فساد الكلية في قصة مستخفية

بسم الله الرحمن الرحيم

انا الطالب حنكش من بلد في بلادي انهاردة يوم عادي بس كان في يوم مش عادي..
انهاردة انا رايح الكلية يعني سبت خلاص الثانوية والحمد لله نقلوني من وسط العيال الشقية... وحطوني وسط الناس المتربية..
انا فرحان اصلي انهاردة رايح اسوان ,, مش زيارة لمعبد ولا لحتي لانسان,,, انهاردة انا رايح اقدم في هندسة اسوان.
يلا يابابا انت متاخر ليه ,, دي الكلية مستنيه ,, وانا خايف احسن ما يقفلو ويقولي فوت علينا السنة الجاية,,
لبسنا انا وبابا ونزلنا ,, وعلي الكلية جرينا ,, وعلي ما وصلنلها كنا تعبنا وشقينا..
وبعد ما قدمت كنت طاير من السعادة ,,ساعات بالكلية,, وساعات بالشهادة ,, يارب احفظها نعمة,, بس اكرمها بالزيادة..

بعد مرور الشهر الاول ::
(مشكلة السكاشن ومواعيدها)

(ايه يا محمدين فين السكشن ,, وفين محسن وفين هيثم,, فين السكشن فين السكشن) .

(الحق يا حنكش السكشن بدأ, والعيال جريوا تقولشي كانوا في سبق,,)

(سكشن بدا سكشن بدا!!!, ازاي يابني انت مجنون , ده الميعاد هنا في الجدول
, وده كلام اكيد مضمون,, استني استني وريني انت رايح فين يا مجنون..)

الشهر التاني :
(مشكلة الاتحاد الفاسد)
(ازيك يا بشمهندس ازاي حضرتك ,, ياسلام علي ريحتك يا سلام علي جمالك ,,, يا سلام علي كمال دفعتك.)

(انت مين واسمك ايه ,, فين الريحة و الجمال دول يا سعادة البيه,, والنبي سبني انا ورايا سكشن اجري عليه.)

(لا انا عارفك مش انت حنكش , مش انت في اعدادي ولا انتا لسه مكنتش,, انا
اسمي زورو,,, ملك الكلام ,, ابيعك في ثانية ,, واعملك التراب اوهام ,, لو
مشيت ورايا هتتهني ,,, بس لازم تكون بتسمع الكلام,,,)

(وانت عايز مني ايه يا سي زورو ,,, والنبي الدنيا حر شوف حد غيري تزروره ,, ولا انت واحد عايز مجرد يشبع غروره)

(اسمع كلامي ومتدنش ,,, وعلي عشك متزنش ,, خد مني الكلام وما تنطش ,,, انا اللي هغير الكلية وهخلي اسمها زي الطبل(بس ميرنش)

(طيب وانت عايز ايه يا مغير ,, ولا انت عايز بس علي دمي تغير,,)

(انا هنزلك عضو في الاتحاد ابسط ,, وارمي كراريسك وظقطط,, وهتبقي عضو من اعدادي ,, يلا بقي عايز اشوفك بتتنطط)

(صحيح صحيح حنكش هيبقي عضو ,,, ولي صوت ولي حدو,, ويقف اسد ضد اي عدو,, صحيح صحيح حنكش هيبقي عضو.)

(ايوه يا عم هتبقي عضو بس ليا شرط صغنون ,,, لما اقولك تقول تقول ,, وديما
لكلامي تصون ,, وحذاري تطلع بتخون ,,, هتنتخبني امين عام ,,, يا اما من
وشي تغور)

(بس يا استاذ انا معرفكش ,, ولا في يوم شفت نشاطك ولا عيني عليك جتش ,,,)

(اووووووووووووووووووووووووووووووم)

(خلاص خلاص انا معاك ,, قولي بس انتخب مين وانا وياك)

