صورتك قدام ربنا وعلى الفيس بوك والنت وفي الشارع...!!!

صورتك قدام ربنا وعلى الفيس بوك والنت وفي الشارع...!!!

مش عايزين نقول كلام كبير على الفاضي , احنا عايزين نقول كلام يرضي رب العالمين
كلام يدخل من الأذن ويدخل المخ طوااااالي
والكلام ده للبنـــات خصوصا
والشباب عمومــــاً
واللي حيوصله للبنات
كل اخت توصله لاختها , وكل اخ يوصله لاخته , وكل اب يوصل لبنته , وكل زوج يوصله لزوجته , وكل عم يوصله لبنت اخوه وكل خال يوصله لبنت اخته , وكل صاحبه توصله لصاحبتها
والله المستعان
صورتك على الفيس بوك
صورتك على النت
صورتك في الشارع
صورتك قدام ربنا
تفتكري مين أهم؟؟؟
اكيد صورتك قدام ربنا
طيب انتي صورتك قدام ربنا عايزها بالألوان ولا ابيض واسود ولا ايه؟؟
لأ طبعا مش ده المقصود
احنا نقصد بصورتك قدام ربنا يعني "عملك" ؟!!!؟
طيب انتي ربنا شايفك
صح؟؟؟
أكيييييييييد
طيب ايه بقى تاني عايزاه غير ان ربنا يكون عليكي راضي؟؟؟
ولا حاجة طبعا
طيب ازاي تحسني صورتك قدام ربنا؟؟؟
ببساطة وبسهولة
ازاااااااااااااااي يعني؟؟؟
انك تطيعي ربنا
اطيع ربنا !!! طيب ما أنا بطيع ربنا وبصوم وبصلي وبطلع صدقات
جميل جميل ,,, بس الصورة لازم تكون كاملة؟؟
يعني ايه صورتي تبقى كاملة؟؟
يعني انتي ممكن تكون بتطيعي ربنا في بعض الفروض وناسيه بعضها , وكذلك الكلام للشباب
والفروض بتكمل بعضها
بمعنى اننا عشان نوصل لدرجة ايمان عالية لازم نكون بننفذ كل الطاعات
وبنقوم ببعض السنن على قد ما نقدر
طيب حنعمل ايه دلوقتي ؟؟؟
انتي طبعا عايزة ترضي ربنا وعايزة تكوني في اعلى درجات الايمان
طيب انت عايز تقول ايه؟؟
عايز اقول ان البنت لازم تكون عارفة ومتأكدة ان زي ما الصلاة فرض الحجاب فرض
وزي ما الصلاة فرض وليها شروط
ايضا الحجاب فرض وله شرووط
جميل اوي
اتفقنا؟؟؟
اتفقنا
طيب انا سامع بنت بتسئل من جواها
انت عايز تقول ايه بخصوص الصور اللي على الفيس بوك
او الصور اللي على النت
وموضوع صورتي في الشارع
ومعناه ايه صورتي قدام ربنا؟؟؟
بأختصار يا كل بنت ممكن تكون اختي او خطيبتي او مراتي او أي بنت
احنا عايزين نرضي ربنا صح
ونطيع ربنا بأحلى طاعة
ونصلي أجمل صلاة
ونعبد ربنا أجمل عبادة
بأجمل حب
عشان ننول رضا ربنا
وننول أجمل مكان في الجنة
وانتي لما تدخلي الجنة حتخدينا معاكي !!!؟
انت بتقول ايه؟
فعلا لما البنت تطيع ربنا , حتقل الشهوات من الشباب على الأقل ماتكونيش انتي سبب فتنة الشباب
طيب عرفنا اني احسن صورتي قدام ربنا واتحجب كويس
واعمل كل اللي يرضي ربنا
وأعرف اني بطاعته وتركي للمعصية حتى لو كانت على هوايا ربنا حيكرمني آخر كرم
وأعرف ايه تاني؟؟؟
الجملة دي
ماتكونيش انتي سبب فتنة الشباب
طيب ازاي اكون سبب في فتنة الشباب؟؟؟
في الشارع اذا كنتي مش محجبة الحجاب الشرعي الكامل
وفي النت او في الفيس بوك, اذا كنتي حاطة صورة ليكي وانتي محجبة او حتى مش محجبة
بتفتني كل شاب يشوف صورتك
وممكن شاب يعجب بصورتك يشيلها عنده ويفرج عليها اصحابه
من باب انك بنت "صاروخ – طلقة – أصلي"
دي مصطلحات الشباب وفي مصطلحات تانية ماينفعش تتقال
سواء كانت الصورة دي صورة بروفيل او صورك في البوم
حتقولي انا عاملة آمان لصوري على النت وماحدش غير اللي انا اعرفهم واصحابي هما بس اللي بيشوفوهم
طيب لو فرضنا ان اصحابك بس , طيب اصحابك البنات دوول اكيد ليهم اخوات شباب , ولو واحد شاف صورتك واخته قاعده على الجهاز واتملا بيها بتشيلي ذنوب
انتي حتقولي ما كل الناس بتشوفني في الشارع عادي يعني؟؟؟!!!!؟
حقولك حاجة صغيرة انتي المفروض الناس اللي تشوفك في الشارع تشوف فيكي البنت المسلمة على حق ربنا , تشوف الحجاب اللي يرضي ربنا وماتشوفش غير كده
ماتشوفش مكياج ولا لبس ضيق ولا تشم ريحة ليكي
ولا تكوني سبب فتنتهم لو كنتي شديدة الجمال
اللي في الاول وفي الاخر اللي وهبك الجمال ده هو رب العالمين

