قول إنطباعك بعد كل إمتحان وكل عام أنتم بخير "يونيو 2009"

تذكير بمساهمة فاتح الموضوع :

كل عام أنتم بخير أخوتى الأعزاء

بعد أقل من ثمان وأربعون ساعة سيبدأ مارثون الإمتحانات

الختامية لشهر يونيو عام 2008-2009

وستبدأ السبت 16 مايو جميع دفعات الفرقة الرابعة بالإمتحانات بالإضافة

إلى رجال التخلفات الأفاضل وستستمر الإمتحانات قرابة الشهر من هذا اليوم

بإذن الله

وندعو الله مخلصين أن تمر على الجميع بردا وسلاما وألا يشقى بها أحد

وأن يوفق بها جميع الطلبة والطالبات وأن ييسر عليهم الأمور ولا يعسرها أبدااا

وبالطبع سيكون هناك مواقف وإنطباعات مختلفة بين جمهور الطلبة

لدى الإمتحانات المختلفة بجميع الأقسام والتفريعات لذا ننتظر منكم

ما يحدث تفصيلا وإجمالا عقب كل إمتحان بإذن الله

وها هى بعض التصورات الطريفة لطرق التعامل مع الإمتحانات

تعمل ايه لو الدكتور جبلك سؤال يسالك عن اهميه العنب ف قيام الدوله

المصريه ف العصرما بعد الحديث ؟؟؟!!

طبعا حضرتك هتثور وتقول إيه الكلام ده وتسيب الامتحان وتمشي وكده يبق شلت الماده

يا حلو وراح تعب السنة كله !!!

عشان كده لازم نساعد بعض وكل حد فينا يحكي عن خلاصة شعوره وتجربته اليومية

من خلال الإمتحان ولربما تفيد غيرك بكلامك يا بشمهندس

وها هى خطوات مجربة وأكيده ونافذة المفعول تصلح مع جميع أنواع الإمتحانات بجميع الكليات :

خش اللجنه مزبرنشق

رافع راسك لفوق لفوق قوي كمااااااااان

اقعد سطر ورقتك غمض عينيك خد نفس عميق كمان نفس

لازم تعرف الدكتور عايز ايه ودة تعرفه من حضورك للمحضرات اللى أنت مش

بتحضرها أصلا !

هل هو من اللي بيحب ترغي وتكتب كل حاجه فى أى حاجه ولا من اللي بيحبوا كلمتين

وبس "على راى فؤاد المهندس" وتجيب المفيد ومن الآخر

اكيد هتقف معاك اسئله

متخفش غمض عينيك اسرح بخيالك واسال نفسك اه بس المهم ان خيالك يشتغل

وف حاجه مهم قوي الدكتور بيعدي

يسال لو فيه حد عايز سؤال وبيشرح حاجات ف الورقه ركز فى عنيه ركز جامد جدا

حاول تحس هوه بيلف ليه اكيد الراجل مش تاعب رجليه ع الفاضي

خلاص دلوقت خش ف الورقه زي القطر تووووت

ملكش دعوه باللي بيعيطو دوا اصلهم بيبقوا مقفلين الأمتحان

خلاص خلصت اجابتك تطلع من لجنتك فلوسك فى جيبك

او في جيب زميلك كلكم واحد تشرب حاجه بردانه

وبص للكليه وقول لنفسك

براااااااااااااااااااااااااااااااااااااااااااااااا افووووووووووووووووووو

أنا جدددددع !!!!

