسابقة العالمية و لشد ما أبهرتنى إختراعات هؤلاء الطلبة و أحببت كثيرا هذه المسابقة و لطالما تمنيت أن أكون طالبة فى كلية الهندسة و أشارك فى مثل هذه المسابقات .
لقد أطلت عليكم أعذرونى و لكن إستفسارى لماذا لا توجد فرق فى كليتنا العزيزة تشارك فى هذه المسابقة
هل الموضوع نقص إمكانيات أم عدم وجود طلبة مهتمين بهذا المجال فى الكلية و لكننى أسبعد الإحتمال الثانى لإنه يوجد بكليتنا عقليات لا أبالغ إن قلت أنها فذة و أشخاص مهتمين بكل ما هو جديد ليس من الممكن أن مثل هذه المسابقات لا تستهويهم للمشاركة فيها و نحن لسنا بأقل من طلبة عين شمس و حلوان و القاهرة والشروق و 6 أكتوبر و غيرها من كليات الهندسة التى تشارك فى مثل هذه المسابقات.
مع العلم بأنه توجد مسابقة أخرى تسمى CORD EGYPT القائمين عليها يقومون بإعطاء ثلاث محاضرات للمهتمين بهذا الموضوع و لا تقتصر على طلبة كليات الهندسة و هى تقوم على صناعة ROBOTS بأقل تكلفة بأبسط الخامات حيث توجد أشياء بسيطة نستخدمها فى حياتنا اليومية ممكن أن نصنع منها ROBOTSرائعة الإستخدام.
ما أود أن أعرفه إخوانى و أخواتى الكرام هل هناك من طلبة فى كليتنا تستهويهم مثل هذه المسابقات
وما هى المعوقات التى تمنع أن يكون هناك على الأقل فريق من كليتنا يمثلها و يشارك فى روبوكون مصر .
أرجو أن يكون هناك تجاوب مع الموضوع من السادة الأعضاء و أن يفيدنا كل عضو برأيه

مع التحيه

انا سمعت زمان انه كان فيه كلام عن الموضوع دا بس بصراحه االلى قالى كدا كان فى هندسه اسيوط لكن انا زيك عايز اعرف ليه معندناش حاجات زى دى

واهو مستنين حد يرد على الاستفسار

انا سألت على الموضوع ده قبل كده
وقالولي ان الفريق المشارك لازم يكون
من كل التخصصات
ولازم يكون من ضمن الفريق قسم ميكانيكا
علشان كده مش بنشارك في المسابقه

Eng_I.A.I.S كتب:: انا سألت على الموضوع ده قبل كده
وقالولي ان الفريق المشارك لازم يكون
من كل التخصصات
ولازم يكون من ضمن الفريق قسم ميكانيكا
علشان كده مش بنشارك في المسابقه

طيب ما اجنا عندنا فى الكلية دكاترة خريجين قسم ميكانيكا زى دكتور محمد على خليل ممكن نستفيد منهم فى الحاجات المتطلبة طلبة فى قسم ميكانيكا

يا جماعة ياريت يكون فى تجاوب من الأعضاء و أى حد يشاركنا برأيه و يوضحلنا أى حاجة غايبة عننا بجد يا جماعة الموضوع مهم بالنسبة لى

إستفسارك وهمتك يا بشمهندسة اكثر من رائعين ومش فاكر كان فيه موضوع عن المسابقة

دى والكلام ده قبل كده باين بس مش متذكر بالظبط المهم موضوعك غاية فى الأهمية

ولكى الحق بعمل ما تحبين والإشتراك بكل ما ينمى ويرفع قدراتك الهندسية ولكن للأسف

لا أستطيع الإجابة عن إستفسارات حضرتك لعدم أهليتى بذلك ولكن أترك الإجابة لأولى

الأمر والمختصين بذلك ، ولذلك أنصحك بتغيير عنوان موضوعك بآخر دال على محتواه

مثل لماذا هندسة اسوان لا تشترك فى مسابقة روبوكون مصر وما إلى ذلك ويتم نقل

موضوعك إلى قسم إقتراحات لتطوير الكلية وأرجو تغيير لون الكتابة لآخر أكثر وضوحا

والله الموفق

الحبار كتب:: إستفسارك وهمتك يا بشمهندسة اكثر من رائعين ومش فاكر كان فيه موضوع عن المسابقة

