مهازل بعض الطلبة..عرض مستمر

الموضوع ده محترم جدا ولا يستحق الحذف واللى بيحصل ده فعلا قلة ادب وما تتكسفش انك تقول عليه كده لانه فعلا قلة ادب وده اكيد ناتج من البيئة اللى هو نشأ فيها والا ما كنش تحدث مع العميد بالاسلوب ده ولا مع المعيدين بطريقة مستفزة ده اكيد من البيئة
كل واحد بيعمل كده فاكر انه بقى فى بنات على الكافتريا هيقوله عليه شجاع وراجل لكن للاسف بخيبته التقيله هما من نفس البيئة الواطية اللى هو منها
انا اسف لانى تطاولت فى الالفاظ لان الناس دى ما ينفعش معاها الذوق اذا كان تطاول على عميد الكلية اللى هو بيفهم فى الذوق عننا فما بالك احنا الطلبة زمايله اظن هيحترمنا لو اتكلمنا معاه بالذوق ما اظنش هو فى كلا الحالتين هيقل ادبه يبقى ما ينفعش معاه غير قلة الادب ولو حكمت نمسح بيه الارض وياريت الشخص ده او الشخصين دولا يقروا الردود يمكن يمكن يراجعوا نفسهم

فيه حد عارف

ايه رد الفعل اللى العميد عمله مع الطلبة اللى اتخانقوا عند الكافتريا ؟؟؟؟

بارك الله فيك اخى الفرعون العاشق انت بصراحه ناقشت قضيه هامه فعلا ومجوده بالفغل فى الكليه دون أى أفتراء أو كذب فالبرغم من ان دفعة اعدادى بها الكثير والكثير ممكن نشهد لهم بالأخلاق إلا انها على الجانب الأخر ايضا بها كثير ممن نشهد لهم بالعكس ولا أود ان ادخل فى تفاصيل ز

ولكن لما كل هذا منهم أم هى طبيعة الأجيال الجديده القادمه إالى الكليه بما تمليه عليهم عقولهم الضعيفه فأصبح الاحترام حتى بينهم وبين اعضاء هيئت التدريس غير متواجد او حتى إن منهم من فقد حتى احترامه لنفسه.

شكرا مره أخرى لأخى الفرعون على طرحه الموضوع.

اقتباس :

ليه عندي احساس أن الموضوع هيتحذف من قبل بعض أعضاء الإدارة

إحساس مخطىء لو أحسست بيه مره أخرى سيتم طردك من المنتدى لأننا هنا منبر للحريات
والكلام المفيد والمناقشه الجاده دون لغط فى الكلام فإياك أخى من تلك الأحاسيس مرة أخرى.

ما يغيب عن أنظار الجميع أن القاسم المشترك بين تلك المهاترات والمشاكل العويصه
هم طلبة المعادله الكرام اللذين يرتعون فى كليتنا دون ضابط أو رابط منذ بداية العام الدراسه
ودون توجيه صحيح أو تنويه لما هو صحيح وما هو خطأ وما هو محرم!!!

وكأن هذا السيناريو كتب علينا قرأته كل عام والتلطخ بمساوئه والخوض فى قذراته
التى تطولنا جميعا وتطول سمعة كليتنا التى نكد ونعمل جاهدين ترتفع إلى أعلى وهم
شغلهم الشاغل الحب والغرام وأحوال البنات والعكس صحيح!!!!

لذلك أطالب الأخ العميد الدكتور عبد الله من هذا المكان ومن تلك المشاركه وبكل ثقه
بأن يتم رفض قبول طلبة المعادله من العام القادم"وذلك لو كان بإمكانه ذلك وفى حدود إمكانياته" لأننا وصلنا إلى طريق مسدود مع الأخوه وقد غلب فيهم السىء واخذ بقدميه الحسن ولطخوا سمعة الطلبه الآخرون والمساواه فى الظلم عدل لذلك أرجو مناقشة ذلك بجديه حتى ننتهى من تلك المسرحيات الدراميه وننظر إلى مستقبل الكليه.

