الحب أثناء الدراسة بين الوهم والحقيقة

تذكير بمساهمة فاتح الموضوع :

هل الحب اثناء الدراسة حب حقيقي ناتج من مشاعر ناضجة ام هو تسالي
هل ممكن العلاقة بين الطرفين تنتهي نهاية طبيعية أم تنتهي بمجرد انتهاء الدراسة
ازاي الواحد ولا الواحدة يعرف نوع المشاعر اللي بيحس بيها
ياريت كل زميل او زميلة له تجربة خلصت ولا لسة موجودة يحكيلنا
شاركونا بالردود والمشاركات

ولذلك أرى أن الحب أثناء الدراسة حقيقي من حيث كونه حقيقياً حقيقة الألفه والعاطفة والالتزام وأزيد شيئاً رابعاً : التدين
ووهمي إذا كان على الصورة التالية :

- إزيك يا شوشو ؟؟

- شششششششششش شفتي بصلي ازاي !!

تحك شوشو رأسها في غباء وهي ترمق الشباب قائلة :

- مين ده ؟؟

( تنهيده طويلة ، وتأمل في معاني الكون ، ثم نظر إلى الإسفلت الأسواني ) :

- بيبو !!

تفتكري بيبو بيحبني يا شوشو ؟؟

- ( ............. )

- شوشو ؟؟

( قررررررررر ، الكثير من الفانتا ) :

- تفتكري إنتي ميمو بيحبني ؟؟ أنا ما شفتش بوي بالروشنة دي أبل كده خالص !! شايفه ازاي مسقط البنطلون !! ياااااااااااااااااايي !!

رنت يااي هذه الأخيرة في مؤخرة وعي خوخه وهي في عالم آخر حقاً ..

تنظر خوخه إلى الكافتيريا حولها .. ترمق ( الكابلز ) المحمومين يتبادلون الابتسامات والضحكات والنظرات الحالمة .. هناك عدة طاولات حولها .. على اليسار مشمشة و توتة تجالسان شابين أحدهما معوق والآخر من جنوب أفريقيا .. هل هما أفضل منها ؟؟ تنظر إلى اليسار لترى ممدوح يبيع البيبسي لكابلز ( مأنكجان ) وتحس أن حرارة غضب بدأت تتسلل إلى أنفها ، وأنها تريد منديلاً حالاً .. لماذا وجدت سوسو من يحبها !! حتى ابراهيم شخصياً ( ربيب المكتبة إياه ) يمنحها بعض الابتسامات والتخفيضات الحصرية .. حصرية لها وحدها بالطبع ..


تنهيدة طويييييلة :

- تفتكري بيبو بيحبني يا شوشو ؟؟


أقول لو كانت بهذه الصورة ، ( وهي الصورة المعروفة علمياً في هندسة أسوان ) فأرجو من خوخه ( على سبيل المثال ) أن تنسى حب بيبو ، لأن هذا هو الوهم ، وهكذا يكون الحب وهماً في الدراسة



هههههههه
كلام جميل
بس اظنك ظلمت هندسة اسوان
انا اول سنة ليا السنادى وبجد مشفتش الكلام دة فى كليتنا
و متهيألى انى مفيش مهندسة طلعت عينها عشان توصل لهندسة
هتفكر بالطريقة الطائشة دى
و على فكرة يا بشمهندس الكلام ده مش للناس اللى بيحبوا ده للشباب اللى بيتسلوا و مش فارقة معهم دين ولا علم
والحمد لله ان هندست اسوان احسن من كليات كتيير
و فيها ناس محترمة كتيير وناس بتعرف ربنا كتيير
يعنى لو كان عندنا حبيبة بيعدوا مع بعض فده بنسبه قليله بالنسبه لأى كليه فى شباب من مختلف البيئات

اما رأي الشخصى ان الحب شئ جميل

بس المهم ميتعداش حدود ربنا
يعنى
السيدة خديجة رضى الله عنها بعد أن تعاملت مع النبى صلى الله عليه وسلم فى التجارة أعجبت به او ممكن نقول حبته و الله اعلم
و انا عايزه اهمس فى اذن كل فتاه واقولها
اهتمى بدينك ومذكرتك و اخلاقك و سيبى الموضوع ده يجى برحته
-اوعى تهتمى لحركات الشباب بتوع اليومين دول"لا نظرات ولا كلام معسوول و لا حتى حكم"
-مع العلم ان كل واحد لى طريقه عشان يدخلك من نقطة ضعفك "حتى لو كنتى متدينة ممكن يعملك فيها شيخ مع الرغم انو ممكن يكون كويس و محترم بس عرف نقطة ضعفك و الطريق لقلبك"
-بلاش يا بنتى اسمعى الكلام متدلهومش الامان و متركزيش و تقطعى فى الورد وتقولى بيحبنى ولا مبيحبنيش غير لما يعترفلك بنفسة وبوضوح وتتأكدى أنو بيحبك و مستعد يتقدم و هنستنا ايه لو مينفعش يتقدم يبأه بلاها اصلا
-أوعى تنسى ربنا و ألتزمى بحدودك فى كل حاجة لو كسبتى رضا ربنا و حبه بكة هتكسبى الدنيا كلها و اوعى تبيعى دينك عشن اى بشر او تتعدى حدود لا بصغير ولا كبيرة كلوا بيجيب بعضه
-نصحيه كمان باباكو ومامتك و عيلتك متنسيش تعبه اد ايه عشانك بلاش تكسيفهم و تخيبى ظنهم

نصيحة لكل الشباب والشبات ياريت نخلي نيتنا فى مذكرتنا و فى كل حاجة بنعملها لربنا حتى الحب
آخر حاجة يااااجماعة الحب شئ جمييل لو التزمنا بامر ربنا و الرسول
بس بلاش نشغل نفسنا يبه كتيير وخليه فى وقته بعد الزواج

لايوجد حب اثناء الدراسه لكن بيكون صداقه(زماله) او ارتياح
ويكون الحكم فى ذلك بعد التخرج لان الشخص بيكون نضج وبدء فى تحمل المسؤليه
وموجهة الحياة بكل مافيه من متاعب ومسؤليات

اعتقد انه الحب اثناء الدراسه يعتبر وهم الي حد ما لانه الولاد مش بيبقوا صادقين اوي في مشاعرهم ناحيه البنت

معلش مح احترامى لكل البشمهندسين ومن خلال تجربتى الخاصه انا عندى رأى غير كده

الحب كلمه واحده تحمل معنى واحد وهو أجمل معنى . أما اللى يخلينا نقول تهيس ولعب ومهيصه هو التصرفات اللى بتحصل
بمعنى اصح اللى بيتحكم فى معنى الكلمه (الحب) هو طبيعة وشخصية الطرفين
وانا ليا تجربة خاصة فى الموضوع دا والحمد لله كان تجربة فى غاية الاحترام ومع وضوح الصورة فى التجربه عقدت النية بعد التخرج او ف أخر سنه رابعه انى هرتبط بيها رسمى ان شاء الله.
ولكن انت تريد وانا اريد والله يفعل ما يريد

بأول امتحان حقيقى اكتشفت حاجات كتير خليتنى أغير رأيى..
يعنى الحكاية لهى تهييس ولا لعب عيال.....بالنسبالى على الاقل!!!!!!!!!!!