والله الموفق

النهرده كده عقبااااال عندكم ان شاء الله

كان عندنا Power electronics

و الامتحان كان طويييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييل

و كان فى جزئيات غلسة شوية

بسالحمد لله عدى على خير

و ياااااااااااااااااااااااااا رب ننجح ان شاء الله

و دلوقتى احنا عندنا هدنة كده

و الامتحان اللى جاى Test ان شاء الله

و ربنا يسهل

عندما أري تليقات جودزو لا يحي ولا لاشين ولا برنسيس ولاأي حد تاني

أدرك قد أيييه أنا كنت في نعمه

بيبكى 2

تصوروااااا ,,,, ولكم مطلق التخيل ,,, أني حتي هذه اللحظه أمتحنت أمتحانات أعمال سنه فقط من يومان

بيضرب نفسه

وذلك ,,, لأن طلبة الدراسات العليا ,,,, أعلي من طلبة under grad

,,,, بفتقد الأيااااااااااام دي كثييييييييير جدا

بفتقدها ,,,, لأننا في الدبلومه ,,, بنتناقش مع الدكتور ,, في كل حاجه

يعني لو ميعاد ميد ترم ,,, نتناقش فيه معاه ,,, ولو ميعاد فينال ,, برضوا نتناقش فيه معاه

confused

من غير بقي لايحه ولا عريضه طويله نلم فيها توقيعاتنا ,, بطل الشغل ده من بدري

بيضحك 2

وبعد ده كله ,,, لما نمتحن حتي ,,, بتطلع النتيجه ,,, بعدها بالظبط بـ 4 أياااااااااااااااااااام

cool

عموما ,,,, انا لغاية دلوقتي أمتحنت Economics ,,, بمعني أخر أقتصاديات

ودي بدرس فيها بقي الميزانيات ,,, والفوايد والأرباح ,, عشان المشاريع الهندسيه

وأمتحنت ,,, QUALITY CONTROOOOOOOL ,,,, وبجد بعد ما أمتحنتها أدركيت ايه هوه اللي بيتعمل عندنا في الكليه

وماهو ذلك التعريف اللذي لاطالما (ذنبنا جنبه) نقعد نملي في ورق ,,, من أجل تحسين العمليه التعليييييميه

وبالفعل أدركت حاجاااااااااااااااات كتيييييييييير أوي ,,,, عموما لسه فاضللي امتحانات الفاينال ,, وباقيللي ماده التخطيط والجدولة المشروعات

بتاعة البريمافييييييييراااااااااااا بيطلع لسانه2

ماده سهله ,,, ودكتورها أكثر من متمكن ,,, وراجل ذوق بمعني الكلمه ,,, ولكن هنشوف !!! eek

تحياتي للجميع ,,,,,,,,, ودعواتي لكم ,,, وأبقو أدعووووووووووووووووووولي !!!

بيبعت قبله

السلام عليكم
دى اول مشاركة لى بس بجد مكنش نفسى تكون فى الامتحانات
بس اهى طلبت ياله المهم الكنترول عدى بسلام
ويعنى الالكترونيك سيركت
المشكلة بقى فى d s p
والميكرو دعائكم معنا وللكل دفعة الثالثة المنحوسة Laughing

النهارده امتحنا الكترونك سيركت والواحد مش عارف يقول ايه
هو سهل ...........لا مش سهل............ حليت ..................لا محلتش
بجد مش عارفه ولا اى حد عارف
بس الحمد لله اهو عدى والاواحد كتب فيه اى حاجه عشان الماده دى كانت بالنسبالنا(حااااااااااسبات)العقبه اللى خايفين منها
اهى عدت وربنا يستر ويااااااارب يبقي التصحيح حلو عشان نعدي
وفعلا فى هدنه وممكن تكون طويله كمان بالنسبالنا
ربنا يوفقنا كلنا

النهاردة او امبارح يعني
كان عندنا امتحان الكترونيك سيركت
وحتي الآن مش عارفة وضعها ايه ..
بصراحة انا ما كنتش متخيلة اني احل اي حاجة
فلما حليت شوية كانت حاجة مش متوقعة
بس بعد كده اتضح ان ده حال كل الدفعة والكل ماحلوش كويس
يعني الحال علي الكل .. ودايما بقول اننا دفعة متعاونة .. يا نعيش سوا يا نشيل سوا بيضحك2

بس اعتقد ان الامتحان كان حلو .. المشكلة اننا ذاكرنا كل المنهج بس اللي ركزنا عليه ما جاش منه حاجة بيبكى 2

