الحب أثناء الدراسة بين الوهم والحقيقة

تذكير بمساهمة فاتح الموضوع :

هل الحب اثناء الدراسة حب حقيقي ناتج من مشاعر ناضجة ام هو تسالي
هل ممكن العلاقة بين الطرفين تنتهي نهاية طبيعية أم تنتهي بمجرد انتهاء الدراسة
ازاي الواحد ولا الواحدة يعرف نوع المشاعر اللي بيحس بيها
ياريت كل زميل او زميلة له تجربة خلصت ولا لسة موجودة يحكيلنا
شاركونا بالردود والمشاركات

love to life كتب:: ]size=18]الموضوع جميل جدا ووضح فكره مهمه ياريت كل اللى يشوف الموضوع ياخد باله منها

بس انا عندى رأى"بعد اذنك"ان الصداقه ممكن تبقى فى يوم من الايام حب ممكن يكون ده نتيجة التعود بين الطرفين او
انهم فاهمين بعض اوى لكن لو طلع ان هما غلطانين فى تقدرهم لمشاعرهم وانهم فعلا المفروض ميكنوش الا اصدقاء
وبس وحبو يرجعو تانى اصدقاء وقدرو يرجعو فى معاملتهم لبعض(لان طبعا كلنا عارفين الفرق فى المعامله بين الاصدقاء والحبايب)يبقى ده اصلا مكانش حب لان انا اؤكدلك ان الصداقه ممكن تكو حب لكن الحب عمره ما يرجع صدقه ابداااااااااااااااا واللى يقدر من الطرفين يبقى ده عمره ما حب [/size]

معلش انا حابة أسألك سؤال هو يصح تكون فى صداقة بين الولد والبنت دة احنا فى مصر يا جماعة
الحقيقة انا فى رايى انى العلاقة بتن الولد والبنت فى الجامعة زمالة بس ولو زادت عن حدها يبقى خرجنا برة حدود الاسلام ........وللا ايه؟

عبدالوهاب كتب:: شغااااااااااااااااااااااااااااال

نعم للحب !!!

يعني إيه الحب في الدراسة بين الوهم والحقيقة ؟؟

الحب هنا كلمة عامة ، وهي لفظة معرفة بالأف واللام ، فهي للإستغراق والشمول ، فهي تشمل كل معاني الحب .......

عنوان الموضوع غير دقيق .....

اعتقد انه هو مش محتاج يوضح العنوان اكتر من كدة مدام احنا فاهمين أصل الحكاية مش رسمية

smile كتب:: بس أعتقد ان الولد ده لو بيحب بنت بجد معنى كده إنه مش هيكون عاوز يعرضها للقيل والقال بمعنى إنه مش كل شوية يوقف معها و لا تكون هى مع اصحابها وتروح تسيبهم علشان خاطره أو العكس فمثلا لى صديقة تحدث معها شخص ليعبر لها عن حبه لها وبالرغم من إنها تبادله نفس الشعور لكنها رفضت ذلك ولكنه بالرغم من كونه لسة طالب تحدث مع اهله و اهلها انه يريد الارتباط بها وحتى لا يشعرها بالاحراج لا يتحدث معها وان حدث يكون فى اطار الدراسة و المذاكرة .

أنا اتفق معك فى الراى ومن رايى انه الولد لو بيحب البنت بجد كفاية بس انه يعرفها انه بيحبها بطريقة متجرحش كرامتها وكمان يعرف ردها وبرده بطريقة غير مباشرة وبعد كدة ميكلماش خالص الا بصورة رسمية وياريت مننساش ان احنا مسلمين وعرب وبلاش الكافيتريات والكورنيش علشان خاطر سمعتها

أنا من رايى ان الحب فى الجامعة دايما بيكون وهم بس برضه مش لازم نعمم الصورة يعنى ممكن يكون فى حب حقيقى يولد فى الجامعة

اقتباس :

أنا من رايى ان الحب فى الجامعة دايما بيكون وهم بس برضه مش لازم نعمم الصورة يعنى ممكن يكون فى حب حقيقى يولد فى الجامعة

لقد قمت بالتعليق علي ردود كثيرة ولكن ردك الأخير هو الكافي

فالحب في الجامعة ليس كله وهما فقليل منه يكون صادقا
ولكن بشرط أن يكون في النور وبعلم الأهل

