^( أين نحن من روبوكون مصر و كورد إيجيبت ؟؟؟؟ )^

تذكير بمساهمة فاتح الموضوع :

السلام عليكم و رحمة الله و بركاته
الأخوة أعضاء المنتدى الكرم
لقد كتبت هذا الموضوع لشئ فى نفسى أود أن أحققه يوما
منذ المرحلة الإعدادية و أنا أتابع مسابقة روبوكون مصر التى يشارك بها فرق من كليات الهندسة بالجامعات المصرية و الفريق الفائز يمثل مصر فى المسابقة العالمية و لشد ما أبهرتنى إختراعات هؤلاء الطلبة و أحببت كثيرا هذه المسابقة و لطالما تمنيت أن أكون طالبة فى كلية الهندسة و أشارك فى مثل هذه المسابقات .
لقد أطلت عليكم أعذرونى و لكن إستفسارى لماذا لا توجد فرق فى كليتنا العزيزة تشارك فى هذه المسابقة
هل الموضوع نقص إمكانيات أم عدم وجود طلبة مهتمين بهذا المجال فى الكلية و لكننى أسبعد الإحتمال الثانى لإنه يوجد بكليتنا عقليات لا أبالغ إن قلت أنها فذة و أشخاص مهتمين بكل ما هو جديد ليس من الممكن أن مثل هذه المسابقات لا تستهويهم للمشاركة فيها و نحن لسنا بأقل من طلبة عين شمس و حلوان و القاهرة والشروق و 6 أكتوبر و غيرها من كليات الهندسة التى تشارك فى مثل هذه المسابقات.
مع العلم بأنه توجد مسابقة أخرى تسمى CORD EGYPT القائمين عليها يقومون بإعطاء ثلاث محاضرات للمهتمين بهذا الموضوع و لا تقتصر على طلبة كليات الهندسة و هى تقوم على صناعة ROBOTS بأقل تكلفة بأبسط الخامات حيث توجد أشياء بسيطة نستخدمها فى حياتنا اليومية ممكن أن نصنع منها ROBOTSرائعة الإستخدام.
ما أود أن أعرفه إخوانى و أخواتى الكرام هل هناك من طلبة فى كليتنا تستهويهم مثل هذه المسابقات
وما هى المعوقات التى تمنع أن يكون هناك على الأقل فريق من كليتنا يمثلها و يشارك فى روبوكون مصر .
أرجو أن يكون هناك تجاوب مع الموضوع من السادة الأعضاء و أن يفيدنا كل عضو برأيه

مع التحيه

يا جماعة الناس الجادة الى عاوزة تشارك معانا ياريت نشوف ردودكم عشان زى ما قال البشمهندس حسام انه مع بداية السنة لازم يكون عندنا على الأقل فريق جاهز و مستعد للعمل عشان ما يبقاش كلامنا كلام فى الهوا و يدخل حيز التنفيذ لو لقينا قبول بإذن الله من المسئولين فى الكلية
و بأضم صوتى لصوت البشمهندس احمد ياريت يكون فى تفاعل مع الموضوع من أعضاء هيئة التدريس الكرام على منتدانا الغالى لأننا محتاجين بجد دعمهم و مساعدتهم لينا فى الموضوع ده

طيب مبدأيا انا معاكم
وده في بداية السنة وقبل ما ادخل معارك مشروع التخرج
بس اعتقد ان اهم حاجة الخطوات اللي في بداية السنة
وان شاء الله نقدر نجمع فريق كويس

ده موضوع على كان منتدى هندسة حلوان فيه معلومات عن مسابقة كورد الى اتعملت السنة دى:

بسم الله الرحمن الرحيم

اولا نرمي التماسي على عيون احلى بشمهندسين

ثانيا :
لو اخدتو بالكم من ال booth اللي كان معمول النهاردة في اول الكلية وانت داخل شمال كدة على مبنى اتصالات
المهم
دة كان لية ؟
دة كنا بنقول للناس ان في مسابقة اسمها CORD EGYPT CORD = COMPETITION OF ROBOT DESIGN
دي مسابقةبدأت في هندسة عين شمس من 3 سنين و بعد كدة كانت في اسكندريةوالعاشرمن رمضان وكمان في السعودية والسنة دي اول سنة يبقى ليها فرع فيحلوان