طيب أعمل ايه دلوقتي؟؟؟
انا ح اقترح عليكي حاجة لمصلحتك , لما تنفذيها تأكدي ان رب العالمين حيكون راضي عنك بإذن الله
قال رسول الله صلى الله عليه وسلم
"من ترك شيئاً لله عوضه الله خيرا منه"
ولو مانفذتيهاش تأكدي انك بتشيلي ذنوب وبتفتني شباب وبنات مش شباب وبس
الاقتراح ده انك تشيلي صورك من على الفيس بوك ومن على النت عموما وتحسني صورتك في الشارع يعني تلبسي اللبس اللي يرضي ربنا وتكوني ملتزمة بشروط الحجاب الشرعي اللي هي بأختصار
ساتراً لجميع البدن
ثخيناً لا يشف عما تحته
يكون فضفاضاً غير ضيق
الا يكون مزينا فيلفت انظار الرجال
الا يكون مطيباً ولا مبخراً
لا يكون لباس شهرة
لا يشبه لباس الرجال ويدخل في ذلك ارتداء البنطلونات
لايشبه لباس الكافرات
ده كله لمصلحتك انتي
انتي مش قد ذنب صغير ما يتغفرش ليكي بسبب اصرارك عليه
خدي بالك أي حد حيشوف صورتك ويتفتن بيكي ممكن يعمل أي معصية تانية بسبب انك اثارتي فيه شهوته حتاخدي ذنب انه شافك واتفتن بيكي وذنب اللي هو عمله بسبب انك اثارتيه

ف خدي بالك , الانسان يادوووب بيقول يا رب اغفرلي ذنوبي انا وبس
مش ذنوبي وذنوب نااااااااااااااااس كتيييييييييير انا كنت سبب انهم ضلوا طريق ربنا واتفتنوا وراحوا لمعاصي انا كنت سبب فيها
اللهم لا تجعلنا ممن ضلوا واضلوا
ضلوا : أي اننا ضللنا طريق ربنا وماعرفناش الدين صح وماطبقناش صح
اضلوا : يعني مش كفاية ان اللي ضل طريق ربنا ده خد ذنبه وبس
لأ ده أخذ ذنبه وناس ضلوا كان هو السبب في ضلالهم والبعد عن طريق ربنا
البعد عن طريق ربنا يعني هلاك للانسان في الدنيا والاخرة اللهم اغفر لنا جميعا

منقول2

اللهم اهدى بنات المسلمين
جزاك الله كل خير

موضوع يعجز اللسان عن تقديره

ربنا يهدينا جميعا و

صورتك قدام ربنا وعلى الفيس بوك والنت وفي الشارع...!!! 700120

موضوع جميل جدا

جزاك الله خيرا

شكراً للجميع علي المرور الكريم

بصراحة ياريت كل البنات والشباب يقرأو الكلام وده ويعملوا بيه هنرتاح والله من الفتن الي بتلف حولين الواحد من كل حته يارب اهدينا جميعا لما تحبه وترضاه

شكــــــــــــرا على الموضوع الجميل

والله انا كنت لسه هقول كلام بشمهندس خالد لو كل البنات عملت كدا مش هيبقي في عين اي ولد جرئه ان يعاكس البنت دي او يقول كلام علي البنت دي
يا ريت دا يحصل يا رب

موضوع جميل قوي يا بشمهندسه

شكراً جزيلاً للمرور الكريم

» كيفية استرجاع شات الفيس بوك القديم , ازاي ارجع الشات القديم بتاع الفيس بوك
» يا كسفتنا قدام الناس !!!!
» موقع لايقدر بثمن+كل ما تحلم به فى عالم التقنية والبرمجة+والبرامج +والنت +والصيانة+قواعد بيانات+شبكات
» يبقى أنتا اكيد أكيد ف مصر
» لقطات يومية من الشارع المصرى