بسم اله الرحمن الرحيم
السلام عليكم ورحمة الله وبركاته
بصراحه يا جماعه احنا استفدنا كتير من العالم العظيم اينشتين اللي خلص الكلام في الموضوع اللي بعتبره مهم للغايه بينا كلنا
النسبيه هي نظريه اينشتين اللي بتخلينى اقلكم ان الحب شئ نسبي
يعنى بيعتمد علي الطرفين اللي لازم يكون كلا منهم حاسبها صح
لو هو اعجب بحد معين "ولد او بنت" لازم يدور وراه اذا كان هو كويس ولا لا
انما نقول الحب داخل الحرم الجامعي وخارجه ، يا جماعه الحب عمره ما هيبقي له حدود ،والاخوه اللي بقولو ان مستحيل اتنين يحبو بعض في الجامعه و يرتبطو ، والزميل التانى اللي بيقول ان الحب في مرحله الجامعه اسلوب بنهرب بيه من هم الكليه
انا طبعا بحترم وجهات نظرهم جدا بس وجهة نظري بتقول :"الحب شئ نسبي يعتمد علي طرفيه"
يعنى لما نشوف اتنين بيحبو بعض نبص لاخلاق كل واحد منهم وبالتالي نحكم عليهم مش نسارع بكلمات معينه زى"ناس وحشه مش محترمه وكده يعنى" لا يا جماعه
بجد في ناس بيحبو بعض بطرق يصعب علينا ان نصفها بالحب اصلا "بجد بيظلمو الحب معاهم"بس عايزكم تعرفوا ان الحب والله والله والله جميل جدا وانا عن نفسي " شخص لا اقدر ان اعيش بدون الحب"

محب النوبه والسودان

بسم الله الرحمن الرحيم

اوكى على كل الاراء اللي تم تبادلها بينكم بس ده من باب احترام الراي لكن انا ليا راي تاني
اعتقد بل ايقن ان الحب هو الحب وليس غير ذلك , لطالما بحثت عن معنى لهذه الكلمه ولكن اعتقد انها شرحت كل معانيها فلا يجوز لاحد منا ان يفسرها بغير معناها الحقيقي الذي لو ادركه كل منا لما طرحت كل هذه الاراء فكلما زادت الاراء والمعاني التي يطرحها كل منا كلما اتضح عدم ادراكنا لمعنى هذه الكلمه ان هذه الاراء اشعرتني بالتعقيد والحقت بالحب شبكات عنكبوتيه من المشاكل لما كل هذا التعقيد اعتقد ان لو احد ممن هم ضد الحب شعر بالحب ولو لمره حتى وان لم يكتمل لنهايه رغبها لما قال كل هذا , من وجهة نظري ان لو احب الانسان وفشلت تجربته فلا يجب عليه ان يكره الحب فالحب متجدد و مستمر وموجود مادامت البشريه على وجه الارض ولكن يجب على الانسان لكي يقول انه احب حبا صادقا ان يبني حبه على اسس ليس فقط الاعجاب ولكن ان يحب صفات من يحب واخلاقه و ..... الى اخره لان كل شخص له صفات معينه في من يريد ان يشاركه حياته فيجب عليه ان يبحث عنها وانا ايقن انه لن يفشل اذا كان حبه متبادل
كما اريد ان اوضح انه ليس من الصواب القول بان هناك حب داخل الجامعه و حب خارج الجامعه و حب في العمل و حب في الدراسه , هل الحب مرتبط بمكان اذا كان حقيقيا؟؟؟؟؟؟!!!!!! , الحب ليس له مكان ولا زمان الحب يولد لحظه شعورك به اينما كنت