دى والكلام ده قبل كده باين بس مش متذكر بالظبط المهم موضوعك غاية فى الأهمية

ولكى الحق بعمل ما تحبين والإشتراك بكل ما ينمى ويرفع قدراتك الهندسية ولكن للأسف

لا أستطيع الإجابة عن إستفسارات حضرتك لعدم أهليتى بذلك ولكن أترك الإجابة لأولى

الأمر والمختصين بذلك ، ولذلك أنصحك بتغيير عنوان موضوعك بآخر دال على محتواه

مثل لماذا هندسة اسوان لا تشترك فى مسابقة روبوكون مصر وما إلى ذلك ويتم نقل

موضوعك إلى قسم إقتراحات لتطوير الكلية وأرجو تغيير لون الكتابة لآخر أكثر وضوحا

والله الموفق

شكرا لمرورك يا بشمهندس الحبار و شكرا على النصيحة و تم الأخذ بها

اقتباس :: السلام عليكم و رحمة الله و بركاته
الأخوة أعضاء المنتدى الكرم
لقد كتبت هذا الموضوع لشئ فى نفسى أود أن أحققه يوما
منذ المرحلة الإعدادية و أنا أتابع مسابقة روبوكون مصر
التى يشارك بها فرق من كليات الهندسة بالجامعات المصرية و الفريق الفائز
يمثل مصر فى المسابقة العالمية و لشد ما أبهرتنى إختراعات هؤلاء الطلبة و
أحببت كثيرا هذه المسابقة و لطالما تمنيت أن أكون طالبة فى كلية الهندسة و
أشارك فى مثل هذه المسابقات .
لقد أطلت عليكم أعذرونى و لكن إستفسارى لماذا لا توجد فرق فى كليتنا العزيزة تشارك فى هذه المسابقة
هل
الموضوع نقص إمكانيات أم عدم وجود طلبة مهتمين بهذا المجال فى الكلية و
لكننى أسبعد الإحتمال الثانى لإنه يوجد بكليتنا عقليات لا أبالغ إن قلت
أنها فذة و أشخاص مهتمين بكل ما هو جديد ليس من الممكن أن مثل هذه
المسابقات لا تستهويهم للمشاركة فيها و نحن لسنا بأقل من طلبة عين شمس و
حلوان و القاهرة والشروق و 6 أكتوبر و غيرها من كليات الهندسة التى تشارك
فى مثل هذه المسابقات.
مع العلم بأنه توجد مسابقة أخرى تسمى CORD EGYPT
القائمين عليها يقومون بإعطاء ثلاث محاضرات للمهتمين بهذا الموضوع و لا
تقتصر على طلبة كليات الهندسة و هى تقوم على صناعة ROBOTS بأقل تكلفة
بأبسط الخامات حيث توجد أشياء بسيطة نستخدمها فى حياتنا اليومية ممكن أن
نصنع منها ROBOTSرائعة الإستخدام.
ما أود أن أعرفه إخوانى و أخواتى الكرام هل هناك من طلبة فى كليتنا تستهويهم مثل هذه المسابقات

بداية عذرا من لهجتي التي قد تبدو قاسية في الرد كما اني اود ان انوه ان كل ماسيرد بارائي ماهو الا وجهة نظر لا هو للحصر ولا هو بعين الحقيقة وانما بعض استقصاء لها :

اقتباس :: لكن إستفسارى لماذا لا توجد فرق فى كليتنا العزيزة تشارك فى هذه المسابقة

الاخت العزيزة اقول لك اننا ربما مشغولون بما هو اهم من هذا كالانشطة , والمعارض , ومسابقات لعب الكرة والتنس , وحفلات تنصيب الاتحاد , انا لا اقلل من هذا ولكن قد يكون عند البعض اهم من المسابقة التي تسألين عنها .

وتستطيعين ان تسألي بعض من الطلاب في الكلية , وتري كم واحد منهم مهتم بهذه المسابقة , اعتقد انك ستجدين نتيجة مبهرة قد تسكتك عن السؤال للابد .

اقتباس :: هل
الموضوع نقص إمكانيات أم عدم وجود طلبة مهتمين بهذا المجال فى الكلية و
لكننى أسبعد الإحتمال الثانى لإنه يوجد بكليتنا عقليات لا أبالغ إن قلت
أنها فذة و أشخاص مهتمين بكل ما هو جديد ليس من الممكن أن مثل هذه
المسابقات لا تستهويهم للمشاركة فيها و نحن لسنا بأقل من طلبة عين شمس و
حلوان و القاهرة والشروق و 6 أكتوبر و غيرها من كليات الهندسة التى تشارك
فى مثل هذه المسابقات.

موضوع العقليات فانا اشاركك الرأي بان هناك عقليات لا يستهان بها في كليتنا وتنافس باقي الكليات , واحمد الله تعالي علي ان عرفت الكثيرين منهم , ولكن كل مافي الامر هو عدم الاهتمام اما عن جهل به او ضيق ذات يد , فماذا يستطيع ان يفعل طالب طموح بمفرده دون استاذ او عضو هيئة تدريس يساعده وينصحه ويأخذ بيده . اذن فالموضوع موضوع نقص امكانيات ونقص اهتمام من اقسام الكلية واساتذتها .

