خد عيل من عيالى .... بس سيب أبوتريكة!!!!!!!!!

فى إحصائيات لاحدى الجرائد الرياضية وصلت شعبية النادى الاهلى إلى 65 مليونا ناهيك عن عدد مشجعى الزمالك والاسماعيلى والفرق الاخرى .....

ماذا تريد إذن لتتأكد من الشعب المصرى شعب بيحب الكرة؟!

يقول البعض : إن قدماء المصريين كانوا أول من عرفوا كرة القدم سنة 300ق.م وكانت مدينة تانيس (صان الحجر) فى شمال مصر مكان الانطلاق , فصنعت الكرة من الحجر ومايزال فى المتحف المصرى بعض هذه الكور , وتدل الرسومات الهيروغليفية على جدران المعابد على ممارسة الفراعنة لكرة القدم فى عهد الاسرة الحادية عشر.

أما فى العصر الحديث فأول فريق مصرى شبه رسمى اسسه "محمد أفندى ناشد" عام 1895 , وأطلق عليه المصريون "فرقة ناشد" . وقد لعب هذا الفريق باسم مصر ضد فريق الجيش البريطانى .

ومع ان الصحافة المصرية لم تكن تهتم فى ذلك الوقت بالالعاب الرياضية فإن فوز هذا الفريق على الجيش البريطانى دفع الصحف إلى الاشادة بالفريق ورئيسه " محمد أفندى ناشد" .

وعشق المصريون كرة القدم من وقتها حتى تحول هذا العشق إلى ولع.. وهناك الكثير من الادلة التى تؤكد ان المصريين واقعون فى غرام تلك الساحرة المستديرة... خد عندك ياسيدى..

بالطبع مصر من اكثر بلدان العالم ازدحاما لكن اخرج من بيتك يوم مباراة الاهلى والزمالك لتجد كل المقاهى ممتلئة على آخرها وكل الشوارع فاضية وكأن السكان هاجروا.........

اكثر حدث اسعد المصريين كان الفوز بكأس الامم الإفريقية , يعنى برضه كورة! وأسوأ يوم مضى عليهم العام الماضى كان يوم هزيمة الاهلى أمام النجم الساحلى , برضه كورة!

ظاهرة المشجعين والمشجعات ورسم الاعلام على الوجوه ثم ماحدث من كرنفال فى كل الشوارع بعد فوز المنتخب فى غانا .. كل هذا يؤكد اننا شعب بتاع كورة ......

حب المصريين الفظيع لابوتريكة وأخيرا لجوء بعض منتجى الافلام إلى الاستعانة بابطال من عالم الكورة هو رغبة فى استغلال شعبيتهم .. وهل هناك أكثر من وجود عدة حالات وفاة بين المصريين بسبب إصابتهم بأزمات قلبية أثناء تشجيعهم فى المباريات لان فريقهم جاب جووووووووووووووووووووول؟!!!!!!!!!!

فعلا الكوره ده مرض وانا مصاب بيه
بس بصراحه
مرض جميل اووووووي وممتع
و كره القدم ف مصر هي اكتر رياضه ليها شعبيه جامده اووووي بين المصريين
ومش بس ف مصر

بس بجد كره القدم امتع و اجمل رياضه الواحد ممكن يمارسها
حتي البنات برضو ممكن يمارسوها
كوره

ميرسي dody el علي موضوعك

ايه دة هو انت ليكى فى الكورة يا دودى

(بصراحة انا بقيت اتكسف للزمالك قوى )

شكرا اوى يابشمهندس على رأيك وفعلا الكورة دى مرض كبير يمكن كل شباب مصر مصابين بيه وأنا واحدة منهم , بس مع الاهلى والمنتخب وبس...
أما بقى بحصوص اللعب فأعتقد اننا احنا البنات يكفينا اوى التشجيع مش اكتر من كده...........

شكرا ENG\ HOSSAM على مرورك

ازيك ياfatma عاملة إيه يارب تكونى بخير دايما , وبخصوص انى انا ليا فى الكورة... شوية يعنى " سيادتى مش أبوتريكة "
أما بقى بخصوص الزمالك ربنا يتولاه!!!!!!!!!!

شكرا fatma على مرورك

بصراحة مشاهدة المباريات مضيعة للوقت وبلا فائدة تذكر تعود على الفرد

من وانا عندى 5 سنين لغاية متخرجت من الكلية كنت مابفوتش اى مطش

واهلاوى صميم جدااااااااااااااااااااااااااااااااااا

بس الحمد لله ربنا تاب علية وبطلت اتفرج نهائيا عالكورة من اربع سنين

وانا كدة 100 فل وعشرة

وربنا يتوب عليكم

مبروووووووووووووووووووووووووووك يابشمهندس ان ربنا ريحك من وجع الراس بتاع الكورة ومصايبها الكتيرة ...........
ياريت يابشمهندس تدعى لزمائلك وإخوانك بالتوبة.... وعلى فكرة كلامى ده مش هزار ولا حاجة..

شكرا يابشمهندس\ الزعيم على مرورك

موضوع جميل وانا بحب الأهلى جدا لأنه نادى يستحق الاحترام ولو أتهزم
حتى هشجعه إن شاء الله وبالفعل أبوتريكه شخص ما شاء الله ذو قدر كبير
من الخلق أعتقد أى نادى آخر صعب إنه ينجب مثله
وشكرا على التوبك يا بشمهندسه

اقتباس :: وهل هناك أكثر من وجود عدة حالات وفاة بين المصريين بسبب إصابتهم بأزمات قلبية أثناء تشجيعهم فى المباريات لان فريقهم جاب جووووووووووووووووووووول؟!!!!!!!!!!