اية الهدف منها ؟
تنمية علم ال robotics في مصر ونعرف الناس انة مش حاجة معقدة ابدا دي حاجة بسيطة بس بمعرفة المعلومات اللازمة عن ال robots ودي هتم عن طريق 4 sessions هيتعملو ان شاء الله في الاجازة بعدالامتحانات هتعرف فيهم كل المعلومات اللي لازم تعرفها عشان تصمم robotبعد كدة هنسيبك فترة - حوالي شهر - تشتغل ع التصميم بتاعك اللي هيشارك في المسابقات

اية هما المسابقات ؟
في 5 مسابقات ل cord egypt كلها هتكون في شهر 8وفي مسابقة واحدة خاصة بحلوان هتكون في شهر 7

ال5 مسابقات :-
1- the Nile river
دي هتبقى عبارة عن مجرى مية و على الجنبين الضفتين بتوعة واحدة منهم هيكون عليها 4 blocks لحروفكلمة كورد والمطلوب من الروبوت بتاعك اللي هيكون على نفس الضفة انةيشيلالبلوكس دي من على البر يحطهم على عبارة في المجرى المائي ويدفعها وتمشيلحد اخر المجرى بعدين يمشي الروبوت عشان يعدي الناحية التانية ويشيلالبلوكس يحطهم على مكانهم في الضفة الاخرى لكن هتقابلو حفرة فلازم يسدهاعن طريق بلوك كبير على قد الحفرة ويعدي من عليها وبالتالي خلاص يبقى كلالمطلوب انة يحط البلوكس بتاع حروف كلمة كورد في مكانها من الضفة الاخرى والروبوت دة هيكون يدوي يعني انت اللي بتتحكم في حركتة
the trap 2-
دي عبارةعن 3 ابواب ورا بعض بيتفتحو ويتقفلو بطريقة عشوائية والمطلوب انكتصمم روبوت يعدي من ال3 ابواب دي بدون ما يتصدم بيها لان كل ما يتصدم كلما النقط بتاعتة بتقل ودة هيكون اوتوماتيك يعني انت هتحط الروبوت في التراك وهو يتحرك لوحدة عن طريق sensor جواة
servo 3-
دي عبارة عن عمودين متوازيين واحد منهم في حلقات والتاني فاضي والروبوت بتاعك في النص بينهم المطلوب انك تصمم روبوت هو مش روبوت كامل بس عبارة عن يد هتشيل الحلقات من العمود الاول يحطها في التاني ودة بردة هيكون يدوي
gladiator 4-
دي عبارة عن 2 روبوتس بيعملو زي مصارعة مع بعض يعني الروبوت بتاعك بيتنافس مع روبوت فريق تاني واللي هيخرج التاني خارج الحلبة او يخلية يقف عن العمل او يوقعة هو دة اللي هيفوز لوالوقتخلص ومحصلش حاجة من دول يبقى اصلا قبل المسابقة كورد بتحط 3 علامات على كلروبوت الوانهم (اصفر - اخضر - احمر ) بنشوف عدد الضربات في كل واحدةالضربةفي
الاصفر = 1 نقطة .......... الاخضر = 3 نقط ............... الاحمر = 5 نقط
وبنحسب عدد النقط والاكتر هو اللي بيفوز
5- free style
دي بقى للابداع والمبدعين يعني اسرح بدماغك واعمل روبوت بيعمل اي حاجة جديدة بينط بيتشقلب بيعمل اي حاجة جديييدة ودي المسابقة الوحيدة اللي ممكن مش تصمم الروبوت يعني تعملة simulation ع الكمبيوتر وتجيبة

اما بقى بالنسبة للمسابقة الخاصة بحلوان دي لسة لم تحدد بعد وهتحدد ان شاء الله في اول session بعد الامتحانات على طول

اهم حاجة وانت بتصمم الروبوت تركز على 3 حاجات مهمين 1-سعرقلييييل جدا(الروبوت اللي فاز بالمركز الاول السنة اللي فاتت كانت تكلفتة 20جنيةبس)يعني تستفيد باقل الموارد اللي موجودةحواليك
2- الفكرة جديدة وفيها creativity عالية بس مش بنطالب ابدا بان يكون فيها تكنولوجيا عالية
3- كفاءة الروبوت عالية في تنفيذ مهمتة

