**^( أين نحن من روبوكون مصر و كورد إيجيبت ؟؟؟؟ )^**

البشمهندسة Shimz قالت

اقتباس :

ما أود أن أعرفه إخوانى و أخواتى الكرام هل هناك من طلبة فى كليتنا تستهويهم مثل هذه المسابقات

في كتير في الكلية نفسهم يشتركوا في المسابقات دي و يحسوا انوا دراستهم لها اي ارتباط باشياء عملي بس المشكلة في نقص او انعدام الجزء العملي في دراستنا.
و صدقوني يا اخوانا لو اتوفر من الكلية القدرة علي التدريب هتلاقي كتير اللي هيشارك
بس تقوم الكلية باي خطوة في ذلك.ش

eng_ghost كتب:

موضوع ممتاز ,,,, وبجد مجهود أكثر من رائع ,,, بجد تشكري عليه حضرتك


وأنا متابع الموضوع ده من زمان ,,, بس ليا ملحوظه


للأسف معظم الجامعات اللي بتدخل المسابقه دي بيبقي عندهم قسم ميكانيكا وقسم ميكاترونكس



عشان كده بتبقي الامور عندهم اسهل من عندنا ,,, لأنهم متعودين علي كده



وبالنسبه لماسبقه روبكون ,,, في اعتقادي الشخصي ان الحمل كله يلقي علي كتف دفعة كهربا



لأن دفعة مدني وعماره ,,, لا اعتقد انهم يقدرو يساهمو ولو بقليل في الجانب العملي في مثل هذا المشروع انما ,, ممكن يشاركو في الجانب الاداري والتخطيطي



جزيل الشكر لحضرتك علي الموضوع الاكثر من رائع ,,, وكم اتمني ان تحل وتذلل العقبات التي تحول دون اشتراك هندسه اسوان في الروبوكون القادم ,,, بعون الله

شكرا لحضرتك يا بشمهندس على مرورك و كلامك الجميل و تفاعلك مع الوضوع و ابدائك للرأى
جزاك الله خيرا
بس انا كان قصدى إنه أى حد ممكن يشترك فى المسابقة يعنى هى مش مقتصرة على أقسام معينة
من الطبيعى انه الى بيشارك فيها من كهربا بشعبها و كذلك ميكانيكا بس لو فى حد من طلبة مدنى أو عمارة عندهم خلفية عن الوضوع ده و حابين الفكرة و عاوزين يشنركوا مفيش مانع
بس الصراحة عدم تفاعل الناس مع الموضوع شئ محزن جدا بجد أنا ماكنتش منوقعة أنه الناس هتكون كده

اقتباس :

علي الاقل ,,,,,, عشان يبقي اعلان الروبوكون اللي متعلق في الكليه عندنا ,,, ليه معني !!

أنا مش فاهمة هو في ف الكلية إعلان عن روبوكون
أرجو التوضيح أخى الكريم

shimz كتب:

أنا مش فاهمة هو في ف الكلية إعلان عن روبوكون
أرجو التوضيح أخى الكريم

أه ,,, السنه اللي فاتت ,,, 2008 ,,,, كان متعلق اعلان ربوكون مصر عند المدرجات ,,,,

كيرلس عطية كتب:

البشمهندسة Shimz قالت

اقتباس :

ما أود أن أعرفه إخوانى و أخواتى الكرام هل هناك من طلبة فى كليتنا تستهويهم مثل هذه المسابقات

في كتير في الكلية نفسهم يشتركوا في المسابقات دي و يحسوا انوا دراستهم لها اي ارتباط باشياء عملي بس المشكلة في نقص او انعدام الجزء العملي في دراستنا.

