إيه ممكن تعمل يا بشمهندس لو الدراسة السنة دى إتلغت "يا ريت الجميع يدخل ويدلى برأيه"

السلام عليكم ورحمة الله وبركاته

طبعا مع قرب العيد كل سنة وأنتوا طيبين سيبدأ أيضا العد التنازلى للإلتحاق بالكليات والجامعات

عموما ولكن هذا العام حدث أمر جلل حال دون ذلك وزى ما حضراتكم عارفين إن مرض إنفلونزا

الخنازير إنتشر بشكل كبير فى البلد ومش هنقول بقى وباء ولكن أصبح خطر داهم يتربص بالبلد

وكإجراء إحترازى الحكومة فى جميع البلد بتمنع الدراسة عشان سلامة وصحة الناس وعشان

يقدروا يسيطروا على المرض ده عافانا الله وإياكم شرور الأمراض أو على الأقل بيتم التأجيل

حتى يتم الإستعداد له بالكامل.

طبعا إحتمال إلغاء الدراسة السنة دى بالنسبالنا وارد جدا وأمر ممكن الحدوث بين لحظة والتانية

لذلك كنت عاوز أعرف لو حصل وأتغلت الدراسة السنة دى إيه إنطباع حضراتكم عن

قرار الإلغاء ده وهتعمل إيه السنة دى وإيه إحساسك هيكون بتأخير سنه كامله فى حياتك

وإيه كمان تقترحه يتعمل السنة دى "لو إتلغت يعنى" وممكن نستفيد منها إزاى على

أتم وجه ؟؟؟

أنتظر كل أفكار حضراتكم وإجابة عن كل اللى قولته من أسئلة وأنا كان لدى بعض المقترحات

سأطرحها فيما بعد عندما أرى أفكار حضراتكم إن شاء الله

والله الموفق

طبعا الموضوع ده هيبقى كارثه جداااااااااا

بس

ممكن يكون ليها حل خاصه فى التقدم التكنولوجي اللى وصلنا ليه
بمعنى
ان فعلا دلوقتى فعلا فى جامعات عين شمس والقاهره
الكليات اللى فيها اقسام انتساب
قررت تذيع محاضرات على قنوات النيل سات

بس

ممكن يجي اليوم اللى نلاقى دكاتره جامعتنا ممكن تنشر محاضراتها
على الانترنت يعني ممكن يجي اليوم اللى نلاقي فيها المحاضرات اونلاين
والدكتور يعمل رووم فى الياهوو وكل طالب يكون معاه جهاز كمبيوتر
ويدخل يسمع المحاضره ويحاور ويناقش الدكتور ويكون الدكتور مشغل الكام بتاعته
وقدامه صبوره يشرح فيها

الموضوع صعب التخيل
بس ليه لأ

إيه ممكن تعمل يا بشمهندس لو الدراسة السنة دى إتلغت "يا ريت الجميع يدخل ويدلى برأيه" 860511

والله هو الموضوع ده لو حصل حتكون مصيبه بالنسبه ليا لانى كدا حاخد فى الكليه 7 سنين وده حرااااااااااااااااااااااااام
بس ربنا يستر وميكنش فى تاجيل ولا حاجه وبعدين هما قالوا انى لو فى حاله ظهرت فى اى كليه حنقفل الكليه ده بس مش كل الكليات
ربنا يستر ويبعد عن الوباء ودعواتكم بقا يا جماعه فى الايام المفترجه ده ربنا ينجينا ويحفظنا

ماهو يأما تتلغى خالص ونعدى السنة كأننا دراسناها وطبعا دة مش هيحصل ....يأما بقى متتلغيش ونكمل عادى السنة دى

تتلغى ........حرام إيه ممكن تعمل يا بشمهندس لو الدراسة السنة دى إتلغت "يا ريت الجميع يدخل ويدلى برأيه" 76828