وده اللي خلانا ما نحلش كويس

عموما ربنا يســــتر ويارب باقي المواد تعدي بسلام

eng smsm88 كتب:: السلام عليكم
دى اول مشاركة لى بس بجد مكنش نفسى تكون فى الامتحانات
بس اهى طلبت ياله المهم الكنترول عدى بسلام
ويعنى الالكترونيك سيركت
المشكلة بقى فى d s p
والميكرو دعائكم معنا وللكل دفعة الثالثة المنحوسة

اذا كانت الامتحانات هي اللي خلتك تشتركي معانا
يبقي توشكر الامتحانات علي هذا الموقف الجميل بيضحك 3

ويااااااااريت نشوف مشاركاتك علي طول بعد كده .. الامتحانات هتخلص ومفيش حجج
والمنتدى نور بمشاركتك
بيقدم ورده

أنا بقى كان عندى امتحان Process Control
اول امبارح_ بس معلهش ماقدرتش أعللق غير النهاردة بعد ما نمت لى يومين
بستريح من الامتحان اللى كان تقريباً 34 مسألة بالظبط
لو حسبنا عدد علامات الإستفهام _ وكان فيه أسئلة غربيييييييييية
وعجييييييييييييبة الصراحة _ وفيه أسئلة طبعاً مارحناش ناحيتها أكيييد طبعا سيبناهاا

يعنى مثلاً فيه سؤال
عندنا مقاومة قيمتها1.5 KOhm الفولت اللى عليها 4.7 volt
التيار اللى ماشى فيها كاام ؟؟ ولما الدائرة اشتغلت كاملة المقاومة بقت 1500 ohm والفولت اللى عليها 4.7volt
يبقى التيار اللى عليها كاااااااااااام؟؟
هههههههههههههههههههههههههههههههههههههههههههه
عندى احساس مية في المية ان المسألة بتوقعنااااااااااااااا في حاجة غريبةةةةةة

ربنا يستر _

ويارب المادة اللى جايييية تعدى ع خييييييييييييييييييير _ اخر مادة فيكى يا كلية _ يا أنا يا الكليييية في قلب العمارة
المرة الى جاية كنترووووووووووول بس ديجيتال بقىىى _ عشان نبقى عدينا على جميع أشكال والوان وانواع
الكنترول _
للأسف اخر مادتين ننمتحنهم في الكلية يكونوا كنترووووووووووووووول _ ليييييييييييييييييييييييه !!!!

good and thankyou

هو مفيش حد امتحن النهاردة غيرنا ولا ايه
بيضحك 3

عموما كان نفسي اشوف رأي دفعة اعدادي
ما عرفناش اي اخبار عنهم حتي الآن

واحنا النهاردة كان عندنا تيسسسسسسست
والحمد لله الامتحان كان بنسبة كبيرة حلو cheers

وعقبال باقي الامتحاناااااااااات

بيضحك 2

بسم الله
الثااااااااالث
وبردوا على راي عمونا حسن الهلالي
يوم الاحد الفائت ياعنى من كان يوم كان عندنا امتحان ري معلش بقي تاخرت عليكم لغاية اما نشفت نفسي من المية اللى اتبليت بيها اربع ساعات طالع من كوبري داخل في كلفرت وختمناها بالسيفون صراحة الامتحان كان غير المتوقع تمامااااااااااا كان الواحد متوقع انه هيروح الامتحان تأدية واجب ويستنى اخر النتيجة من ضمن المواد اللى شايلها الري لككككن حدث غير ذلك الامتحان جه سهل لااااااول مرة في تاريخ الهندسه المدنية مفيههوش فكرة جديده ودى اول مرة تحصل والحمد لله انجزنا وظبطنا السرعات في الترعه وهى داخله على الكوبري وصممنا الكلفرت وجيبنا تصرف السيفون والحمد لله عدت على خير

