فكرة اتمنى تطبيقها فى المنتدى (شاركنا برأيك)

تذكير بمساهمة فاتح الموضوع :

فكرة اتمنى تطبيقها فى المنتدى (شاركنا برأيك) - صفحة 2 214143

السلام عليكم يا شباب........

الحمد لله الذى بنعمته تتم الصالحات...والذى هدانا لهذا وما كنا لنهتدى الا ان هدانا الله والصلاة والسلام على المبعوث رحمة للعالمين سيدنا محمد وعلى اله وصحبه وسلم تسليما كثيرا....اما بعد
انا فكرت فى فكرة واتمنى من اخوانى فى المنتدى اخذها فى الاعتبار
كل واحد فينا بيقضى معظم وقته فى المنتدى
يقرا نكتة لذيذة يعرف معلومة جديدة ,يشوف صورة غريبة,يقرا رواية او شعر,يقرا حديث شريف وما الى اخره
طب ليه بقى منعملش موضوع مثبت .....ويشرف عليه اخونا المهندس مصطفى محمود واختنا الماهندسة زهرة احمد
ويكون الموضوع دة خصيصا لحفظ القرأن
يعنى هنقول مثلا لو كل يوم 4 او 5 ايات من سورة معينة هما طبعا اللى يحددوها ويشرفوا على اختيارها
ونبتدى احنا كأعضاء بالحفظ واللى يحفظ تمام ودى طبعا امانة شخصية امام الله ....يدخل الموضوع ويقول حفظت الحمد لله الايات الخاصة بياليوم كذة
ونبتدى يوم فى شهر فى سنة ......نكون حفظنا اجزاء ليست بالقليلة
كل واحد فينا فى المنتدى فيه حاجة جميلة اووى......بس مستنين حد يظهرها للنور
اكيد كل الاعضاء نفسها تحفظ القرأن ....لكن بسبب الاساليب الترفيهية الكتيرة
الواحد بينغمر فيها ويكسل ويقصر فى دينه
وعن نفسى ....انا احوجكم لحفظ القرأن
وبكدة هيحصل روح منافسة وتشجيع من الاعضاء كلهم
وفى النهاية
والله ماقصدت من موضوعى الا الهداية والنفع لنفسى قبل الاخرين
ولا اقول هنا الا ما قاله نبى الله شعيب من قبل(ان اريد الا الاصلاح ما استطعت وما توفيقى الا بالله عليه توكلت واليه انيب)

فكرة اتمنى تطبيقها فى المنتدى (شاركنا برأيك) - صفحة 2 604369

فكرة اتمنى تطبيقها فى المنتدى (شاركنا برأيك) - صفحة 2 604369

جزاكم الله كل خير
بالنسبة للباشمهندس سيف الاسلام: كلام حضرتك صحيح جدا بس انا بحفظ القرأن ذى ماقلت عن طريق الاستماع لاى شيخ كبير......يعنى بشغل الكاسيت او الكمبيوتر وابتدى اسمع واقول زيع بالظبط.....اكيد هو بينطق صح ولا ايه؟؟......يعنى حكاية التجويد هتيجى عن طريق الاستماع للتلاوة الصحيحة من اى شيخ كبير تمام كدة.....وانا عملت جدول سريع كدة وعاوز كل واحد يحط رايه فيه بحيث نغير فيه او نغيره كله بس المهم بلله عليكم قبل بكرة لاننا هنبتدى بكرة
والسلام عليكم

فكرة اتمنى تطبيقها فى المنتدى (شاركنا برأيك) - صفحة 2 16480078

فكرة اتمنى تطبيقها فى المنتدى (شاركنا برأيك) - صفحة 2 16480078

تسلم ايدك ياباشمهندسة PRINCESS
موقع رائع والله وسهلتى علينا كتير لانى كنت بدور على حاجة زى كدة
جزاكى الله كل خير

وهيتم التعليم على الاية اللى احنا هنوصلها بالطريقة اللى فى الصور.......يعنى اليوم الاول هنعلم على الاية 5.....اليوم الثانى هنعلم على الاية 10 وهكذا الى ان يتم الله علينا فضله بحفظ السورة كاملة
فكرة اتمنى تطبيقها فى المنتدى (شاركنا برأيك) - صفحة 2 96702968