ده انا مستنية بفارغ الصبر ان الكلية تفتح و تبدأ الدراسة لان دى اول سنة ليا
بس لو ده حصل فعلا لا قدر الله
مفيش حل احسن من اللى قاله البشمهندس flying- baby
ان المحاضرات تتعمل و تتذاع اما على قنوات النيل سات او الانترنت
بس مش عارفة اذا كانت كليتنا ممكن تعمل ده خصوصا ان اعداد الطلبة مش كتيرة زى طلبة
القاهرة وعين شمس
و طبعا اللى دخلوا الكلية وعارفين النظام بتاعها هيكونوا عارفين احسن منى

بسم الله الرحمن الرحيم

لو تم الغاء العام الدراسي انا مش شايف ان هايبقي في سنة ضاعت زي ما الناس بتقول لأن الحكاية عمرها ما كانت بالسنين

لكن من ناحية اخري فاننا سنجد عام كامل فارغ تستطيع ان تستثمره في اي ماترديد دون اي معوقات
سواء كان في دورات او وظيفة او حتي في الدراسة
من يستطيع او لديه القدرة علي الاستفادة بوقته فانه بالتأكيد سوف يستفاد من هذا العام من جميع الجوانب

لا نستطيع ان نننكر ان هذا العام هايوقف احلام ناس كتير وهياخر الحلم سنة تانية لكن كما قولت استثمار الوقت وكيفية الاستفادة منه شئ مهم جدا وممكن تكون السنة دي الطريقة الوحيدة لكي نتعلم ذلك

انا بصراحة مش شايف ان الحكاية كارثة
وبالنسبة ليا فبصراحة شديدة مش هاتفرق خالص سواء تم الغاء العام الدراسي او استمراره
خاصة اننا داخلين علي فصل الخريف وربنا يستر علينا من الانفلونزا

قد يختلف البعض مع وجهة نظري لكن انا حبيت اتكلم بصراحة عشان الموضوع يبقي حيوي اكتر
وانا مستني اقتراحاتك ياباشمهندس الحبار وشكرا طبعا علي الموضوع

طبعا الموضوع ده لو حصل تبقى الحكاية مصيبة

لانه حرام تضيع من عمر الواحد سنة كده من غير دراسة

كمان احنا كليتنا فيها ميزة انه العدد الى بيكون فى الدفعة بيبقى قليل مش زى الكليات التانية فى القاهرة و عين شمس الى الدفعة بتقبى بالآلاف

يعنى ان شاء الله خطورة انتشار المرض مش زى غيرنا بس ده لوأى حد لا قدر الله اصيب بالمرض ده -عافانا الله و اياكم - او شك انه مصاب يلزم بيته و يخاف باقى زملاؤه

و ربنا يحفظنا جميعا من الأمراض

كمان انا قريت فى الجرايد انه جامعات زى عين شمس و القاهرة بتستعد من بدرى لمواجهة موضوع انفلوانزا الخنازير سواء بتوفير عدد مناسب من الاطباء و الادوية فى كل كلية كمان انهم بيجهزوا و سائل تعليمية زى السى دى مثلا بيكون عليها محاضرات و محتويات المنهج