طيب هتستفاد اية من كل دة ؟
المراكز الاولى هتاخد شهادات تقدير معتمدة من هندسة عين شمس تدخل في ال CV بتاعك بس الفايدة الاهم و الاكبر انك عرفت وجربت حاجة جديدة وشغلت دماغك ونميت روح ال creativity عندك

بس كل المطلوب منك انك تملا ال application form دي من اللينك دة

Registration
هتكتب اسم التيم من فوق وتحت البيانات بتاع الاعضاء ( من 3 الى 5 ) وبعدين تعلم على المسابقة اللي هتشارك فيها (مش شرط واحدة بس ممكن تشارك في اكتر من واحدة )
او تيجي الكلية مكان ماحنا موجودين تملا الورقة هناك واي استفسار احنا هنكون موجودين في نفس المكان في الكلية لحد يوم الاربع ان شاء الله او

ودى بعض نماذج الروبوت الى شاركت السنة الى فاتت

دة كان ثمنة 20 جنيه وخد مركز اول لكن مخدش مركز اول احسن تصميم

ودة كان في مسابقة اسمها

the 4 seasons

كانت عبارة عن 4 تراك كل واحد بيمثل فصل من فصول السنة وكل واحد منهم في حرف من حروف كلمة كورد

الشتاء = عبارة عن فلين مجروش

الصيف = رمل

الخريف = نشارة خشب

الربيع = موكيت

بس كان المطلوب انة يعدي فيهم بيجيب حروف كلمة كورد
فى كل فصل ويطهم فى المكان المخصص للحروف

ودى صورتة

الصورة تم تصغيرها تلقائيا. انقر على هذا الشريط لعرض الصورة بحجمها الأصلي. ابعاد الصورة الأصلية هي 2048×1536 وحجمها 541 كيلوبايت.

**^( أين نحن من روبوكون مصر و كورد إيجيبت ؟؟؟؟ )^** - صفحة 3 Zt910

(الصورة مصغرة، اضغط هنا لرؤيتها بحجمها الطبيعي)
(الصورة مصغرة، اضغط هنا لرؤيتها بحجمها الطبيعي)(الصورة مصغرة، اضغط هنا لرؤيتها بحجمها الطبيعي)

ودة خد مركز رابع وكان ثمنة 15 جنيه وكان في مسابقة

the Nile river

الصورة تم تصغيرها تلقائيا. انقر على هذا الشريط لعرض الصورة بحجمها الأصلي. ابعاد الصورة الأصلية هي 2048×1536 وحجمها 481 كيلوبايت.

**^( أين نحن من روبوكون مصر و كورد إيجيبت ؟؟؟؟ )^** - صفحة 3 Zt909

(الصورة مصغرة، اضغط هنا لرؤيتها بحجمها الطبيعي)
(الصورة مصغرة، اضغط هنا لرؤيتها بحجمها الطبيعي)(الصورة مصغرة، اضغط هنا لرؤيتها بحجمها الطبيعي)

