منتداكم فكرة جميلة فلا تسمحو للأدعياء وأصحاب النوايا السيئة بتشويه صورته

السلام عليكم ورحمة الله

يا بشمهندس محمد واضح طبعاً إن حضرتك بتتكلم على الكلام اللي أنا كتبته امبارح .

وعلشان تبقى واخد بالك من قصدي لإن كلامي اتحذف كله : إن مبرر كلامي إن الموضوع مش أنا اللي فتحته ، وبيتكلم على سلبيات الحفلة اللي فاتت . ده معناه إني أقول رأيي . ورأيي حيبقى سلبي أو إيجابي . وحيثيات الرأي لازم تكون موجودة كنوع من التفصيل والتوضيح . وبناء عليه نتفق على الآتي :


1- مش أنا اللي فتحت الموضوع .
2- أنا كتبت رأيي الخاص ووجهة نظري ، ولو كانت بعض الأفكار اتجهت لبعض الحوادث والشخصيات فأنا ما ذكرتش سلبيات حد بعينه إلا إخوانا الاتحادوية وهما أجدر الناس بالنقد والنقاش تعييناً وتحديداً بذكر الإسم والصفة المميزة ، ده تبعاً لنظام مصر اللي أنا لا أقر بيه أصلا لكنه حجة مؤقتة ، لإن أولى الناس بالنقد العلني القيادات ، على حسب الديمقراطية المعمول بها على الأقل إسماً كنظام محلي يخضع ليه من أول الريس لحد الجامعات . وده إسماً أكرر . ولو شايف حضرتك عدم قبول الموضوع ده وهوا نظام البلد أصلاً فموضوع آخر ، رئيس اتحاد الطلبة لا يخضع لنظام رئيس جمهورية مصر العربية ؟؟

3 - لو كان فيه تنكيت على بعض النقاط فده كان عام جداً ومطلوب جداً ، بل ده من الدين إننا نحقر من شأن الشر والسلبية علشان نكره الناس فيها و في الاقتراب منها والتفكير فيها ومحاربتها . الأخ المشرف اللي مسح الكلام كله جملة وتفصيلاً أغفل أهمية النقاط دي . بل مسحه قد يبعتله شبهه إنه موافق عليها أو مش مشركنا الغيرة عليها ، ومثاله : لو اتكلمت على لبس بعض البنات اللي بدأ يغزو المنطقة ومدى شره وخطؤه لكان ده من الدين أولاً ، ومن النخوة ثانياً والغيرة ، ومن الإيجابية . والتأصيل الفكري علشان حضرتك تكون عارف قبل الفعلي لإن الإنسان تلت أقسام
1- روح
2- عقل
3- جسم .
فروحك قبل عقلك وعقلك قبل جسمك .. فالتقعيد قبل العمل - العلم قبل العمل . صح ولا أنا غلطان ؟؟ أرجو إبداء الرأي .

4- ثم ردود الإخوة لو سمحتلي اللي تبعت تعيقي لا تخلو من الآتي :

1- عيب وما ينفعش إنت أسأت لناس كن محترماً وموضوعياً إلخ.
2- رأي المهندسة في لبس البنات .
3- الباقي تقليد لما سبق وكلام كتير مش مفيد .

فبنفسك شوف السلبية إللي المهندسين عندنا مؤمنين بيها . إنتا قبلي وقبلهم عارف إن الحفلة كانت مليانه مواضيع وسلوكيات وأخلاق لا تبني شخصيات هندسية ، لا تغذي شخصيات مسلمة ، فضلاً عن إنها لا تناسب الصعايدة من أكثر الناس تحفظاً وتعقلاً وخلقاً . مش معنى ذلك الفرح حرام ! إفرح لكن دون أية أخطاء على مستوى أخلاقك عقيدتك عبادتك سلوكك إيديولوجيتك معاملتك . وفصل الكلام ده اللي ممكن تحكمه بحيث تنسى كلامي ده كله أساساً الجملة دي :
هات مؤسس الحفل أيا يكن وافردله إيديه وحط في يمينه حسنات الحفل وف شماله سيئات الحفل أيهم حيرجح ؟؟ وانتا عارف إن الدنيا مبنية على المصالح والمفاسد ، والدين والخلق شرعه الله تعالى لجلب المصالح ودرء المفاسد إرجع لمقاصد الشريعة في أصول الفقه حتلاقي الجواب . ولا كليتنا علمانية ؟؟ولا كليتنا بتفصل العلم عن الدين ؟؟ ولا كليتنا شيوعية ؟؟

