ما رأيك في ؟؟

هناك من يقول بان المرأه مستهلكة
تعمل وتكد بحب وحنان لتحقق غاية الاخرين
ما رأيك في ذلك ؟؟

****************

eng_ghost كتب:

طبعا موضوع رائع ,,, واختيار رائع احيكي عليه اختي المهندسه
لكن بعد اذن حضرتك كان ليا تعقيب علي كلام المهندسه

اقتباس :: بعكس الرجال فهم ينظرون للحب علي انه سيرة للشخص بمعني انه لازم يرتبط عشان
بعد فترة يصبح زوج ثم اب ثم جد فالمرأة بالنسبة له هي الشيء الي هيحقق
ماتمناه فقط.

اممممممممم
اسمحيلي ,, انا مش متفق مع وجهة النظر المتشائمه دي
اللي بتظهر الرجاله كانهم وحوش وان النساء هم اداه مستهلكه
كأن ان مافيش بنت في الدنيا بتحلم انها تكون ام او جده
عارفه يايبشمهندسه اكتر حاجه بيفتقدها اي زوج بتجوز بعد ماتعدي عليه فتره
انه مبقاش ينفع يرجع لفترة الشباب ,,, لما كان بيرجع البيت الساعه 12 مثلا
انه مثلا يمشي في الشارع وهوه مش مسرح شعره او كاوي هدومه
انه بقي عليه التزامات ,,, مبقاش ينفع انه يقضيها زي ماكان بيقضيها ايام زمان
طعميه ولا حتي عيش حاف ,,, ده لانه ارتبط بانسانه ملزومه منه
ملزومه انه يستهلك اقصي طاقاته وحتي انه يستهلك نفسه عشان يوفرلها متطلباتها
و انه يقف جنبها ومعاها حتي لو حصلت اي ازمه لاهلها
ده بالعكس ,,, احنا المستهلكين ,, اداه استهلاك للنساء عشان نوفرلهم اللي هم بيحلموا بيه
وياريت بعد ده كلوا نبقي عاجبين
ماقدرش انكر ان الستات ليهم الفضل علينا كلنا وليهم تضحيات مذكوره كمان في القرأن علي عكسنا
انما ,,,,كان لازم الصوره توضح عن كده
اتمني وجهة نظري تكون وصلت حضرتك

السلام عليكم الاول يابشمهندس
الصراحة يابشمهندس انا في الاول اقتنعت برد حضرتك بس للاسف بعد التفكير لحظة وجد ان رد حضرتك اكبر دليل علي كلامي لان يابشمهندس لو جيت وسألت اي واحدة مرتبطة او متزوجة وسألتها عن دورها في حياة الشخص الاخر اللي هو الرجل يعني اكاد اجزم انها ستصبح عاجزة ان تسرد ولو ربع اللي حضرتك قلته وده ليس لانها لم تفعل اي شييء ولكن لانها فعلت دورها عن حب لا تريد اي مصلحة ولا تنتظر مقابل بدون اي انانية وان اللي بيعمل حاجة بحب ما بفتكرهاش لان بيكون بس المهم عندة اسعاد من يحب ولو علمت كل النساء حقيقة الرجل لسجلت كل ما تفعله لحين ياتي وقت النقاش فتفتح مذاكراتها وسردت كيفا سردت حضرتك يابشمهندس.
وفي النهاية ارجو ان وجهة نظري هي اللي توصل وانا بجد لا أتكلم عن وجهة نظر فردية لي وحتي لو كانت كذلك فمن ابسط حقوقي ان اوضحها وادافع عنهاوما اتمناه اكثر ان حضرتك تقرأ تعليقي وانا اسفة علي الاطالة .
الســـــــــــــــــلام عليكم

اقتباس :: يابشمهندس
لو جيت وسألت اي واحدة مرتبطة او متزوجة وسألتها عن دورها في حياة الشخص
الاخر اللي هو الرجل يعني اكاد اجزم انها ستصبح عاجزة ان تسرد ولو ربع اللي
حضرتك قلته وده ليس لانها لم تفعل اي شييء ولكن لانها فعلت دورها عن حب لا
تريد اي مصلحة ولا تنتظر مقابل بدون اي انانية وان اللي بيعمل حاجة بحب ما
بفتكرهاش