اقتباس :: وما هى المعوقات التى تمنع أن يكون هناك على الأقل فريق من كليتنا يمثلها و يشارك فى روبوكون مصر .

الحمد لله ان المعوقات ليست بكبيرة ولا بمستحيلة , الموضوع فقط يحتاج منا الي اللجوء الي افكار مشاريع للتخرج اكثر تطورا واكثرا ثراءا , هناك مثلا بعض المشاريع في قسم اتصالات تتكرر من سنة لاخري , وكأنه لا يوجد في الدنيا غيرها . وايضا يحتاج مجموعة نشطة من الطلاب ذوي العقول متسلحين بالطموح والامل , ويلجأون الي بعض اساتذة الكلية لكي يدعموهم علميا للمشاركة .

تقبلوا تحياتي

بشمهندس MASA_2010
شكرا لإهتمامك و ردك أخى الكريم و أنا أتفق معك فى الكثير من كلام حضرتك

الصراحة أنا عاوزة تفاعل أكتر من الناس عشان أعرف إذا كان فى حد مهتم بالموضوع ده و لا للأ ساعتها ممكن نتحرك خطوات للأمام و نسأل فى الكلية الدكاترة و المعيدين و إن كان فى إمكان الكلية المشاركة هيكون عندنا فريق عمل و نحاول نعمل حاجة إن شاء الله .

مش عارفه أقولك أيه يا شيماء

بس كويس انك أثرتى الموضوع و أكيد فى ناس مهتميه و فى مواهب بس احنا محتاجين فريق يبدأ و يكون مشجع لليسمع عن الموضوع بعد كده
و طبعا ده صعب يكون بدون دكاترة ومدربين و من رأى ان أحنا نعرض الموضوع على الدكتور محمد و الدكاتره المختصين و اكيد أن الفكره لو عجببتهم هيشجعوا الطلبه

اقتباس :: الحمد لله ان المعوقات ليست بكبيرة ولا بمستحيلة , الموضوع فقط يحتاج منا الي اللجوء الي افكار مشاريع للتخرج اكثر تطورا واكثرا ثراءا , هناك مثلا بعض المشاريع في قسم اتصالات تتكرر من سنة لاخري , وكأنه لا يوجد في الدنيا غيرها . وايضا يحتاج مجموعة نشطة من الطلاب ذوي العقول متسلحين بالطموح والامل , ويلجأون الي بعض اساتذة الكلية لكي يدعموهم علميا للمشاركة .

مع أحترامى لحضرتك يا بشمهندس أسمحلى أقول رأى الشخصى و المتواضع

أكيد المسابقات اللى من النوع ده هتشجع على المشاريع و هتكون إثراء و منفذ لإخراج المواهب و تطوير الأبداع
و بعدين لازم أهدفنا متكونش مقتصره على الدراسه و لازم نساير التطور و التكنولوجيا و المناهج مش كافيه و مش دايما بتتطور مع التطورات المتجدده
و عشان المشاريع تكون مختلفه لازم يكون فى مصادر جديده للمعلومات و تنشيط لقدرة الأبداع

السلام عليكم

فى البداية أتفق مع المهندس Masa_2010 فى مجمل كلامه بإهتمام الطلبة بأمور ليست

بالمهمه أو الضرورية فى المقام الأول بالعملية التعليمية أو جهل الكثيرون بالأمور التعليمية

الموجودة بخارج كليتنا ولكن يعاب على هذا الأمر أو تلقى المسؤلية بالتساوى على الأجيال

القديمة بالكلية بمعنى أن الطلبة لو رأوا فريقا مشترك فى مسابقة الروبوكون من الكبار بالكلية

لدبت بهم الغيرة العلمية أو على الأقل حب التجربة والإستطلاع وخوض الجديد ولشرع

الجميع بتقليدهم بل بمحاولة التفوق عليهم وهذه المحاولة شرعية بالطبع حتى نرقى للمنافسة

بخارج الكلية بالإضافة لأن الكلية تروج للأنشطة الطلابية والكلام شبه الغير هام هذا وتدعمه

قلبا وقالبا ونرى له إعلانات كثيره وبروبجندا عريضة ودعاه أكثر ولا نرى منها إهتماما

أو تلميحا أو حتى لوما على عدم إشتراكنا بهذه المسابقات أو المحاولة للرقى فلذلك للكلية

نصيب لا بأس به من المسؤلية فى ذلك.

