هو وهى ماشيين على الكورنيش .. الجو حر .. الشمس محرقة . هي : عطشانة . هو : وأنا كمان . هي : يعنى ... عايزة اشرب! هو : أكيد مادام عطشانة يبقى عايزة تشربي . هي : المفروض – بما أن عندك إحساس يعنى – إني لما أقولك عطشانة تجيب لي حاجة ساقعة . هو : ومين اللي هيحاسب ؟؟ هي : أنت طبعاً . هو : منين ياحسرة .. ماانتى عارفة الكانز وغطاه . هي : ماقلتش عايزة كانز .. كفاية إزازة صاروخ . هو : طب لو هاتجيبى اعزمينى معاكى . هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟ هو : عندك الكورنيش كله .. اختاري الرصيف اللي يعجبك . هي : قصدي تعزمنى في مكان شاعري . هو : في الحر ده .. ماينفعش . هي : بلاش دى .. نأخد مركب عالكورنيش . هو : المراكب بتغرق اليومين دول .. خلينا ع البر أحسن . هي : بلاش المركب تعالى نأكل ترمس .. أظن ده رخيص . هو : إنتى تضمني منين إن الراجل غاسل إيده وغاسل الترمس . هي : أعوذ بالله .. إنت مقفلها كده ليه ؟؟ هو : بصراحة معييش فلوس . هي :يا سلام!! .. ماأنت كان معاك إمبارح . هو : إمبارح دخلت سينما مع واحدة حلوة كده فالفلوس خلصت . هي : واحدة ؟؟!! وبتقولها في وشى . هو : أكذب عليكى يعنى . هي : لأ .. تحرق دمى أحسن . هو : أنا مش شامم حاجة . هي : يخرب بيت البرود . هو : برود إيه ؟؟ ماهو الجو مولع أهو . هي : إنت اللي بارد . هو : بارد إزاى ؟؟ دا أنا بشُر عرق . هي : بقولك إيه .. روحنى . هو : أروحك ؟! هو إنتى ماتعرفيش تروحي لوحدك . هي : آآآآه .. طب أنا ماشية . هو : ليه يا حبيبتي؟؟ هي : حبك برص . هو : الله يسامحك .. ميرسى . هي : بجد كده كتير . هو : كتير إيه ؟؟ هي : إرحمنى .. واضح إن الحر بيجى معاك بالعكس .. يا بارد . هو : يعنى مصممة تمشى ؟؟ هي : أيوة وحالاً كمان . هو : طب استني لما نوصل آخر الشارع . هي : اشمعنى ؟؟ هو : أصل أنا ساكن هناك .. و مايرضكيش أروح لوحدى . هي : يا نااااااااااااااااااااااس.. إلحقونى.. الواد ده بيعاكسنى . وكعادة الشعب المصري الشهم الناس كلها اتلمت عليه و .... الله يكون في عونه
الشيمـــاء عضو مرشح للإشراف عن قسم الأدب والشعر
عدد المساهمات : 1418 تاريخ التسجيل : 06/08/2008 العمر : 34 الموقع : أرض الله الواسعة رقم العضوية : 1552 Upload Photos : أهم مواضيعى :
جميل يا أسد بس بصراحة دي الطريقة الوحيدة للتعامل مع هذا الصنف
شكرا يا ابراهيم
حسين تاج الدين عضو بدرجة مهندس إستشارى
عدد المساهمات : 2139 تاريخ التسجيل : 28/08/2009 العمر : 33 الموقع : في قلوب الاحبه الأوسمه : Upload Photos : أهم مواضيعى :
حكمه ...
حين تفقد شيئاً يخصك . . تذكر أن كل شئ قد كان في لوحة القـدر
. . قبل أن تكون شخصا من بين ملايين البشر. . إن خسرت شيئا
. . فتذكر أنك قد كسبت أشياء . . و إن فاتك موعد
. . فتذكر أنك قد تلحق موعــداً! ! مهما كان الألم مريراً ومهما كان القادم مجهولا .
