قرررررررررب واللى مايشترى في كافتريا الكلية يتفرج وقرررررب قرب قرب

بسم الله
في الغالب زي مابيقولوا الصورة تغنى عن الف كلمه والحمد لله الكلام ده طلع صح ياعني المنهج اللى درسناه في اعدادي طلع تمام الحمد لله اهوه ياجدعان ابتدينا نستفاد من الكليه في حاجة وطلع كلام الناس الوحشه ان ان الكلية دي مش بتستفاد منها حاجه وانا من راي ان ده كلام عالم كفتجيه على ماعتقد ان مفيش علم بيخسر المهم بقي ياجدعان ندخل في صلب الموضوع فيه بقي ظاهره غريبه حبتين لا نقول تلات حبات ولا عشر حته هو احنا هندفع من جيبنا ان الكافتريا اللى المفروض ان اسمها كافتريا اللى اعرفه ان الواحد كده يقعد عليها ياخد راحة كده بين السكاشن والمحاضرات او اننا نستنى المحاضرات لغاية اما ربنا يفرجها علينا وتيجي معاد المحاضره فنقعد على الكافتريا لان على حد معرفتي ان المكتيه ماشاء الله عليها اساليب جذب لطلبه مش بقولكم عليها ده انا اما باجي ادخل المكتبه بلاقيها ولا طابور الجمعيه ده من كتر زحمة الناس ممكن تحجز قبلها باسبوع ده غير الموظفين المسؤلين عنها اللى بتكلم باحترام وبيحسسك انك مهندس وكده ولازم يكون اسلوب الكلام معاك باسلوب راقي وبصوت واطي عشان الناس اللى بتقرا بردوا مايحصلش عندهم شوشره صراحة ياجماعه انا عاجز عن شكر الجماعه بتوع المكتبه على اللي بيعملوه معانا المهم نرجع بقي للكافتريا احنا بقي وقاعدين مستنين المحاضرات اهوه الى اعرفه واللمتعارف عليه ان الواحد يقعد في الكافتريا ياخد له كوبايه شاي يخبط له سندوتشين كده من عينات السندويتشات اللى في الكلية اللى لا تسمن ولا تغنى من جوع بس ربنا يخلي لنا خرسانة الفول بتاعت شاذلي بالصلا على النبي تسد المعدا لا نها مصممه بحيث تقاوم الجوع وده حسب كود التصميم الشاذلي وممكن تلاقوا نسخة من الجداول في مكتبة المغربي لو مش مشيت بالكود وانت بتاكل من عند شاذلي مش هتشبع وانا بقولكم اهوه هتلاقوا عنده اتنين كود واحد لخرسانة الفول والتاني للخلطات الاسفلتية الناتجة من الزيت اللي ممكن تسرح فيه شعرك ومفيش مشكله لو نزلت كام قمله اهو بدل ماتمص الدم من بره اهوه تمصه من جوه واهو كله فيتامينات ياشباب ..المهم ياجماعه محدش يبعدنا عن الكافتريا كنا بنقول ان الواحد يقعد يخبط له سندوتشين يحكي مع زميله يجيب في سيرة فلان ويقعد يفضفض وهو بيتكلم عن معيد علان وكده يعنى انما الغريب بقي ان فيه اوبشن جديدة اضافت للكلام القديم ده انه بقي في العاب ياعنى واهو والعالم بيتغير وبيتقدم ونلاقي بقي يشباب لعبة حلوة خالص اسمها القزازه طبعا في عالم معانا من وراء البحار مش عارفين ايه لعبة القزازة اشرحلهم بقي بعد اذنكم القزازه ايها الساده ان مجموعه من البشر تعمل دايرة ويجيبوا قزازة ويلفوها واللى تاجي عليه راس الازازه يسال اللى جه عليه الناحية التانية من القزازة وطبعا هيكون اي سؤال وعادي ممكن اسئله خارج المنهج وممكن تستعين بصديق لو حد معاه رصيد طبعا ياجماعه انا بكتب الكلام عشان انا متغاظ لانهم مش رضيوا يلعبونى معاهم طب والله عيال وحشين وانا هقول بابا طبعا في العاب عجيبه وغريبة بشوفها زي الكوتشينه وتقريبا اسمها ديستميشن ده غير اللى بيلعب فيفا وانتظروا قريبااااااااااااااا جدا في الكافتيريا ضمنه وشيشه وممكن ندي توكيل االكافتريا للمضيفه واهو كله توسيع للاستشمارات وربنا يهدي الجميع ويجعله عامر