ثم تسمية البعض بينتحل وبيخش علشان يفرق ويثير المشاكل والقلاقل

يا مهندس أنا مهندس معاك في الكلية . يندس إيه و يثير المشاكل إيه . الفرق بيني وبينك . بلاش علشان ما يبقاش الكلام شخصي . الفرق بيني وبين غيري إني بشوف الغلط ، ما بسكتش ، وببين وبقول ولو على نفسي والشر عندي محارب وخطأ . فتأمل .

أنا ممكن أكون خطأت في تعيين إسم أسد مثلاً في وجهة نظر حضرتك . لكن القاعدة بتقول التشهير حسب الحال ، الراجل طالع على الملأ مش بيشتغل في الخفاء يعني ، محتاج تخطيئ على العلن هوا كمان ، مفهوم كلامي ؟؟

علشان كده كان من عقيدة أهل السنة إنهم المخطئ سراً ينصح سراً والمخطئ جهراً ينصح جهراً
لاحظ إني لما اتكلمت عنه ما نكتش عليه شخصياً ، ولكن بينت خطأ اللي عمله من تلت نقاط وارجع لكلامي لو عاوز تتأكد .
عاوز أقول إننا بيحكمنا دين وخلق وغيرة ، واللي عاوز يمشي بهواه مايفرضش نفسه علينا . واضح ؟؟

ليه ؟؟ علشان إحنا مسلمين . الكلام مع المسلمين وعن المسلمين . اللي بيلتزموا القرآن والسنة
منهج ليهم في إسلامهم .

وشخصياً كمهندس بشارك معاكم شوية مش مستعد أخسر الناس الكويسة ، واللي نص نص مستعد نص أخسره ونص ما أخسروش على حسب مخه ، واللي ضايع خالص ربنا معاه ولا احنا مسؤولين عنه . فاتق الله فيما تكتب وما تقول لإنك في محل مسؤولية من الله ثم من الناس .

السلام عليكم ورحمة الله

العجيب يا بشمهندس إني أكون أنا مرتكب العيب ، يعني رمتني بدائها وانسلت ، أولاً بالقطع هيا مش مقصوده بذاتها بل بفعلها ، ثانياً هي كانت مضمرة وانتا بردك وتوضيحك بينت أكتر ، حيا المخدرين العيب ، ده إيه الفتاكة دي !! جي تكحلها عميتها ، وده معناه إنك تعرفها كويس جداً ، والطيور تقع على أشكالها . اللي لما أشير للخطأ أرمى بالخطأ ، أنا ما عرفتهاش ، والكلام عام ليها ولغيرها ، لإنك إما مش معانا ، أو ماشي ومش شايف فئة بعض البنات عندنا اللي كسروا الحياء ، وطلعوا باستايلات وأشكال ومناظر يأباها العقلاء والغيورين والمنتخين والخلوقين .. حدد إنتا فين منهم ، ثم الكلام اللي اتكتب مطلوب جداً ، ولاحظ إني لما أشرت أبهمت ليها ، دي ناحية ، لكن اللي ممكن تحددهم بوضوح حددتهم بكل وضوح . الموضوع اتفتح وأنا قلت رأيي قبله من قبله ورفضه من رفضه . التنكيت ده مهم كأداة لتنفير الناس عن المنكت عليه لإنه واقع وما له من مدافع ولا منكر ، ومن الصدع بالحق الصراحة والوضوح لإن مثلي ومثلك كرجل أوقد ناراً في منزل أهله نيام ، فجئت أنا أطفؤها ، وجئت أنت تقول لي : عيب !! عييييييييييييب !!

وبنات كليتك هما خواتي زي ما هم خوات ليك . واضح إني بكلم على فئة نابية غريبة بحراوية بالأصح طرئت وعمت وطمت يا بشمهندس ، بالعكس أنا ما رأيت أكثر تحفظاً وخلقاً من مهندسات هندسة أسوان ، أما الإخوة الدخلاء ، جوم بو بحري اللي أبلشونا باستايلاتهم فمعروفيين .