واذا خلوا الي شياطينهم
(اشطة يا برنس انا ظبطلك خمس عيال من اعدادي كده يبقي الاتحاد في جيبنا ها هتقسموها ازاي)
(خلاص توكلنا علي الله انت امين لجنة رحلات وانت كذا وانت كذا وانت كذا)
(لالالالا انا مالي انا عايزة اخد الرحلات)
(يا بشمهندسة ماانتي اخدتيها من سنتين والسنة اللي قابليهم كنتي وخدا كذا ولما كونتي في اولي كونتي واخداها برضو )
(يا سلام ماحنا متفقين الواحد ميسبش كرسيه الا لما يدبلر)
(تفي من بقك يا بشمهندسة ايه اللي جاب السيرة دي طيب بصي انا هحاول اتكلم مع صاحبنا واحاول اديله اي لجنة تاني )
(بس انت مقلتليش الاعداء بتاعوتنا هيعملو ايه)
(ايه يا بشمهندسة انتي فاكرة أن فعلا في اعداء دول حبايبنا بس بنعمل كده
عشان يبقي المسرحية شكلها حلو وتتطبخ شوية وبتبقي مرة علينا ومرة عليهم
ولجنة لينا ولجنة ليهم اهم حاجة الشعب يسقف في الاخر)

هذه القصة خرافية ليبان بعض الوان الفساد في الكلية عرض مشكلة تنظيم
المواعيد وعدم الاتزام بالجدول وفساد الاتحاد الذي يعتبر المحرك الاساسي
لنشاطات الكلية كافة

عرضت المشاكل من وجهة نظري وارجو قل رايك في هذه المشاكل أن كان ليك رأيا أخر؟

أن واجه مشرفين المنتدي الكرام بعض التعديل في القصة برجاء حذفها جميعها وعدم تركها اشلاء

انتظرونا في الجزء الثاني مشكلة قلة النشاطات ونقص عدد العمال وشكل الكلية الخارجي

عندك حق يابشمهندس في مواعيد السكاشن البايظه وكل شويه نسمع ان في سكشن دلوقتي وسكشن تاني اتلغى بعد مانقعد ساعه مستنينزفي اعدادي كنا بنقول عشان لسه مش متعودين لكن لقينا ان الموضوع مستمر مش عارفه هيخلص امتى!!!!!!!!!!!!!

الف شكر ليكي يا بشمهندسة متقلقيش المواعيد متلخبطة شويه في اعدادي بسبب السكاشن اللي برة الكلية بس ان شاء الله هترتاحوا السنة اللي جاية بس دا ميمنعش انه مفيش التزام بالمواعيد واعداد الجدول

انا كنت الاول فاكراه في اعدادي بس لكن السنه اللي فاتت كمان يمكن اتبهدلنا اكتر من اعدادي في مواعيد السكاشن انا مش بقول انه مافيش التزام وانه مفيش تنظيم طبعا في المعظم المواعيد مظبوطه لكن في اول السنه واخر السنه الدنيا بتتعك خالص واحنا اللي بنضيع في النص ربنا يسهلها في باقي السنين

الله الااااااااااااااااااااااااه

والنعمة ظلمك اللى دخلك مدنى يا بنى

شكرا يا بشمهندس على الموضوع و الخلفية اللى عرفتنى على الكلية

انا لسه رايحة اعدادى السنة دى و اطمئنيت على المواعيدالمنضبطة
و الالتزام اللى ف الكلية

هقول ايه ولا ايه
جامد كالعاده يا ضوووووووووووووي

موضوووووووووع جامد ياضوووووووووووووي
بارك الله فيك

موضوع رائع
دا حنكش دا هيشوف ايام سودا

في انتظار مشاكل جديدة

شكرآ على الطرح القيم

كلنا كنا فاكرين كدة
اننا لما ندخل الكلية حياتنا حتتغير وحيبقي لونها بمبي
بس للأسف اللي حصل العكس
وبالذات مشكلة المواعيد اللي الكل بيعاني منها
ربنا يصبرنا جميعاً

سلمت يداك بشمهندس الضوي علي هذا الطرح الجميل

ومنتظرين البقية ،،،،

بجد موضوع رائع جدا
و فى انتظار كل جديد من حضرتك

شكرا2

والله قعلا ياد يا يوسف..
الواحد هيلاحق علي ايه ولا ايه ولا ايه...
السكاشن بتتاخد وتتحضر واحنا ولا هنا..
انا الحمد لله ..مكبر دماغي ..ههههههه..
ربنا يعيننا بقي عالمواعيد المش تمام دي..
متشكرين يا يوسف

» يعنى إيه فساد سياسى؟؟؟
» قانون البناء الموحد‏..‏ هل يصلح فساد المحليات؟‏!
» كفاااااااااااااااية فساد ...وحسبنا الله ونعم الوكيل في البلد
» رقم تليفون الكلية...؟
» السارق من داخل الكلية ؟