استاذ ابراهيم فى اول يوم صيام

يستعد إبراهيم لمغادرة المنزل في
أول أيام الشهر الكريم وهو يقدم قدماً ويعود بالأخرى في محاولة للتغلب على
الكسل الذي يلاحقه عادة في رمضان بسبب الروتين اليومي -العمل-.. ينجح
إبراهيم أخيراً في اجتياز حاجز السرير بمساعدة زوجته بسمة التي لا تكف عن
الصراخ: قووووووووم بقى يا إبراااااااااااااااااااااهيم.

يرتدي إبراهيم ملابسه ويركب الأسانسير
الذي تفوح منه رائحة عطر حريمي زكية.. يقول في عقل باله ده إيه الريحة
الحلوة دي.. فيتذكر الشهر الكريم الذي يعيشه هذه الأيام قائلاً: أستغفر الله العظيم أستغفر الله العظيم.

وبمجرد أن يصل إلى باب العمارة يجد الست
شوشو –ولا مؤاخذة الراقصة- تركب سيارتها وهي ترتدي الحجاب في سابقة هي
الأولى من نوعها لراقصة لم تغطِ رجلها، وقررت أن تغطي شعرها؛ بل وبملابس
محتشمة لا سمح الله.

فيقول إبراهيم في عقل باله:
فعلاً الحلو ما يكملش، دي فتحة الفستان بتاعة الست شوشو وصلت لحد ......... أستغفر الله العظيم.. طب ينفع الكلام ده في رمضان يا
جدعان.. يا رب صبر الواحد على اللي بيشوفه، والحمد لله إن ربنا سمح لنا
بالنظرة الأولى؛ وإلا كانت الدنيا خربت وما نفعلناش صيام.. المهم لما
أتمشى لحد المحطة علشان ألحق الأتوبيس.

فجأة يسمع إبراهيم صوتاً رقيقاً ولا أنعم ولا أجمل ولا......
فيلتفت ليجد الست شوشو تنادي عليه..

الست شوشو: كل سنة وأنت طيب يا أستاذ إبراهيم

إبراهيم ونظره متجهاً نحو الأرض: وإنتي طيبة يا ست شوشو.

شوشو: ما تيجي يا أخويا أوصلك في طريقي بدل بهدلة المواصلات دي في أيام رمضان، وأنت صايم كده.

إبراهيم في عقل باله: يا نهار أسود، هو أنا ناقص، ما كفاية ريحة البرفان واللبس بتاعك، أركب معاكِ، ده صيام إيه ده....

الست شوشو: قلت إيه يا أخويا ساكت ليه؟ ما تيجي.

إبراهيم: لا والله يا ست متشكرين أصل متعود أروح مع أصحابي.

وبالفعل تخلص إبراهيم من براثن الست شوشو الرقّاصة... ووصل لمكتبه وهو يستغفر الله العظيم.. حتى دخل عليه المدير.

المدير: أستاذ إبراهيم كل سنة وأنت طيب، عايزين منك خدمة

إبراهيم: وأنت طيب يا ريس، أنت تأمرني.

المدير:
لأ ما فيش بس فيه واحدة متعينة جديد من طرف رئيس مجلس الإدارة، وعايزينك
تدرّبها على الشغل، اتفضلي يا أستاذة مع الأستاذ إبراهيم، هو اللي هيتولى
مسئولية تدريبك، ولو فيه حاجة ارجعي لي، أنا في المكتب اللي جنبكم.

فجأة تصطدم عينا إبراهيم بفتاة في النصف الأول من العشرينات مرتدية ملابس فاخرة بشعار إليزابيث أردن.

شرد إبراهيم بخياله للحظة في البنت بقوامها الممشوق، ثم عاد للواقع مرة أخرى: أستغفر الله العظيم، هو إيه اللي بيحصل لي ده؟!! هو في مؤامرة علشان ما أكملش صيامي.

قاطعته البنت الجديدة قائلة: أقعد فين يا أستاذ .... ؟

فرد: إبراهيم، اسمي إبراهيم.

البنت: هنبدأ منين يا أستاذ هيما

إبراهيم: والنعمة إبراهيم، والله يبارك لك عايزين نكمل اليوم على خير..

وبالفعل نجح إبراهيم للمرة الثانية في اجتياز الاختبار الصعب، ونزل إلى
الشارع متأهباً للعودة إلى البيت لقراءة بعض آيات القرآن قبل المغرب،
والاستغفار عن هذا اليوم الغريب.. الذي تكاتف فيه الجميع للتحرش بهيما؛
عذراً أستاذ إبراهيم.
ركب إبراهيم الأتوبيس المكيف الـ
(C.T.a) ومدد رأسه على الكرسي المقابل، وبعدما سار لبضعة أمتار صعدت سيدة
في منتهى الشياكة والأناقة بجواره وسألته: هو مش حضرتك برضه الأستاذ!!!!!!!

فانتفض إبراهيم قائلاً: لأ
مش هو.. ولو هو يبقى مش هو.. ومش هابص، ومش هشم.. وكل النظرات الأولى خلصت
خلاص.. وهاصوم يعني هاصوم.. وأقول لك كمان: على جنب يا أسطى. استاذ ابراهيم فى اول يوم صيام 2166

mira rora كتب:: أستغفر الله العظيم.. طب ينفع الكلام ده في رمضان يا
جدعان.. يا رب صبر الواحد على اللي .