كى نكون أكثر إيجابية ولا نذكر المشكلة فقط دون طرح الحلول لها والأفكار التى تساهم

فى التطبيق بنجاح أريد إجابات لأسئلتى لمن لدية الإجابة :

1/ هل المشاريع الجميلة الموجودة بكليتنا تستطيع بدورها تحمل تكلفة أو تكون راعية

لهذه المسابقة بكليتنا أو تشترك عدة مشاريع فى ذلك من أجل المشاركة جديا بهذه المسابقة

ومن ثم بإذن الله الظهور على الساحة المصرية الهندسية وربما التأهل للخارج بإذن الله

فيما بعد ؟؟؟

2/ ما هو العدد الأدنى للإشتراك بهذه المسابقة من حيث عدد الطلبة ؟؟ وهل يتم التقسيم

على مجموعات وهكذا "أقصد طريقة العمل كيف تتم" ؟؟

3/ هل المنتج الذى سيتم عمله أو ما سيتم صنعه إلم يفوز يعتبر هالك ؟؟أو أقصد يمكن

ترويجة من أجل الحصول على المال والمواصلة فى المسابقة للسنوات القادمة ؟؟

4/ هذه المسابقة تحتاج كم دكتور ومعيد وفى أى التخصصات ؟؟ وهل بكليتنا الكوادر الكافية

"أقصد التخصصات" للقيام بالمشاركة فى هذه المسابقات ؟؟

أتمنى من الله أن توجد إجابات لأسئلتى تكون وافية وشافية حتى نستطيع مسايرة الركب

أو نشعر بالتطور فى هذه الكلية أو على الأقل معرفة الإمكانيات الموجودة والتى من خلالها

يستطيع الفرد منا أن يقف بأحلامه لديها.

والله الموفق

من الكليات التى تشارك فى رووكون مصر و كورد إيجيبت كلية هندسة حلوان و قد قاموا بالتنسيق مع المسئولين عن مسابقة كورد بهندسة عين شمس بعمل كورد خاص بكليتهم لأول مرة هذا العام سيقام كورد حلوان يوم الأربعاء المقبل ،أترون همة الطلاب ؟ لماذا لا يكون لدينا مثل هذه الهمة ؟

لقد إشتركت فى منتدى حلوان و عين شمس لتجميع معلومات عن هذه المسابقات بما أنهم يشاركون بها ، و كان أحد الردود على إستفسارى هذا الرد ، لنتأمله جيدا لأنى حابة أعرف رأيكم لو سمحتم :

بسم الله الرحمن الرحيم ....اولا شكرا لـ.....عشان هيا اللي نبهتني لاستفسار حضرتك ...علي العموم انا هكلم حضرتك علي كورد ايجبت ..هيا المفروض بتقام ف عده كليات ..الاصل هندسه عين شمس .....المفروض ان مسابقه كورد ايجبت السنادي خلصت خلاص بس كل كليه مشتركه بيبقي ليها مسابقه خاصه بيها ..وبأذن الله كورد حلوان هتتعمل يوم الاربع الجي ....ف اعتقد ان حضرتك تنسي مسابقه السنادي وتستني مسابقه السنه الجايه ......... في حاجه تانيه ..ليه متعملوش عندكوا في كليتكوا كورد اسوان ؟!!..وتبقي مستقله ليكوا ...احنا السنادي اول سنه لكورد حلوان ...كل اللي هتحتاجيه طلبه من عندك نشييييطه وبتحب المجال ده ... فكري ف الموضوع ده .ولو حضرتك عايزه ممكن اجابلك ارقام المسئولين في هندسه عين شمس ...و لو ف اي استفسار كمان اتفضلي....

فين الردود و المشاركة الإيجابية يا جماعة !!!!

بلاش إحباط من أول الموضوع

جميل يا بشمهندسه شيمااااء

وفعلا زي ما قال البشمهندس Masa_2010

عندنا مفيش حاجه او حد يشجع ان الواحد يشترك ف المسابقات ايلي زي دي

كمان فيه حاجه مهمه موضوع الروبوتات ده مش بيبقي ميكانيكا لوحده ده بيبقي ميكانيكا و باور وحاسبات كمان

و الكوكتيل ده كله اسمه قسم الميكاترونكس و ايلي هو للأسف مش متوفر عندنا

بس بردو مش دي المشكله لأن فيه كليات كتييير بتشترك ف المسابقه و معندهاش القسم ده

ف بيجمعوا طلبه من الأقسام التلاته و يشتغلوا مع بعض عشان يعملوا الروبوت

الموضوع مش صعب بس لو لقينا اهتمام ان شاء الله ممكن نكون فريق و نكلم اي حد مسئول

و انا واثق ان شاء الله لو الموضوع لاقي قبول هنلاقي طلبه كتير من كهربا بتشترك

وانا بقترح اقتراح اننا ممكن ف بداية السنه الدراسيه نعمل ندوه علي الموضوع ده ونطلب من