شكرا لطرحك الموضوع يا بشمهندس مصطفى

وبالطبع الغرض من الموضوع إننا ننتبه لإستخدام أى شىء فى الكلية أو وسيلة متاحه لينا
فى حدود الأدب والإحترام ولا نخرج عن هذا الإطار وبلاش النمط المصراوى ده واللى
دايما بيغير مفهوم كل حاجه ويقلب أى حاجه على مزاجه ولا مانع لديه من الخروج عن القيم
والحدود الصح اللى مفروض نمشى عليها وبخصوص لعبة الأزازه ولا صلح أو يمكن
يلعبوا حجله كمان فده شىء جميل بس مش فى الكلية يتعمل ممكن يلعبوا فى أماكن تانى
أو فى رحله أو فى أى حتة تانية مش حرم جامعى واللى هتعمل سمعه مش حلوه عن كليتنا
أو إننا لازم نبقى نموذج يحتذى مش نتبع سياسة الخطأ فقط وبخصوص الأسئله والألعاب
إحنا حاطين لعبة كرسى الإعتراف فى المنتدى وممكن من خلالها تعمل اللى عاوز
تعمله وكل اللى فى دماغك وكل الناس هتسألك بس فى المنتدى وسيلة مشروعه
ومفيهاش خروج عن المألوف أو الإعتباط وأفلام العربى القديمة اللى بتتعمل واللى
فاضى أووى كده يروح يشتغل أحسن بدل المصاريف اللى على الفاضى دى أو إنه يبقى
عاله على أهله أو على حد.

وشكرا على الصيغة الجميله جدا دى وربنا يهدى بتوع المكتبة برضو يا بشمهندس مصطفى
ويهدى الطلبة جميعا

والله الموفق

اسمها زجاجة

زجااااااااااااااااااااااجة

هفضل اعملك لغاية امتى يا ابنى

فعلا الكافتريا اليومين دول بقت بتحصل فيها حاجات غريبة

و ربنا يتولانا

و شكرا جودز على الاسلوب الرائع جدا جدا جداااااااااااااااا

معلش بقي يالاشين اصل حسب لايحة الجامعه ان ممنوع استعارة الكتب من المكتبه فثقافتى صفر على الشمال ومنكم نستفيد ياسيدي الفاضل

بصراحة موضوع جميل وده كويس انك اثرت الموضوع ده فى بدايات العام الدراسى
بس احب اوضح شىء انه احنا بنحب نلاقى اعذار لكل شىء
فمثلا بطلنا ندخل المكتبة بحجة انه ده كلام موش نافع اليومين دولا والبعض
يبرهن بالحجج الواهية انه الدراسة النظريه لا تلمديد من الخريج بشىء
للممارسة الميدانية - وهذا مفهوم خاطىء طبعا - وسرعان ما نجد العين الذين
يقولون كذلك مع انهم اكيد كانوا وهم طلاب لا يعرفون الدراسة النظرية اصلا
ايه
المهم احنا موش بنهاجم الخريجين احنا بنتكلم على الحجج الواهية
وكذلك هناك مشكلة كبيرة وهى اقتناع العديد منا بنهج التلقين فى كل شىء وهذا
فهؤلاء الذين نسوا طبيعة الحياة الجامعية وهى البحث اكتر من التلقين وهذا احد الاختلافات بيننا وبينهم ( فى الخارج)
فاخواننا الذين - كما قلت - لا يفعلون الا الجلوس على الكافتيريات ويلعبون الزجاجة وغيرها يتعللون بهذه الاكاذيب ..
الرجاء اننا نستيقظ من الغفلة التى نحن منغمسين فيها فى هذه الفترة

