شخصيات مدرسة المشاغبين أنت مين فيهم ؟؟؟

center]الصراحة موضوع لذيذ جدا حابة أشارك فيه
أيام المدرسة فى المرحلة الثانوية لا تمثل لى الا سنة أولى ثانوى الى كنت بروح فيها المدرسة
لأن زى ماكله عارف انه فى تانبة و تالتة الاجازات المرضى كانت شغالة على ودنه مفيش غير السنة دى محبكينها علي العيال حبتين
المهم يا سيدى حابة أحكى ليكم عن جزء منها
فى أولى ثانوى كان عندنا مدرس انجليزى بيكره بتوع لغة أولى فرنساوى الى كنت أنا منهم كنا حوالى تسع بنات لغتنا الأولى فرنساوى و التانية انجليزى لاننا كنا فى مدارس لغات
كان الاستاذ بتاعنا بيغيب كتير و كانو بيقعدونا فى الفصل مع بتوع الانجليزى من غير فايدة
كان الاستاذ ده يتلكك لأى واحدة على أى حاجة و يخليها تقف طول الحصة تيجى تبص أخر الحصة تلاقى التسعة واقفين ما هو بيتلكك بقى ويا شماتة العدوين فينا (بتوع الانجليزى طبعا )
طيب ايه يجبرنا على الذل ده
بفيت مجموعة كل حصة تقعد تتكلم فى الحصة لغاية ماتتطرد
ما احنا مش بناخد حاجة فى الحصة بس بتتذل أنفاسنا و خلاص
و الطرد جاى بفايدة على الأفل بنقعد فى الحوش حيث الهواء الطلق
كل مرة يطردوا شوية وده الى عاوزينه
و هو ما اكتشفه الاستاذ بعد فترة
أصبح له طولة بال رهيبة علينا مهما عملنا اعتبرنا غير موجدين بالمرة
هدينا بقى ما هو مفيش فايدة
و الغريب ان الاستاذ ده بعد فترة اتحسنت علاقته معاتا و أصبح لما يشوفنا يبتسم
فسبحان مغير الأحوال

أنا دى أقصى حاجة ممكن كنت أعملها فى المدرسة انى أتعمد انى أطرد من هذه الحصة و بعض المواد التى لم أكن أحبها زى الفلسفة و حصص المجالات
و أحيانا الأحياء و الى يغيظك انه مدرسة الأحياء و الفلسفة كانوا واخدين فكرة عنى انى ممتازة جدا فى المادتين دول مع انى ما كنت بفتح فيهم كتاب
بنو الفكرة دى على ايه هو ده الى حيرنى بس كله خير من عند ربنا
أما فى غير ذلك فكنت ملتزمة و الحمدلله
كفاية كده
أما أكتر شخصية حبيتها فى المسرحية هى بهجت الأباصيرى
وشكرا يا بشمهندس على هذا الموضوع