الساده اعضاء هيئة التدريس المشاركه قبل ما ينخرطوا ف الدراسه و ننشغل عن الموضوع ده

و الله الموفق

السلام عليكم

المهندسة شيماء بصراحة موضوعك فى محله هقولك على تجربتى الشخصية فى الوضوع ده بالذات أنا لما كنت فى تاينة كهربا يعنى كنا مكونين فريق وبشتغل مع بعض وكان عاجبنا فكرة الروبوكون جدا وبالفعل جمعنا بعض المعلومات وكونا الفريق بتاعنا وقلنا نروح نشوف أحد الدكاتره علشان يكمل معانا الفكرة بس للأسف مكنش فيه حد مقتنع بالموضوع وملقناش حد يساعدنا وفعلا كانت المشكلة الكبيرة أن المشروع محتاج حد ميكانيكا وللأسف مفيش بردو بس أحنا حاولنا الحمد لله وبعد كده اشتركنا فى مسابقةMade In Egypt MIE وكنا أول فريق من كلية الهندسة فى أسوان يشترك فى المسابقة دى بمشروع التخرج بتاعنا (MGMOBSIM).
يعنى فى نهاية الكلام انا شايف من وجهة نظرى اللى عنده طموح يسعى ليه وماييأسش يمكن الأجيال اليومين دول عندهم حظ شوية الحمدلله الكلية فى مجموعه من الدكاتره الممتازين فى جميع التخصصات وفعلا عندنا طلبة ممتازة ومستنيه فرصة للنبوغ بس كل اللى بطلبه يا ريت اللى عنده حلم وهدف يسعى ليه وأكيد هيلاقى اللى يساعده .

Eng_HOSSAM كتب:: جميل يا بشمهندسه شيمااااء

وفعلا زي ما قال البشمهندس Masa_2010

عندنا مفيش حاجه او حد يشجع ان الواحد يشترك ف المسابقات ايلي زي دي

كمان فيه حاجه مهمه موضوع الروبوتات ده مش بيبقي ميكانيكا لوحده ده بيبقي ميكانيكا و باور وحاسبات كمان

و الكوكتيل ده كله اسمه قسم الميكاترونكس و ايلي هو للأسف مش متوفر عندنا

بس بردو مش دي المشكله لأن فيه كليات كتييير بتشترك ف المسابقه و معندهاش القسم ده

ف بيجمعوا طلبه من الأقسام التلاته و يشتغلوا مع بعض عشان يعملوا الروبوت

الموضوع مش صعب بس لو لقينا اهتمام ان شاء الله ممكن نكون فريق و نكلم اي حد مسئول

و انا واثق ان شاء الله لو الموضوع لاقي قبول هنلاقي طلبه كتير من كهربا بتشترك

وانا بقترح اقتراح اننا ممكن ف بداية السنه الدراسيه نعمل ندوه علي الموضوع ده ونطلب من

الساده اعضاء هيئة التدريس المشاركه قبل ما ينخرطوا ف الدراسه و ننشغل عن الموضوع ده

و الله الموفق

هايل يا بشمهندس حسام فكرة رائعة جدا و ربنا يقدرنا و نظمها فى بداية السنة بإذن الله
بس المفروض نعمل إيه عشان ننظم ندوة زى دى ؟؟؟؟ eek

و أنا رأيى إننا نعرض الفكرة على وكيل الكلية دكتور لؤى و دكتور محمد على خليل بما إته على ما أعتقد الدكتور الوحيد فى الكلية من قسم ميكانيكا و ممكن يساعدنا جامد فى الموضوع ده
و أخيرا الحمدلله إنه فى حد رد عليا و مستعد إنه يشارك و يكون ضمن فريق الكلية بس عاوزين ناس تانى مستعدة إنها تكون معانا عشان لو فى إمكانية إن إحنا نشارك ما نبتديش من الصفر ياريت الناس تهتم أكتر بالموضوع و نلاقى تفاعل من أعضاء هيئة التدريس على منتدانا .