دى صورة لمسابقة servo

**^( أين نحن من روبوكون مصر و كورد إيجيبت ؟؟؟؟ )^** - صفحة 3 N26295318568_687328_9626

ودة الماكيت

**^( أين نحن من روبوكون مصر و كورد إيجيبت ؟؟؟؟ )^** - صفحة 3 N26295318568_687305_9030

**^( أين نحن من روبوكون مصر و كورد إيجيبت ؟؟؟؟ )^** - صفحة 3 N26295318568_687317_4898

د

**^( أين نحن من روبوكون مصر و كورد إيجيبت ؟؟؟؟ )^** - صفحة 3 N26295318568_687318_5177

**^( أين نحن من روبوكون مصر و كورد إيجيبت ؟؟؟؟ )^** - صفحة 3 N26295318568_687319_5448

**^( أين نحن من روبوكون مصر و كورد إيجيبت ؟؟؟؟ )^** - صفحة 3 N26295318568_687320_5840

**^( أين نحن من روبوكون مصر و كورد إيجيبت ؟؟؟؟ )^** - صفحة 3 N26295318568_687325_8068

**^( أين نحن من روبوكون مصر و كورد إيجيبت ؟؟؟؟ )^** - صفحة 3 N26295318568_687326_8363

**^( أين نحن من روبوكون مصر و كورد إيجيبت ؟؟؟؟ )^** - صفحة 3 N26295318568_687327_9336

ودى شوية تعليقات الى ظهرت فى الجرنال

**^( أين نحن من روبوكون مصر و كورد إيجيبت ؟؟؟؟ )^** - صفحة 3 N26295318568_1720350_4041

**^( أين نحن من روبوكون مصر و كورد إيجيبت ؟؟؟؟ )^** - صفحة 3 N26295318568_1720353_4829

**^( أين نحن من روبوكون مصر و كورد إيجيبت ؟؟؟؟ )^** - صفحة 3 N26295318568_1720354_5064

**^( أين نحن من روبوكون مصر و كورد إيجيبت ؟؟؟؟ )^** - صفحة 3 N26295318568_1720356_5582

حاجه جميله و الله و الروبوتات مصنعه من حجات عاديه يعني و بتكون عند اغلب الناس يعني

الحكايه هتبقي سهله و مفيهاش اي صعوبه بإذن الله

بس ياريت نشوف حماس من الناس وجديه شويه

Eng_HOSSAM كتب:: بس ياريت نشوف حماس من الناس وجديه شويه

أه صحيح الواحد مش شايف أى تجاوب من الأعضاء أو الدكاتره

أحييكم على الجدية والحماسة دى كلهاااااااا

بس فعلاً لازم

أهم من الحمااس تكون الإيجابية

بمعنى ان بالفعل تبتدوا تمشوا في الطريق الصح

وتلاقوا دكتور يساعدكم يكون عنده خبرة ولو بسيطة في المجال دة

بس الخوف من الدراسة

لأن حاجة زى كدة بتبقى مكلفة جداً دراسياً و ممكن تبعد الشخص عن الدراسة

والتقدير ودة بيخلى معظم الطلبة تبعد عن الحاجات اللى زى كدة

ودة العيب الأزلى للكلية _ انها مش بتقدددر أى حااجة

فأهم حاجة تكون اللإيجابية ونقطة البداية

و لازم تبتدوا من دلوقتى للطلبة اللى في تانية أو في تالتة

وماتنتظرووش انكم تاخدوا أى مادة دراسية تساعدكم على المسابقة دى

لانكم مش حتاخدوا

وكلامى مخصص للطلبة اللى ناويين يدخلوا اتصالات
أو حاسبات

وبالنسبة للجزء الميكانيكى

أعتقد ان دكتور محمد على خليل بيساهم بشكل فعال جداً في الأجزاء الميكانيكية

في كل مشاريع الكلية

وبالتوفيق ان شاء الله

..........

ربنا معاكم _ بس الأهم تبعدوا عن جزء الإدارة لحد ما تتمكنوا من الموضوع في الجزء الفنى أو التكنيكال

لان ادارة كليتنا أكيد حتوقفكم في أول نقطة

فخلوهم قدام الأمر الواقع أحسن

YeHi@$MmZ كتب:: ربنا معاكم _ بس الأهم تبعدوا عن جزء الإدارة لحد ما تتمكنوا من الموضوع في الجزء الفنى أو التكنيكال

لان ادارة كليتنا أكيد حتوقفكم في أول نقطة

فخلوهم قدام الأمر الواقع أحسن

يا بشمهندس احنا ما ينفعش نشتغل لوحدينا لانه لو احنا عاوزين تعمل كورد السنة دى
لازم نتفق مع الفرع الرئيسى فى عين شمس و لازم ناخد تصريح من الكلية
عشان الفريق يكون لى مكان يشتغل فيه و تبقى الحكاية رسمية و محتاجين مساعدة الدكاترة و المعيدين لانه الموضوع جديد بالنسبة لينا و معندناش خبرة كمان بتوع كورد المفروض بيدوا محاضرات للى عاوزين يشتركوا و المحاضرات دى لازم هتكون فى الكلية
فما تنفعش ابدا سياسة الامر الواقع

أحد الطلبة المشاركين فى كورد فى عين شمس أجاب على استفساراتى الحمدلله و جزاه الله خيرا :

س : معليش يا جماعة أنا عندى استفسار
هل المسابقات الخمسة الى فى كورد
The nile river
servo
gladiator
free style
trap
ثابتين و لا بيتغيروا كل سنة
كمان ياريت توضحولنا الفرق بين كورد و روبو أكاديمى
ج :