ده الى عرفته بخصوص تجهيزات الجامعات دى لمواجهة هذا المرض

فأين جامعة جنوب الوادى من هذه التجهيزات ؟؟

والله هو الموضوع محير جدا لانه سلاح ذو حدين يعنى ممكن الواحد يستفيد من السنه دى لو اتلغت وممكن تكون سنه مش كويسه خالص بالنسباله
يعنى هى هتبقى مضره اوى لواحد عايز يخلص بسرعه وفى اخر سنه عشان يشتغل ويساعد اهله او خاطب وعايز يتجوز او بقاله كتير اوى فى الكليه ونفسه يخلص مش مستحمل سنه تانى من غير داعى بس بردو مهما كان السنه ممكن استغلالها كويس جدا فى العمل وان الشباب تشتغل كويس فى السنه دى ومتبقاش سنه وراحت على الفاضى
وممكن كمان بالنسبه لكليتنا بالذات بم ان عددنا قليل جدا وكل ما السنه بتكبر العدد بيل اكتر فممكن تقليل الاعداد عشان نمنع موضوع الزحام اللى الخوف كله منه يعنى السكشن مثلا يتقسم على اتنين بدل ما نكون 30 نكون 15 والمحاضره كمان تتقسم على مرتين او 3 بس ده طبعا هيحتاج مجهود كبير جدا من كل النواحى من الدكاتره ومن المعيدين ومن الطلبه وهيحتاج تنظيم وقت رهيب مننا كلنا لان اليوم كده هيبقى تقريبا شغال كله ومفيش فيه وقت فاضى وممكن واحد يكون عنده محاضره الصبح وسكشنه بعد وقت كبير جدا فلازم كلنا نحدد احنا عايزين ايه وهيبى فى الفتره دى اهم حاجه هى تنظيم الوقت بكل المقايس وده ممكن يكون حل بدل الغاء السنه
ربنا ينجينا ويعدينا منها على خير الفتره دى

بجد أنا مش عارفة أقول ايه يعنى هو فعلا الحكومة بتعمل كده خوفا على صحة أبنائها ولا الموضوع سياسى أكثر من انه وباء ومن انه صحة ،وخطر ووباء بيداهم شعوب بأكملها يعنى حجاج يتمنعوا من زيارة بيت الله واحتمال الحج يلغوه نهائى ومدارس تغلق وجامعات وسنين دراسية تتوقف وأطفال من المحتمل انهم يحرموا من حق طبيعى فى تعليمهم وممارسة حياة طبيعية .....

يعنى من الاخر الكل يقعد فى بيته ونبقى نشوف هيبقى فى تعليم وشغل وأعمال ومصالح شعب ولا احنى داخلين على حرب ثقافية واقتصادية كبيرة جدا وأزمة يمكن احنا مش حاسين بيها غير فى صورة بسيطة بأنها وباء يداهمنا مش أكتر..........
نتمنى ان ده يكون حقيقى وان موضوع الدراسة وغيرها تبقى احتياطات مش أكتر قبل مايطلع علينا وباء جديد اسمه"السيطرة الثقافية والاقتصادية"عشان مصلحة الشعب!!!!!!!!!

السلام عليكم ورحمة الله وبركاته

طبعا أشكركم للغاية لتجاوبكم وإهتمامكم بالموضوع والرد فيه ولكن فيه كذا نقطة محورية كان

لازم نعرفها ونفهمها كويس جدا وهى إننا مثلا لو عرفنا إن فى حالات مرض لإنفلونزا الخنازير

فى الكلية لا قدر الله يعنى أكيد مش هنروح إطلاقا وهنسافر على بيوتنا وحتى لو حاولنا نروح

أهالينا هتمنعنا من الذهاب للكلية عشان ده مرض مميت ومحدش هيلقى بنفسه فى التهلكة

فكده كده الحكاية ملتفة حوالين بعضها بشكل معقد وقرار الإلغاء ممكن يكون فى الصالح العام

أفضل من اننا نلتحم ببعض وكذا حالة تصاب لا قدر الله ويكون حد مننا ضمن الضحايا دى

لذلك قرار الإلغاء يعتبر بالعقل كويس فى جانب كبير منه ولكن طبعا له عيوب وهو التأخر

سنة بالكامل والمخ كمان هيتملى تراب وصدا لأنه مش هيشتغل لفترة كبيرة ولكن المخ

يتملى تراب وتراب ويتنضف أفضل من الموت الزؤام ولا إييه ؟؟!

نيجى لنقطة إحنا هنعمل إيه ؟!!