E/ SAFAA كتب:: بسم الله الرحمن الرحيم

اوكى على كل الاراء اللي تم تبادلها بينكم بس ده من باب احترام الراي لكن انا ليا راي تاني
اعتقد بل ايقن ان الحب هو الحب وليس غير ذلك , لطالما بحثت عن معنى لهذه الكلمه ولكن اعتقد انها شرحت كل معانيها فلا يجوز لاحد منا ان يفسرها بغير معناها الحقيقي الذي لو ادركه كل منا لما طرحت كل هذه الاراء فكلما زادت الاراء والمعاني التي يطرحها كل منا كلما اتضح عدم ادراكنا لمعنى هذه الكلمه ان هذه الاراء اشعرتني بالتعقيد والحقت بالحب شبكات عنكبوتيه من المشاكل لما كل هذا التعقيد اعتقد ان لو احد ممن هم ضد الحب شعر بالحب ولو لمره حتى وان لم يكتمل لنهايه رغبها لما قال كل هذا , من وجهة نظري ان لو احب الانسان وفشلت تجربته فلا يجب عليه ان يكره الحب فالحب متجدد و مستمر وموجود مادامت البشريه على وجه الارض ولكن يجب على الانسان لكي يقول انه احب حبا صادقا ان يبني حبه على اسس ليس فقط الاعجاب ولكن ان يحب صفات من يحب واخلاقه و ..... الى اخره لان كل شخص له صفات معينه في من يريد ان يشاركه حياته فيجب عليه ان يبحث عنها وانا ايقن انه لن يفشل اذا كان حبه متبادل
كما اريد ان اوضح انه ليس من الصواب القول بان هناك حب داخل الجامعه و حب خارج الجامعه و حب في العمل و حب في الدراسه , هل الحب مرتبط بمكان اذا كان حقيقيا؟؟؟؟؟؟!!!!!! , الحب ليس له مكان ولا زمان الحب يولد لحظه شعورك به اينما كنت

رأيي أن تناول الموضوع هنا لم يجب على السؤال المطروح أساساً من حيث وهمية الحب أثناء الدراسة .. قرأت أن الحب يعتمد على ثلاث مراحل : ألفه وعاطفة والتزام ، ومادام تفكير الطالب المجد يوازي بين أهدافه المختلفة ( المتنافرة أحياناً ) في الكلية فهذا يعني أنه سوف يتشتت إن لم يستعمل وجوده في الكلية بغرض أصلية تواجده في الكلية .. قل لي بالله عليك ، رجل تكلف التكاليف وقطع المسافات أو بنت تكلفت التكاليف وقطعت المسافات من السويس أو المنصورة أو الاسكندرية أو القاهرة أو بني سويف أو من الدول المجاورة ( تخيل ) ليصل ميموناً إلى الكلية كي ينسى لماذا جاء إليها !!! ويمارس شيئاً آخر .. طبعاً هذا سيئ على مستوى ترتيب الأولويات ..

الحب !! معنى لا يمكن إنكار حالميته ، شاعريته ، جماله ، رونقه الأخاذ . هدف له نبله وكرمه ( :bom: ) لكنه في الدراسة إن تدخل في الأمر فإنه على الأغلب يجعل الأمر عسيراً جداً ، ويتحول الطالب إلى طالب معمر ( خمسطاشر سنة جهاد في قسم عمارة ، مع شوية حب ) ..

ولذلك أرى أن الحب أثناء الدراسة حقيقي من حيث كونه حقيقياً حقيقة الألفه والعاطفة والالتزام وأزيد شيئاً رابعاً : التدين
ووهمي إذا كان على الصورة التالية :

- إزيك يا شوشو ؟؟

- شششششششششش شفتي بصلي ازاي !!

تحك شوشو رأسها في غباء وهي ترمق الشباب قائلة :

- مين ده ؟؟

( تنهيده طويلة ، وتأمل في معاني الكون ، ثم نظر إلى الإسفلت الأسواني ) :

- بيبو !!

تفتكري بيبو بيحبني يا شوشو ؟؟

- ( ............. )

- شوشو ؟؟

( قررررررررر ، الكثير من الفانتا ) :

- تفتكري إنتي ميمو بيحبني ؟؟ أنا ما شفتش بوي بالروشنة دي أبل كده خالص !! شايفه ازاي مسقط البنطلون !! ياااااااااااااااااايي !!

رنت يااي هذه الأخيرة في مؤخرة وعي خوخه وهي في عالم آخر حقاً ..