بسم الله الرحمن الرحيم

CORD competition of robot design
او مسابقة تصميمات الانسان الالي

ديه اول مسابقة مصرية من نوعها في مجال الانسان الالي تهدف لتنمية مهارات التفكير و روح الابتكار من خلال تصميم الروبوتات

CORD
بتنظم على مدار العام ( حتى العام الحالي ) حدثين في هندسة عين شمس و3 احداث خارجها

اولها مسابقات الانسان الاgي
و ديه حتى الان خمس مسابقات
بتتغير شكلها و اسمها كل سنة و لكن بتظل محتفظة بمستوى معين
بمعني
ان في مسابقة للمبتدئين (nile river )
و مسابقة للروبوت الاوتوماتيك ( trap )
و مسابقة لقتال الروبوت ( gladiator )
و مسابقة للذراع الروبوت ( servo )
و مسابقة عامة لصاحب اي تصميم يخرج عن مجال المسابقات السابقة ( freestyle )

المسابقات ديه عامة و متاحة لاي فرد اي كان الاشتراك فيها اي كانت مرحلته التعليمية او مكان تعليمه و بيحصل المشترك فيها على شهادة تثبت اشتراكه بالمسابقة
الاشتراك بيكون من خلال اما التسجيل في جامعة عين شمس فور فتح باب التسجيل او من خلال ايجماعة اخرى بنظم فيها نفس الحدث او من خلال الموقع الرسمي
www.cord-eg.com

ثانيا robo academy
ده الحدث الثاني اللي بنظمه في CORD
ده عبارة عن مجموعة من ال sessions
في هندسة عين شمس بنشرح فيها مبادئ و اساسيات علم الروبوتيات بشكل اكثر تعمقا
بحيث لو اي شخص من المشتركين حب انه يزود معلوماته في هذا المجال يقدر بسهولة انه يفهم في العلم ده
سواء من خلال الكورسات او التعليم الذاتي

ديه برضه متاحة لكل الناس
بس الاختلاف بيكون في اننا بنقبل عدد معين بس من الناس
بعد ما بتعملهم interview

بعد حضور ال sessions ديه بيكون فيه مسابقة للناس المشاركين في ال sessions و بعدها بيكون في شهادة للناس اللي حضرت الاكادمي تثبت ده

الاشتراك في الاكادمي بيكون من خلال التسجيل في هندسة عين شمس فقط

ثالثا
مسابقات الروبوت في كل من هندسة العاشر و هندسة الاسكندرية و هندسة حلوان
و ديه بتكون خاصة للجامعات ديه لان في كل منها يوجد فرع اخر لكورد
الفرق بينها و بين المسابقات الثانية انها غالبا بتكون مسابقة واحدة او اثنين فقط لا غير
و غالبا بتكون اسهل في المستوى

التسجيل فيها بيكون من خلال الحدث بتاعها في الجامعة الخاصة بها

س :ايه الشروط الواجب توافرها فى الفريق المشارك فى المسابقة ؟ و هل بيتطلب طلبة من كل التخصصات يعنى فى كليتنا مفيش قسم ميكانيكا و بالتالى لو ميش طلبة من ميكانيكا هتكون ضمن أى فريق من كليتنا مع العلم بإنه عندنا دكاترة فى الكلية خريجين قسم ميكانيكا فهل ممكن نستعين بيهم لو إحتجنا حاجة متعلقة بميكانيكا يعنى هل ده كفاية ؟
كمان مين الى بيشرف على المسابقة دى فى الكلية عندكم ؟ و هل فى تعاون من الدكاترة و المعيدين معاكم ؟

ج: مفيش شروط محددة للفريق الفريق بيكون من 3 :5 افراد و لو في فريق به 1 او 2 بيتم دمجهم في فرق تانية و تكوين فرق لهم

بالنسبة للطلبة مش لازم يكونوا من كل التخصصات
عادي اي حاجة السنة ديه كان فيه فريق من ثانوية عامة اساسا
ممكن الفريق يكون كله ميكانيكا ممكن كله مدني ممكن يكون تشكيلة بين كذا قسم زي ما انت عايز بتختار فريقك و بتسجله

عادي ممكن تستعين باي حد
و كمان احنا بنقدم دعم فني للفرق المشاركة في حال احتياجهم اي شئ و غالبا المحاضرات اللي قبل المسابقة بتكون كافية جدا للناس و شم بيسالوا على حاجة الا فيما ندر