أولا : وللمره التانيه محدش يقدر ينكر تضحيات المرأه ,, ودي حاجه مذكوره في القرأن
أنما كلام حضرتك ,, أكبر دليل علي كلامي لسبب
أن حضرتك قولتي ان المرأه بتعمل ده كلوا بدافع الحب ,,
يعني لو حصل وجه في يوم الزوج زعلها ولا اختلف معاها هتقوله مافيش غدا النهارده
ليه ,,,,,,, لان ده بمزاجها
انما احنا الرجاله ,,, بيبقي عندنا حاجه اكبر من المشاعر ,,, اسمها التزام
عمري لو في يوم أختلفت معاها ,,, ولا حتي هي زعلتني ,,ماقدرش اسيبها من غير اكل او اجوعها
ولو حصل واختلفت معاها اوي ,, واستحالت العشره ,, بوصلها لبيت أبوها معززه مكرمه
يعني بتطلع من رعايتي ,, وبتروح لرعاية رجل تاني ,, أبوها ولا حتي أخوها

اقتباس :

اه انتوا عاطفيين ,,, عشان كده في الاسلام المرأه ماتنفعش تبقي قاضيه
أنما عمر ماكانت العاطفه لوحدها بتسكت جوف مفتوح منتظر انه ياكل
اه العاطفه بتدي طعم للحياه ولكل حاجه ,,, أنما لوحدها مش كل حاجه
وبالنسبه لموضوع النقاش ,,,
فلو حضرتك شايفه ان مثلا الرجاله مالهمش لازمه اصلا
ولا ملهمش دور في التاريخ غير انهم مستهلكين فقط
فراجعي تاريخ الانسانيه
راجعي ,, حتي في القصص الخالده
راجعي علي الأقل اصل المثل اللي بيقولك
ladies first
ولا راجعي حتي الأيه الكريمه اللي بتقول
الرجال قوامون على النساء بما فضل الله
صدق الله العظيم

وفي الأخر ,,, وجهة نظر حضرتك أنا احترمها ,, وعلي راسي من فوق

أنما اللي أقدر أختم بيه ردي :
قال تعالى:

]ولا تتمنوا مَا فضَّل الله به بعضكم على
بعض للرجالِ نصيبٌ مِمَّا اكتسبوا وللنساء نصيب مما اكتسبن واسألوا الله من فضله
إنَّ اللهَ كانَ بكلِّ شيءٍ عليماً[ [النساء: 32].

إنّ هذه الآية الكريمة توضّح أنّ كلّ جنس قد
فضّله الله على الآخر ببعض المزايا:

(مَا فضَّل الله به بعضكم على بعض)

حيث إنّه:

(للرجالِ نصيبٌ مِمَّا اكتسبوا وللنساء نصيب
مما اكتسبن)

ومعلوم طبعا أنّ النساء تتميّز على الرجال
بالأمومة والحنان والرحمة.

وقد ضرب الرسول برحمة الأمومة، مثالا على ذلك
الجزء الذي أنزله الله من رحمته ليتراحم به الخلائق:

(جعل الله الرحمة في مئة جزء، فأمسك عنده تسعة
وتسعين جزءا، وأنزل في الأرض جزءا واحدا، فمن ذلك الجزء يتراحم الخلق، حتى ترفع
الفرس حافرها عن ولدها، خشية أن تصيبه)

فلو لم يكن للمرأة من فضل سوى الأمومة لكفاها!

» ايه رأيك
» في رأيك.. مين هو ابن الناس؟؟؟؟؟؟؟؟؟
» أيه رأيك ,,,, تـــحـــب تـبـقـــــى جــاســـ؛ــــوس !!!!
» قولى رأيك؟؟؟؟؟؟؟
» قول رأيك بصراحة