mohamed_abdelhameed كتب:: السلام عليكم

المهندسة شيماء بصراحة موضوعك فى محله هقولك على تجربتى الشخصية فى الوضوع ده بالذات أنا لما كنت فى تاينة كهربا يعنى كنا مكونين فريق وبشتغل مع بعض وكان عاجبنا فكرة الروبوكون جدا وبالفعل جمعنا بعض المعلومات وكونا الفريق بتاعنا وقلنا نروح نشوف أحد الدكاتره علشان يكمل معانا الفكرة بس للأسف مكنش فيه حد مقتنع بالموضوع وملقناش حد يساعدنا وفعلا كانت المشكلة الكبيرة أن المشروع محتاج حد ميكانيكا وللأسف مفيش بردو بس أحنا حاولنا الحمد لله وبعد كده اشتركنا فى مسابقةMade In Egypt MIE وكنا أول فريق من كلية الهندسة فى أسوان يشترك فى المسابقة دى بمشروع التخرج بتاعنا (MGMOBSIM).
يعنى فى نهاية الكلام انا شايف من وجهة نظرى اللى عنده طموح يسعى ليه وماييأسش يمكن الأجيال اليومين دول عندهم حظ شوية الحمدلله الكلية فى مجموعه من الدكاتره الممتازين فى جميع التخصصات وفعلا عندنا طلبة ممتازة ومستنيه فرصة للنبوغ بس كل اللى بطلبه يا ريت اللى عنده حلم وهدف يسعى ليه وأكيد هيلاقى اللى يساعده .

شكرا ليك يا بشمهندس على ردك و مشاركتك معانا فى الموضوع و إفادتنا بتجربتك و بثك الامل فى نفوسنا و خصوصا بعد أن كان اليأس قد بدأيتسرب إلى بسبب عدم وجود تفاعل مع الموضوع و بما إنه حضرتك من أعضاء هيئة التدريس
فقد أسعدنى مرورك كثيرا جزاك الله خيرا و لو فى إمكانية إنه حضرتك تساعدنا فى الموضوع ده يعنى إن شاء الله لما نعمل ندوة عن الموضوع تشارك معانا فيها و تفيد الطلبة بتجربة حضرتك و زملائك أفادكم الله .
و أنا أؤيد حضرتك تماما فى إنه إلى عنده طموح لازم يسعى إليه و ما ييأسش بس الواحد لما مش بيلاقى تشجيع ده بيثبط من عزيمته شوية و أنا إن شاء الله هأحاول على قد ما أقدر فى الموضوع ده و فى يوم من الأيام هشارك بإذن الله لإنى حاباه جدا .

اللينك ده عليه معلومات الخاصة بمسابقة ربوكون 2009و شروط هذه المسابقة

Robocon

بسم الله الرحمن الرحيم

الموضوع ده يا جماعه دعوه للأشتراك بمُسابقة روبوكون 2009

أن شاء الله السنه دى الشغل هيبقى بشكل تانى شويه ، هيبقى جماعى أكتر

دى المعلومات الأوليه نقلا عن جروب Robotics الخاص بروبوكون جامعة حلوان 2009

اقسمت على نفسى......ان احمل هم بلدى

السلام عليكم ورحمة الله وبركاته اخوانى واحبائى فى الله

انشانا هذه الجروب كى نعرض تصورنا عن مسابقة الروبوكون لهذا العام 2009 وحتى نستطيع التواصل بسهوله ويسر وحتى يتسنى للجميع المشاركه الفعاله المثمره باذن الله.

واود اولا ان اعرف بايجاز الروبوكون:

انطلقت مسابقة الروبوكون عام 2000 فى دولة اليابان على يد الدكتور "شيميزو" وهو مدير هذه المسابقه وقد اقيمت اول مسابقه ليشارك بها 19 دوله فى طوكيو باليابان عام 2002 وتعتبر مسابقة عام 2002 فى اليابان اول مسابقه رسميه للروبوكون يشارك بها عدد كبير من الدول وهم الصين، مصر،الهند، اندونسيا، ايران، اليابان، كازاخستان، كوريا، ماليزيا، مانغوليا، نيوزيلاند، باكستان، الفلبين، سنغافوره، سريلانكا، تايلاند، تركيا، نيبال و ماكاو.

وعدد هذه الدول غير ثابت حتى الان ولكنه يتراوح غالبا حول ال 20 دوله وتعتبر مصر من البلاد التى تشارك فى هذه المسابقه كل عام منذ البدايه وحتى الان.

وتقام فى كل بلد من البلدان المسابقه المحليه اولا وذلك لان المسابقه الدوليه لا يسمح فيها بتواجد اكثر من فريق واحد ليمثل اى بلد عدا الدوله المضيفه يسمح لها بفريقين، وتكون المسابقه المحليه هى نسخه طبق الاصل للمسابقه الدوليه دون ادنى اختلاف الا فى لجان التحكيم فقط.

الرؤية:

"ان تحقق مصر المركز الاول فى المسابقه الدوليه هذا العام، وان تحقق جامعة حلوان المركز الاول فى المسابقه المحليه هذا العام ايضا".