تنظر خوخه إلى الكافتيريا حولها .. ترمق ( الكابلز ) المحمومين يتبادلون الابتسامات والضحكات والنظرات الحالمة .. هناك عدة طاولات حولها .. على اليسار مشمشة و توتة تجالسان شابين أحدهما معوق والآخر من جنوب أفريقيا .. هل هما أفضل منها ؟؟ تنظر إلى اليسار لترى ممدوح يبيع البيبسي لكابلز ( مأنكجان ) وتحس أن حرارة غضب بدأت تتسلل إلى أنفها ، وأنها تريد منديلاً حالاً .. لماذا وجدت سوسو من يحبها !! حتى ابراهيم شخصياً ( ربيب المكتبة إياه ) يمنحها بعض الابتسامات والتخفيضات الحصرية .. حصرية لها وحدها بالطبع ..

تنهيدة طويييييلة :

- تفتكري بيبو بيحبني يا شوشو ؟؟

أقول لو كانت بهذه الصورة ، ( وهي الصورة المعروفة علمياً في هندسة أسوان ) فأرجو من خوخه ( على سبيل المثال ) أن تنسى حب بيبو ، لأن هذا هو الوهم ، وهكذا يكون الحب وهماً في الدراسة إجابة على سؤال الزميل : الفرعون العاشق :)!!!!!!!!!

بجد الموضوع ممتاز و تحيه للمهندس اللي كتبه اولا الحب اثناء الدراسه مش مختلف عن الحب في اي ظروف لكن الاخطاء اللي تتعمل باسم الحب هي اكبر كارثه يعني مثلا مينفعش واحد يحب واحده -بجد طبعا-يروح يقولها مع نفسه كده بحبك ويروح معاها في كل حته ويسلام كمان عليها وهي سعيده بكده ويتصل بيها كل شويه من ورا اهلها .
انا مقتنعه ان الولد الي يحب البنت بجد لازم يعمل اللي عليه ويكون مستعد انه يكافح عشان خاطرها ويقول لاهله وياخد موافقتهم وبعد كده يقول انه بيحب والبنت كمان لازم تحترم اهلها يعني علي الاقل لازم الام تعرف ولازم كمان تعاملها معاه كزميل فقط ولا تتعده اسوار الحرم الجامعي ويريت اصلا الطلبه شباب وفتيات يعرفوا ان اهلهم مصرفوش عليهم عشان بعضهم يتسلي باسم الحب.

أشكر النوبي وعبد الوهاب وE/SAFA ,THE WHITE PAPER
علي مرورهم وأرائهم التي رغم اختلافها فقد فتحت أفاقا جديدة للمناقشة
وأنا لست معترضا علي الحب أثناء الدراسة ولكني معترض علي الطريق
الذي قد يسلكه البعض في سبيل هذا الحب وأري أن شيء كهذا
يجب أن يتم في النور وبمباركة الأهل إن كان حبا حقيقيا وصادقا
وليس مجرد اعجاب سرعان ما يزول ووقتها يأتي الندم
ملحوظة:أتمني ممن يشارك في الموضوع أن يشارك برأيه هو فقط
ولا يقوم بالتعليق علي أراء زملاءه لأن ذلك ليس من حقه

أعتقد أن النقاش لا يحجر عليه مادام متسماً بصفات الرقي إلا من مريد للنصيحه .. إن التعليق على
آراء السابقين هو نوع من تقليب الأفكار ، ونحن لا نرتاد الموضوع بهدف عرض البضائع والسلع ،
لمن يقرأ أو يقتبس أو يستفيد أو يضحك ، بل الموضوع هو المناقشة والمحادثة الراقية ( إن شئت ) التي توصل إلى أفضل الفائدة ، فأنا لا يمكنني أن أقول رأيي بمعزل دون أن يكون هناك تشارك لكوني عضواً ضمن أعضاء ضمن منظومة .. أرجو أن تكون وجهة نظري واضحة أيها الزميل ، وإن كان لك رأي مخالف لرأيي الشخصي فالمراسلة على الخاص هي الأفضل .