والماااااااااده القادمة باذن الله
خرسااااااااااااااااانه (2)
محتاجين ليلة الامتجان ده بقي مش مزاكرة محتاجين زيارة للجيم وربنا يعينا يانخلص على اللوحه ياللوحة تخلص علينا والظاهر ان التانية هلى اللى هتحصل

ربنا يسهللك الخرسانه يارب وتكون كده خرساته عاديه من غير تسليح
وان شاء الله تخلص على اللوحه

النهااااردة أجااااازة _ خلاص خلصنا الإمتحانات للابد ان شاء الله
النهاردة كان أخر يوم امتحانات في دفعتنا ذات العزيمة العالية
وكان أخرها ديجيتال كنترول _ الصراحة الحمد لله
الامتحان كان عايز له اننا ناخده البيت نكمل فيه 6 او 7 ساعات
ونراجع الأرقام والتعويضات _ انا مش حتكلم كتييير عن الامتحان لانه فعلاً تعبنا جدااااااااااااااااااااااا
واحبطنااااااااااااااا في اخر ساعة بما اننا ماوصلناش لنصه _
بس الحمد لله ربنا ادانا العزيمة اننا قدرنا نمشى فيه كويييييس
لدرجة انى رسمت أو كروتت ال بودى دياجرام في 4 دقائق بالطبظ

بس انا كدة خلصتتتتتتتتتت
اهاا خلااص خلصت الإمتحانات
بس انا مش عارف أفرح
ولا أزعل

_ برده الامتحانات كان لها مذاق خاص
بس مقرف الصراحة _

ادعولى بالتوفيق في المشرووع اللى ابتدينا فيه بعد الامتحان ب ساعتين

وعقباااالكم كلكممممممممم

بحقد عليك ع فكره يا يحي
ربنا يسهلك ياعم ف مشروعك

الف مبروك يا يحيى و عقبال المشروع ان شاء الله

و احنا النهرده الحمد لله نجونا بمعجزة من المعضلة الكبرى DSP و بدون خسائر فى الارواح

و الحمد لله الامتحان كان كويس

و الواحد قدر يحل على عكس المتوقع

و نستعد حاليا فى الكواليس الى الفصل الاخير من المسرحية

و هوه مادة MICROPROCESSOR

و ربنا يكرمنا ان شاء الله

الحمد لله المادة بتاعت لمهاردة عدت على خير وهى الدى اس بى
والحمد لله الامتحان كان حلو ويتحل فيه
وعقبال الميكرو
دعواتكم معانا
ومبروك يا يحيى خلصت الامتحانات وبقيت مهندس قد الدنيا وعقبال حفلة التخرج ان شاء الله

الحجازى كتب:

ربنا يسهللك الخرسانه يارب وتكون كده خرساته عاديه من غير تسليح
وان شاء الله تخلص على اللوحه

هههههههههههههههههههههه خرسانة من غير تسليح ايه ياعم امال ايه شغلتنا غير اننا نسلح ده لو مفهاش حديد نخلى فيها حديد امال هنكسب من فين مسيرك توصل وان شاء الله تعرف اللى فيها
الرابع
زى ابو على الهلالي
كان عندنا خرسانة مسلحة 2
الصراحة الامتحان كان طويييييييييييييييييييييييييييييييييييييييييييييييييييييييييل وهذه هى الخرسانة وهذه هى امتحانات الدكتور هانى فيها فكرة والجدع اللى يخلص وبما انى مش جدع ....افهموا انتوا بقي الباقي بس الحمد لله عملنا اللى علينا وربنا يسسسسسسسسسسسسسسسسسستر ان شاء الله
ونلتقي ايه الاخوة والاحبة في مادة المكركر الثقافي وغالبا ااااااااااااااااخر مرة في تاااااااااريخ البشرية هشوف الحاجة الرخمة اللى اسمها مقرر وربنا يستر وياريت ياجدعان اى حد ملخص حاجة في المادة الغبرة دى يقولنا خلينا نخلص منها