الاشراف على المسابقة بيكون من خلال CORD Crew و هم مجموعة من الطلبة اللي بيمثلوا اللجنة المنظمة للمسابقات كل عام و منهم برضه بيتم اختيار لجنة التحكيم

اكيد بيكون في تعاون بينا و بين الدكاترة و المعيدين بس ده التعاون ده بين اللجنة المنظمة و الدكاترة و المعيدين
يعني احنا بنسالهم و نستشرهم و ساعات بيكون بعضهم في لجنة التحكيم

و لكن بالنسبة للمشتركين في اي من CORD events غالبا بيكون مفيش اي تعامل بينه و بين الدكاترة خالص

لا ابدا مفيش اي حاجة
حضرتك تسالي في اي وقت
و احنا في الخدمة

ممكن حضرتك تتواصلي معانا من خلال موقعنا
www.cord-eg.com
او من خلال ال Fan Page على موقع ال Facebook
https://www.facebook.com/home.php?#/pages/C...95318568?ref=ts

shimz كتب:

YeHi@$MmZ كتب:: ربنا معاكم _ بس الأهم تبعدوا عن جزء الإدارة لحد ما تتمكنوا من الموضوع في الجزء الفنى أو التكنيكال

لان ادارة كليتنا أكيد حتوقفكم في أول نقطة

فخلوهم قدام الأمر الواقع أحسن

يا بشمهندس احنا ما ينفعش نشتغل لوحدينا لانه لو احنا عاوزين تعمل كورد السنة دى
لازم نتفق مع الفرع الرئيسى فى عين شمس و لازم ناخد تصريح من الكلية
عشان الفريق يكون لى مكان يشتغل فيه و تبقى الحكاية رسمية و محتاجين مساعدة الدكاترة و المعيدين لانه الموضوع جديد بالنسبة لينا و معندناش خبرة كمان بتوع كورد المفروض بيدوا محاضرات للى عاوزين يشتركوا و المحاضرات دى لازم هتكون فى الكلية
فما تنفعش ابدا سياسة الامر الواقع

ياباشمهندسة شيماء

انا قصدى _ انكم لازم تكونوا على علم بحاجات كتييييييير
عن الموضوع دة ادارياً وفنياااا

قبل ما تفاتحوااا الإدارة في الكلية

انا مش أقصد بالإدارة الدكاترة والمعيدين لان _ اكيد حتلاقوا دكاترة يساعدوكمممم

انما اللى ماسكين الكلية نفسهم هما اللى حيوقعووكم

ياريت تكونى فهمتينىى

فلما تيجوا تفاتحوهم تكونوا فاهمين كل شئ عن الموضوع بشكل عاام
وتبقوا واثقين من نفسكم جداااااا

واظن ان اللى اتعامل مع الإدارة قبل كدة في امور مشابهة
فاهمنىىى كويس !!!!

لإن احنا في مشاريع التخرج _ كنا تقريباً بنتبهدل

فما بالك بحاجة زى الكورد والروبوكون

وكمان شوفوا لكم شركة راعية للتمويل _ عشان الكلية مش حتديكم ولا مليم

والشركة الراعية دى حتلاقوها أسهل من انكم تطلبوا تمويل من الكلية

وفي شركات كتييييييير أكيد مساهمة في المشاريع دى

انا بس عايز أفيدكم عشان تمشوا الطريق صح

YeHi@$MmZ كتب:

shimz كتب:

YeHi@$MmZ كتب:: ربنا معاكم _ بس الأهم تبعدوا عن جزء الإدارة لحد ما تتمكنوا من الموضوع في الجزء الفنى أو التكنيكال

لان ادارة كليتنا أكيد حتوقفكم في أول نقطة

فخلوهم قدام الأمر الواقع أحسن

يا بشمهندس احنا ما ينفعش نشتغل لوحدينا لانه لو احنا عاوزين تعمل كورد السنة دى
لازم نتفق مع الفرع الرئيسى فى عين شمس و لازم ناخد تصريح من الكلية
عشان الفريق يكون لى مكان يشتغل فيه و تبقى الحكاية رسمية و محتاجين مساعدة الدكاترة و المعيدين لانه الموضوع جديد بالنسبة لينا و معندناش خبرة كمان بتوع كورد المفروض بيدوا محاضرات للى عاوزين يشتركوا و المحاضرات دى لازم هتكون فى الكلية
فما تنفعش ابدا سياسة الامر الواقع