طبعا أنا فكرت فى إننا نخاطب الدكاترة بتوعنا بشكل ودى والمعيدين كمان من أجل عمل

محاضرات صوتية ومرئية وكمان يبقى فيه إلتحام كامل كسكاشن وحل مسائل وتصحيح

وكل حاجه بس عن طريق المنتدى والإيميلات كمراسلة وومكن نفتح شات كمان ونستغله

فى الأسئلة والأجوبة بمعنى إننا هنبقى فى دراسة موازية للكلية تماما وده يعنى تسهيلا

لمواد السنة اللى جاية وبرضو عشان المخ يبقى شغال وأهو نبتدى نتعلم لأجل العلم

مش لأجل الدرجات والنجاح والكلام ده وأتمنى إنى أعضاء هيئة التدريس يوافقوا على

كده وبرضو أتمنى إن الإلغاء ميحصلش خالص عشان سنة تقيلة شوية علينا.

وجزاكم الله خيرا جميعا عن مشاركتكم البناءه وننتظر آراء آخرى من بقية الزملاء

والله الموفق

أولا ,, ردا علي سؤالك ,,, لو حصلت وتم الغاء الدراسه سنه كااااااااااااامله ,,, أنا مش هعمل غير حاجه واحده بسسس

أني

لأني خلاااااااااااااااااااص ,, واقفه الدبلومه معايا علي المشروع ,,,, واللي للأسف الشديد هبتديه مع بداية العام الدراسي الجديد

بس ده بعون الله مش هيحصل ,,,,,,, وهبقي أقولك ليه !!

بالنسبه لأغلاق المدارس وتأجيل الدراسه , فده بيعكس عجز الحكومه المصريه أنهاء تتخذ اجراءات وقائيه ضد المرض زيها زي أي دوله محترمه ( مع الأعتذار للدول المحترمه اللي انا بحاول أقارنها بمصر)

المهم ,,, بيعكس عجز الحكومه انها تحتوي المرض ,,,, ولأنه مش مجرد مرض ,,, ده وباء

فتأثيره لو أنتشر هيبقي كارثي جدا بالنسبه للحكومه ومصالحها ,,,,

فبالتالي لابد من أحتواء الوباء ,,, قبل مايحدث مالا يحمد عقباه

وكفايه أن مرض انفلونزا الطيور ,,, أصبح متوطن

وده خبر أكدهولي دكتور بصفه شخصيه ,,,,, أن انفلونزا الطيور اصبحت متوطنه

زيها زي البلهارسيا ,,,,,,,,,,

طبعا ,,,,,,, محدش سمع منك انه تم التخلص من مرض انفلونزا الطيور او حتي البلهارسيا

فالمهم ,,,,, نيجي نحسبها

لو مرض انفلونزا الخنازير توطن مع مرض انفلونزا الطيور ,,,,,,, تخيلو المرض ( الوباء القاتل الذي لا يوجد مصل له وقابل للتحور بصوره مفزعه غير قابله حتي لمجرد التخيل ) اللي هيطلع واللي أكيد هيتوطن برضو ,,

أصلنا الشعب المصري شعب حبوب أوي ومضيااااااااااااف جداااااااااااااا

إيه ممكن تعمل يا بشمهندس لو الدراسة السنة دى إتلغت "يا ريت الجميع يدخل ويدلى برأيه" Lol

إيه ممكن تعمل يا بشمهندس لو الدراسة السنة دى إتلغت "يا ريت الجميع يدخل ويدلى برأيه" Lol

فعشان كده الحكومه اتحركت لأنها عارفه اللي فيها ,,,,,,,, وبتحاول انها تنقذ ما يمكن انقاذه

علي الاقل ,,,, أنفلونزا الطيور أخف من الأنلفونز الخنزطيور دي

وبالنسبه لأن الدراسه تتأجل عندنا في الاكاديميه عندنا ,, فأنا متعشم وبقول أنها مش هتتأجل عندنا لسبب وجيه

الأكاديميه عندها الأمكانيات انها تحمي طلابها والعاملين بها

يعني لو مصل أو لقاح ,,,,,و هتلاقيه عندنا قبل أي حد تاني

ده غير أني ( أعتقد ) أن وزارة التعليم العالي مالهاش سلطه كبيييره عليها

مثال بسيط ,,,,, عندنا أحنا في الاكاديميه الاتوبيسات اللي بتنقل الطلاب

الأوتوبيس مكتوب عليه أتوبيس نقل طلاب ,,,, شئ عادي جدا

أنما ,,,,,,,,,, لما تلاقي ان نمر الاوتوبيس ده ,,,,,,,,, هيئه دبلوماسيه !!