فكرة اتمنى تطبيقها فى المنتدى (شاركنا برأيك) - صفحة 2 96702968

انا سمعت ان الشيخ محمود خليل الحصرى افضل شيخ ممكن تحفظ منه بالتجويد

لكن باقى الشيوخ بيعملوا تلاوه ودى مرحله متقدمة بعد التجويد
وده لينك ممكن يفيد فى التجويد
[ندعوك للتسجيل في المنتدى أو التعريف بنفسك لمعاينة هذا الرابط]

جزاكى الله كل خير ياباشمهندسة...........وهو فعلا موقع جميل
وزى ماحضرتك قلتى.......ان الشيخ محمود خليل الحصرى وايضا عبد الباسط عبد الصمد اكثر ناس تدقيق فى التجويد.........وزى ما قلت قبل كدة كل واحد يختار الشيخ اللى هو بيفضله...لانى مأدرش اجبر شيخ معين على الكل..........مرة تانية جزاكى الله انت وكل المساهمين فى الموضوع خيرا فى الدنيا والاخرة

بسم الله وعلى بركته هنبتدى نحفظ انهاردة اول 5 ايات من سورة البقرة
وندعو الله ان يهدى نفوسنا ويقويها لاستكمال الطريق الى النهاية ان شاء الله
فكرة اتمنى تطبيقها فى المنتدى (شاركنا برأيك) - صفحة 2 22877049

فكرة اتمنى تطبيقها فى المنتدى (شاركنا برأيك) - صفحة 2 22877049

ان شاء الله اللى هيحفظهم تمام .....يدخل علشان يشجع اخزاته على الحفظ
وربنا يقوينا لذكره وشكره وحسن عبادته

الله يفتح عليك يابشمهندس
انا بالفعل فكرت ف فكره مشابهه لفكرتك الرائعه دى
وكنت مستنيه لما اكلم دكتور محمد محمود لأنهم قالولى هو اللى مسئول عن عقد المسابقات الدينيه

ونظرا لأن المسابقة قد تشترط حفظ القرأن بأكمله أونصفه كان فيه ناس كتيير أنا منهم بتضيع عليهم الفرصه دى، وقد يصابوا بالاحباط
ففكرت ان اجعلها مسابقه للقرأن الكريم فيما ما تيسر لكل مننا ولو سوره واحده

يقوم المسلم بحفظها وتكريمه فيحدث نوع من التشجيع والحماس للتواصل ف الحفظ

والله المستعان

وجعله الله فى ميزان حسناتك ووالديك بإذن الله

وأسفه جدا على المداخله الطوييييييييييله

فكرة اتمنى تطبيقها فى المنتدى (شاركنا برأيك) - صفحة 2 860511

انا الحمدلله وان شاء الله حفظت مقرر انهارده اول خمس آيات من سورة البقره
بس انا كنت عايزه اسال هو ليه في مراجعه اربع ايام ورا بعض ف الجدول
يعني احنا هانراجع كل100 ايه ف اربع ايام
ولو كان كده فانا عندي اقتراح اننا نخليها مافيش مراجعه لاننا اصلا لما بنحفظ بنبتدي من الاول لغاية ماوصلنا
او حتى يبقى يوم واحد مراجعه

فكرة اتمنى تطبيقها فى المنتدى (شاركنا برأيك) - صفحة 2 604369

just me كتب:: انا الحمدلله وان شاء الله حفظت مقرر انهارده اول خمس آيات من سورة البقره
بس انا كنت عايزه اسال هو ليه في مراجعه اربع ايام ورا بعض ف الجدول
يعني احنا هانراجع كل100 ايه ف اربع ايام
ولو كان كده فانا عندي اقتراح اننا نخليها مافيش مراجعه لاننا اصلا لما بنحفظ بنبتدي من الاول لغاية ماوصلنا
او حتى يبقى يوم واحد مراجعه

لا المراجعة مهمة جدااااا وخصوصا مع زيادة كمية الايات اللي هنحفظها
وفي ايام هتلاقي انك مش قادرة تحفظي حاجة جديدة لأن اللي فات مش مراجعة عليه كويس او لازم يتراجع عليه تاني
ولما هتزيد الكمية هتلاقي ان المراجعة بتاخد وقت ولازملها كذا يوم عشان تثبت
واعتقد ان الايام اللي ورا بعض للمراجعة
بعدها هتسيبي الجزء اللي حفظتيه خالص وتبدأي في بعدها في الجديد ولما تراجعي هتراجعي من اول الجزء الجديد ده
يعني كمثال لما هنحفظ للاية 100
وناخد كذا يوم مراجعة .. ونيجي نحفظ الخمس ايات اللي بعدهم
وبعد كده نوصل مثلا للاية 120 ساعتها نراجع من اول الاية 100
ومن الاية 1 لغاية الاية 100 يتراجع عليه بعد ما نخلص السورة مثلا وهكذا
لأن هيبقي صعب بعد كده لما نحفظ جزء وجزئين اننا مع كل خمس ايات جديدة نراجع من الاول
فلازم نبقي بنراجع من جزئية معينة .. واللي قبلها نسيبه للمراجعة الكبيرة واللي بتاخد ايام كتير ورا بعض

miss feeling:

ربنا يجازيكى كل خير واتمنى ان حضرتك تحفظى معانا على قدر استطاعتك وتشجعينا معاكى

Just me:
مبروك ياباشمهندسة ودايما سباقة فى عمل الخير.....بس حكاية المراجعة دى مهمة جدا جدا خاصا ان الموضوع دلوقتى سهل لكن بعد كدة هتلاقى ال 5 ايات دول بقوا صفحة او صفحة وربع او اقل.....يعنى الموضوع لسة مدخلشى فى الجد اووى......وشكرا لاهتمامك

PRINCESS:
جزاكى الله كل خير ياباشمهندسة على اهتمامك وتشجيعك لينا.....جعله الله فى ميزان حسناتك

انا الحمد لله حفظت اول 5 ايات تمام............ادعولنا بقى فى اللى جاى

فكره رااااااااااااااااائعه يا ابو حميد..

وان شاء الله تتنفز وكلللللللنا هنشارك فيها ان شاء الله..
وربنا يكرمك يا احمد يارب ويكرمنا كلنا..

جزاك الله خيرا يا بشمهندس احمد على هذه الفككرة الجميلة و ان شاء الله ربنا يعنا و نحفظ كلنا
الحمد لله اول خمس ايات حافظاهم و راجعت عليهم
و ربنا يعنا و نكمل ان شاء الله

انا كمان الحمد لله حفظت اول خمس ايات

و ربنا يوفقنا كلنا و نكمل حفظ ان شاء الله

وانا كمان الحمد لله حفظت اول خمس ايات
وربنا يعنا علي ذكره وطاعته ..اللهم امييييييييين
وجزاكم الله عنا كل خير

NEW Asaad
SHIMZ
MIRA
حسين تاج الدين

جزاكم الله كل خير واعانكم على ذكره وشكره وحسن عبادته
بس انا عاوز اوضح حاجة
احنا بنطمع اننا كل يوم نحفظ 5 ايات......بس وارد جدا حد يحصله ظروف فى اى يوم
وميحفظشى مقرر اليوم مثلا......مش معنى كدة انه يسيب الموضوع كله بقى
لا....هيكمل برضه معانا عادى خالص لان اهم حاجة فى الموضوع كله هو تشجيع بعضنا لبعض
وكل واحد على قدر استطاعته
(لا يكلف الله نفسا الا وسعها لها ما كسبت وعليها ما اكتسبت, ربنا لا تؤاخذناان نسينا او اخطأنا)
..........................

على فكرة انا قمت بتعديل الجدول لاننا ابتدينا حفظ من انهاردة الاثنين......... فكرة اتمنى تطبيقها فى المنتدى (شاركنا برأيك) - صفحة 2 604369

الحمد لله انا حفظت لغاية الاية10

والتلاوة لغاية الاية 5
يلا يا شباب شدوا حيلكم واللى يقدر يزود كمية حفظه يكون افضل
بس بشرط الاتقان امال هى ازاى منافسة؟
ربنا يوفقكم جميعا

engmasrya كتب:: الحمد لله انا حفظت لغاية الاية10

والتلاوة لغاية الاية 5
يلا يا شباب شدوا حيلكم واللى يقدر يزود كمية حفظه يكون افضل
بس بشرط الاتقان امال هى ازاى منافسة؟
ربنا يوفقكم جميعا

ربنا يزيدك ياباشمهندسة........جزاكى الله كل خير

ان شاء الله هنحفظ انهاردة لحد الاية (10)

فكرة اتمنى تطبيقها فى المنتدى (شاركنا برأيك) - صفحة 2 604369

تمااااام يا جماعة وان شاء الله نواصل تشجيع بعض
وانا عن نفسي الحمد لله حافظة الجزء الأول وبراجع عليه معاكم
بس في نفس الوقت بحفظ بنفس المعدل اللي ماشيين بيه في الموضوع هنا بس في التسلسل اللي انا وصلتله