السلام عليكم من راي الشخصي في هالموضوع انه نادر ما يوجد حب ينتهي بالزواج في الجامعه عندما ندخل الجامعه نحاول ان نجد اصدقاء جدد نتعرف عليهم ةنتعامل معهم وممكن ان تنقلب الصداقه الي الشعور بالحب ولا حياه بدون حب ولكن في نهايه الدراسه سرعان ما يتغير الحب وتسوء المشاكل خاصه لو كان الاثنين في نفس العمر ولكن هناك من ينجح اذا كان الحب صادق وناجح بين الاثنين ولا احد يشعر بالحب الا اذا عاش فيه

ya gma3a fe rad be esmi SAFY hena fe modo3 da al radd da msh bta3i wla ra2ye, di zmela lena katnto mn al account bta3i mn 3'eer azd w lssa w m25tsh bali 3'er dlw2ty....

ama ra2ye fe modo3 da an al 7ob al wa2t la gam3a da kolo awham byt3'lb 3leeh al a7lam al wardi al msh bt5li al wa7d yfkar fe most2bl kwis bsbb so3'r al senn ,, ama an modo3 atnen nafs al senn di ana msh bktn3 beha 5als ana shaifa al lazm yb2a fe far2 fe senn ma beni 4 le 8 snen w tab3n le kol ka3da shwaz

shokran

زى ما فى اتنين بيحبو بعض ف الكلية وف النهاية يسيبو بعض , برضو فى اتنين حبو بعض ف الكلية واتجوزو ف الاخر , فبلاش ناخد نص الموضوع الوحش وننسى النص الكويس وانا بنفسى بعد ما اخلص دراسة هفكركو بالكلام ده

ممكن.............

لكن دايما بيكون الحب ده وهم!!!!

يا جماعة مفيش حاجة اسمها حب فى الجامعة دة وهم وللأسف كلو بيفوق منه بعد كدة اقصد بعد ما تخلص الدراسة واكبر دليل على كلامى اننا كلنا لما تخلص الدراسة بننسى اى حاجة كانت بتحصل فى الدراسة

مع إحترامي لكل الاراء المطروحة أنا هحكي تجربه أعيشها حاليا عندما دخلت الجامعه ومن قبلها كنت لا اعترف باي علاقة بين ولد وبنت على انها حب كنت بقول انها تسالي ولكني في وقعت في حب فتاه وكنت لا أقدر على عدم رؤيتها وكانت حالتي صعبه جدا وكنت بصلي قيام الليل وأظل أدعو الله أن ينسيني إياها لان المفروض إني شاب مجتهد وكنت جايب إمتياز وكنت معروف لدى الطلابه والدكاتره بنشاطي المهم إني لم أوفق الى نسايانها فكنت أفكر هل هذا حب ام هو فراغ عطفي سيزول بعد فتره هل سيكون الطريق وردي؟ هل هلاقي شغل بسرعه بعد ما خلص ونتزوج؟ اسئلة كثيره شغلتني وبما إني حاصل على عدد من الدورات في التنميه البشريه بدأت أتحقق من حقيقة حبي لها قرأت كتير عن الحب وتحققت أني بالفعل أحبها وأنها ليست حالة فراغ عاطفي ثم إنقلت الى السؤال التاني إزاي أقدر أتزوجها بعد ما أخلص دراسه بدأت أشارك في النتديات وانزل كتب حتى إني كنت أذكر في أجازة الصيف حوالي 15 ساعه في اليوم ذاكرت حوالي 12 كتاب في التصميم وبدأت أذهب الى المواقع سواء بيوت أو مواقع حكوميه وتعلمت كيفية رسم المنازل والشقق السكنيه وبدأ الناس يعرفوني في البلد ورسمت عدد من المنازل وكان من حسن حظي إن أول رسمه رسمت رسمتها مهندسه معماريه لنفس المساحه بصرحه الحب غير حياتي وخلاني شخص مختلف ده كله وان لم أصارح حبيبتي بحبي لها وبعد 4 اشهر من بداية الرحلة أخبرني أحد أصدقائي بقسم كهربه أنه سمعها تسأل عني بإهتمام ولم يكن يعلم من الامر شيء فجلست معها في المكتبه وصارحتها فردة إنه ماينفعش طالما الموضوع ما فيش في أخره جواز وإن ماينفعش نتقابل لان ولداها مستأمنها على نفسها فعّرفتها إن إحنا هنتزوج وخاصة إني عندي شقه وهي عرفه كده لانها من نفس البلد وموضوع الشغل الحمد لله بدأت العمليه تمشي شويه فنحن لا نتحدث سويا سوى مرات قليله جدا وبتكون لما نتقابل صدفه في سياره اجره لكن هي بتحبني جدا وانا بموت فيها فأنا أحسن من قدراتي ومهاراتي لكي أستطيع أن أجد عمل بسرعه ونتزوج من الاخر الحب مش ترك المحاضرات والجلوس على الارصفه الحب هو النجاح من أجل من تحب حبي لها جعلني أعشق الخرسانه