يعني ولا حتي لوا مرور يقدر انه يفتشها أو حتي يوقفها ,,, يبقي هتفهم أنا قصدي أيه بأن الاكاديميه حاجه تانيه

أن لما بروح الأكاديميه ,,,,,,,,, حاجه طبيعيه وعاديه جدا أني الأقي العربيات الملاكي بتاعة أعضاء مجلس إدارة الأكاديميه ,,, كلها ,, بلا أدني أستثناء , هيئه دبلوماسيه ,,, وبودي جاردات ,, وبلاوي أنا كنت بس بشوفها في الأفلام العربي ,,,

فأن شاء الله لو فيه لقاح يوصل بدري ,,, والاكاديميه مش هتأجل الدراسه سنه ,,, لأن دي فيها خراب بيوت مستعجل ليهم

شوف انت السنه بتدخل كام ليهم ,,,!!

فان شاء الله بعد العيد ابتدي دراسه ,,, وألحق أخلص بقي ,,,, زهقتتتتتتتتتتتتتت

أولا دا قرار مستحيل ووضح من أن الدكتور هانى هلال خلى الدراسه يوم 26/9ع الرغم من أن المدارس بقت بوم 3/10 ووارد وبقوه تأجيلها.

ثانيا والله انا شايف انى أروح بقى اكمل تدريب

ثالثا أحنا جامعتنا بالفعل أبتدت تاخد أجراء ضد المرض وفرت 4 دكاتره لكل كليه ووفرت التاميفلو بكميه رهيبه وقررت تذبع المحاضرات ع القنااااااااااااه التامنه(تشانل تو) وزودت عدد السكاشن.

على فكره تالتا دى من وحى الخيال

هو إحتمال بعيد نوعا ما

لكن لو ربنا اراد و حصل كده يبقي انا شايف ان الحل زي ما قالوا البشمهندسين تبقي الدراسه

اون لاين لأن حرام بجد ان الواحد يضيع سنه كده هباااء هي طبعا الحكايه مش هتبقي مريحه حبتين

بس هيبقي ده الحل الوحيد يا اما كل حاجه تتقفل لغاية ما الوباء ده يزول

وربنا يحمي الجميع من الأوبئه و اضرارها

يا سلام ده موضوع زى العسل بما انى كنت فى اعدادى فانا
ياريت تتلغى السنادى لانى عايز اخد دورات تدريبيه فى حاجات كتير ومش لاقى وقت
عشان كده انا بدعى من قلبى يارب يلغو السنادى

حراااااااااااااااااااااااااام طبعا إنهم يضيعوا سنه من عمر الواحد
وانا مع البشمهندسين في فكرة الاون لاين دي
بس احنا نتفائل خير وربنا يستر
وربنا يحفظنا وإياكم من شر هذا الوباء
وندعي ربنا انها متتلغيش وربنا يستجيب إن شاء الله

في رعايه الله ,,,,

هى فكره الاون لاين كويسه بس حتكون مشكله لبعض الناس لانى فى ناس معندهاش كمبيوتر وظروفها متسمحش انها تجيب واحد وفى ناس معندهاش نت كمان وفى ناس مش بتعرف تتعامل مع النت اصلا وانا شفت ناس كتير كدا فحيكون صعب الا بقا اذا الكليه وفرت جهاز لكل طالب وعلمته ازاى يدخل ويشوف المحاضرات على النت وده حيكون صعب طبعا وحتكون حجه لبعض الناس انهم مبيعرفوش على النت او معندهمش اجهزه فى البيت فالموضوع صعب طبعا