معلهش يا جودز _
احنا بكرة نتجمع وندخلك تلعب معانا

بس هى مش كانت زمان اللعبة دى بالموبايل !!! ؟

والله يا جماعه انا مش عارفه العيب على مين على الطلبه اللى بيعملو كده واللى اغلبهم لو لاحظتو هتلاقيهم طلبة اعدادى (*******) ولا العيب على النظام القائم نفسه اللى سمح للطلبه انهم يعملو كده
بس على فكره مش بس لعبة الزجاجه والكوتشينه ده فى ناس بتجرى ورا بعض وحاجات تانيه كتير
طب ما فكره يا جماعه ما ترخصولنا الحاجات دى وتببقى العاب مرخصه وبعلم الاداره ويا سلام بقى لو بالفلوس على الاقل مش هنخلى الطلبه يطلعوبره يلعبو او حاجه وتبقى كليه متكامله:دراسه(ده على اساس اننا بندرس)-اكل-شرب-لعب ونبقى كاملين من كلللللللللللللله برافو

ربنا يهديهم ويهدينا جميعا يا رب

تم التعديل بواسطة eng_ghost

اقتباس :: يرجي التحدث بطريقه أفضل عن الزملاء في الكليه ..., ومع أحترامي أراء حضرتك الشخصيه

لابد من ( تحترم وتراعي )... مشاعر الأخرين

اه فعلا نسيت الالعاب دى معلش اصل انا مش متابع اتحاد العاب الكافتريا من فتره عشان برضوا ياجماعه مانظلمش حد فيه استغماية والله اعلم اذا كان فيه حنجليكه ولا لا بس مش مشكله فيه مكان لكده في الكليه والحمد لله المعيز من ساعة اما سبت الكليه بقي فيها مساحه كويسه ده كمان ان هقترح على الاتحاد الدولي للعب انهم يتبرعولنا بكام مورجيحه على حبة زحاليق .. وممكن ندخل اوبشن جديد خااااااااااالص نخلى الكافتريا تعمل غزل البنات وممكن مع التوسعات المستقبليه نفتح الكافتريا على الحضانه اللى بتتعمل في مجمع المدارس اللى بيتعمل فوق اخر ابو الريش واهو ضمان لاستمرار التدفق النقدى لاتحاد الالعاب الكافتريا عشان ينزلنا اكس بوكس وربنا يهدي الجميع ويجعله عامر

عندك حق و الله يا جودز الكافتريا بتاعتنا دى غريبة و مش عارف ليه كل ما اعدى عليها احس انها مش كافتريا فى كليه لكن فى نادى وبعدين يا اخى ريح نفسك و اعمل زيى و بطل تروحها

الحمد لله لاعمري جيت جنب المكتبة وكمان بعدي جنب الكافتريا انا ومروح واقول اقعد عليها مرة واحدة في الكلية يجي صوت بيقولي روح نام ساعة وريح احسن من القاعدة وقلة الراحة والتفكير والدعا ان القزازة متجيش قدامك وتتسأل وجايز يبقى السؤال محرج بس معلش في ناس كتيرة على الكافتريا لغت لفظ الاحراج عالعموم في واحد سألني قالي انت ليه مبتقعدش على الكافتريا قلت اما يجيبوا شيشة الاول ابقى اقعد واحنا ماشيين في التطوير يعني باقي على الشيشة خطوة

يا جماعه انا عايز اعرف هوا خلاص الناس كلها فاضيه وبتدور على غلطات الناس وهيا اللى مفيهاش عيوب