ياباشمهندسة شيماء

انا قصدى _ انكم لازم تكونوا على علم بحاجات كتييييييير
عن الموضوع دة ادارياً وفنياااا

قبل ما تفاتحوااا الإدارة في الكلية

انا مش أقصد بالإدارة الدكاترة والمعيدين لان _ اكيد حتلاقوا دكاترة يساعدوكمممم

انما اللى ماسكين الكلية نفسهم هما اللى حيوقعووكم

ياريت تكونى فهمتينىى

فلما تيجوا تفاتحوهم تكونوا فاهمين كل شئ عن الموضوع بشكل عاام
وتبقوا واثقين من نفسكم جداااااا

واظن ان اللى اتعامل مع الإدارة قبل كدة في امور مشابهة
فاهمنىىى كويس !!!!

لإن احنا في مشاريع التخرج _ كنا تقريباً بنتبهدل

فما بالك بحاجة زى الكورد والروبوكون

وكمان شوفوا لكم شركة راعية للتمويل _ عشان الكلية مش حتديكم ولا مليم

والشركة الراعية دى حتلاقوها أسهل من انكم تطلبوا تمويل من الكلية

وفي شركات كتييييييير أكيد مساهمة في المشاريع دى

انا بس عايز أفيدكم عشان تمشوا الطريق صح

عذرا يا بشمهندس يحيى لو حصل منى سوء فهم
و شكرا لحضرتك على اهتمامك بالموضوع و محاولنك المساعدة
بس أنا حاسة انه موضوع الشركة الراعية هيكون صعب
خصوصا احنا ما عندناش خبرة خالص فى المواضيع دى و كمان عددنا قليل

بداية كل عام وأنتم بخير وصحة وعافية

حقيقي أنا مش قادر أوصف فرحتي بالحماس والهمة اللي وجدتها في الطلبة

المهتمين بهذا الامر وبجد حاجة تفرح وياريت يستمرو علي هذا الحماس مهما كانت الظروف والعقبات

وأحيي جميع المشاركين في هذا الموضوع لأفكارهم وحماسهم لصنع شيء جميل

يستفيدون منه هم شخصيا وتستفيد منه الكلية ويجب أن تطرقوا كل الأبواب ولا تيأسوا

ولا يقتصر الأمر علي الكلية فقط ولكن علي الجامعة أيضا فهذا أمر سيحسب للجميع

والحمدلله كليتنا لم تعد مثل السابق من حيث أعضاء هيئة التدريس وتواجدهم

ولدينا بالكلية ثلاثة مشاريع يمكن أن تساعدكم في هذا الموضوع
1:مشروع المعامل التخيلية(د/هاني السيد)

2:مشروع الإلكترونيات الصناعية(د/محمد عبد العزيز)

3:مشروع plc (د/مصطفي درديري) وهذا المعمل سيفيدكم جدا في هذا الموضوع

ولا ننسي د/محمد علي خليل ودكاترة قسم حاسبات وبذلك تستطيعون أن تكونو فريق عمل

من اعضاء هيئة التدريس ومن الطلبة لتبدأوا تنفيذ هذه الفكرة الجميلة

وبالنسبة للتمويل يمكن أن تطلبوا من رئيس الجامعة ولكن يجب أن تكون الفكرة مكتملة

عند طلبكم لأي شيء في هذا الموضوع حتي تجدوا كل المعاونة والمساعدة من الجميع

ولا أظن أن أحدا من أعضاء هيئة تدريس الكلية سيتأخر عن هذا الأمر وستجدون منهم كل

المعاونة الصادقة.

وأنا مستعد لأي مساعدة قد أستطيع تقديمها لفكرتكم الجميلة وأتمني لكم التوفيق والنجاح

حمد لله ع السلامه يا بشمهندس محمد

وشكرا لتشجيعك لينا

وربنا يسهل

**^( أين نحن من روبوكون مصر و كورد إيجيبت ؟؟؟؟ )^** - صفحة 3 Jchlj5zu

C.O.R.D. just contact us and we will be honored to bring it to Aswan :), just keep urself updated by this page and our website www.cord-eg.com

دا رد على الطلب وبأذن الله بعد رمضان حيبتدو يقولونا على الحاجات اللى لازمه عشان يعملو (كورد أسوان)