صح والله

الواحد كل شويه يسأل نفسه هى البنت دى أبوها أو أخوها مشفهاش هيا ونازبه
الملابس لقت حاجه أخر أنحلال دا أن كان فيه لبس من أصله

شكرا [ندعوك للتسجيل في المنتدى أو التعريف بنفسك لمعاينة هذا الرابط] على المرور
وعندك حق طبعا فى كلامك واهو رمضان فرصه للتغيير للاحسن لانى الناس ربنا بيهديها فى رمضان وبعده بترجع ريمه لعادتها القديمه ربنا يهدى كل بنات وشباب المسلمين

قصة جميييلة والله
وفعلا الواحد لما بينزل من بيته في رمضان
ما يضمنش صيامه هيكون اخباره ايه
المناظر اللي بيشوفها الواحد ولا الناس اللي بتغتاب بعضها
ولا الناس اللي بتتخانق علي اقل حاجة
حاجات كتيييير
ربنا يتقبل صيامنا جميعا
شكرا علي القصة يا ميرا

[ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]

على مرورك وتقبل الله منك ومنى الصيام باذن الله

ربنا يهدينا ويهدي عباده اجمعين
استاذ ابراهيم فى اول يوم صيام 700120

موضوع جااااااااامد يابشمهندسة ومعاكى حق
بس مش الرقصات بس اللى بيلبسوا كدا كلة
تعالى قنا واتفرجى بيطعلو بهدوم انا اتكسف البسها فى البيت مش فى الشارع
والوان غبية جدا ربنا يهديهم
دا لان البيوت مبقاش فيها رجالة
الست هى اللى بتمشى كل حاجة
شكرا على الموضوع

[ندعوك للتسجيل في المنتدى أو التعريف بنفسك لمعاينة هذا الرابط] لمرورك

[ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط] لمرورك

بس والله هى البيوت فيها رجاله بس للاسف مش عارفين دينهم ولا عارفين اصول التربيه وبعدين ممكن الاب والام مش بيدخلوا فى لبس بناتهم بس البنت من نفسها المفروض تخاف على نفسها وتحافظ على عفتها وحيائها اليه هما سر جمالها لانى الجمال مش بالشكل ولا البس لكن بجمال الاخلاق وجمال الطباع

كلامك مافى بعدة كلام بس اقصد ان الحزم راح من البيوت لانشغال الرجال بحال الدنيا والمعيشة وربنا يعنيا ويعنيهم وزى مانتى قلتى البنت جمالها فى روحها مش شكلها ولبسها

الحياة فعلا أصبحت عبارة عن إستغفر الله العظيم فى كل ركن من أركانها وكأن الشىء الحرام

لا يظهر سوى فى رمضان رغم إن الكلام ده لا ينفع فى رمضان ولا فى ذى القعدة حتى !!

شكرا ليكى يا بشمهندسة عن الموضوع الرائع

والله الموفق

الله عليكي الموضوع رائع بصراحه وجه في وقته..
بصراحه والله الواحد بيخاف يطلع من البيت عشان مايفقدش صيامه...
مش من حوار البنات المايصه وكده..
ماهو لو كل واحد خلي باله من نفسه مش هيحصل حاجه ان شاء الله..
لكن في حاجات تانيه..زي مثلا تروح تشتري حاجه تحس ان البياع ده كنت قاتل ابوه قبل كده او انت جوز امه او حاجه..
تتكلم معاه يقولك ياعم والنبي سيبني فحالي ..
طب ليه ياعم..؟
اصل انا صايم..

طب اضحك ولا اعمل ايه..
يعني ايه انا صايم.؟.
يعني كده محدش يعرف يتكلم معاك يعني ولا ايه..؟؟
والله العظيم ياناس دي حاجات تضحك..
عموما ربنا يهدي الناس كلها علي بعض..

اما ابو اسعد بقي بيقول:

اقتباس :: تعالى قنا واتفرجى بيطعلو بهدوم انا اتكسف البسها فى البيت مش فى الشارع

ايه ياد مالها قنا..
خلي الطابق مستور ياد ماتفضحناش فالمنتدي يخرب بيتك..
هههههههههههههههه

[ندعوك للتسجيل في المنتدى أو التعريف بنفسك لمعاينة هذا الرابط]

نطلب الهداية لشباب المسلمين جميعا والهداية لينا جميعا واهم حاجة تغيير انفسنا قبل تغيير الناس

[ندعوك للتسجيل في المنتدى أو التعريف بنفسك لمعاينة هذا الرابط]
للمرور الكريم وتقبل الله منكم ومنا الصيام

قصة جميلة جدااً
وده للأسف اللي فعلاً بيحصل
والواحد في رمضـان بيحافظ علي صيامه بالعافية
من كثرة ما يراه وما يسمعه

ربنا يهدي جميع شباب وفتيات الملسمين إلي الخير

سلمت الأيادي بشمهندسة ميرا رورا

[ندعوك للتسجيل في المنتدى أو التعريف بنفسك لمعاينة هذا الرابط]
على المرور الكريم

» مذكرات استاذ معقّد.
» قنبلة 9 أسطوانات تعليميه للهكر ( الأخلاقي ) المسموحه دولياً.
» رسالة دكتوراه لل د/شحاتة الضبع استاذ دكتور فى هندسة اسيوط
» صيام ستة من شوال
» `~*¤!||!¤*~ فضل صيام 6 من شوال ~*¤!||!¤*~`