يا ريت كل واحد يخليه فى نفسه والناس تلعب قزازه تلعب قمار ده شئ يرجعلهم هما

وبعدين ايه معنى الكلام ده

اقتباس :: واللى اغلبهم لو لاحظتو هتلاقيهم طلبة اعدادى (******)

دى مش اهانه لطلبه اعدادى كلهم ولا ايه؟

يا ريت الناس تفكر فى اللى هتكتبه قبل ما يتكتب ويسيبوا الناس فى حالها

والله ياجودزيلا القعده فى الكافيتريا بقيت شبهه واظن انت عارف ليه كويس بغض النظر عن الألعاب اللى بتتلعب بس عشان حجات تانى

بصراحه ان من ساعة مجيت الكليه وشفت الكافيتريا قررت انى مفكرش اقعد فيها
ده كفايه انى بعدى عليها علشان اطلع من الكليه
بس فى الاخر كله نصيب

marawan elkhateb كتب:: والناس تلعب قزازه تلعب قمار ده شئ يرجعلهم هما

مع أحترامي , لحضرتك

لكني مش متفق مع حضرتك ... في النقطه دي

لو في غلط .... أو منكر بيحصل هنتكلم عنه

أنما مش نقول ( أحنا مالنا )

ومع شديد أحترامي , بس حضرتك الأخ جودزيلا

بيتكلم عن ظاهره معينه حدث وبتحدث في الكليه , ولم يقصد الأساءه لأحد

وأكيد مع خالص أحترامي ... العضو المرشح للأشراف love to life

لم تقصد أي أساءه .... لطلاب أعدادي

ومع أحترامي لكل من شارك في الموضوع

أعتقد أن وجهة نظر الأخ جودزيلا وصلت , وهو أكيد

ميقصدش أي أساءه , فقط هو يقصد لفت الأنتباه لهذه الظاهره

بأسلوب .... ( فكاهي .. مرح بعض الشئ )

ومع أحترامي ..... يتم غلق الموضوع

تم أعادة فتح الموضوع ..... ولكي تتم مناقشة باقي الأطراف

ونحن في المنتدي نحترم الرأي , والرأي الأخر

من هذا المنطلق , تم أعادة فتح الموضوع

لكن .... مع شديد أحترامي

أرجوا من الجميع الألتزام بقوانين الحوار العام

اقتباس :: ثانيا" / قوانين المشاركات والتعقيبات في المنتدى الحوارالعام :

1 - التحلي بالذوق والأدب ومراعاة مشاعر الآخرين .. وإحترام الرأي الآخر وعدم تسفيهه أو تحقيره .
2 - عدم السب والشتم أو إستخدام الكلمات والعبارات والألفاظ البذيئة والهابطة ..
3 - إثراء الموضوع من زاوياه المختلفة والبعد كليا ً عن شخصنة الموضوع والتركيز على الفكرة لا على طارحها .
4 - عدم نشر صور تخدش الحياء أو لا تناسب العرف الإجتماعي أو الذوق العام .
5 - يمنع منعا" باتا" كتابة مشاركات تسبب شحنات طائفية ...

وبناءا" على لائحة القوانين أعلاه فإنه :

=> يحق لمشرف قسم الحوار العام كامل الصلاحية في حذف , نقل , أو تعديل أي مشاركة بحسب ما يروه مناسبا ً إستنادا ً إلى هذه القوانين بدون الرجوع إلى صاحب الموضوع .
=> على كل عضو أن يلتزم بالقوانين .. وأن أي عضو لا يلتزم بهذه القوانين سيكون معرض للعقاب المناسب والذي سيتراوح مابين التنبيه , مرورا ً بالإنذار وانتهاء ً بالإيقاف النهائي لا سمح الله ... وأدارة المنتدى لايتمنون أبدا ً إستخدام تلك الصلاحيات إلا في حالات الضرورة القصوى .