طبعا أشكر جميع الردود من جميع الزملاءولكن.
استوقفني كثيرا كلام الزميل عاشق الخرسانة فكلامه بصراحة جميل جدا ومعبر
عن ماهية الحب الذي نقصده ونتمناه لكل زملائنا
الحب الصادق الشريف الذي نهايته الزواج إنشاء الله
الحب الذي يدفع صاحبه للإمام ويدفعه للعمل الدؤوب لتحقيق الامال

اقتباس :

الحب مش ترك المحاضرات والجلوس على الارصفه الحب هو النجاح من أجل من تحب حبي لها جعلني أعشق الخرسانه

طبعا هذه الجملة هي خير ختام وأتمني من جميع من يتصورون أنهم يحبون
أن يعووها وينفذوها جيدا لأن هذ هو الحب الحقيقي.

أجمل أحساس ممكن يعيشوا الواحد هو الحب أثناء الدراسة وممكن ناس كتير تفتكروا وهم لكنه هو أكبــــــــــر حقيقة

الحب أثناء الدراسة بين الوهم والحقيقة - صفحة 3 2696

الحب أثناء الدراسة بين الوهم والحقيقة - صفحة 3 2696

انا شايفة ان الحب مبيعرفش وقت مناسب اوغير مناسب و وقت ما بييجى ما بنقدرش نبعده عننا بس فى نفس الوقت لازم نراعى ربنا و اهلنا فى كل تصرفاتنا عشان ربنا يبارك فى الحب ده و ينتهى بالزواج
وانا عايزة اقول انى بحترم بشمهندس/عاشق الخرسانة جدا

عاشق الخرسانه كتب:: مع إحترامي لكل الاراء المطروحة أنا هحكي تجربه أعيشها حاليا عندما دخلت الجامعه ومن قبلها كنت لا اعترف باي علاقة بين ولد وبنت على انها حب كنت بقول انها تسالي ولكني في وقعت في حب فتاه وكنت لا أقدر على عدم رؤيتها وكانت حالتي صعبه جدا وكنت بصلي قيام الليل وأظل أدعو الله أن ينسيني إياها لان المفروض إني شاب مجتهد وكنت جايب إمتياز وكنت معروف لدى الطلابه والدكاتره بنشاطي المهم إني لم أوفق الى نسايانها فكنت أفكر هل هذا حب ام هو فراغ عطفي سيزول بعد فتره هل سيكون الطريق وردي؟ هل هلاقي شغل بسرعه بعد ما خلص ونتزوج؟ اسئلة كثيره شغلتني وبما إني حاصل على عدد من الدورات في التنميه البشريه بدأت أتحقق من حقيقة حبي لها قرأت كتير عن الحب وتحققت أني بالفعل أحبها وأنها ليست حالة فراغ عاطفي ثم إنقلت الى السؤال التاني إزاي أقدر أتزوجها بعد ما أخلص دراسه بدأت أشارك في النتديات وانزل كتب حتى إني كنت أذكر في أجازة الصيف حوالي 15 ساعه في اليوم ذاكرت حوالي 12 كتاب في التصميم وبدأت أذهب الى المواقع سواء بيوت أو مواقع حكوميه وتعلمت كيفية رسم المنازل والشقق السكنيه وبدأ الناس يعرفوني في البلد ورسمت عدد من المنازل وكان من حسن حظي إن أول رسمه رسمت رسمتها مهندسه معماريه لنفس المساحه بصرحه الحب غير حياتي وخلاني شخص مختلف ده كله وان لم أصارح حبيبتي بحبي لها وبعد 4 اشهر من بداية الرحلة أخبرني أحد أصدقائي بقسم كهربه أنه سمعها تسأل عني بإهتمام ولم يكن يعلم من الامر شيء فجلست معها في المكتبه وصارحتها فردة إنه ماينفعش طالما الموضوع ما فيش في أخره جواز وإن ماينفعش نتقابل لان ولداها مستأمنها على نفسها فعّرفتها إن إحنا هنتزوج وخاصة إني عندي شقه وهي عرفه كده لانها من نفس البلد وموضوع الشغل الحمد لله بدأت العمليه تمشي شويه فنحن لا نتحدث سويا سوى مرات قليله جدا وبتكون لما نتقابل صدفه في سياره اجره لكن هي بتحبني جدا وانا بموت فيها فأنا أحسن من قدراتي ومهاراتي لكي أستطيع أن أجد عمل بسرعه ونتزوج من الاخر الحب مش ترك المحاضرات والجلوس على الارصفه الحب هو النجاح من أجل من تحب حبي لها جعلني أعشق الخرسانه