تمام يا حماده متابعه ممتازه

جميل جدا
ربنا يوفقنا و يتم الموضوع ده بإذن الله
شكرا لمجهودك يا بشمهندس أحمد

وانا بضم صوتي معاكي يابشمهندسه شيماء وان شاء الله هنكون معاكي لو صلحت الفكره
وان شاء الله نقدر نعمل حاجه بجد هو موضوع اكتر من ممتاز وكويس انه لسه في امل في الكليه والله المعين والمستعان بس المهم يكون في تجاوب من اعضاء هيئه التدريس معيدين ودكاتره
ويكون في تحفز من العقليات اللي عندنا في الكليه

وربنا يوفقك ويوفقك كل اللي شارك في جمع المعلومات وهيساعد بجد في الموضوع دي

مجهود رائع يا بشمهندسة شيماء انت والبشمهندس احمد

انا صحيح لسا رايحا اعدادى بس بجد نفسى انضم للفريق بتاعكوا لان الفكرة بجد بتستهوينى
وان شاء الله الكلية توافق على الموضوع ده ويا رب ناس تانية تشارك فيه لان العدد ما زال قليل
وبالتوفيق ان شاء الله

طيب
الحمدلله فى اتنين انضموا لينا
على العموم شكرا لكن يا بشمهندسات و ان شاء الله تكونو معانا مع بداية الدراسة
فى الموضوع ده
ياريت نشوف مشاركة أكبر من الناس و تفاعل مع الموضوع

C.O.R.D. shoof ya C D, kol da 7anettefe2 3aleh bas mabda2eyyan kida, 2wwil sana di 3ashan teddarabo feeha benfaddal teb2a moktasera 3ala kolleyetko bas we beteb2a mosab2a sahla 3ashan 2kbar 3adad yeshterek feeeha we kollo yastafeed bekadr 2el2emkan, all tat u need to do now is setting up a team , shoof kida 5asset regalak :) gamma3o team min 7 2w 6 kida le3'ayet 10 3ashan homma doll 2el2asaseyyen 2elli 7aeybda2o 2elmawdoo3 fi Aswan be mosa3detna taba3an . bas kida we rabbina yewaffa2na lil5eer dayman

دا رد الشركه على طلبات الأشتراك(معلش هيا الكتابه عربى على أنجليزى أصل الشركه كول خالص)

ودا الرد بتاعهم

شوف يا سبدى كول دا حنتفق عليه(اللى هوا شروط الأنضمام)بس مبدئين كدا,أول سنه دى عشان تدربو فيها بنفضل تبقى مختصره على كليتكم وبس وتبقى مسابقه سهله عشان أكبر عدد يشترك فيها وكلو يستفاد بقدر الأمكان,وكل اللى محتاجه دلوقتى تعمل فريق والعدد من 7ل 10 ودول هما الأساسين اللى حيبتدو الموضوع فى أسوان بمساعدتنا طبعا,بس كدا وربنا يوفقنا للفيه الخير ديما

ياريت يا جماعه اللى عنده نيه صادقه للأشتراك يبلغنا

طيب يا حماده مساعدتهم دي هتبقي ازاي يعني ؟؟؟؟

يعني هيجوا يدوا محاضرات و كده ولا اي؟

بجد موضوع جمييييل وشدني جدااا
وكان نفسي اشترك في حاجات زي كدا

كويس انه فى تجاوب من المسؤلين فى كورد و ربنا يكرمنا فى الموضوع ده إن شاء الله
بس صحيح احنا عاوزين نعرف اذا كان هيدو محاضرات عندنا و لا لأ

Eng_amenreds كتب:: بجد موضوع جمييييل وشدني جدااا
وكان نفسي اشترك في حاجات زي كدا

حضرتك لو حابة الموضوع و عاوزة تشتركى فيه بجد
ياريت تنضمى لينا مع بداية السنة و تكونى ضمن الفريق
والله الموفق

» كيف تري مسابقة كورد في هذا العام
» أسرار تغير أسم مسابقة كورد
» صور من محاضرات كورد
» خاص بأستفسارات التصميم و التركيب فى مسابقة كورد
» شكر لجيليكوم من طلاب كورد

**^( أين نحن من روبوكون مصر و كورد إيجيبت ؟؟؟؟ )^**

^( أين نحن من روبوكون مصر و كورد إيجيبت ؟؟؟؟ )^