أما بخصوص التكلم بقبح مع المعيدين أو غير ذلك فمن كان منكم أيها المتحزلقون عالما
أو طالبا يتم ترتيبه الأول على كليتنا فليفكر قبل أن يتقدم لمناقشته أو لكلامه ولا ينسى أنه
من شروط تلقى العلم أن تصبر على جفاء المعلم مهما كان بغيه ولو كان ايضا كافرا!!

أما لو كنت دون ذلك فلتجلس على إستك وتتربع فى شمس أسوان وتمد يدك للماره
كي يتعطفوا عليك بلقمة عيش أو كسرة خبز لأنك مشروع مهندس فاشل لا يتحلى على
الأقل بأدب الحوار أو التكلم بذوق أو على الأقل المناقشه فى حدود الأدب.

والله الموفق

بجد فيه ناس كتير بتسئ كتير اوووي لدفعتنا لدرجه ان كتير من الطلبه و الدكاتره و المعيدين ممكن تاخد فكره وحشه اووي عن الدفعه و ده موش بيكون ف صالحنا و ايلي حصل من جانب الطالب ده بجد كل دفعه اعدادي بريئه منه و ميشرفهاش ان واحده زي ده يكون من دفعتنا لانه بجد كلم العميد بطريقه موش كويسه و قولت ده موش هيدخل الكليه دي تاني بس ايلي استغربت منه
اني لقيته تاني يوم ف الكليه عادي و كاني مفيش حاجه حصلت
ع العموم
ربنا يصلح الحال

اقتباس :

أما لو كنت دون ذلك فلتجلس على إستك

لو سمحت ياحبار انا ليا تعليق علي العبارة دي . طبعا انت فاهم معني الكلمة للي انت كتبتها دي ايه واتمني انك تحاول المرة الجاية ماتذكرهاش لاني شايف اننا بكده بندني مستوي الحوار في المنتدي بتاعنا وانا اكتر حاجة تهمني شكل المنتدي .

إذا كان البشمهندس godzella بيقول:المسخرة اللى بتكون تحت مظلة العربية فهتلاقى إن القاعدين هناك قاعدين بمزاجهم وممكن يكونوا مش بيضايقوا اللى قاعدين نواحيهم فما بالك لما تلاقى مظلة البنات اللى معمولة أصلا للبنات فقط قاعد فيها ولد مع بنت فياعينى على البنات تحرج من المنظر فتسبهلهم وتمشى .

انا بحييك جدا على الموضوع المهم ده لان انا واحد من الاناس كان نفسى من زمان اتكلم فى الموضوع ده لانه بصراحة زاد عن حده

طبعا اللى بيحصل من دفعة اعدادى السنة دى غريب جدا و احنا عمرنا ما شفناه قبل كده

طبعا انا مش قصدى دفعة اعدادى كلها لان فى ناس محترمة كتير و برضه لا اقصد اصحاب المعادلة كلهم لان برضه فيهم ناس محترمة

اقتباس :

،،،،،،،،،،
تم التعديل بواسطة YeHi@$MmZ
ارجو ألا تعمم حديثك عن فئة كاملة من الطلبة
أى اعتراض على قرارات المشرفين [ ايقاف 24 ساعة ]

اما بالنسبة لموضوع ان الكلية تتوقف عن قبول طلبة شهادات معادلة الموضوع ده صعب شوية لان انت معندكش الاسباب المقنعة اللى تخليك تمنع استقبالهم , مش معنى ان فى فئة سيئة فى الشهادات المعادلة نبقى نوقف استقبالهم لان فى ناس فيهم كويسين

و ربنا يهدى الجميع

الحل ان احنا نصر على انتقادتنا للتصرفات بتاعتهم و نوصل الانتقاد ده ليهم

بس ارجع و اقولك ان اللى هما فيهم ده نابع من التربية فى البيت و دى الحاجة الوحيدة اللى من الصعب جدا جدا انك تقدر تغيرها

فاحنا بنعمل اللى علينا عشان منبقاش شفنا حاجة غلط و سكتنا