ربنا يهدينا ويهديك .

يا أخي الكريم مش معنى الطيور على أشكالها تقع إني بوجهلك إساءة ، اعتبره مثل وحاول تتجنب ينطبق عليك ، أوكيه ؟؟ ده أولاً لإني مش حابب إني أزعلك أو أخسرك بالسهولة دي ، ثانياً أرجو أن لا تلزمني بالطريقة الفرنسية في النقاش زوق علاطول ولا بيكشر حتى لو سب الله ورسوله مثلاً
لكل مقام مقال والموضوع مش تجاري البتة إن شاء الله علشان أفضل زوق زوق زوق حتى النهاية .. ألذ لذ ألذ :) .. لابد من مراعاة مقتضى الحال ، ثالثاً انا أذكر نفسي وأذكرك بالله تعالى ، أن اتق الله وانتبه لكلامك وما تكتب وما تقصد في كلامك فكلنا محاسبون قال تعالى ( الوزن يومئذ القسط ) ( فمن يعمل مثقال ذرة ) ..

ثم إنتا عند حضرتك إيه معيار الكواسة ؟؟ الخيرية يعني ؟؟ إيه مسطرتك اللي بتقيس عليها الخير من الشر ؟؟ شايلين الكلية مذ كنت بين الأح والمح ؟؟ بتفكرني بهرقل وهوا شايل الأرض على كتافه رايح بيها فين مش عارف . وآدي النتيجة إنزل وبص لسلبيات الكلية ومشاكل الطلبة ومشاكل الإدارة ومشاكل الأخلاق وغيره ، موجودة وأحلفلك على كده وكتيره ، بس ده طبعاً ما يعنيش إن إخوتنا من الاتحاد ساكتين ماهما بيتحركوا واسأل وشوف خاصة رئيس الاتحاد شخصية تقبل النقاش
و ساعي في مواضيع الطلبة والمنتدى برضه فيه خير كتيير جداً والدكاترة الدكتور هاني السيد بالذات .. فيه خير ، وفيه شر ، الخير والشر موجودين يا بشمهندس والمطلوب عند الإيجابيين العقلاء الأخلاقيين المسلمين النشيطين المحترمين إنهم يقللوا الشر لأقل ما يمكن ، ويكتروا الخير لأكتر ما يمكن ، وكل ده : علشان سعادة الناس الداخلية قبل الخارجية ، والسير مع نظام الكون كله والدوران معاه في نفس المدار . هل تعلم إن الإلكترون بيدور حول النواة ؟ والمادة بدور حول مركز الأرض والأرض بدور حول الشمس والشمس مع المجرة بدور حول مركز المجرات ومركز المجرات بيدور حول مركز أكبر وأكبر لحد لا نعلمه وارجع للكلام ده لدكتور زغلول النجار في كتابه صور من تسبيحات الكائنات لله في الكون . يعني فيه نظام . حنمشي مع النظام حنسعد والله الذي لا إله إلا هو سعادة قلبيه ، سعادة الجنه ، اللي قال عنها ابن تيمية رحمه الله : إن في الدنيا جنة من لم يدخلها لم يدخل جنة الآخرة ، واقرأ في مباحث العلم والإيمان والهدف من الخلق ووظيفة الإنسان في الكون حتعرف يعني إيه السعادة القلبية مع توفير الكفاف طبعاً للاستعانة على العيش بشكل عام . لذلك النبي صلى الله عليه وسلم ذكر أربع أصناف من الناس منهم رجل آتاه الله مالاً وعلماً ورجل آتاه الع علماً ولم يؤته مالاً - ده ما يمنعش كفافه طبعه -
هما دول أحسن الناس وارجع لشرح الحديث . حنمشي حسب هوانا عكس نظام الكون لازم حنشقى ونتعب . فربنا يبارك فينا وفيك تأمل الكلام وخده من أخ محب للخير ربنا يكرمنا ويكرمك .

يتم غلق الموضوع لحين نظر ادارة المنتدي فيه !!!


( وينقل مؤقتا للسله )