درس من الصين

بسم الله الرحمن الرحيم

لقد شاهدت قبل قليل افتتاح دورة الألعاب الأولمبيه وقد ابهرنى كثيرا مابه من امكانيات وحسن تنظيم

يجعل من يشاهده لا من اشترك به فقط فخورا .

ووجدتنى أتسأل ماالذى جعلهم هكذا؟ وهل نحن قادرون على أن نلحق بهم ؟

ووجدت نفسى اجاوب على السؤال الأول الذى جعلهم هكذا هو النظام وحب العمل

فنجدهم يقدسون العمل لأبعد الحدود لحد انه عند سن قانون لتقليل ساعات العمل نجدهم

يعترضون وعندما يعترضون لايكسرون اويخربون وانما يعملون.

كل هذا جعل الصين تصل لما شاهدناه من قبل فى احتفال قالت عنه أنها ستذهل العالم به وبالفعل أذهلته..

ولم يكن هذا الأحتفال سوى القليل مما وصلت اليه ............

أما هل نحن قادرون فأقولها بثقة نحن قادرون فنحن لا نقل عنهم شيئا فى عقولنا ولا فى قدراتنا البشرية

ولكننا ينقصنا الثقة والالتزام والاجتهاد وحب العمل وإتقانه فنحن من أوصانا رسولنا الكريم

"إذا عمل أحدكم عملا أن يتقنه "

ولكنني للأسف أقول أننا أمامنا الكثير لنصل إلى القليل مما وصلوا اليه فعندما انظر حولي

فى دراستي اجدنى والاغلبيه من زملائي ننتظر اليوم الذى تلغى فيه المحاضرة أو تتعطل

وعندما اخرج إلى الشارع واركب اى وسيلة مواصلات أجد السائق ينتظر الفرصه ليقوم باى عمل

مخالف حتى مع القوانين الرادعة المعمول بها هذه الأيام وغيرها الكثير من صور تجعلنا نتاخر

عن ركب التقدم وان نظل فى مكاننا لا لنقص فى عقولنا وقدراتنا ولكن لحبنا للفوضى والكسل

فى الختام أدعو الله أن يقل الكثير ويقترب البعيد.:sleep: :sleep: :sleep: :sleep:

ميرسي يا بشمهندسه dodysh لفتحك للموضوع
احنا فعلا قدامنا كتيييييييييييييييييييييييييييييييييييييير عقبال ما نوصل للناس دي
ويمكن منوصلش بسبب الفوضي ايلي احنا عايشين فيها
معظم الناس مش عاوزه تتعب و تجتهد
عاوزين التطور هو ايلي يجي عندهم مش هما ايلي يتعبوا عشان يوصلوا ليه
اما بالنسبه لموضوع مخالفه القوانين واحترامها
الصراحه احنا احسن شعب يخالف القوانين
المشكله ان فيه تهاون من الجهه الواضعه للقوانين عشان كده الناس بتخالف القوانين
لكن لو فيه معامله شديده وقويه مع كل الناس
مش هنلاقي حاجه من مخالفه القوانين دي
بس طبعا عندنا ف مصر
مفيش حاجه اسمها كلنا متساويين قدام القانون لا لا

وكلنا عارفين ايه ايلي حصل مع ممدوح اسماعيل صاحب عباره السلام ايلي غرقت و راح ضحيتها اكتر من 1300 شخص
و الناس كانت مستنيه القاضي يحكم عليه ولو ب 10 سنين علي اقل تقدير
انما اتفجرت المفاجاه انه ياخد براءه
يعني الفساد و الرشوه و النفوذ المستبده وصلت للقضاء
يبقي تقدم ايه و تطور ايه ايلي احنا مستنينوا
بيبكى

ويارب مكونش طولت عليكو

فعلا معكى حق ما أوصل الصين الى ما هى فيه الآن هو حب العمل و الاجتهاد و لكن أيضا لديهم نظام

يرعى المبدعين والمبتكرين ويوفر لهم كل الامكانيات أى انها بتستغل القدرات البشرية أحسن

استغلال أما مصر أقل ماينفق من ميزانبة الدولة هو ما ينفق على البحث العلمى .

إن الصينين أحبوا بلدهم حبا حقيقيا فكانت النتيجة ما نراه الأن

من اكتساح الصين للعالم كله في جميع المجالات وليس بمستغرب
ما رأيناه في حفل الإفتتاح من ابهار وابداع
أما نحن فلكي نصل لما وصلو إليه ينبغي أن نحب وطننا مثلما يفعل الصينين
وأن ننهض ببلدنا مثلهم وأن نعطي الفرصة لأهل الكفاءة
وكفانا من أهل الثقة ما لاقيناه من تخلف وتدهور في جميع المجالات

فى البدايه احب ان اشكر كل من رد على موضوعى
لكننى لم اقصد به الاحباط ولكننى اردت ان اجعله وقفه يقفها كل منا مع نفسه
ليبدا ليصحح الخطاء الذى يراه فى نفسه صدقونى هنبقى احسن
اما العداله التى تحدثت عنها يابشمهندس حسام فان غيابها من اكبر مشكلات هذا الوطن
مصر بلدنا لازم نحبها زى ماهيه

نحبها اه
لكن زي ما هي
هي دي المشكله
احنا لما هنحب بلدنا يبقي هنحب نغيرها مش نسيبها زي ما هي
لان ايلي بيحب حد
يحب دايما يشوفه باحسن حال و يحاول يخليه يصلح من نفسه لو فيه اي حاجه غلط

وشكرا يا بشمهندسه لمتابعتك للموضوع

والله يابشمهندس باين انك فهمت كلامى غلط انا مش قصدى اننا نحب بلدنا زى ماهيه
يعنى ان احنا نستسلم لكن قصدى ان احنا منحطش شروط علشان نحب بلدنا اما تغيرها فده واجب علينا ولا هنجيب ناس من بره
وشكرا ليك يا بشمهندس على ردودك

انا عارف يا بشمهندسه ان حضرتك مش قصدك نستسلم للوضع ايلي هي فيه

وانا قولت فعلا ان احنا ايلي نصلح بلدنا مش نجيب ناس من بره

وسوري لو كنت فهمت كلامك غلط

لا داعى للاعتذار

» فندق في الصين على شكل شلال
» حمار الصين العظيم
» الصين وشهر الصيام
» الببر
» مدينه من البيض فى الصين