شباب عاطل ,,,!!

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

شباب عاطل
~~~~~~~
شباب عاطل و متلقح ف كل مكان
لا حيلته شهادة و لا صنعة و لا بنتجان
و اهله غلابة و لا مصنع و لا فدان
و اقوله يا عم ليه عاطل ؟ يقولى ظروف

و تلقاه مرزى عالقهوة بيشرب زفت
و م القهوة ل(سيبر) يعنى انترنت
و هوب الساعة جت سته معاد البت
يروح يقابلها و يقلبها ف المصروف

و اقوله يا عم طب قوم اشتغل حاجة
بلدنا لإيدك الشغاله محتاجة
يقوم رادد بكل سفاله و سماجه
يقول طيب يا عم الحاج..بكرة نشوف

إلهى ما توعى و لا تلحق تشوف يا جلنف
عايز قلمين على الخدين بعزم الكف
تروحله تنصحه لله..يقولك إف
كأنك جاى تاخد من حضرته المصروف

و تلقى الجل فوق شعر الولا ملزق
و لابس جينز متقمط و متحزق
و من عند الركب دايب و متمزق
يقول موضه..و ياما م الموضات حنشوف

و لو فتشته ما تلاقى ف جيوبه جنيه
و عند القهوجى فاتح حساب آبونيه
و قدام البنات عامل آلاجه و بيه
و شعره ع الودان نازل تقولشى خروف

يقول حال البلد نيله و آديك شايف
يا عينى عليكى يا رجولة ف توب زايف
ماهو الهايف لابد يقول كلام هايف
و يحصل ايه لو الحلاليف تزيد حلوف

فى نفس الوقت فيه غيره شباب ياما
معاه صنعه و كمان ف العلم علامة
رجولة و جدعنة معجونة بشهامة
و لو شفته عليك هالل تقف له وقوف

تشوفه الصبح طالب علم ف الجامعه
و بعد الضهر شايل عدة اللمعه
لا مستعيب و لا طلعت عليه سمعه
تقول مكسوف ؟ يقول من ايه اكون مكسوف ؟

ما دام القرش انا جايبه بشقايا حلال
لا انا باسرق و لا بانصب و لا نشال
انا بس المهم انى اكون شغال
و بكرة بالشهادة يكونلى شان معروف

و مين عارف . ؟ ما يمكن بكره اكون دكتور
او اخد جايزة بشهادتى و اكون مشهور
و اكون بالماضى متواضع و مش مغرور
و سبحان من بإيده لكل امر صروف

سمعت يا خيبة يا ملقح على القهوة
يا غرقان جوه بحر الرغبة و الشهوة
عايزلك ع القفا ميت كف على سهوه
يا راكب فوق كتافك شياطين الخوف

قوم اتوضى و صلى ركعتين لله
و قول له يا رب انا عبد و دعا مولاه
عشان يهديه لطريق الصح بعد ما تاه
ح تلقى حالك اتبدل..و بكره تشوف

قصيدة جميلة بالفعل وبتعبر عن الواقع بصورة صحيحة جداً
واصلح الله حال جميع شباب المسلمين
سلمت يداك بشمهندس اسماعيل

» شباب اخر زمن
» استعيدي شباب وجهك‏..‏ باليوجا
» شباب اليويمن دول
» أفيقوااااااا...ا يا شباب هندسة أسوان
» أخيرا شوفوا بيحصل إيه فى شباب هندسة !!!