خلصت حكايته ... بقلم / هاني جمال الدين

خلصت حكايته

وسْط الزحام .. والانقسام

وناس بتصرخ

وناس بتشجـُب

وناس تندّد

وناس ف توهة .. وسط الضلام

قامت مظاهرة

والكل شارك

ضد المعارك .. ضد المذابح

ف غزة كانت .. أو ف الشيشان

هتف الجعان ..

أنا عايز آكل ..

وأسِـد جوعي .. أنا والعيال

وعايز أسكن .. وألاقي شـُغلة

يكفيكوا ربي شر السؤال

بقى ماشي يهتف .. والناس وراه

سقط الطغاة

سقط الحِـصار

سقط الغلاء

سقط الغباء

سقط الحرامي .. واللي حَماه

سقط اللي طـَاطـَى .. ذ َل الجـِـباه

سقط اليهودي .. قاتل جدودي

قاتل أخويا .. وقاتل ضناه

صرخ البَغيض اللي واقف يراقب

هاتولي ابن الـ ( كذا ) من قـَفاه

وخلصِت حكايته

وخلصِت حكايتي

وخلصِت حكاية اللي ماشيين وراه

هاني جمال الدين

eng_ghost 2008 كتب:: خلصت حكايته

صرخ البَغيض اللي واقف يراقب

هاتولي ابن الـ ( كذا ) من قـَفاه

وخلصِت حكايته

وخلصِت حكايتي

وخلصِت حكاية اللي ماشيين وراه

انا الحقيقه نفسي اعرف هو البغيض ده
انسان زينا كده برضه
واللي في عروقه ده دم زينا كده ولا حاجه تانيه
واللي في صدره ده قلب زي قلوبنا كده ولا قلب من نوع تاني ؟؟؟؟؟؟؟؟؟
ياريت اللي يعرف الجواب يقولي
وشكراً جزيلاً يا بشمهندس علي الحكايه اللي مش عايزه تخلص دي واللي مش عارفين اخرتها حتكون ايه

كلام جميل جدا يا بشمهندس

خلصت حكايته ... بقلم / هاني جمال الدين 2696

سقط اليهودي .. قاتل جدودي
اللّهم آآآآآآآآآآآآآآآآآآآآآآآآآآآآآآآمين
أحييك eng_gosstعلى موضوعك الرائع

بنت مصر كتب:: انا الحقيقه نفسي اعرف هو البغيض ده
انسان زينا كده برضه
واللي في عروقه ده دم زينا كده ولا حاجه تانيه
واللي في صدره ده قلب زي قلوبنا كده ولا قلب من نوع تاني ؟؟؟؟؟؟؟؟؟
ياريت اللي يعرف الجواب يقولي

تعريف البغيض ...:twisted: :twisted: :twisted:

هو أي شخص يجد سعادته في ما يزعج الناس و ينفرهم ..

فـ ماتتوقعيش أي حاجه تاني من البغيض أقل من اللي هوه بيعمله

و ربنا كبير و قادر علي كل شئ

شكرا ...... جوست

» ##...ايهما افضل برأيك جمال الروح ام جمال الشكل ...##
» الحق بسرعه !!!!!! الأجازه خلصت!!!!!!!!
» العميد
» .:.:. أعتذار عام للدكتور هاني السيد .:.:.
» لو تفهمين .....!!! بقلم عمر بغدادي