....... افتح عينك للأحلام و الطموح . . فغداً يوم جديد . . وغداً أنت شخص جديد
عدد المساهمات : 149 تاريخ التسجيل : 16/04/2009 العمر : 37 الموقع : اسوان رقم العضوية : 2922 Upload Photos : أهم مواضيعى : اننى اجاهد بكلمه طيبه احمل بها منهج الله الى الناس لانى رسولى يقول"لايؤمن احدكم حتى يحب لاخيه ما يحب لنفسه"فـأن نفعى للناس يعود على حتى أكمل ايمانى
احسن يستاهل اللى يجراله و اللى جراله ده قليل عليه بس انا مش عارفة ايه حكاية القلبة السودة دى على البنات ف المنتدى............. يللا معلش شكرا يا بشمهندس على الموضوع الطريف ده
عدل سابقا من قبل Mira في الأحد 6 سبتمبر - 23:57 عدل 1 مرات
eng_mulan مهندس جديد
عدد المساهمات : 8 تاريخ التسجيل : 05/03/2009 العمر : 35 رقم العضوية : 2105 Upload Photos :
لا....الحق يقال ..............الواد دة عاوز يضرب ..دة نرفزنى وانا اعد بقرأ الموضوع اومال لو كنت مكان البنت دى كنت عملت فيه ايه؟؟؟؟؟؟؟...... كنت رميته فى النيل
Eng Assad عضو بدرجة مهندس إستشارى
عدد المساهمات : 2859 تاريخ التسجيل : 21/06/2009 العمر : 34 الموقع : في البيييييييييييييييت الأوسمه : Upload Photos :
احسن يستاهل اللى يجراله و اللى جراله ده قليل عليه بس انا مش عارفة ايه حكاية القلبة السودة دى على البنات ف المنتدى............. يللا معلش شكرا يا بشمهندس على الموضوع الطريف ده
القلبه السودة دي كله من تحت راس نور الهدي ياعم.. انتوا اللي ابتديتوا... ولسه.. ولسه.. ولسه.. ههههههههه تورتي الموضوع يابشمهندسه ميرا..
eng_mulan كتب:
والله انا مش عارف انتي متضايقه ولا مبسوطه هههههه اكييييييد شمتانه فينا صح..؟؟ ماشي ماشي..
عموما نورتي يابشمهندسه بمرورك...
life for rent كتب:
لا....الحق يقال ..............الواد دة عاوز يضرب ..دة نرفزنى وانا اعد بقرأ الموضوع اومال لو كنت مكان البنت دى كنت عملت فيه ايه؟؟؟؟؟؟؟...... كنت رميته فى النيل
والله انا نزلت الموضوع عشان الناس تشمت فيه والله.. لانه اول واحد انا ضايقني فيكم.. قلت خلي باقي الناس تشمت فيه.. قمه البروووووووود الواد ده.. نورت الموضوع والله يابرنس..
all star كبير مهندسين
عدد المساهمات : 459 تاريخ التسجيل : 05/08/2009 العمر : 34 الموقع : any where you want Upload Photos : أهم مواضيعى :
جامده فحت القصة دي و لو انها مش قصه ممكن تعتبرها اختبار للبنوته اللي صعبت عليكو بس خساره فشلت فيه و ظهرت علي حقيقتها اني هي ندله وباعت الواد الكتكوت فو اخر الطريق....
هاهاهاهاها
Eng Assad عضو بدرجة مهندس إستشارى
عدد المساهمات : 2859 تاريخ التسجيل : 21/06/2009 العمر : 34 الموقع : في البيييييييييييييييت الأوسمه : Upload Photos :
جامده فحت القصة دي و لو انها مش قصه ممكن تعتبرها اختبار للبنوته اللي صعبت عليكو بس خساره فشلت فيه و ظهرت علي حقيقتها اني هي ندله وباعت الواد الكتكوت فو اخر الطريق....
هاهاهاهاها
ياعم ندله ايه... مع الواد التلاجه ده..؟؟ ياعم ده هيا كفايه انها استحملت تطلع معاه اصلا ياعم.. والله كتر خيرها البت دي ههههه نورت ياباشا الموضوع..
THE SMILE كبير مهندسين
عدد المساهمات : 702 تاريخ التسجيل : 15/06/2009 العمر : 34 رقم العضوية : 4169 Upload Photos :
موضوع: مانتي عارفه الكانز وغطاه....بصراحه احنا نخنق...وانتو يابنات تستاهلوا..ههههه.. 
الأحد 6 سبتمبر - 16:49