ربنا معانا وان شاء الله هنكمل وحتي في الدراسة هنكمل بنفس المعدل بإذن الله

دي لنكات تعليم تجويد في اليوتيوب

درس الغنة
[ندعوك للتسجيل في المنتدى أو التعريف بنفسك لمعاينة هذا الرابط]

درس النون الساكنة
[ندعوك للتسجيل في المنتدى أو التعريف بنفسك لمعاينة هذا الرابط]

ويثبت الموضوع لأهميته وعشان نلاقيه بسهولة بعد كده

i am with u

شكرا للبشمهندسة PRINCESS
جزاكى الله كل خير

واهلا بيك يا MATREX
وربنا يقويك ويقدرك

انا حفظت الحمد لله لحد الاية 10

أنا معاكم إن شاء الله يا جماعة ، ودي طريقتين للحفظ :

من أفضل الطرق للحفظ البين :

الجلوس على الأرض ، وأسوء الجلسات مد الرجلين ، وأفضل منها القرفصاء ( التربيعة )، وأفضل منها جلسة الافتراش ( اليسرى تحت اليمنى والورك مفترش الأرض ) ، وأفضلهم وأحسنهم وأصعبهم جميعاً ، الجلسة الجبريلية ( جلسة التشهد في الصلاة ) والجلسة دي تعين على التركيز الشديد واللي يحافظ عليها مع صعوبتها بيلقط أكتر لإنه بيكون مركز جداً .

في بعض الكماليات بتساعد على اليقظة والاستعداد وانشراح الصدر و انشراح الريق ، زي المنبهات ( شاي بلبن أو غيره ) ، ومسواك تستخدمه قبل ما تبدأ .

تدعي ( اللهم إني أسألك فهم النبيين وحفظ المرسلين وإلهام الملائكة المقربين ، اللهم اجعل ألسنتنا عامرة بذكرك وقلوبنا بخشيتك وإسرارنا بطاعتك إنك على ما تشاء قدير وحسبنا الله ونعم الوكيل ) .

وإما : تقرأ الخمس آيات ورا بعض عشر مرات علشان تصحح قرائتهم لو تجويدك تمام ، ولو تجويدك ناقص حتحتاج تسمع الآيات تلت مرات قبل ما تقراهم العشر مرات . وبعدين تغمض عينك بعد ما تكون سمعت وقرأت ، وتحاول تفتكر الخمس آيات ورا بعض ، وبعدين إبدأ كرر عن غيب .

وربنا يفتح عليك إن شاء الله ويعينك في عدد التكرارات عن غيب ، وعندك من عشر تكرارات وطالع .
وافتكر العلاقة الطردية : مدة بقاء الحفظ تتناسب طردياً مع عدد التكرارات ، يعني خمس تكرارات تساوي : يومين مع الخطأ كمان . عشرة أربع أيام ، عشرين أسبوع ، تلتين حتخش معاك في شهر ، خمسين يبقى شهور ، مية يبقى سنة وتحتاج تراجع بعديها كل سنة !! ولو وصلت لألف تكرار تأكد إنك مش حتنساها خالص إن شاء الله !! حتبقى زي كإنك لزقت الآيات بسوبر جلو في دماغك .

وطبعاً الوصول لمية مش سهل فضلاً عن الألف ، وتعويدك نفسك توصل لمية تحدي مش سهل .
الطريقة التانية :

تقرأ الآية خمس مرات ، وبعدين تسمعها لنفسك مرة ، وبعدين تقرأ اللي بعديها خمس مرات ، وتسمعها لنفسك واللي بعديها كمان ، ولما تخلص خمسة ، تبدأ تربط الخمسة مع بعض .

وبقترح نهاية كل جزء يبقى في احتفال صغير على المنتدى لكل اللي خلص جزء .

شكرا للباشمهندس فيلسوف الغبرة
بجد جزاك الله كل خير وجعله الله فى ميزان حسناتك
اما بخصوص الاحتفالية.........فوالله كانت فى بالى وماعتقدش المنتدى هيبخل علينا بحاجة زى كدة.......ربنا يعينا ويقوينا لان الموضوع بجد محتاج تشجيع وعزيمة قوية

» استفتاء علي المراقب العام شاركنا برأيك
» شاركنا برأيك: ماهي مشاكل العمارة العربية؟؟
» حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى
» الآن يمكنك متابعة آخر مواضيع المنتدى عن طريق قائمته البريدية وجروب المنتدى على الفيس بوك
» تهنىء إدارة المنتدى أسرة المنتدى والكلية وجميع المسلمين والعرب بجميع الأصقاع بمناسبة عيد الأضحى المبارك