هى فين الناس دى بس يا بشمهندس على العموم الواحد هيصبر لغاية بداية الدراسة و نعرض الفكرة فى الكلية و نشوف الطلبة موقفها إيه من الموضوع بالضبط و لعله يكون خير بإذن الله و نلاقى تفاعل أكتر من قبل الناس غير المشتركين فى المنتدى

اقتباس :

و صدقوني يا اخوانا لو اتوفر من الكلية القدرة علي التدريب هتلاقي كتير اللي هيشارك
بس تقوم الكلية باي خطوة في ذلك.ش

أنا متفقة معاك يا بشمهندس
الكلية لازم يكون ليها دور فهى ييقع على عاتقها مسؤلية كبيرة لازم نلاقى فى تحرك من قبل المسؤلين
لازم يكون هدفهم الإرتقاء بالكلية حتى لا نشعر بأننا أقل من أى كلية هندسة أخرى
فطلبة هتدسة أسوان أفضل من أى طلبة كلية هندسة فى مصر من حيث العقليات لكنهم لا يوظفون جهودهم و قدراتهم بطريقة صحيحة لازم يكون عندنا إصرار و تحدى عشان بوم ما نقول إنه احنا فى هتدسة أسوان نكون مفتخرين بده
ما حدش يزعل من كلامى بس أنا واحدة من صغرى و أنا طموحى هندسة ليه لإنه
هندسة يعنى عقليات
هندسة بعنى إبتكار و إختراع
إنت مهندس يعنى إنت إنسان مبدع

أنا عارفة انه كلامى مش هيعجب ناس كنيربس اعذرونى دى وجهة نظرى التى أتمنى انها تتغير فى يوم من الأيام

PRINCESS كتب:

أولا بشكرك علي الموضوع وعلي اهتمامك بمسابقة كان نفسي اشترك فيها
من قبل ما ادخل الكلية
وبخصوص سؤالك ان فيه اعلان عن المسابقة في الكلية
فأنا شوفت قبل كده بوسترات المسابقة متعلقة في الكلية وكانت كتيرة
لكن ما سمعتش ان فيه فريق في الكلية ولا حتي عملنا ندوة مثلا عنها
المسابقات دي محتاجة حد يتبناها ويتمسك بيها من داخل الكلية
سواء من اعضاء هيئة التدريس او من الطلبة ولازم يكون فيه تعاون كبير بينهم وتشجيع
عشان نقدر نكمل
وانا اللي شايفاه اننا نبدأ نعرض فكرة ان يكون فيه روبكون اسوان علي دكاترة الكلية
ونبدأ ناخد خطوات جادة ونشوف ايه اللي ينقصنا
ونحاول نحل اي مشاكل ممكن تواجهنا .. واذا ما كانش فيه روبكون اسوان السنة الجاية
فيكون بإذن الله فيه السنة اللي بعدها
وان شاء الله بمجرد ما تبدأ السنة انا هكون معاكي في الموضوع ده
ونحاول نتواصل مع هندسة حلوان ونعرف الخطوات اللي عملوها ونعملها احنا كمان
واذا ما كانش ليا نصيب اشترك في المسابقة دي
فإن شاء الله يكون ليكم انتو نصيب فيها
وربنا يوفقنا لكل خير لكليتنا

بجد هو ده الكلام شكرا كتير ليكى يا بشمهندسة أميرة أنا بجد كان نفسى ألاقى تفاعل بالشكل ده من بدرى
و إن شاء الله مع بداية الدراسة نعمل الى نقدر عليه فى الموضوع ده و ربتا يوفقنا بإذن الله

ENG_GODZELA كتب:

بسم الله
اولا المسابقة تم اعلانها داخل الكليه هي ومسابقة مصر المحروسه ومسابقة صنع في مصر وكلها بتحث على الابداع والابتكار
ثانيا ادارة الكليه لها دور كبير في ضعف اعلام الطلبه وحثهم على المشاركه في المسابقات دى احنا ممكن نعلم اعلان كد الداهيه ويفط قماش اشكال والوان عشان نهني العميد بالتولي والدكتور اللى حصل على الدكتوراه وكل خرم تلاقي التهاني والافلامانات دي انما نلاقي حاجه زي كده تحث الطلبه وتخليهم يهتموا بكده مفيش
ثالثا الطلبه عندنا عندها سلبيه لالالالالالالالالالامتناهية الواحد منهم جاي الكلية يخش يخبط الكام معلومة في دماغه عشان يخش يكبهم في ورقة الاجابة ومعندهوش استعداد يحط معلومة زياده عن كده وتاجي تقوله اعمل حاجه يقولك مش فاضي وتلاقيهم نايمين 30 ساعه في ال24 الساعه واللى بيقعد يصيع في اسوان واللى يقعد في المضيفه بالساعات يتفرج على المصارعه ولا الدوري الانجليزي

ياجماعه المسابقات دي مفيده يمكن هي مش بتدي معلومات عشان تمتحن فيها بس هي بتفتح مخك وتفتح طريقة تفكيرك وتشوف الناس حواليك ماشية ازاي وده غير انك بتحس بوجودك ويكون لك قيمة اما تضيف حاجة للبشرية مش تبقي جيت الدنيا زي ماجيت على العموم ربنا يهدي ياجماعه وان شاء الله الاجيال القادمة تبقي افضل

شكرا لمرورك أخى الكريم و إبداء رأيك بالموضوع بكل صراحة
و أتفق مع حضرتك فى الكثير من هذا الكلام

اقتباس :

وان شاء الله بمجرد ما تبدأ السنة انا هكون معاكي في الموضوع ده
ونحاول نتواصل مع هندسة حلوان ونعرف الخطوات اللي عملوها ونعملها احنا كمان
واذا ما كانش ليا نصيب اشترك في المسابقة دي
فإن شاء الله يكون ليكم انتو نصيب فيها
وربنا يوفقنا لكل خير لكليتنا

و أنا كمان بضم صوتى لصوت البشمهندسة أميرة

ENG_GODZELA كتب:

بسم الله
اولا المسابقة تم اعلانها داخل الكليه هي ومسابقة مصر المحروسه ومسابقة صنع في مصر وكلها بتحث على الابداع والابتكار
ثانيا ادارة الكليه لها دور كبير في ضعف اعلام الطلبه وحثهم على المشاركه في المسابقات دى احنا ممكن نعلم اعلان كد الداهيه ويفط قماش اشكال والوان عشان نهني العميد بالتولي والدكتور اللى حصل على الدكتوراه وكل خرم تلاقي التهاني والافلامانات دي انما نلاقي حاجه زي كده تحث الطلبه وتخليهم يهتموا بكده مفيش
ثالثا الطلبه عندنا عندها سلبيه لالالالالالالالالالامتناهية الواحد منهم جاي الكلية يخش يخبط الكام معلومة في دماغه عشان يخش يكبهم في ورقة الاجابة ومعندهوش استعداد يحط معلومة زياده عن كده وتاجي تقوله اعمل حاجه يقولك مش فاضي وتلاقيهم نايمين 30 ساعه في ال24 الساعه واللى بيقعد يصيع في اسوان واللى يقعد في المضيفه بالساعات يتفرج على المصارعه ولا الدوري الانجليزي

ياجماعه المسابقات دي مفيده يمكن هي مش بتدي معلومات عشان تمتحن فيها بس هي بتفتح مخك وتفتح طريقة تفكيرك وتشوف الناس حواليك ماشية ازاي وده غير انك بتحس بوجودك ويكون لك قيمة اما تضيف حاجة للبشرية مش تبقي جيت الدنيا زي ماجيت على العموم ربنا يهدي ياجماعه وان شاء الله الاجيال القادمة تبقي افضل

انا متفق مع معظم كلامك ,,,,,,, بس برضو عندي كام سؤال وملاحظه !!!