و الله المستعان

وفقكم الله

جزاك الله خيرا بشمهندس اسماعيل على متابعتك لقسم الحوار العام ومتابعة التزامه بقوانين المنتدى

اولا احب اعتذر لاي شخص ظن منى انى اخصه بالاسم ولكن الهدف الاول من طرح هذا الموضوع هو الاشارة الى خلل معين وادق جرس التنبيه ليعرف الجميع الى اى طريق يتجهون بالنسبة للمهندسة love to live انا لا اتفق معكى في تقليل من قدر او شئن اى حد من ابناء الكليه فكلنا ولله الحمد لله اخوة والخطأ لا يعرف صغيرا او كبير بل هناك اخطاء فادحة من الدفعات الاكبر من اعدادي وليس هنا مكان طرحه ولكن على سبيل المثال التهريج الزائد عن الحد بين بعض المهندسين والمهندسات ومن المفترض ان طلاب الدفعات الكبير يكونوا قدوة وموجهين للدفعات الاصغر منهم وليس اهانهتم والتقليل من قدرهم بل العكس توجيههم واعطاء النصح لهم واظهار العيوب والاخطاء الذين وقعنا فيها نحن الكبار داخل الكلية لذا ارجوا من المهندسه اعادة النظر فيما قالت
ثانيا بالنسبة للمهندس مروان مع احترامى الشديد لما قولت لابد ان تدرك اننا في حرم جامعى ونحن في محراب العلم ومن المفترض وما اعتبره انا شخصيا الكليه مكان لتلقى العلم مكان له احترامه وتوقيره لانه مكان للعلم لما ينفع به امتنا العربيه والاسلاميه
واخيرا ارجوا ان يدرك الجميع ان لا اعرض ما اقوله من اجل اى شيء سوا انى اريد ان نكون في افضل حال واتمنى ان يعيش الجميع بسلام وبخير وان يبعدنا واياكم عن كل منكر وكل فاحش وفقكم الله جميعا

انا بعتذر يا جماعه عن الكلمه اللى طلعت منى من غير قصد بس انا اعتبرتهم اخواتى وكنت بقول الكلمه زى ما بقولها لاخويا فى البيت وعمرى ما كت اقصد منها التقليل ابدا لانهم اخواتى بجد وهم عارفين كده كويس وانا عارفه ان هم عرفونى واكيد عرفو انى مش ممكن اقصد كده ولا اقصد اهانتهم لانى بقولهم على اى حاجه غلط فى وشهم عشان انا خايفه عليهم وللعلم هم كمان احيانا لما بيكون فى حاجه عايزين يعلقو عليها بيقولو ومن غير كسوف وانا بقبل الكلام عموما انا بعتذرلهم بصوره شخصيه وبعتذر للمنتدى بصوره عامه على غلطه غير مقصوده بالمره

السلام عليكم ورحمة الله وبركاته

حبيبى جودزيلا متهيألى وللأسف إن الكلام دا فاتنى ياخسارة كدة أنا مش هعرف أنام النهاردة

بس نقول إيه يابشمهندس جودزيلا فى ناس تقريبا مش بتسمع عن حاجة اسمها تربية ولا دين عادى