بس فعلا الواحد بيكون في قمة الانفعااااال
وبصرااااااااحة موضوع في الجووووووون كويس

شكرررا كتير يا dody el

والله يا اخوانا انا بشجع الاهلى وبحب دايما اتفرج على الكورة بس مش لدرجة انى اشتم وازعق ودمى يتحرق عشان جون ولا خسارة مباراة لان بصراحة العملية دى لاحظتها فى بعض اصحابى لما نتفرج على ماتش ومن ساعتها بقيت اتفرج الماتشات وحدى احسن واضمن

dody el كتب:: وأسوأ يوم مضى عليهم العام الماضى كان يوم هزيمة الاهلى أمام النجم الساحلى , برضه كورة!

:shock:

:bounce:

دة اجمل حدث كروى حصل السنة اللى فاتت كوره

شكرا ليك ياحبار على رأيك ومرورك اسعدنى , أما بالنسبة للاهلى فهو حبيب الملايين وأغلب شعب مصر بيشجع الاهلى ولا إيه؟!!!!
أما بقى بخصوص التوبة فلا شكر على واجب يابشمهندس !!!!!!

شكرا للبشمهندس / الحبار لمرورك

شكرا ياPRINCESS لمرورك ورأيك فعلا أسعدنى وياريت أسمع رأيك دايما ........
والحمد لله ان الموضوع عجبكم وجاب جووووووووول!!!!!!!!!

شكرا PRINCESS لمرورك

بجد ياDigital Man شكرا لرأيك ومرورك وفعلا انت ريحت رأسك لما بقيت تتفرج على الماتشات لوحدك فعلا كده أريح بكتيررررر بس زى ماأنت عارف ان اللمة فى كل حاجة ليها طعم تانى ...................
والحمد لله انك بتشجع الاهلى وده أهم حاجة.....

شكرا للبشمهندس / Digital Man لمرورك

للدرجة دى يابشمهندس [ندعوك للتسجيل في المنتدى أو التعريف بنفسك لمعاينة هذا الرابط] انك مش طايق الاهلى بس ولا يهمك الاهلى قلبه كبيرررررررررررررر ومش هيزعل منك ...........
ويارب ربنا يصلح حال الزمالك علشان الاهلى تعب مبقاش فى مصر غيره والحمل كله عليه.........
شكرا يابشمهندس على رأيك ومرورك ويارب دايما أسمع رأيك وميكونش فيه اى ضغائن أو حزازيات بخصوص الموضوع ده.........

شكرا للبشمهندس/ [ندعوك للتسجيل في المنتدى أو التعريف بنفسك لمعاينة هذا الرابط] لمرورك

YeHi@$MmZ كتب:: دة اجمل حدث كروى حصل السنة اللى فاتت

اجمل حدث كروي !!!!!!!!
ماشي ياعم ما هو لولا الحكم ايلي ملوش ف التحكيم اساسا
مكناش سيبنا الزمالكويه يشمتوا فينا كده

و ان شاء الله حضارتكم هتخرجوا من بطوله افريقيا علي ايدنا

وبطل حقد علي الاهلي

ياعم سيبهم هى دى اخلاق مدرسة الفن والهندسه سابقا

فى الاول أو فى الاخر الكورة مجرد لعبة وهواية ويتصيب أو تخيب
لمروركم جميعا والروح الجميلة فى الحوار......

اولا الموضوع فوق الممتاز والشعب المصرى بيدور على حاجة تنسية همومة والكورة احسن حاجة تنسى بجد
وانا شخصيا بموت فى الكورة لالالا بعشقها لعب ومشاهدة ويمكن لعب اكتر وهو دا اللى واخد كل وقتى
وانا شايف ان الكورة فن وهندسة وسرعة بديه وذكاء وفكر جماعى منظم واهم الفوايد غير انها بتنشط الجسم انها بتعرفنى على ناس كتييييييير وبتعلمنى روح الجماعة والتفكير المنظم وانا بشجع الاهلى محليا ومانشستر يونايتد دوليا واللاعب المفضل ليا فى مصر بركات وطبعا ابو تريكة ودوليا ديمترى بيرباتوف
اما ابوتريكة فمش هيكفى اكتب فبة كلام لانة فعلا زى ماقالى الشوالى خلصت فيك كل الكلام يابوتريكة
ومشكوووورة كتير يابشمهندسة /دعاء على موضوعاتك الرائعة والمتالقة دائما وكويس انك اهلاوية

لأجمــــــــــــد نادى"النادى الاهلى"
يابشمهندس لمرورك ورأيك بالموضوع وأكيد أبو تريكة وريكاردو"كاكا" وكريستيانو رونالدو وميسى ورونالدينهو وshevchenko وهنرى وفرنالدو توريس وغيرهم من اللعيبة اللى من كل أنحاء العالم اللى كلنا بنحبهم وبنحترم لعبهم ..........

» أبوتريكة و أبوجهل
» رصد مظاهرة الحب الجزائرية لـ«أبوتريكة»
» أبوتريكة يهدي الأهلي فوزاً مستحقاً على بترول أسيوط بالدوري
» مليون جنيه شهريا لسيادة المحافظ.. معاليه بيلعب أحسن من أبوتريكة
» توحيد لياللاكورة: أبوتريكة وبركات وحسن يصنعون الفارق لمصر أمام زامبيا