وحتى يتسنى لنا تحقيق هذا الهدف فلا بد من الاخذ باسباب النجاح وان نخطو على دروب الناجحين الخبراء فى هذه المسابقه، فبعد رحلة البحث خلصنا بما يلى:

(1)الفريق المتكامل

لابد من وجود فريق يتكون من عناصر متكامله وهم اقسام الميكانيكا والكهرباء والحاسبات وقد ابدت كليات الهندسه بالمطريه وحلوان وكلية الحاسبات والمعلومات الاستعداد للتعاون فى تكوين هذه الفرق.

(2)كثرة الفرق المتنافسه

فوجود اكثر من فريق واحد من الجامعه نفسها يزيد من فرص فوزها فى المسابقه المحليه فمثلا لو شارك 10 فرق فهذا يعنى ان فرص الفوز عشرة اضعاف لو كان هنالك فريق واحد مشارك.

(3)الخبره

الخبره من اهم اسباب النجاح بلا شك، والخبره هنا هى خبرة العمل فى فريق وخبرة ادارة الوقت وخبرة التصميم الوظيفى وخبرة التنفيذ وخبرة شراء المكونات وخبرة المباريات ذات الثلاث دقائق.....، لذلك فعلينا ان نكتسب كل تلك الخبرات اما باجتيازها فعليا وهذا يتطلب الشهور ولا مفر منه حتى ولو بمقدار او ان نكتسبها من اهل الخبره انفسهم وذلك ما سوف نحاول تحقيقه من خلال اقامة المؤتمرات الموسعه بين المحاربين القدامى والجدد واقامة الحوار المثمر بينهم ومن خلال التواصل الفعال معهم وارجو ان يكون هذا الجروب من اوسع الطرق واذخرها لاكتساب الخبره.

(4)العلم

فلابد من توافر المعرفه باساسيات بعض العلوم لكل تخصص من التخصصات سواء علوم الميكانيكا او الكهرباء او الحاسبات، لذلك بعد تكون الفرق تماما سيتم توفير الدورات الضروريه للاعضاء فى العلوم المختلفه وذلك بالتنسيق مع الاساتذه والمعيدين والمهندسين الخريجين، حتى يتم رفع الكفاءه التقنيه لدى الفرق.

(5)الملعب

يعتبر ملعب المسابقه من الاسباب الحرجه للنجاح حيث انه ينشأ قبل المسابقه بحوالى 15 يوم فقط، ولما كانت التجربه من الاشياء الاساسيه فى هذه المسابقه وذلك لمعرفة الاخطاء الناجمه من التصميم كان لزاما ان يتاح الملعب لفتره اطول بكثير من الاسبوعين قبل المسابقه لمعرفة الاخطاء وتصليحها والتدريب الجيد قبل المباريات، وقد اخذنا موافقه على انشاء الملعب فى كلية الهندسه بحلوان ونسعى حاليا للوصول للدعم المادى اللازم لتغطية نفقات البناء، وهو من اولوياتنا وبمشيئة الله تعالى لن نكف سعيا حتى بناءه.

(6)المال

قالوا ان لنجاح اى فكره مثلث اضلاعه هى العلم والخبره والمال ، فماذا لو توافر العلم والخبره دون المال، لذلك يجب معرفة قدراتنا الماديه لمثل هذا المشروع ويجب ايضا الايمان بان الدعم المادى من المشاكل المحلوله يقينا، فيجب ان يكون لكل فريق تصوره الذاتى فى طريقة الحصول على المال سواء من مجهوداته الذاتيه من اعضاء الفريق مع محاولة الوصول لاى من الرعاه فى المجتمع المدنى او من الشركات المختلفه .......، ولكن اؤكد مره اخرى ان المال من المشاكل المحلوله يقينا مع المزيد من الصبر والمثابره باذن الله.

والان ساعرض عليكم المرحله الاولى(مرحلة تكوين 10 فرق على الاقل):

(1)حمله اعلاميه فى الوسط الطلابى من كليات الهندسه بالمطريه وحلوان وكلية الحاسبات والمعلومات.

(2)ملىء استمارات لمعرفة البيانات الاساسيه للمتقدمين.

(3)يجب توافر بعض المهارات الاساسيه للتأهيل لمثل هذه المسابقات، لذلك سيتم عمل اختبارات بسيطه جدا للتاكد من توافر هذه المهارات او التاكد من الاستعداد لتنميتها.

(4)مقابله شخصيه فقط للتعارف مع المشاركين وتوضيح اعمق لفكرة المسابقه معهم والتاكد من جديتهم.