أولا بالنسبه للطلبه ,,,,,,, فمعتقدش ان صوابعك زي بعضها وزي مافيه ناس عندها لامباله فيه ناس تانيه نفسها تاكل الارض أكل وتشتغل وتعمل حاجه



بس الغالبيه عندها لامبالاه من اللي شايفينه ,,,, يعني هضرب لحضرتك مثال


لما الاقي واحد دفعتي وانت تعرفه كويس بيحكيلي عن المهازل اللي بترتكب باسم الكليه



يعني لما الاقي انه فيه ماده في اتصالات اتبدلت بماده تانيه ,,,, ولما الاقي دكاتره منتدبين من طاقه ومن الازهر بيدوني مواد انا مش فاهمها ,,,, ولا حتي عارف ايه اخرتها ,, والاقي نفسي في لاخر متخرج مهندس بالشهاده بس ,,, يبقي اكيد هيأس




لما الاقي الاتجاه العام ( واقصد هنا دور اتحاد الطلبه ) ,,, منصب علي الرحلات الترفيهيه والمسابقات (العقيمه ) ,,, اللي لابتودي ولا بتجيب ,,,,,,,, ومافيش ولا حتي ربع نظره ناحية المسابقات دي ,,,,,,,,, يبقي اكيد هيأس




الخلاصه واللي عايز اوصله ,,,,,,,, انه ياجماعه أقل واجب انه بعد الاخذ في الاعتبار الادوار اللي قالي عليها جودز (دور الكليه ودور الدكاتره ,,,, & وكمان دور المدرجات ) ,,, انه لما يتعلق اعلان زي ده ,,, يتعلق جنبه اسم الدكتور اللي هيكون متابع المسابقه دي ,,, عشان انا كطالب مهما كان تخصصي ,,, لوعايز أشارك يبقي اكون عارف راسي من رجليا ,,,,,, وبعد كده اروح للدكتور ده واسجل اسمي عنده ,,, والمفروض انه يتعمل بعد كده ,, محاضرة ارشاد ,,,, لكل الدفعات عن المسابقه دي ,,,, وتتعمل محاضرة ارشاد تاني للمجموعه اللي اتطوعت للمسابقه ,,, وبعد كده يعملو جلسات يناقشو فيها افكار للمسابقه ,,, ويبتدو الشغل بجد ,,,,


مش اشوف الاعلان متعلق ,,,,,, ومعرفش حتي اسأل مين عنه ,,, وده رأيي المتواضع ,,, يمكن يحتمل الصواب ويمكن الخطأ




والله الموفق

.................................................. .................................................. .....................




.................................................. .................................................. ..............



















.................................................. ............................

يا سلام يا سلام علي شغل رجالة مدني

تسلم يا حماده علي الفيديوهات

وان شاء الله تبقي معانا ف الموضوع ده ف بداية السنه

بس ياريت يا شباب كل ايلي عاوز يشترك فعلا ف الموضوع ده ميبقاش كلام وبس

يعني ميقعدش يقول ف كلام و شعارات ف المنتدي و نيجي ندور عليه ف الكليه نلقيه اتبخر او هو ايلي بخر نفسه

و الله الموفق

Leave Me Alone كتب:

بحب أشكر البشمهندسه شيماء على أحياء الفكره دى تانى فيا


وأحيها على مجهودها ومتابعتها على رغم من أن الناس ف منتدى حلوان مش بيردو بسهوله

وأحب أشكر كل اللى أفادنى وأفاد غيرى من البشمهندسين هنا وف منتدى حلوان

تمام اوووووي يا جماعه كده

الراجل بتاع حلوان جاوب علي معظم الاستفسارات ايلي ممكن تدور بذهننا

جزاه الله كل خير

وياريت نبدأ نكون الفريق من دلؤتي عشان لما نكلم اي حد مسئول ف الكليه نكلمه بقلب جامد

عشان يعرف ان احنا متحمسين للفكره و جاديين فيها و هو كمان يساعدنا بكل ايلي يقدر عليه

و الله الموفق