مش شرط يا بشمهندس انك ما دام حبيت يبقي مستواك الدراسي و تفوقك ممكن يقل

بالعكس ده ممكن اوقات يديك حافز اقوي انك تثبت نفسك و انك جدير ب إيلي بتحبها وقادر تسعدها

بس ممكن اسال حضرتك ف حاجه؟؟

ياتري لما صارحتها ... ايه ايلي عرفها ان الموضوع مفيش ف اخره جوااز؟؟؟؟ وياتري مادام هي قالتلك مينفعش كانت بتسال عليك ليه م الاول اساسا؟؟؟

وياتري الواحد لما واحده يدعي ربنا انه ينساها كده من اول مره ؟؟؟ ولا يدعي ربنا انه يوفق بينهم ف الحلال و تكون من نصيبه؟؟؟

وع العموم ربنا يوفقك يا بشمهندس و ايلي فيه الخير يقدمه ربنا

السلام عليكم ورحمه الله وبركاته

ارجو اخذ كلامى بسعه صدر

حب الدراسه ممكن يكون حب بجد

بس دة حسب الانسان نفسه

ممكن يشوف انسانه تعجبه ويحبها

وبعد ما الدراسه تنتهى ينسهااااااااااااااااااا

وممكن شخص تانى يحبها بجد

وعمرة ما ينسى الحب دة جاهدا ان يكون زوجها

يعنى صوبعك شواذ يعنى كل شخص ليه تفكيرة وشخصيته مستقله

عن الشخصيه الاخرى

وممكن شخص تانى يوصل للانسانه دى وتحبه وبعدين يسبها

وعاوز يشوف غيرهااااااااااااااااااااا

بس ياريت قبل ما نختار نحب مين نفكرة مليوووووون مرة عشان نختار صح

ومش نستعجل فى اى قرار بنعمله

وشكرا لحضرتك على التوبيك الجميل دة

اقتباس :

بس ياريت قبل ما نختار نحب مين نفكرة مليوووووون مرة عشان نختار صح

ومش نستعجل فى اى قرار بنعمله

بالفعل هذا هو عين العقل يا بشمهندس
لأن فترة الجامعة فترة متلاطمة الأمواج ومليئة بالكثير من المتناقضات فياريت
الواحد مننا يحكم عقله في كل امور حياته حتي لا يتسرع في خطوة قد يندم عليها لاحقا

لو كان الحب بايدنا كنا طلعنا كلنا اوئل بس هو سبحان الله مش بيجى غير فى الوقت المنيل دة ومحدش عارفلة معاد بيبقى زى الموت كدة ربنا يخليك لوالديك

شكرا يا بشمهندس [ندعوك للتسجيل في المنتدى أو التعريف بنفسك لمعاينة هذا الرابط] علي مرورك وردك يا بشمهندس
وزي ما انت قلت الحب ليس له مكان ولا زمان ولكن
يجب علينا أن نعمل عقلنا في كل شيء حتي لا نندم بعد ذلك!

» هل الحب الثانى يمحو الحب الاول ؟
» هاذا هو الحب في نظري .فما الحب في نظرك
» اعمل بجد ولا تكن ضحية الوهم
» الوان من الحب (انيس منصور )فارس الحب وفيلسوف العشق
» الحب نظرهـ ام عشرهـ .. الحب بالامس واليوم ..؟؟