كوسة ..........ههههه

قال أمير الشعراء بتاع الخضار اللى على اول الشارع :

للكوسة فى بلادى شئون
بتخلى المسنود فرعون
يتفرعن فبها مهما يكون
وتخلى الجاهل أستاذ
والأعرج لاعب جمباز
وتخلى الأحول هداف
والكورة الأوت فى الجون

للكوسة فى بلادى شئون

لو تعرف واحد فى الشرطة
راح تخرج من اجدع ورطة
والراجل اللى انت ظلمته
تلاقيه متلأح مسجون

أو تعرف شخصية كبيرة
شغالة فى البنك مديرة
راح تآخد من غير ضمانات
كام قرض بمليون مليون
وهروبك طبعا مضمون

ويعينى لو تعرف نايب
فى المجلس مش نايب خايب
راح تبنى أبراج وهمية
أوراقها مظبوطة أكيد
و فلوس الناس المهرية
حتجيلك م الجيب للايد
بعديها تروح المستشفى
وتأيد نفسك مجنون
أحكامك تسقط فى ساعتها
و بعديها ترجع موزون

ويعينى لو تعرف شيخ
سيادتك طاهر على طول
وصيامك طبعا مقبول
واذا فرضا حبيت تتجوز
تتجوز من غير مأذون

واذا ساكن فى عمارة جديدة
وحبيبك راجل مسئول
فسيادتك من غير ما تقول
يركبلك فورا تليفون

ولو انت عندك عربية
ونمرها سودة بنسرين
حتعدى أجدعها كمين
وحتكسر أجدعها اشارة
ما هو نمرك سودة ..جبارة
ولا تعرف ايتها قانون

ولو انت بتعرف فران
أو واحد بياع جرنان
راح تاخد طلبك و تمشى
من غير ولا دوشة ولا دور
والناس الغلبانة حتاخد
طلباتها بعدك وتغوور
ما هو كله غيرك بيغور

واذا كنت زميل الحلاق
راح تحلق أولها زبون

واذا كنت بتعرف دكتور
هتعيش متطمن مسرور
وحتسلك فى لجان الشفوى
ومجال تعيينك مضمون
وحتطلع فى التليفزيون
بالبدلة وفيها الببيون
تتكلم وبكل بساطة
عن شرف المهنة المدفون

لكن لو شاعر غلبان
قولت اللى فى نفسك على طول
حيقولوا مين قالك قول
و يهاجمك مليون انسان
و التهمة انك فنان

مش برضه كلامى يا جدعان
حسينه ولا انا غلطان

مش معنى كلامى يا أحبابنا
ان احنا خلاص اتغربنا
فيه فينا أشراف و كتير
اتربوا على حب الخير
واحترموا ولادهم و الغير
والناس احترمتهم والله
الفاتحة على روحهم يلا

منقول من شاعر غلبان
شكرا

وتخلى الجاهل أستاذ
والأعرج لاعب جمباز
وتخلى الأحول هداف
والكورة الأوت فى الجون

ولله موضوعك بجد جامد ودة حال البلد
بس المشكلة فينا بالاساس كل الناس اول لما تقع في مشكلة
تتكلم بالموبايل وتاقي اي كوسة زي موضوع قريب حصل في الكلية
وبعدها المرسيديس السودة جات و خلص الوضوع
طبعا عارفين انا قصدي اية

اقتباس :: ولو انت عندك عربية
ونمرها سودة بنسرين
حتعدى أجدعها كمين
وحتكسر أجدعها اشارة
ما هو نمرك سودة ..جبارة
ولا تعرف ايتها قانون

قصيدة جميلة بس للاسف مكررة

» ههههه....!!
» كل احد...لا احد..احد ما...اي احد..ههههه
» ايه رايك تروح لحلاق بلا مشط ومقص ههههه
» (بمناسبة قرب شهر رمضان)صور مطعم فى اعماق البحر من الخارج والداخل(ههههه)
» مانتي عارفه الكانز وغطاه....بصراحه احنا نخنق...وانتو يابنات تستاهلوا..ههههه..