eng_ghost مراقب عام المنتديات والحوار العام ومنتدى الهندسة المدنية
عدد المساهمات : 4632 تاريخ التسجيل : 16/04/2008 العمر : 38 الموقع : just in my dreams ,, i can reach any place رقم العضوية : 1036 Upload Photos :
موضوع: زيارة فـي عيادة نفسية السبت 16 يناير - 16:31
زيارة في عيادة نفسية
اتفضل يا حج مدد هنا على الشيزلونج انا دكتور محمد في خدمتك ازيك وازي صحتك الحمد لله قول ياحج انا سامع شكوتك مخنوق من الاخر يا دكتور مش عايز اعيش مالك يا حج ؟ ماليش امال ؟ مافيش بس الحياة مملة وانا ماليش لازمة كلي دموع واحزان مافيش رغبة ماليش بين البشرعنوان مافيش ولاد مافيش مدام مافيش صحاب مافيش احباب على الحال ده من قد ايه ياحج ؟ يووه من زمان طب احكيلي فضفض هيفيد بايه الكلام؟ لكن هاقولك لاني مش قاعد في عيادتك بالمجان مع اني عارف كلامي كلام والسلام لا هيرجعني ورا ولا هيجيبني قدام ياعم الحج اتكلم ماتعتبرنيش طبيبك اعتبرني ابنك او صديقك يا ابني أنا ميت من كام سنة جوايا قلب ملعون بالهوى متمسك بالامل مع إن الامل من زمان فنا ايه ياحج أوعى تقولي بتحب هو عيب؟ لا لا بس سنك ياولا انا بحب من 20 سنة بتحب مين؟ نجمة سابت من سنين السما ايه ماتت؟ لا انا اللي قتلتها ازاي ؟ سيبتها ليه ياحج؟ لان ابويا منعني عنها غلطة عمري اني فارقتها كانت هي دنيتي وحياتي وفرحتي طب هي حبتك؟ اكتر من حبي لها انا عارف كان لازم اتمسك بيها لاخر مدى طيب اهدى وكمل حاولت يادكتور اتحمل وامشي واكمل ورضا ابويا عني يهون جرح قلبي لكن يزود جرحها عشت زي الغريق شايف هناك الشط بس ياخسارة مش عارف اعوم مات العقل وغمضت العيون وبقى من السهل يوصفوني بالجنون واقول لقلبي المفتون اهدى ياقلبي الدنيا دي مش دنيتك ولا دنيا اللي جابوك والناس فيها اللي حبتك وفيها اللي كرهوك تختلف عليك البشر وعمرهم ماعرفوك تضحك...... ناس تعجبهم ضحكتك وناس يحسدوك تبكي تلاقي ناس قلوبها حجر ...يجرحوك عايش شمعة حزينة سفينة لكل اللي يعرفوك ترسم البسمة على شفايفهم وقت شدتهم بس يعرفوك وقلت له نصايح كتير اصل انا ف الحياة خبير لكن قلبي دبدب و ثار ونفخ من التراب عفار وقال الدنيا دي دنيتي وحبيبتي لسة ف سكتي سابني يا دكتور وراحلها لقاها حلم وطار طيره ابويا وطار قالي سامحني يابني غشاوة ضلمت بصري ملحقتش اشوف النهار ياريت بايدي ارجع اللي كان لكن .............. ودعك يا قلبي والدي ودعك ابكي خلي الدموع تنفعك اصرخ مين يسمعك ما قولت لك الدنيا دي مش دنيتك ولا دنيا اللي جابوك وهتفضل متكتفة خطوتك مزروعة ف الشوك سلام لحبيبتك ولأبوك سلام...... يا حج يا حج يا حج!!!!!!! يا سعاد دخلي اللي بعده وشوفي حد من هنا يخده من سكات هو ماله؟ مات
موضوع: زيارة فـي عيادة نفسية 
السبت 16 يناير - 16:31