شكرااا شكرااااااا لكم يا شبااااااااب _
وربنا يسهلها لكم _
وخلاص هاااانت معاكم
وحتقولوااا ليت الشباب يعود يوماااااااااااا

النهاااااااااردة كان معنا امتحان الية وكهربية
امتحان الكهربية كويس ومعقول اما الالية

المهم والاهم انه النهاااااااااااااااااااااردة اخر يوم لاولى مدنى وخلاااااااااااااص خدنا الاجازة عقبالكم
اخيراااااااا مفيش محاضرات ولا سكاشن ولا مذاكرة مش مصدق نفسى بكرة هكون فى البيت

انا بقي النهاردة خلصت امتحانات cheers

وكنت خلاص مش قادر اقعد في اسوان ثانية من الجو اللي انتوا عارفينوا.............. معتدل طبعا...............
وبعد الامتحان اللي انا ما عرفتش اعمل فيه حاجة تؤهلني اني اعدي في مادة(خواص المادة ) طلعت علي البيت بياكل

علشان اعمل اعادة اعمار لجسمي وبنياني لاني بصراحةحاسس ان اكل شادلي سمم بطني
ربنا يوفق اللي لسة بيمتحنوا .....وخلاص هانت يا رجالة ....

الفيلد و ما اداراكم ما الفيلد

الامتحان كان مكون من تلات ورقات انا سمعت الكلمه دي وجاني شلل ف الاذن الوسطي بس الحمد لله

طلع ان الورقه التالته للاكسبرشنز ايلي علينا ف المنهج

الامتحان سهل و بسيط بصراااحه بس هو مشكلته ف الطووول و كل شويه تحويلات و تكاملات و كده

بس اهم حاجه

انا الفيلد عدددددددددددددددددددددددددددددددددددددددددددددددي

عقبال القادم و نخلص بقي

انا بحقد علي اي واحد من اولي مدني خلص ع فكره

أحقد براحتك يا حسام
وبعدين يالا يا يا بتى روح شوف مصلحتك
أو خليك ف الترسات والفرامات بسلطاتهم و......

الحمد لله الامتحانات خلصت على خير بس ربنا يستر في امتحان الميكانيكا بيبكى

وابتدينا اجازة جديدة ويارب تكون سعيده باذن الله

وكل عام وانتم بخير كويس

كل عـام وانتم بخير جميعا بمناسبة انتهاء فترة الأمتحانات الدراسيه لهذا العام

وبالتوفيق للجميع ان شاء الله

وأجازه سعيده

الموضوع هيفضل مفتوح لغاية يوم السبت بليل عشان اي حد عاوز يقول انطباعه عن الامتحانات

يتفضل يقوله اهو معاه يومين بعدها سيتم غلق الموضوع إلي امتحانات نصف العام القادم ان شاء

الله

وفقكم الله

كويس فاضل يومين علي غلق الموضوع . يعني هلحق اقول راي
لاني حاسس اني مفيش حد من تانية كهرباء في المنتدي غيري

الحمد لله الامتحانات كانت كويسة بس كانت فيها مشاكل

1- تيست الديجيتال كان سوالين و واحد فيهم ملغي و الاجابة في نفس الورقة و مفيش مكان في الورقة

2-الميجر كان كويس جدا جدا بس كانت في مشكلة صغيرة في مسالة كان فيها 3 ارقام ناقصة

3- الرياضة كانت كويسة بس طويلة شوية بس برضة كان في الامتحان غلطات في اثبات مطلوب

بس الحمد لله الامتحانات عدت و ربنا يستر في النتيجة

» قول إنطباعك بعد كل إمتحان وكل عام أنتم بخير " يونيو 2010 "
» قول إنطباعك بعد كل إمتحان وكل عام أنتم بخير "يناير 2010"
» قول إنطباعك بعد كل إمتحان وكل عام أنتم بخير.
» قول إنطباعك بعد كل إمتحان وكل عام أنتم بخير "يناير 2011"
» إستايل المنتدى الرمضانى الجديد لعام 2009 وكل عام أنتم بخير