ابراهيم الاسود ؟؟؟؟؟

مصري يقتل صديقه على طريقة السقا في “إبراهيم الأبيض”


[ندعوك للتسجيل في المنتدى أو التعريف بنفسك لمعاينة هذا الرابط]




سيطرت
أحداث فيلم “إبراهيم الأبيض” بطولة النجم الشاب أحمد السقا على عقل طالب
مصري، وأقدم على قتل صديقة وتهديد أهالي منطقته، بنفس طريقة “السقا” في
الفيلم.
الشاب واسمه محمود أحمد محمد، 23 سنة، ويدرس بأحد معاهد الحاسب الآلي،
شاهد الفيلم بإحدى دور العرض، بعدها عاد للمنزل وأخبر والده بأنه وجد
طريقه الجديد، وسيصبح إبراهيم الأبيض في منطقة دار السلام بمحافظة القاهرة.
لم تفلح محاولات الأب في إثناء ابنه عن ذلك، ووفقا لجريدة الشروق المصرية
الصادرة الخميس 6 أغسطس/آب الجاري، فرّ الابن هاربا من المنزل، ليشتري
سكينا ويحلق شعرة، ليصبح قريب الشبه من السقا بالفيلم.
وكان أول ضحايا “إبراهيم الأبيض” بعد انتقاله من السينما للواقع صديقه
فارس رمضان، 24 سنة، نقاش، والذي أرسله والد الجاني لمحاوله إقناع ابنه
بالعدول عن المضي قدما في هذا الطريق.
وتدور أحداث الفيلم حول قصة إبراهيم البلطجي الذي لا يستطيع أحد الوقوف
أمامه، إلى أن يقابل فتاة يقع في حبها، ومع مرور الأحداث تكتشف أنه قاتل
والدها، فتبتعد عنه، ولكنه يحاول استعادتها مرة أخرى بشتى الطرق.
وتجاوزت ميزانية “إبراهيم الأبيض” 22 مليون جنيها مصريًّا، ويشارك في
بطولته محمود عبد العزيز، وهند صبري، وعمرو واكد، تأليف عباس أبو الحسن،
وإخراج مروان حامد، ومن إنتاج شركة جود نيوز.
ووجه النقاد انتقادات للفيلم؛ حيث صور سيناريو منطقة مصر القديمة، التي
تضم أحياء السيدة عائشة وسور مجرى العيون وعين الصيرة، وكأنها ليست إلا
مستنقعًا للمخدرات والبلطجية الذين لا يتورعون عن استخدام السلاح الأبيض
ضد بعضهم، ربما لأسباب تافهة في كثيرٍ من الأحيان.
وسيطرت المشاهد الدموية على أغلب أحداث الفيلم؛ حيث لجأ كثيرون -ممن حضر
العرض الخاص، رجالا ونساء- إلى إغماض أعينهم، حتى لا تصطدم بمشاهد دموية.
وانا بصراحه عندي استفسار
هل حالة الدمويه اللي احنا بقينا فيها مسؤولية السينما وافلام الاكشن ام انها مسؤووليه البيئه اللي حوالينا؟؟؟؟
على العموم انا شوفت فيلم ابراهيم الابيض وبصراحه عجبني جدااااا على عكس كتييير من الناسمستني ردودكم الجميله

اقتباس :

وانا بصراحه عندي استفسار
هل حالة الدمويه اللي احنا بقينا فيها مسؤولية السينما وافلام الاكشن ام انها مسؤووليه البيئه اللي حوالينا؟؟؟؟
على العموم انا شوفت فيلم ابراهيم الابيض وبصراحه عجبني جدااااا على عكس كتييير من الناسمستني ردودكم الجميله

بصرحة الفيلم انتاج ضخم واخراج متميز وناجح بجميع المقاييس
وانا اختلف مع من يقول ان الفيلم فيه " عنف " زيادة لأننا ببساطه لو اتأكدنا شوية
هنعرف ان فيلم أبراهيم الأبيض تجسيد لقصه واقعيه حدثت بالفعل
وده معناه ان هو ده الواقع الموجود حاليا
دلوقتي 70% من القاهرة عشوائيات تنتشر فيها البلطجة والفساد وتجارة المخدرات
ولو ركزنا في كلام عمرو واكد أثناء سير الفيلم
نلاحظ حاجه ..
وهي أنه كان دايما يأكد على " كل حاجه مسموحة ألا القتل , الحكومة تفوتلك كل حاجه إلا القتل "
في إشارة لأن الحكومة عارفه مين تجار المخدرات ومين الموزعين ومين " الرووس الكبيرة " ولكن الكل لازم يفتح دماغة والشغل " تحت الطرابيزه " الله ينور !

في النهاية انا عاوز اقول ان ده واقع حولينا مش تضخيم للأمور ولا حاجه


في أمان الله

بص يا زيزو لو جيت للفيلم الفيلم بيتكلم على حاجه بتحصل وشئ واقع


وهوا أصلا العنف منتشر جدا ف مصر ليه؟؟

مصر بيزيد فيها معدلات الفقر والجهل و بعد عن الدين(اللى بحرم القتل) ودول أخطر من الأستعمار

ولو بصيت لصفحة الحوادث بتاعت زمان حتلاقى أغلب الحواد سرقه وخطف (كلام فاضى يعنى)

أنما دلوقتى قتل وسرقه بالأكراه وحوادث عربيات (بيموت فيها الألاف)


زف الأخر ربنا يستر ويسلم ع الأجيال الجايه

بشكر على الموضوع فعلا بيناقش قضيه فعلا اصبحت موجودة بكثرة فى هذه الايام حيث اصبحت البلطجة هى عنوان القوى واصبحت غابه يعنى كل واحد ياخد حقه بدراعه وناس كلها فوق القانون لذلك احنا اصبحنا فى زمن البلطجة اذا كنت ضعيف حتاخد على قفاك والقوى بياكل الضعيف


شكرا

اعتقد ان الفيلم مثل حاجة بسيطة من الواقع المرير
ومن الاخر كده دى ناس مش تمام واحنا اللى وصلناهم لكده

ايه يعنى حتة عيل صايع ماشى بمطوه اعمله الف حساب واكبره ولا اديله على دماغه والبه

اييه يعنى واحد عامل نفسه زعيم عصابة ولامم حوليه شوية صيع وعاملهم رجالته اسيبه ولا اسكتله ولا احاول اقضى عليه

طبعا ما حدش يقدر يعمل كده لوحده لكن الناس لازم كلها تتكاتف للقضاء على النوعيات دى من البشر

شكرا للموضوع

للاسف الواقع مش ينفع نهرب منه
والسينما مجرد تمثيل للواقع ده ليس الا
وشكرا علي الموضوع الرائع

THE ONE كتب:

ايه يامان الجمال ده موضوع جامد ........ انت لو بصيت حولينا يامحمود هتلاقي السينما الخليعة اللي حولينا هي السبب في معظم مشاكل العصر ده ربنا يجازي اللي كان السبب وربنا يهدي المسئولين ويرحمونا من السفه اللي بيتعرض

أية علاقة السينما " الخليعة " بالموضوع ^_^




في أمان الله

زهرة احمد كتب:

للاسف الواقع مش ينفع نهرب منه
والسينما مجرد تمثيل للواقع ده ليس الا
وشكرا علي الموضوع الرائع

شكرااا على مرورك وردك الجميل بشمهندسه زينب

وجهة نظرك تحترم وتأخذ في الاعتبار