إيه ممكن تعمل يا بشمهندس لو الدراسة السنة دى إتلغت "يا ريت الجميع يدخل ويدلى برأيه"

تذكير بمساهمة فاتح الموضوع :

السلام عليكم ورحمة الله وبركاته

طبعا مع قرب العيد كل سنة وأنتوا طيبين سيبدأ أيضا العد التنازلى للإلتحاق بالكليات والجامعات

عموما ولكن هذا العام حدث أمر جلل حال دون ذلك وزى ما حضراتكم عارفين إن مرض إنفلونزا

الخنازير إنتشر بشكل كبير فى البلد ومش هنقول بقى وباء ولكن أصبح خطر داهم يتربص بالبلد

وكإجراء إحترازى الحكومة فى جميع البلد بتمنع الدراسة عشان سلامة وصحة الناس وعشان

يقدروا يسيطروا على المرض ده عافانا الله وإياكم شرور الأمراض أو على الأقل بيتم التأجيل

حتى يتم الإستعداد له بالكامل.

طبعا إحتمال إلغاء الدراسة السنة دى بالنسبالنا وارد جدا وأمر ممكن الحدوث بين لحظة والتانية

لذلك كنت عاوز أعرف لو حصل وأتغلت الدراسة السنة دى إيه إنطباع حضراتكم عن

قرار الإلغاء ده وهتعمل إيه السنة دى وإيه إحساسك هيكون بتأخير سنه كامله فى حياتك

وإيه كمان تقترحه يتعمل السنة دى "لو إتلغت يعنى" وممكن نستفيد منها إزاى على

أتم وجه ؟؟؟

أنتظر كل أفكار حضراتكم وإجابة عن كل اللى قولته من أسئلة وأنا كان لدى بعض المقترحات

سأطرحها فيما بعد عندما أرى أفكار حضراتكم إن شاء الله

والله الموفق

devil كتب:: msh htfr2 kter asln e7na msh bnt3lm f aswan so msh htfr2 ttl4y aw la2 klam da yfkr feh bto3 cairo .alex.3in shams . e7na nas 3la ad 7alna :d

اييييييييه التخريف اللى انت كاتبه ده انت بجد عايش في غيبوبة ولا مش عايش في الكلية الكلية مستواها مش للدرجة دي يبشمهندس الحمد لله خريحجين اسوان اثبتوا وجودهم في اماكن كتير اسأل في المقاولين العرب اسأل عن كمية الناس اللى شغاله في فودافون واتصالات وعدد الناس اللى شغاله في دبي
انا اسف مدام الكليه مش عجباك ايه اللى جابرك على القعاد فيه
ياما تقعد في الكلية وتحترمها وتحترم الناس اللي فيها ياما تتكل على الله وتروح جامعات اكسفورد اللى انت هيمان بيها
وانا مش هسمح لك او اسمح لاي حد يقلل من قدر كليتي او يهينها طول مانا موجود

بارك الله فيك يابشمهندس قودزيلا
فعلا والله من غير مجامله كلية هندسة اسوان تعتبر من أفضل كليات الهندسه والحمد لله

اااااااااااااااااااه
إيه ممكن تعمل يا بشمهندس لو الدراسة السنة دى إتلغت "يا ريت الجميع يدخل ويدلى برأيه" - صفحة 2 76828

انا عن نفسى ممكن اموت فيها
انا عايزة اخلص الكلية واتخرج بقى
سنة بحالها تضيع من عمرى
ليه؟؟؟؟؟؟؟؟؟؟؟؟
يعنى وقفت ع المدارس والكليات اللى هى تتقفل
طيب ماهو ف اماكن تانية كتيييييييرممكن الانيسان يتعدى فيها
زى المواصلات العامة والسينمات والمسارح والقهاوى وكتير
هنلغى الحاجات دى كلها كمان
تفتكروا ينفع؟؟؟؟؟؟؟؟؟
ياجماعة انا رايى انى احنا نتوكل ع الله وكل واحد يشوف واجبه اللى عليه
ونخلى بالنا من صحتنا
ونعمل بالنصايح اللى بتيجى ع التلفزيون
للوقاية من الانفلونزا
وكمان الكورسات دى ممكن ناخدها ف الاجازة
وف الاخر "وقل لن يصيبنا الا ما كتب الله لنا"
وشكرا يا بشمهندس ع الموضوع
وان شاء الله مش هتتلغى الدراسة السنة دى

السلام عليكم ورحمة الله

اولا : لا اعتقد انه في تأجيل للدراسة ولا حاجة تاني واقول للناس اللي بتتمنى ان الدراسة تتأجل ان الانسان بيتمنى الساعة اللي تفوت يكون خلص فيها مرحلة من حياته مش عايزين تأجله سنة بحالها وبعدين تأجيل السنة ده مش هيبقى تأثيرة عليك انت وحدك اكيد هيكون ليه تأثير على اهلك كمان وبص للمستقبل وبلاش ضياع للوقت وياريت بقى اللي خايف يتبع الاجرائات الصحية 0

ثانيا : اللي بيحاول يقلل من قدر الكلية اذا كنت شايف نفسك مش مستفاد من الكلية فأكيد ده عيب فيك لأن مش معقولة منظومة كاملة بتشتغل وبتستفيد وانت بس اللي مش شايف للكلية مكانتها 0

بسم الله الرحمن الرحيم والصلاة والسلام على سيدنا محمد
انا طبعا مع المهندس محمد الجزار فى ان الغاء الدراسه دة خبر سىء بالنسبة لى لان ضياع سنة من العمر دة مش سهل وانا نفسى اخلص واتخرج لانى السنة دى بكالريوس باذن الله وانا شايفة ان الغاء الدراسة دة مش حل الحل ان احنا نتبع خطوات الوقاية وانا سمعت دكتور بيقول النهاردة فى برنامج صباح الخير يا مصر ان العلاج منه بسيط جدا باكل الجوافة والتفاح والينسون الصينى اللى فيه مادة التاميفلو وان شاء الله ربنا يسلم ويحمى الجميع والله ان حاسة ان دة غضب ربنا علينا اللهم احفظنا واحمينا جميعا امين

» هاام جداا. يوم ينظر الجميع بجانب إسمك .. ليجدوه وقد كتب ""غير متصل ""
» نرجو من الجميع الإنتباه"تم فتح قسم قلم المهندسين"ولمزيد من التفاصيل يرجى الدخول".
» ازاي تعمل search يا بشمهندس !!!
» نظيف: سنلغي الدراسة إذا تفشت "الخنازير".. واللقاح يصل قبل الحج
» التوقيت الصيفي يبدأ عند منتصف الليلة "قدم ساعتك يا بشمهندس".