محتار اختار مين فيهم

[size=29]السلام عليكم ورحمة الله وبركاته
احب اعرفكم بنفسي انا عبد الله من اسوان خريج جامعة الازهر هندسة قنا قسم كهرباء قوي 2006
انا ولله الحمد والمنة طالع بتقدير جيد جدامع مرتبة شرف...ارسلت اوراقي بالفاكس بعدما قرأت اعلان لأحد المعاهد الهندسية الخاصة والمشتركة بنقابة المهندسين بأنه مطلوب معيدين ..ثم جاء الرد في هذه الايام بأنه قد تم قبولي كمعيد بالمعهد وعلي احضار الاوراق.. جاء ذلك في نفس التوقيت بعدما اتيت بتأشيرة الوزير للتعيين في كهرباء اسوان..تملكتني الحيرة ايهما اختار..صليت استخارة مرارا ولا اجد اجابة.....فأيهما افضل ان اتغرب سنين بعيدا عن اهلي عاذبا ام ان ارضي بالكهرباء وان اظل مجرد مهندس لأبد......احتاج الي اراء الناس ..وجزاكم الله كل خير[/size]

السلام عليكم ورحمة الله وبركاته

كل سنة وحضرتك طيب يا بشمهندس وأهلا وسهلا بيك بالمنتدى

بصراحة كتر خيرك وحكاية الإختيار دى وتحديد المصير بتبقى صعبة جدا بس هقولك كام نقطة

تعرضهم على نفسك وتشوف إن شاء الله ربنا يكرمك فى الأختيار.

بخصوص المرتب هل عملت مقارنة بين الاتنين يا بشمهندس ؟؟

هل بتحب مهنة التدريس وتقدر تواصل فيها ؟؟

هل فى المعهد الهندسى الخاص هتقدر تحضر ماجستير ومن ثم دكتوراة على نفقة الدولة أو

المعهد؟؟

هل أنت بتستطيع تعيش كمغترب يعنى ؟؟

هتكلم برأيى إنك تبقى معيد وبخصوص الزواج ممكن تتجوز عادى جدا وتاخد شقة وبعد

الزواج حكاية الأهل بتخف شوية بتبقى كل عيد وكل مناسبة والكلام ده والغربة عموما

بتبقى ملازمة المهندس دايما بحكم شغله زى بتاع مدنى بالظبط وحكاية وظيفة كهرباء

ممكن تتخيل تحويلك لبلد تانية اللى فيها المعهد الهندسى فهتبقى الحكاية هيا هيا يا بشمهندس

فأنا من رأيى تمشى فى حكاية المعهد الهندسى وتشوف النظام إيه ولو تقدر تعمل حفظ

وظيفة أو أى فكرة تحفظ بيها مكانك فى كهرباء أسوان يبقى عال العال زى اللى بتجيله

فيزا يسافر بره يعنى وإن شاء الله يمكن تجد قبولا نفسيا لما تمشى فى المعهد او تقابل

الناس أو لما تلقى سكشن وتستمر العملية إلى أن تصبح دكتور مثلا وتشرف على القطاع

الهندسى للكهربا بالكامل بتاع أسوان مثلا.

أتمنى لك كل خير وأبقى طمنا عليك بإذن الله

والله الموفق

اهلاً بك يا باشمهندس

انا برده رأيي من رأى الحبار _

الحكاية كلها ميوول _

وامور مادية ، حكاية الغربة دى بقت شئ أساسى

والغربة في حالتك مش حتبقى غربة كبيرة لانك مش حتطلع بره مصر

عشان ماتشوفش اهلك شهوور وسنين

السلام عليكم ورحمة الله وبركاته
اولا : كل عام وحضراتكم بخير والامة الاسلامية جمعاء في رخاء وسلام... بشكر الاخ حبار والاخ المراقب العام علي سعة صدرهم واهتمامهم الرائع . صدقا والله حسيت ان اخواتي همن اللي بيردوا عليا .. جزاكم الله خيرا وربنا يبارك في هذا السايت الجميل ويجعله دائما في القمة .
ثانيا: بالنسبة لميولي في التدريس كانت عندي رغبة قوية بعد التخرج ولكن الان وبعد مرور 3 سنوات من التخرج فقد قلت كثيرا..
ثالثا: بالنسبة للراتب هو كويس واكبر اكيد من الكهرباء ده غير ان التحضير علي نفقة المعهد وفيه اوتوبيس خاص بالمعيدين يروحو ويجو فيه.. بس المشكلة ان السكن والاكل والشرب عليك.. فا بتصرف كتير ده غيران ممكن تشتري كتب تساعدك في الدراسة ونتو عارفين كتب الكهرباء بتبقي غالية ازاي..لإن المعهد عمره اربع سنين ولسه معملش مكتبه قويه تلاقي فيها اللي انت عايزه . واللــــــــــــــــه المستعان ..وبشكركم مره تانية علي اهتمامكم..وبارك الله فيكم

اسمحلى اشارك واقول رايى يمكن انا بختلف مع البشمهندسين فى رايهم الكهربا بجد راحه جدا ومرتبها مش وحش ده غير انك حتكون وسط اهلك وموجود وسطهم فى اى وقت تحتاجلهم حتلقيهم جنبك ده غير انى الحياه فى اسون بجد مش حتلاقى زيها فى اى بلد تانى فانت اختار راحتك طبعا ومتبصش للماديات نهائى

انا رأيى لو جالك برة مصر يبقى احسن من الاتنين
لكن معيد ولا مهندس فى الكهربا.....مش فارقة كتير
هو ايه الفرق اصلا؟؟؟؟

لو عاوز تبنى نفسك ماديا....سافر بره مصر
لو عاوز تعيش مستور.....اعد هن فى مصر
كل التوفيق ليك اتمنالك النجاح

انا رايى ان حضرتك تختار وظيفة معيد علشان تدرس كتير وتزداد علم

قال رسول الله : اطلبوا العلم من المهد الى اللحد

وبالتدريس حتفيد اجيال كتير
ووفقك الله الى ما فيه الخير لك

جزي الله خيرا الاخـــــــــــــــوة والاخــــــــوات علي الردود .. وربنــــــــــــا يعمل اللي فيــــــــه خير.....شكرا جزيلا

» مشروع توسعة الحرم
» شخصيات مدرسة المشاغبين أنت مين فيهم ؟؟؟
» اختار وشوف الاختبار
» اختار الموته اللي تعجبك
» لغة الورود .. اختار وردتك للى تحب تهديها له..