كده الموضوع زاد عن حده

وانا كمان بقدم اعتذرا لطلبة المعادلة

عن اى شئ نزل وضايقهم

في المنتدى دون قصد منااا

بجد شكرا ليك يا بشمهندس زيكو لانك لحقتنا قبل ما نتعقد من الكلية و من المنتدى و من اسوان نفسها . و احب اقولكم ان فى كلام كتير اتقال مش بيحصل و كان ظلم و افترى .حسبي الله و نعم الوكيل, و احب اقول حاجة للبشمهندس البيهددنا فى الموضوع عيب و كدة كتيير لان احنا ولاد ناس و مش جايين نتهزأ هنا........ و شكرا لكل الاعتذرو ده دليل على تربيتكو و اخلائكو العالية

اقتباس :

تم التعديل بواسطة المهندس حاتم رشوان
لا يسمح بهذا الكلام داخل المنتدى ينتمى لكلية هندسة اسوان
نأسف

جودزيلا احنا خلصنا من الموضوع دة
بجد

لو فيه أى دليل عندك هاته
ونشوف ينفع يتحط ع المنتدى ولا لأ
والوحش والكويس موجودين في كل حتة

وفيه طلبة معادلة كتير جداً محترمين وكويسين

وانا ابن خالتى طالب معادلة دبلومة أمريكية
فى هندسة شبرا

الموضوع مش معادلة ولا مش معادلة

انت ممكن تقول ان اللى جايين من بحرى مش واخدين على حياة ونظام وتقاليد الصعيد
ودة غصبن عنهم

واحنا نحاول نساعدهم انهم يتأقلموا على البلد وعلى نظامها وأكيد هما حيحبوا البلد
والعادات هنا
بس يبقى النصح بوجه رشيد بالرااحة مش بطرق لوى الدراع

بسم الله الرحمن الرحيم والصلاة والسلام على سيدنا محمد وآله وصحبه وسلم وبعد
أولا أحيي البشمهندس زكريا على هذه اللفتة الكريمة التي سبقنا بها لإخوانه من أبناء الشهادات المعادلة وفقهم الله خاصة من كان منهم بالفرقة الإعدادية وأنا أيضا أقول لهم يابشمهندسين أنتم بين أهلكم وإخوانكم وأنتم لستم غرباء نحن عائلة واحدة
لكن هناك لي بعض الملاحظات فقط والتعقيبات
سوف أسأل بعض الأسئلة في البداية
هل تحدث مصائب في كليتنا ؟؟
نعم تحدث مصائب والله ماكنا نسمع عنها في السنوات الماضية
هل المستوى الأخلاق انحدر عن السنوات السابقة ؟؟؟
نعم إن منحنى الأخلاق في هندسة أسوان في هبوط
هل الإختلاط انتشر في كليتنا ؟؟؟؟
نعععععععععععععم
لكن من المسؤول عن هذه الظواهر ؟؟؟
من المسؤول عن هذه الأفعال؟؟؟
من المسؤول عن هذا التردي ؟؟؟
هل هم طلاب إعدادي كما يحلو للبعض أن يقول ؟؟
أم هم طلاب الشهادات المعادلة كما يدعي آخرون ؟؟
أم أنهم كما يزعم البعض الآخر طلاب صنايع ؟؟

إن المسؤول عن هذه الظواهر في هندسة أسوان كل طالب وطالبة في هندسة أسوان وفي مقدمتهم الدفع الكبيرة خاصة بكالريوس
يسألني البعض وكيف ذلك ؟؟؟
إن الطالب عندما يأتي إلى الكلية أول سنة في إعدادي لابد له أن يصاحب طالب من الدفعات الكبيرة هذا الطالب يكون هو قدوته ومثله الأعلى وأغلبنا الآن تأثر فكريا وخلقيا بطلاب سابقين فإما أن يكون هذا الطالب القدوة طالب خلوق ملتزم لا يختلط وعلى دين ويفهم الإسلام فهما صحيحا يوجه هذا الطالب الجديد للخير ويعرفه طريق الصلاح ويحذره من الفساد والميوعة وإما أن يكون طالبا غير ملتزم بيده سيجارة في النهار وتصبح حشيش بالليل وهاتفه ممتلئ بأرقام البنات ويذهب إلى الكلية لمقابلة الفتيات ثم يخرج منها ليجلس عند السوبر ماركت ساعتين ثلاثة يكلم الفتيات ولا مانع عنه من ان يذهبا الى أسوان للفسحة مع الفتيات والحديث المائع فعندما يصاحب طالب الاعدادي هذا الطالب الذي ارتسم فيه الفساد في ابشع صوره واقبح اشكاله فما عساه شوف يكون مصيره إن مصيره الطبيعي ان يصبح مثله بل قد يصبح التلميذ الذي تفوق على استاذه كما يقال وربما هذا الطالب الكبير لايفسد طالبا واحدا فقط بل مجموعة من طلاب الاعدادي سواء كانوا ثاوية معادلة او عامة او صنايع او غيره
إذا فالخطأ الأول خطأ الكبار وهذا الكلام ليس للطلاب فقط بل للطالبات أيضا
اتقوا الله وكونوا القدوة الحسنة لاخوانكم الصغار فإن عجزتم أن تكونوا القدوة الحسنة فلا تكونوا القدوة السيئة

واعتذر مرة أخرى لكل إخواني وأخواتي طلاب الفرقة الإعدادية سواء كانوا معادلة او عامة او صنايع

لا أعرف الكثير عن الموضوع و لست طالبه معكم ...


و لكن لي رأي صغير جدا في هذه المسأله .. اخواني و اخواتي

ظاهره انحدار المستوى الأخلاقي .. و تفاهة العقول ..



ليست مقصورة في هندسه اسوان !!!!!!!!!!!


انها ظاهره عامة ...
أعتقد ان اللوم لا يقع لا على طلبة المعادله
ولا الصنايع ! ولا الاعدادي ولا البكالريوس ولا اي احد ممن تلقى عليهم التهم في هذا الموضوع ..

و لو ذهبتم إلى اي كلية .. ستجدون نفس المستوى بين اوساط الشباب ..

المشكلة ليست في الاعدادي و الصنايع و المعادلة ! ... بل في جيل كامل ... للأسف ضاعت هويته .. و أخلاقه !

و انما الامم الاخلاق ما بقيت
فان هم ذهبت أخلاقهم ذهبوا ...............

و أعتذر لتدخلي و لكن هي وجهة نظر .. و رأي شخصي لكم حرية تقبله أو رفضه ...

تقبلوا تحياتي

zeko_egyco كتب:

وافتكر ان طلبه المعادله يمكن ميعرفوش السجاير اساسا شكلها ازاي

يا بشمهندس السجاير و الحاجات التانية دى فعلا موجودة بس مش لطلبة معادلة بس ولا كلهم ,فى طلبة كتييييييييييييييييييييير من فئات مختلفة برضو .......ربنا يهديهم و يحفظو على صحتهم...

انا متفق جدا مع راى little queen لان فعلا الانحدار فى المستوى الاخلاقى و تفاهة العقول بقى حاجة عامة و على مستوى كل الدول العربية

و مش مرتبط بطلبة معادلة او غير معادلة

و انا قدمت اعتذار لطلبة المعادلة عن اى شىء خطا حصل

و ان شاء الله ربنا يوفق الجميع و يهدى اللى مش كويس