الحق بسرعه !!!!!! الأجازه خلصت!!!!!!!!

اولا كل عام وانت بخير بمناسبه العيد ومعلش لو جت متاخرواتمني انك تكون قضيت وقت ممتع
ثانيا كل عام وانت بخير بمناسبه الدراسه
انا مدبلرة تانيه كهرباء من الخارج لانه اعتذرت السنه اللي فاتت لسبب قهري
معايا الترم الاول مادتين بس اتقل مادتين الكترونيات وفيلد والترم التاني ماشين و ديجتال ورياضه ودواير
عايزة اشد حيلي وانتظم واركز في المداكرة واذاكر الاول باول عشان عايزة اعدي السنه دي اوك الترم الاول عندي مادتين بس عايزين شغل بس بجد الازمه اللي مريت و خليتني اعتذر اعرف اصحابي من اللي هما وشك وشك قفاك قفاك
واتمني اني انجح عشان افرح اهلي

اتمني من اللي هما في التالته لو عايزين ينصحوني ايه النصايح اللي لو التزمت بيها انجح

كل سنه وانتي طيبه يا بشمهندسه

وإن شاء الله تكوت الظروف احسن السنه دي و تعديها علي خير ان شاء الله

ومنتظرين اي حد من طلبة الفرقه الثالثه كهرباء انه يفيدك ان شاء الله

كل سنة و كل أعضاء المنتدى الكريم بخير
و الدراسة خلاص كلها كام يوم و هنرجع للمعاناة من تانى
بالنسبة ليا السنة الى فاتت لما كنت فى اعدادى كنت بذاكر المواد الى بحبها جدا مذاكرة كويسة أوى و بحس نفسى عاوزة أعرف زيادة فيها حتى لو ما كانش فى المقرر بتاعنا و كنت بحس بمتعة أنا و بذاكرها
أما المواد الى ما كنتش بحبها فكنت بذاكرها بس ما كنتش بهتم انى أسأل عن حاجة مش فاهماها فيها و أحاول أعرف حاجات أكتر فى المواد دى
و طبعا فى النتيجة النهائية المواد دى أثرت على تقديرى
فالكلام ده ما ينفعش لو الواحد عاوز يجيب تقديرعالى فى أخر السنة
بس الحمدلله اهى سنة و عديت و الحمدلله داخلة القسم الى حاباه
و ان شاء الله ناوية انى ادى كل مادة حقها و ما أذاكرش مادة على حساب التانية
و ربنا يوفقنا جميعا

و شكرا يا بشهندس حسام على فتحك الموضوع ده و الى أكيد هيكون فى استفادة للجميع بإذن الله
بس ياريت الناس تهتم و كل واحد يقول الى عنده عشان نفيد بعض

كلامك مظبوط يا بشمهندسه شيماء

الواحد المفروض ميحطش ف دماغه انه يحب ماده او يكرهها او انه بيمتحنها عشان ينجح و خلاص

دي بتبقي مشكله كبيره وبتاثر علي مذاكرتك للماده ونجاحك فيها

بالنسبه لإعدادي فبتكون فيها مواد لكل الاقسام

وطبعا الواحد بيكون ميوله لمواد معينه

و باقي المواد مش بيكون ليه ميول كبيره ليها

بس ده مش معناه انه يكرهها و مش يذاكرها و يديها اهتمام

عشان ميأثرش علي تقديره العام ف النهايه

وربنا يوفقك يا بشمهندسه ف أولي كهربا

في رعاية الله

السلام عليكم ورحمة الله وبركاته
وكل عام وانتم بخير بمناسبة انقضاء الاجازة واقتراب العام الدراسي الجديد
وان شاء الله يبقى افضل من السنة اللي فاتت
الاخت الطائر الجريح كتبت:

اقتباس :

انا مدبلرة تانيه كهرباء من الخارج لانه اعتذرت السنه اللي فاتت لسبب قهري
معايا الترم الاول مادتين بس اتقل مادتين الكترونيات وفيلد والترم التاني ماشين و ديجتال ورياضه ودواير
عايزة اشد حيلي وانتظم واركز في المداكرة واذاكر الاول باول عشان عايزة اعدي السنه دي اوك الترم الاول عندي مادتين بس عايزين شغل بس بجد الازمه اللي مريت و خليتني اعتذر اعرف اصحابي من اللي هما وشك وشك قفاك قفاك
واتمني اني انجح عشان افرح اهلي

بالنسبة للفيلد تقريبا مفيش حد فاهمه في الكلية فاحنا كنا بنحفظ القوانين ونحل الامثلة والمسائل وياريت لو تقدري تحليها كلها عشان تلمي كل الافكار وفيه حلول فيلد جميلة نازلة في المنتدى
اما الاليكترونيك كنا بنحفظ النظري وندش في الامتحان اللي حافظينه والدكتور عبد الجواد بيحب الحفظ
والمسائل مش بتخرج برا الكتاب
والدوائر كذلك حل شيتات ومسائل كتيييييير والدكتور محمد عبد العزيز غالبا امتحاناته مكررة ماعدا السنة بتاعتنا بس اللي غير في الامتحان بس نجحنا الحمد لله
رياضة تانية كهربا اسهل بكتير من اولى اهم حاجة تحضري وتذاكري من المحاضرات والمذكرة مع بعض والامتحان مش بيخرج برا الامثلة والمسائل وشوية اثباتات الدكتور هيقولكم عليها
الديجيتال بقى لو محضرتيش مش هتفهمي حاجة هتحسي في الاول انه مادة رخمة بس لما هتعوددي عليها هتلاقيها لذيذة جدا والمسائل مش كلها بيبقى معانا حسب الدكتور مابيحدد
الماشين بقى فانا الحمد لله شايلاه برضو
بس انا عرفت غلطتي ان الدكتور بيركز على المسائل وبس والنظري قليل جدا يكاد يكون معدوم
والمسائل كلها بتبقى من المذكرة ..... انا ببقى ركزت عالنظري وحليت المسائل اللي برا المذكرة من كتاب تاني خالص غير اللي بناخده

اتمنى اكون افدتك بحاجة بعد الرغي الكتير دا
وربنا يوفقك ان شاء الله وتعدي المواد كلها صافي

ياريت لو حد في تالتة يقول خبرته
والله الموفق