السلام عليكم ورحمة الله وبركاته
ندعو الله ان يرفع عنا البلاء والمرض ان شاء الله
انا شايف ان الدراسة مش تتلغى ولكن الأخطر انها ممكن تتأجل من اسبوع لأسبوع
وطبعا ده هيبقى فيه تشتيت كبير يعنى ممكن يرسى الترم على شهر
بالنسبة لوضع كليتنا من وجهة نظرى لو كان هناك لا مركزية فى القرار بمعنى ان كل جامعه
او كلية تشوف ايه اللى يناسبها وتعمله من رأيى ان احنا نكمل دراستنا عادى لأن عدد الطلبة فى
كل الدفعات على بعض تقريبا ألف طالب يعنى تلت او نص دفعة من دفعات الكليات الأخرى
وان فرص التزاحم عندنا أقل من غيرنا بكتير الحمد لله.
بس للأسف لو طلع قرار هيبقى على الكل لأن ببساطة مينفعش انك تكون فى سنة كذا
وزميلك فى جامعه تانية فى سنك واتخلف عنك سنة من غير ذنب فالقرار صعب.
أما بالنسبة لفكرة المحاضرات الأون لاين انا لا افضلها لأن فعلا لو عملنا احصائية صغيرة على
مستخدمين الانترنت فى الكلية هنلاقى النسبة لا تتعدى 10% معنى كده انك تحرم 90% من حقهم فى الدراسة.
وفقكم الله

انا بشكر البشمهندس محمد عبد الحميد على تواصله معانا وفعلا حضرتك وضحتلنا شئ مهم جدا وفعلا ممكن يكون القرار فى ايد كل كليه لوحدها وانا عايزه اقول ان النسبه اللى حضرتك ذكرتها ممكن تكون بالنسبه لجامعتنا بس اما باقى الجامعات فممكن يكونو احسن مننا فى موضوع النت والاون لاين ده اما احنا فهتستمر دراستنا وزى ما حضرتك لت احنا مشكلة الزحام عندنا بسيطه لان عددنا كله صغير جدا فده هيسمح باستمرار الدراسه من غير مشاكل وبردو فى ايدينا اننا نقلل الاعداد فى المحاضرات والسكاشن بفرد اليوم شويه
وعموما ربنا يقدم اللى فيه الخير

الحمد لله والصلاة والسلام على رسول الله

انا اتفق مع المهندس محمد عبد الحميد

واريد ان اضيف

انا أعتقد ان الحكومة المصرية مش هتأجل الدراسة للسنة القادمة

لان احنا فى مصر ......

ممكن تأجلها اسبوع اتنين لكن لسنه القادمة لا انا لا اعتقد

لكن بالنسبة لو حدث تأجيل

الواحد هيقضى الاجازة فى كرسات الانجلش

وكمان التدريب

يعنى بالنسبة لكلية الهندسة مفيش مشكلة فى التأجيل

وشكرا

love to life كتب:: انا بشكر البشمهندس محمد عبد الحميد على تواصله معانا وفعلا حضرتك وضحتلنا شئ مهم جدا وفعلا ممكن يكون القرار فى ايد كل كليه لوحدها وانا عايزه اقول ان النسبه اللى حضرتك ذكرتها ممكن تكون بالنسبه لجامعتنا بس اما باقى الجامعات فممكن يكونو احسن مننا فى موضوع النت والاون لاين ده اما احنا فهتستمر دراستنا وزى ما حضرتك لت احنا مشكلة الزحام عندنا بسيطه لان عددنا كله صغير جدا فده هيسمح باستمرار الدراسه من غير مشاكل وبردو فى ايدينا اننا نقلل الاعداد فى المحاضرات والسكاشن بفرد اليوم شويه
وعموما ربنا يقدم اللى فيه الخير

[size=18]