خالص إذا كان الحكاية وصلت لحد إن الناس عادى ممكن حتى تلعب قمار أنا كمان برشح البانجو والحشيش وبالمرة نعمل الحتة دى كباريه وطبعا اهو بقيت فى الواجهة تدخل تلقى الكباريه فى وشك وممكن كمان نعلق عليها يافطة نكتب عليها كباريه كلية الهندسة عادى خالص أنصحك متعترضش على اى شىء غلط ممكن عادى تتغاضى عن أى شىء إنت اتربيت عليه أو اتعلمت هو انت متعرفش إن الناس دى جاية من أمريكا ياراجل ولا ايه . أصلى أنا مقلتلكش إن الكلام دا عندهم عادى خالص اشمعنا ميبقاش عندنا هنا ما احنا لازم نثبت للكل إننا مش متخلفين ولا ايه ياعم جودزيلا يعنى الأمريكان بيفهمو أكتر مننا أصلى بص دلوقتى من الراجل الراجل اللى مش راجل اللى عادى كدة ممكن متفرقش بينه وبين الجماعة التانين تحسه كدة بالظبط واحد منهم وعموما ياسيدى ولا تزعل أنا من بكرة هجيبلك معاية إزازة 2 لتر ونحط على كل تربيزة إزازة أو ممكن نشترك ونجيب ترابيزة كبيرة ونبعت لكل الأصحاب والأحباب ونجيب الصحافة ونصور وننشر الكلام دا على النت علشان نثبت للعالم كله إننا مش متخلفين

وأخيرا على رأى واحد كدة فى فيلم ( الطريق إلى إيلات )

( ياريتنى كنت معاهم )

اولا احب ارحب بكل مش شارك برايه في هذا الموضوع
وانا احب اقول حاجه للاخ جودزيلا موضوع الزجاجه ده مافيهوش اي عيب خالص ولا اي حاجه غلط
لعبه بتتلعب بين الاصحاب عادي يعني وبعدين ياعم محدش طلب رايك فيهم ولا حد سالك تعمل ايه معاهم
ليك حاجه عندهم تعالي خدها ملكش حاجه يبقي ملكش دعوه خالص باللي بيحصل
واي حد ليه حاجه يجي ياخدها علشان مش كل واحد يعملي فيها مصلح اجتماعي ويقولي رايه من غير ما يتطلب منه

تم التعديل بواسطه eng_ghost

اقتباس :: يرجى التحدث بأسلوب المهندسين وعدم الإزاده أو الأساءه

يا جماعه انتوا كده كبرتوا الموضوع واديتولوا اكبر من حجمه

وانا بحترم اراء الاخرين لكن فى نطاق الادب

وشكرا ل eng_ghost

لتعديله فى الموضوع وشكرا للاخ جودزيلا لاعتذاره

اقتباس :

يا بشمهندس يا محترم لو زعلان من حاجه قولى *****

تم التعديل بواسطه eng_ghost

اقتباس :

abo farrag كتب:: اولا احب ارحب بكل مش شارك برايه في هذا الموضوع
وانا احب اقول حاجه للاخ جودزيلا موضوع الزجاجه ده مافيهوش اي عيب خالص ولا اي حاجه غلط
لعبه بتتلعب بين الاصحاب عادي يعني وبعدين ياعم محدش طلب رايك فيهم ولا حد سالك تعمل ايه معاهم
ليك حاجه عندهم تعالي خدها ملكش حاجه يبقي ملكش دعوه خالص باللي بيحصل
واي حد ليه حاجه يجي ياخدها علشان مش كل واحد يعملي فيها مصلح اجتماعي ويقولي رايه من غير ما يتطلب منه

البشمهندس abo farrag

أولا مع خالص أحترامي

لكن حرية الرأي مكفوله للجميع هنا في المنتدي

طالما لم تخرج عن قوانين المنتدي , وأنها تلتزم بقواعد الأدب والذوق

ومع أحترامي لحضرتك

بس جودزيلا .... ليه الحق أنه يقول رأيه

ومهما كان رأي حضرتك ...