(5)تكوين الفرق على ان يكون كل فريق يحتوى على اعضاء من قسم الميكانيكا و قسم الكهرباء و قسم الحاسبات.

بتكوين الفرق تنتهى المرحله الاولى وسوف يتم اعلان تفاصيل المراحل الاخرى حينها باذن الله تعالى.

اتمنى للجميع النجاح والتوفيق باذن الله تعالى.

نرجو من كل من يرغب فى الأشتراك أن يقوم بالتسجيل فى جروب Robotics على الرابط

https://www.facebook.com/group.php?gid=46121540888

كى يتمكن من مُتابعة آخر الأخبار وكى نتشارك فى التفكير فى المشروع

*وياريت اللى يعرف ينشر الموضوع على حروبات الفيس بوك أو بين أصحابه ميتأخرشى ، علشان هدفنا نحقق اللى فى الصوره دى

**^( أين نحن من روبوكون مصر و كورد إيجيبت ؟؟؟؟ )^** N1295277997301369319056rb7

**^( أين نحن من روبوكون مصر و كورد إيجيبت ؟؟؟؟ )^** N1295277997301369319056rb7

منقول للإفادة و بث الغيرة فى نفوس طلبة كليتنا العزيزة

س :هى المسابقة لكل الاقسام ماعدا مدنى ؟
ج: هى المُسابقه مش مُحدده لأقسام بعينها بس الطبيعى أن اللى بيشترك فيها ( ميكانيكا وكهربا وحاسبات )

ميكانيكا :- لأن الروبوت بيحتاج تصميم للميكانزمات بتاعته وكيفية الحركه وأفضل وسيله وأسرع طريقه وأزاى يبقى ثابت وقوى وخفيف وكده

كهرباء :- علشان الدوائر الكهربائيه الخاصه بالتحكم وكده

حاسبات :- علشان البرمجه الخاصه بالروبوتات خاصه الأوتوماتيك منها

فالأقسام دى هى اللى يُعتبر الروبوت مُتخصص فيها وهما اللى هيستفيدوا كخبره من الأشتراك

لكن ممكن ناس من بره الأقسام دى تدخل عادى مفيش مشاكل طالما هو حابب المجال ( خاصة أنه مش محتاج تخصص أوى خصوصا ميكانيكا )

وفى العاده كان بتوع ميكانيكا بيكونوا فريق ويشتركوا مع نفسهم وبتوع كهربا مع نفسهم وحاسبات مع نفسهم بس كانوا بيفتقروا للخبره فى المجالات التانيه يعنى مثلا كنت تلاقى الروبوت بتاع ميكانيكا ممتاز كحركه وميكانزمات لكن ضايع كنترول وكهربا وهكذا.

س : ياعنى ممكن واحد مدنى او معمارى يكون غاوى يعمل ريبورت و عندة خلفية يشترك عادى مفيش مشاكل ياعنى .

ج :اللى أعرفه أن أه ينفع وممكن تسجل فى الجروب بتاع الفيس بوك وهناك هيشرحولك كل حاجه

ده بوستر المسابقة

**^( أين نحن من روبوكون مصر و كورد إيجيبت ؟؟؟؟ )^** Matariaposteroj8

منقوووووووووووووول
للإفادة و بث الغيرة فى نفوس طلبة كليتنا العزيزة

ده موقع فيه حاجات كتير عن الريبوت للى حابب الموضوع هتفيده بأذن الله

http://www.robotbooks.com/

ده الفيديو بتاع نهائى ربوكون مصر 2009

على فكرة كلية هندسة أسيوط كانت مشاركة السنة دى فى ربوكون مصر

Demo ROBOCON 2009

National Robocon 2009 Winner

شكرا على مجهودك الرائع يا بشمهندسه وإن شاء الله تجدى مشاركين كثيرون بالكلية بإذن الله

والله الموفق

أحد الردود من طلبة هندسة عين شمس :

أهلاً بهندسة اسوان ..

ثانياً ..

في عندنا بتقام فعلاً مسابقات كورد و روبوكون .. بس بشكل منفصل .. للتفاصيل اكتر حضرتك ادخلي الجروب دا على الفيس بوك ..

و السايت بتاعها ..

https://www.facebook.com/search/?init=srp&a...95318568?ref=ss

http://www.cord-eg.com/CITEST/index.php/Blog

https://www.facebook.com/group.php?gid=4799...9.2222596007..1

» كيف تري مسابقة كورد في هذا العام
» أسرار تغير أسم مسابقة كورد
» صور من محاضرات كورد
» خاص بأستفسارات التصميم و التركيب فى مسابقة كورد
» شكر لجيليكوم من طلاب كورد