فكرة اتمنى تطبيقها فى المنتدى (شاركنا برأيك)

بوركت أخي لهذا التفكير البناء النافع ، لكن رأي سيف وجيه ، لإن حفظ القرآن لا يكون إلا بالمشافهة ، ويمكن التغلب على هذه المشكلة برفع مقاطع صوتية للجزء المقرر من المصاحف المعلمة للجزء المقرر ، كمصحف الحصري المعلم

مثلاً ، أو أي قارئ مجيد ، وبقدر صدقك وهمتك في الموضوع يكون التزام الأعضاء معك ونجاحك . أنتظر تعقيبك .

يا شباب بارك الله فيكم وفى ارائكم
المشكلة دلوقتى فى التجويد يعنى .........طب ومين فينا بيقرا القرأن لوحدة......ماحنا كلنا بنشغل الكاسيت او الكمبيوتر ونقرا ورى الشيخ اللى احنا بنفضله ولا ايه؟؟؟؟.....تعالوا نكون واقعيين شوية.....بالله عليكم مين فينا بيجيب شيخ يحفظه قرأن ؟؟؟؟......الموضوع دة كان زمان منتشر اووى ايام الكتاب وكدة.....لكن الكاسيت والكمبيوتر والمقاطع الصوتية للشيوخ الكبار اصبح منتشر واسهل بكتير..........ياجماعى الموضوع كله للتشجيع والتحفيز يعنى لما واحد مننا يشوف صاحبه حفظ قرأن ولو حتى سورة اكيد هيغير طبعا منه ....وانا مش بقول غير 4 او 5 ايات بس فى اليوم......والله كلنا ضعاف جدا جدا او بالاصح اتكلم عن نفسى حافظ من القرأن يمكن اقل من الجزء ودة عار عليا قبل مايكون عار على حد تانى.......انا هعمل الموضوع حتى لو لم ينفز .....واتمنى اننا كمان نهتم شوية بالقرأن لانه شفيعنا فى القبر

الفكره جميله جدا جزاك الله كل خير عليها

وانا والله نفسي احفظ القرآن لالني لما بقرا بحس اني فاكره الايات يعني اللي اكون سمعتها قبل كده او سوره بقراها كتير زي الكهف
لكن طبعا ماقدرش اقولها من دماغي يعني مش حفظ
فانا نفسي تثبت السور في دماغي وانا معاك يابشمهندس ف الفكره دي
وانا كان ليا رأي ف موضوع ان احنا لازم اللي يحفظنا شيخ انا رايي ان كل واحد يحفظ مع نفسه مثلا يشغل القران ع الكمبيوتر ويسمعه بيتنطق ازاي ويشوف مخارج الالفاظ منه وبعدين نحفظه من المصحف عشان نالف مواقع الايات والصفحات ولو مثلا ممكن البشمهندسه زهره او البشمهندس مصطفى يقولولنا احكام التجويد او مثلا لو عندهم التفسير يقولوهولنا وكده يعني
بس انا عايزه الايات تزيد عن خمسه يعني لو هنبدأ من الاجزاء الاخيره بس لو هنبدأ من الاجزاء الاولى وده اللي انا نفسي فيه بجد فكفايه خمسه عشان نلحق نخلص لو حتى جزء قبل مانروح الكليه
واذا كنت حضرتك هاتنفذها حتى لو مانزلتش ع المنتدى فانا ان شاء الله معاك عشان الاقي حد يشجعني

[size=24]فكرة جميلة ومفيدة يا بشمهندس

وجزاك الله خيرا ويارب يوفق وتنفذ[/size]

Just me:
واذا كنت حضرتك هاتنفذها حتى لو مانزلتش ع المنتدى فانا ان شاء الله معاك عشان الاقي حد يشجعني


جزاكى الله كل خير يا باشمهندسة انتى وكل اللى حاول يشجع على الموضوع

engmasrya كتب:

طب وايه المشكلة يبشمهندس ان كل واحد يبدا من دلوقتى فى صورة البقرة ويستعين بالنت وشرائط الكاسيت او يسال اى حد يعرف من بيته وقرايبه

المهم كل واحد يشد حيله ونيجى بكره فى الموضوع ده وكل واحد يقول حفظ لحد فين

وانا ان شاء الله هانفذ الفكرة دى
لاننا لو فضلنا على الحال ده مش هنحفظ حاجة
يا ريت يبشمهندسين ننفذ الفكرة قبل الدراسة
فى رعاية الله

والله كلام حضرتك فوق راسى من فوق....وعاوز انفذه بسرعة زى مابتقولى لاننا هندخل الدراسة بعد كدة
بس انا مستنى رد الادارة علشان الموضوع يبقى منظم شوية لكل الاعضاء......والحقيقة انا زيك بالظبط....مش هستنى كتير......اظن الموضوع مش محتاج عمل ابحاث ودراسات عليه ونشوف ممكن ننفذه ولا لاء.....الموضوع كله فى سبيل الله.......لكن الصراحة لو موصلش رد يبقى كدة بقى احنا نبتدى مع بعض ان شاء الله و الله هو المستعان
.......ربنا يزيدك حب فى دينه ويهيدكى ويوفقك لما يحبه ويرضاه......والله الواحد بيفرح اووى لما يشوف شباب زيكوا كدة.......

انا كنت منتظر ردهم علشان انا كنت امل خير فى حد ينظم الموضوع يقول نبتدى بسورة ايه واذا كنا هنبتدى نبتدى بكام ايه ....لكن خلاص نتوكل على الله احنا ونبتدى على بكرته.......اعتقد ان كلنا حافظين الفاتحة ....ومن الواضح ايضا ان معظم الشباب عاوزة تحفظ من اول المصحف وليس من اخره.....يعنى ان شاء الله هنبتدى بسورة البقرة وكل يوم هنحفظ 5 ايات ولو حد عاوز يبدى رأيه باكتر من 5 ايات الموضوع مفتوح بس البداية هتكون من بكرة ان شاء الله .....وكل واحد يحفظهم تمام يدخل يقول علشان يشجع اخواته ..........متنسوش البداية بكرة ان شاء الله علشان كل واحد يعمل حسابه......واى اراء ياريت تيجى بدرى شوية وقبل الدخول فى هذا العمل