راى المزعج (قلمى ) فى البشر!!!!!!!!!

ملحوظة:عليك مراجعه قلمى السفروتى المزعج (لوكنت مستعجل ملخص الموضوع انه قل ادبه فاتخانقت معاه وقررت عقابا له ان انا ماامسكوش غير بعد الامتحانات)

الاجازة .......بالطبع انها الاجازة تعنى الراحه على ما اعتقد

الاسترخاء ...تعنى انك تنام مرتاح البال دون التفكير فى تسليم شيت(0او للصدق لنقل شيت)

كى لا اطيل تعنى كل شىء يجعلك بعيد عن (وجع الدماغ)

المسمى بالدراسة ..... نايم

تعنى لى انك لا تستيقظ كى ترى لا قدر الله دائرة كهربيه

او تصطبح (بوش مكثف او ملف........او ما شابههم الله لا يرجعها ايام)

بالرغم من انها ثلاثه اشهر فقط ونعود الى الدوائر والآلات لذا فلننحى ذكرهم جانبا...

(بلاش عكننة.......)

لذا بعد مضى الامتحانات قررت ان اهرع الى السرير وانا انسى كل ما يتعلق بالدراسة ........ نايم

وبعد يوم من الاجازة قررت الخروج وفعلتها وخرجت ثم.....بالطبع عدت

وقررت الرجوع الى السرير مرة اخرى (ليس لى ملاذ غيره)

وهنااااااااااااا نعم ومن غيره انه المزعج مرة ثانية اقصد عااااااااشرة وربما الالف بعد المئة

واذا بها يبتسم فى وجهى وينظر لى نظرة وديعه بيقدم ورده

جعلتنى اتوجس خيفة منه بالرغم من اننى قمت بتوبيخه اخر مرة وهنا بدات اخاف من الممكن انه يخفى قنبلة داخل حبره او ربما يخفى سلاحا (لا ادرى بدات افقد عقلى.......) نظرت اليه وقلت ما بك وما تلك الابتسامة

واذا به يرد فى صوت منخفض(حنين اوى حضرته)

انا طوع بنانك امسكينى ولن ازعجك ...... بيحب

اممممممممم (تقدم مستوى زكاؤه وعرف انى لا احب العنف فى التعامل وبدا يجعلنى البى رغباته عن الطريق اللين فى التعامل فحمدت الله على ذلك التفاهم بينى وبينه....) وامسكت به رغم انهاكى وقلت خط يا فنان ما تريد (قال فنان قال)......

واذا به يكتب الآتى:

ياليت كل البشر .....بشرا

نعم يا ليت ......

لم اقل اود البشر ان يتحولوا الى ملائكة أولى أجنحة مثنى وثلاث ورباع

ولكن اقول ياليتهم بشرا...فقط بشرا

(امممممم استأذنك ان لم يزعجك ذلك ان توضح لى ماذا تقصد ايها القلم الفنان...)

فاستطرد قائلا:

أعنى هل تعرفين ما معنى ان تكونى بشر

فجاوبت بالطبع ان تكون لى عينين وامشى على قدمين وانف و........

هنا صرخ كفى غباء بيدخن

لا اعنى ذلك هل قالوا لكى انى لا اعرف الشكل البشرى (ماانا طول عمرى متنيل بين ايدين الناس وعارف اشكالهم........)

واستطرد قائلا: اقصد المعنى الحسى خلقكم الله بشرا وان اراد لصوركم فى صورة حيوانات او ملائكة ولكنكم بشرا.......

ولكنكم تصرون ان تعيشوا بشكل بشر وقلوب لا اود ان اقول وحوش ولكنها ليست بقلوب البشر

فلا يوجد وحش يكذب او يخدع او يدبر مكيدة لبنى جلدته

ولكنكم ترتشون وتكذبون و......... وهنا غلب عليا النوم نايم

فاستحلفته بالله ان يتوقف (اصل كلامه شكله دمه تقيل النهاردة مش عارفة ماله....شكل حد من البشر اللى فى البيت داس عليه وهوه مش واخد باله فاخد موقف من البشر.......)

ساكمل مرة ثانية عن رايه فى البشر................انتظرونى انا وهوه

بيضحك

ده ردي علي كتابتك
بجد تعظيم سلام
عاجباني فكرة انها تبقي سلسلة

نيجي بقي للنقد
"ما هو مش كل مرة مديح بس"
حسيت المرة دي ان القصة قصيرة
مش عشان عدد سطورها .. لا
بس عشان اول ما بدأ يتكلم كلام حلو قاطعتيه
كنتي تخليه يكمل كلامه
ده اولا

ثانيا .. بعد ما تكتبي القصة اقريها تاني
حتلاقي ان فيه حروف زيادة في كلمة او كلمتين

وعندي تعليق علي جزئية
بس دي حخليها بيني وبينك بقي
غمزه

على الرد اكييييييييد يا برينسس والنصايح

بس انا حاولت اقطع كلامه عشان بجد كنت عايزة انام نايم

ومن باب التشويق لكن اكيد هااكمل فى نفس الموضوع ......انتظرونى
اما حكاية اقرا الموضوع تانى احيانا بكسل انتى عارفه اختك كسولة جدا وسريعة الملل
بس هااحاول ان شاء الله
اما اللى بينى وبينك هاتقوليهولى مش عارفة هايبقى عن ايه بس انا عارفاكى . بيضحك

.....ربنا يستر

موضوع ممتاز

و سلسلة رائعة

و لكنى متفق مع princess

فيجب زيادة الجرعة مما يقوله القلم

و فعلا

لو كل البشر بشر

مكنش ده بقى حالنا

راى المزعج (قلمى ) فى البشر!!!!!!!!! 2696

راى المزعج (قلمى ) فى البشر!!!!!!!!! 2696

ترميناتور ع الرد

وان شاء الله الجرعة هاتزيد فى الجزء التانى من الموضوع ده
وهااخرس خالص واسيب الباشا يتكلم........
طبعا عارفين الباشا مين؟؟؟؟؟؟؟؟؟

الموضوع جميل جدا وانا عارفاكى يا ساسو ان مش هتستسلمى للقلم المزعج ده
بس فين باقى الحكايه انا مستنيه اشوف اخره ايه انتى اتاخرتى علينا قوى
غمزه

» قلمى السفروتى المزعج
» تخاريف قلمى...عندما كنت صغيرة
» المدهش ف البشر
» البشر أنواع
» كلب يمشي مثل البشر ,,,!!!