قولى رأيك؟؟؟؟؟؟؟

ايهما تفضل ولماذا ؟؟؟؟؟؟؟؟؟؟؟؟؟

1 - computer science
2- computer engineering
3- software engineering

ينقل من قسم الحوار العام للقسم المناسب ,,, والله الموفق

شكرااا

eng_ghost

وبالنسبة ل prince_of_alex
مرحباً بيك في منتدانا

ورداً على السؤال بتاع حضرتك
ال 3 حاجات دى اللى انت سألت عليها
ماينفعش أصلاً تقارن مع بعض
يعنى مثلاً لما نيجى ندور على شغل ونشوف اهتمامنا
حنقول
أيهما أفضل شغل السوفت وير ام الهاردوير
ولما نيجى نخصص اكتر حنقول مثلاً الجافا ولا ال سي #
أو شغل الميكرو كنترولر أم ال VHDL
والأفضلية هنا حتكون في وسع مجال الشغل
مش في الأفضلية لان كل حاجة لها استخدام

انما ال 3 حاجات دول اللى انت عايز تقارن بهم
دول بيكونوا مندمجين مع بعض وهما دراسات نظرية في مجال الكمبيوتر
يعنى مثلاً :
ال Computer Science
دة مش مجال للعمل دة دى دراسة لمجموعة من المواد الخاصة بمجال علوم الكمبيوتر
والدراسة دى تشمل مجموعة من المواد زى
Software engineering ( اللى انت بتسأل عليها )
programmng languages
algorithms
data structure
artificial intelligence
computer networking and communication,
database systems,
parallel
computation,
distributed computation,
computer-human interaction,

computer graphics,
operating systems,
numerical and symbolic
computation

وغيرهممممم
اما ال Software Engineering
فدى تعتبر مادة تدرس وهى من ضمن مواد ال Computer Science
وهى مفيدة للمبرمجين بل تكاد تكون أساسية للسير على الطريق الصحيح للبرمجة
بطريقة مثلى> فهى تهتم بتصميم و التصنيع والتطوير للبرمجيات بطريقة تضع البرنامج
في مستوى عالى ، ويمكن تطويره واصلاحه بسهولة و أسرع في التصنيع عن طريق مجموعة
من الألجوريزمات المتخذة في تصميم البرنامج.

أما ال Computer Engineering
فهو مجال يسجمع ما بين مهندسين ال computer science
ومهندسين ال electronic engineering
ودة بيشمل التكامل ما بين السوفت وير والهاردوير
فال Computer Engineers
حتلاقيهم مهتمين ب الديزاين بتاع ال Microprocessors
PC, circuit design
Embedded systems
VLSI design
..........

فليس هناك أفضلية من أى نوع او مقارنة محسوسة بين ال 3 مجالات

وأرجو التعريف عن نفسك يا باشمهندس وعن كليتك
لتكون ان شاء الله من أعضاء المنتدى والمشاركين معانا باستمرار

وبالتوفيق

حضرتك للأسف فاهمتنى غلط انا كان قصدى ان دى اقسام فى كليات معينه يعنى مثلا كليه الهندسه قسم الكمبيوتر اللى فيها اسمه computer engineering

اما كليه العلوم قسم الكمبيوتر اسمه computer science
وسيفتح قسم جديد ان شاء الله بكليه العلوم اسمه engineering software وهو قسم خاص بمصاريف مش ببلاش
ارجو اللى انت تكون فهمتنى ولو عندك اعتراض على حاجه ياريت تقولى

ومعلش على تاخر الرد اصل كان عندى امتحانات ال mid_term

شكراً لردك

وبرده احنا مارحناش بعيد

فعلاً في الهندسة يعتبر قسم

computer engineering

بما شرحته مسبقاً ولكن ليس بهذا المسمى لان فيه مواضيع كتير بندرسها

غير ال computer Engineering
وبندرس برده ال Software Engineerig
و ال IT

بس دى مش تخصصات عندنا في هندسة _ دى مجالات احنا بندرس مواد منها
في وقت الكلية

بعكس حاسبات ومعلومات
فهى لها تخصصات ثابتة لازم الطالب يدخل قسم معين يستزيد فيه
ويعرف معلومات بسيطة عن القسم الأخر

اللى اعرفه في حاسبات ومعلومات في اى جامعة ان فيها 3 اقسام :
IS( Information Systems)
ودة خاص بمجالات قواعد البيانات

وقسم Computer Science
ودى خاص بدراسات مواد الهاردوير والاوبريتنج سيستم وبعض الكنترولرز

وقسم ال IT
ودة خاص بمواد النتوورك وخاصة سيسكو و MCSE

احنا في هندسة يعتبر بندرس كل المجالات دى
مع اهتمام اكبر بمواد ال CS
دة بشكل مبسط للدراسة في قسم هندسة الحاسوب

اما في كلية علوم قسم حاسب _ اللى اعرفه عنها قليل
اعرف ان قسم علوم رياضيات بيخرج منه قسم فرعى اسمه علوم حاسب
لكن بما انك بتقول ان فيه عندك قسمين
computer science
و software engineering

فهما حيبقوا بنفس المعنى اللى شرحتهولك مسبقاً
اما في اختيارك له أولاً واخيراً دة بيبقى لحبك في المجال اللى انت عايز تطور نفسك فيه
بس اعتقد انك لو كويس في البرمجة حتلاقى مجال مفتوح لك في الشغل بره
لو دخلت قسم ال سوفت وير انجنيرنج.
وانا بعتذر لك عن تاخر ردى لظروف القوات المسلحة بقى ......ز
وأى استفسار اخر انا في الخدمة

بالصراحه انت كفيت ووفيت وبما ان معلوماتك بعلوم حاسب قليله فاحب انى اوضحلك الصوره
هو كلامك صح بالنسبه انه يعتبر قسم رياضه ولاكن ليس معنى ذلك انك بتدرس رياضه اجباريا ولاكن فى حاسب رياضه وحاسب احصاء وحاسب خاص _علشان البرمجه من الاخر رياضه_
وده بالنسبه للنظام القديم اللى ماشيه بيه معظم الكليات

ولاكن النظام الجديد اللى بتمشى عليه جامعه الاسكندريه (كليه العلوم) وهو نظام الساعات المعتمده ومن ضمن التغيرات الكتيره اللى فى كان منها ان قسم الحاسب قسم مستقل بذاته وليس له اى علاقه بالرياضه .

مع العلم انك ممكن تدرس مع الحاسب كتخصص فرعى كمياء او فيزياء او رياضه او فضاء (يعنى اى قسم تانى فى الكليه)

معلش خنقتك شويه بس على الاقل علشان تكون عارف معلومات اكتر

وشكرا

شكراً ليك يا برنس
ع المعلومات القيمة

واهلاً بشباب علوم حاسب الإسكندرية

وان شاء الله نشوفك دايماً معانا في المنتدى معانا
والإستفادة تعم
ان شاء الله

جزاك الله كل خير

» قولى حبيبتى
» انا مدب ..يا شيخة قولى كلام غير ده
» ايه رأيك
» ما رأيك في ؟؟
» قول رأيك بصراحة