وبرضوا البشمهندسه الذوق جدا love to life

لم تقصد أي أساءه لأي زميل في الكليه ,

وعلي ذلك ... أوجهة لحضرتك أنذار شديد اللهجه

بل وأهدد بأستخدام كافة صلاحياتي كمشرف

اقتباس :: ثانيا" / قوانين المشاركات والتعقيبات في المنتدى الحوارالعام :

1 - التحلي بالذوق والأدب ومراعاة مشاعر الآخرين .. وإحترام الرأي الآخر وعدم تسفيهه أو تحقيره .
2 - عدم السب والشتم أو إستخدام الكلمات والعبارات والألفاظ البذيئة والهابطة ..
3 - إثراء الموضوع من زاوياه المختلفة والبعد كليا ً عن شخصنة الموضوع والتركيز على الفكرة لا على طارحها .
4 - عدم نشر صور تخدش الحياء أو لا تناسب العرف الإجتماعي أو الذوق العام .
5 - يمنع منعا" باتا" كتابة مشاركات تسبب شحنات طائفية ...

وبناءا" على لائحة القوانين أعلاه فإنه :

=> يحق لمشرف قسم الحوار العام كامل الصلاحية في حذف , نقل , أو تعديل أي مشاركة بحسب ما يروه مناسبا ً إستنادا ً إلى هذه القوانين بدون الرجوع إلى صاحب الموضوع .
=> على كل عضو أن يلتزم بالقوانين .. وأن أي عضو لا يلتزم بهذه القوانين سيكون معرض للعقاب المناسب والذي سيتراوح مابين التنبيه , مرورا ً بالإنذار وانتهاء ً بالإيقاف النهائي لا سمح الله ... وأدارة المنتدى لايتمنون أبدا ً إستخدام تلك الصلاحيات إلا في حالات الضرورة القصوى .

وأكرر .... لو سمحت بلاش السلبيه في الأفكار دي

حضرتك مع أحترامي , عندك أعتراض أو وجهة نظر

أتفضل قولها ...وفي أطار من الأدب والذوق

أنما مش هتحترم رأي غيرك

وهتقول ( أنت مالك , ولا مالكش دعوه )

مع أحترامي , بس في قوانين بتسري عليا قبل حضرتك

وأنا مش هعمل حاجه غير أني أطبق القوانين دي

والله المستعان

marawan elkhateb كتب:: يا بشمهندس يا محترم لو زعلان من حاجه قولى *****

متهيألى يابشمهندس متهيألى إنى موجهتش لشخصك أى كلام وواضح أن كلامك موجه ليا

وياريت يكون ردك في صلب الموضوع ولو ليك وجهة نظر قولها

وياريت تراعي فرق السن مابيني ومابينك

لأن في حاجه أسمها قواعد الأدب والذوق

أحب أشكر البشمهندس سيف علي رده الأكثر من مهذب

وأحب أقول

ريت كل شخص يعرض رأيه دون إهانه لزميل له فكلنا ندور فى فلك واحد وحالة
الحوار تلك يتم تطرحها لتعم الفائدة

و أحنا في الأول وفي الأخر مهندسين زي بعض ,

و أكرر ... ياريت رد المهندسين يكون في صلب الموضوع

ولو ليك أي وجهة نظر أتفضل قولها , أنما هتعلق ومش هتحترم رأي زميلك

أسمحلي , في قوانين و أنا لن أتهاون في تطبيقها

والله المستعان

قواعد الادب والذوق انا ملتزم بيها الحمد لله

وانا لن اتكلم اكثر من ذلك *****

تم التعديل بواسطه eng_ghost

اقتباس :: يرجى التحدث بأسلوب المهندسين وعدم الإزاده أو الأساءه

مع احترامى لك يا eng_ghost

ولكن لماذا لم تعلق على كلام سيف الاسلام الذى اتخذ من كلامى موضوعا للتريقه وليس للمنفعه والتى هى صلب الموضوع

» قرررررب جرب قررررررب .. هنا مش بنهرج .. شوارعنا بقت بقت سيرك .. واللى مايشترى يتفرررررررج
» كافتريا المهندسين
» الجواز واللى عاوزينة !!!
» جهزي نفسك عشان في عريس جي يتفرج عليكي باليل!................مناقشه مفتوحه
» مواقع نتيجة الثانوية العامة واللى عنده موقع يجى يضيفه