شكرا ليكى يا بشهندسة love to life
هى فعلا النسبة اللى انا ذكرتها كتقدير طبعا مش كواقع بس أعتقد انها كده على كليتنا بالأخص
والجامعه بشكل عام شوية فلو لا قدر الله اتلغت الدراسة طبعا فكرة المحاضرات والتواصل على النت
لاأعتقد انها بالفكرة المجدية لكن ممكن تكون نوع من التواصل فقط لحين عودة الدراسة.
وفقنا الله جميعا.[/size]

ايه ده مش ممكن انتوا هتضايقوا لو اتلغت
ده لو جامعة اسيوط استجابت للموضوع ده انا هعمل فرح بس ياريت
وبعدين انا سامعة كلام كتير كدة عن المحاضرات فى tvاو عن طريق النت
ده كلام يعنى احنا بنفهم اوى يعنى قدام الدكتور لما ولابنحضر محاضرات جدا يعنى لما هنروح ندور عليها سواء هنا او هنا
ده على اساس لما نتفرج عليها فى النت ولا على التى
هنبقى رواد العالم
لا طبعا مينفعش لو هيلغوها يلغوها خالص لكن ميبوظوش دماغ الطلبة اكتر مهى بايظة لوحدها من اقتراحات الوزارات اللى عملونا حقل تجارب
شكرا ليكم

اه نسيت
احنا ممكن نستغلها فى حاجة مفيدة ندرب ناخد دوراة تدريبية فى الدى اس ال او الباس واى والاوتوكاد والفوتوشوب وغيرهم كتير
يعنى مش هنخسر حاجة فى السنة دى اللى هتتلغى بس هما يعملوها

يا اخوانا متقلقوش الفيرس لو مش هيستحمل جو اسوان و هينتحر ارحملة

لو اتلغت الدراسه السنه دي

فعلا هتبقى

مصيبه

ده انا كده هقعد تلات سنين ولسه ما شفتش سنه تانيه

إيه ممكن تعمل يا بشمهندس لو الدراسة السنة دى إتلغت "يا ريت الجميع يدخل ويدلى برأيه" 76828

وبدل ما يكونو ست سنين دراسه

هيبقو سبع سنين

إيه ممكن تعمل يا بشمهندس لو الدراسة السنة دى إتلغت "يا ريت الجميع يدخل ويدلى برأيه" 307436

بس انا قرات انهم ممكن يخلو المحاضرات على ال tv

وان شاء الله ربنا يقدم اللي فيه الخير

ويبعد عنا الوباء الخطير ده

والسنه مش تتلغي ولا حاجه

بس لو فعلا هتتلغي

إيه ممكن تعمل يا بشمهندس لو الدراسة السنة دى إتلغت "يا ريت الجميع يدخل ويدلى برأيه" 599616

إيه ممكن تعمل يا بشمهندس لو الدراسة السنة دى إتلغت "يا ريت الجميع يدخل ويدلى برأيه" 599616

يبقى الواحد مش لازم يكون قاعد فاضي عشان الملل

وممكن نستثمر الوقت في الدروات وكده

إيه ممكن تعمل يا بشمهندس لو الدراسة السنة دى إتلغت "يا ريت الجميع يدخل ويدلى برأيه" 604369

إيه ممكن تعمل يا بشمهندس لو الدراسة السنة دى إتلغت "يا ريت الجميع يدخل ويدلى برأيه" 604369

تم التعديل بواسطة جوست

اقتباس :: يرجي التحدث بأسلوب أفضل عن الكليه ,,

» هاام جداا. يوم ينظر الجميع بجانب إسمك .. ليجدوه وقد كتب ""غير متصل ""
» نرجو من الجميع الإنتباه"تم فتح قسم قلم المهندسين"ولمزيد من التفاصيل يرجى الدخول".
» ازاي تعمل search يا بشمهندس !!!
» نظيف: سنلغي الدراسة إذا تفشت "الخنازير".. واللقاح يصل قبل الحج
» التوقيت الصيفي يبدأ عند منتصف الليلة "قدم ساعتك يا بشمهندس".