قول إنطباعك بعد كل إمتحان وكل عام أنتم بخير " يونيو 2010 "

قول إنطباعك بعد كل إمتحان وكل عام أنتم بخير " يونيو 2010 " 860511

اليوم السبت الموافق 29 / 5 بدأ ماراثون إمتحانات نهاية التيرم الثاني للفرقة الرابعة

وتتوالي بعد ذلك بدأً من يوم 12 /6 امتحانات باقي الفرق

ونرجو من الله تعالي أن تمر هذه الأيام بردا وسلاما

علينا جميعا وبالتوفيق والنجاح لجميع الطلبه.

أما بخصوص ما سيحدث إن شاء الله من إنطباعات متعدده لدى الطلاب

سواء صعوبه او سهوله أو أى مشاكل فى الامتحانات لا قدر الله أرجو من

كل الطلبة بجميع الفرق الدخول والكتابه عنها هنا فى هذا الموضوع

ولنناقش كل شىء بهدوء ويسر والله الموفق لنا ولكم

مع تمنياتي بالتوفيق والنجاح للجميع ,,,,

وكل عام أنتم بخير

بسم الله
كالعادة هكتب انا فقط عن دفعة رابعه مدني لانه اغلب الدفعه مالهاش في النت
اليوم الاول

قول إنطباعك بعد كل إمتحان وكل عام أنتم بخير " يونيو 2010 " Railway-sleeper_1376459i

قول إنطباعك بعد كل إمتحان وكل عام أنتم بخير " يونيو 2010 " Railway-sleeper_1376459i

قول إنطباعك بعد كل إمتحان وكل عام أنتم بخير " يونيو 2010 " Bucks%20Railway%20Centre

هندسة السكك الحديدية ماده فيها كمية حفظ قوانين وثوابت فوق العادة واسماء غريبة جدا زي عساكر الدريسه وخفير الشاكوش والسيمافور والبواجي وحاجات عجيبه بس الحمد لله حطيناها اول ماده عشان نطحنها كويس والحمد لله الامتحان جه ممتاااااااااااااز جدا وسهل جدا ولول مرة امتحان للدكتور ايمن عثمان احله لحد الاخر لانه امتحاناته تتسم بالطول
وانتظروا المادة القادمة
هندسة الملاحة الداخلية
ياعني شمندورات وارضفه عائمة وكلام من ده
وشد القلوع يامركبي ده مافيش رجوع يامركبي

فى البداية طبعا أحب أن أشكر الزميلة البشمهندسة رانيا على مبادرتها بفتح الموضوع جزاها

الله كل خير عنا لأنى للأسف نسيت خالص ومش فاضى لذلك كل التقدير لها

ثانيا أتمنى للجميع التوفيق فى الإمتحانات سواء سنة رابعة اللى لسه بادئين أو باقى الدفعات

اللى إن شاء الله هيواصلوا المسيرة من 12/6 بإذن الله وربنا يكون فى عون الجميع

ثالثا أتمنى التوفيق ليك يا جودز ولباقى الزملا بس أنت قولت سكة حديد وبعدين ملاحة

يعنى بر وبحر فين الجو بقى ؟؟ وتوصلوا بالسلامة يا سيدى بعد الزوابع اللى عايشينها دى !

والله الموفق

شكرا علي فتح الموضوع لامتحانات الترم التاني

ان شاء الله اتواصل معاكم - زي ما عملت الترم الاول - واكتبلكم اخبار حلوة
عن لجنة واحد تانية كهرباء

انتظرونا يوم الاحد 13\6 الساعة واحده ظهرا لننقل لكم احداث معركة
Machine الكبري

ادعولنا.

السلام عليكم ورحمة الله وبركاته
اخوانى الاعزاء يعز عليا أن أعرف ما يدمى القلب وأن أقوله للكل بكل اللغات حتى يعرف القاصى والدانى فحرس الحدود المصرية رفح يبتزون أبناء شعبنا المقهور المستضعف الذى يعانى كل الأهوال مقابل خروجها ولو مرورا عبر الأراضى المصرية فإما الدفع ومبالغ لا تتصورها عقول لمن هم فى حصار وجوع وعراء فإما دفع 2000 دولار أو الرجوع مع الشتم والإهانات والذل فهل يعقل لأبناء أم الدنيا مصر الكنانة أن يفعلوا هذا بدل المساعدة والتهوين أهذه أخلاق الجدعان أم أصبح للشهامة معانى أخرى؟؟؟؟؟؟؟؟؟؟؟؟؟؟؟؟؟

بسم الله الرحمن الرحيم

علي ما اعتقد اني اول واحد يتكلم باسم تانية مدني (تخلفات طبعا ) شكل الناس محرجة من الكلام عن مواد التخلفات مش عارف لية علي الرغم ان اللي بيشيلوا مواد طبعا اقل من اللي بينجحوا صافي ودة معناة ان هم قلة مميزة عن باقي الدفعة _وهوة دة الجانب الايجابي من الموضوع_هههههه

المهم انا الحمد لله والشكر لله معايا مادتين من اولي مدني والحمد لله خلصت منهم وامتحنهم

اولا: مادة الالية والسيركت

طبعا الدكتور محمد علي خليل - مشكورا -جاب امتحان سهل الحمد لله
بس في امتحان الالية السوال الاول جابوه من خارج نطاق الخدمة ..
بس بردو بارك الله فيه وجازاة عنا خير ...

اما السيركت فبصراحة مش عارف انا اللي مش مزاكر ولا الامتحان هوة اللي صعب .:.- الله اعلم -
والمادة التانية خواص مادة _ الكلام ليك يا احمد خالد - احنا في الهواء سوا
بردة الحمد لله عملت اللي قدرت علية ولا الومن الا نفسي والشيطان والناس اللي شرحتلي (دة مش نكران للجميل ) لانهم كانوا فاهمين السؤال غلط لما شرحولي

دة هوة -باختصار شديد جدا ههههه- انطباعي

طبعا مطولتش عليكم هههههههه

...والله بجد من كل قلبي ان الكل ينجح بتقيرات عالية ...

السلام عليكم ورحمة الله وبركاته

اتمني يكون اعضاء المنتدي وجميع طلبة الكلية بخير وصحة تعينهم علي اجتياز الامتحانات
باقل خسائر كله ع الاقل كده جيدجدا ان شاء الله

كنت قلت اني هارد بعد امتحان الماشيين يوم الاحد الجاي
تصوروا كنت ناسي انه عندي امتحان فيلد تخلفات ولازم اعلق عليه
شوفوا بقا
الامتحان مش صعب واي حد "هيكتب " فيه -وطبعا عارفيين الفرق بين " يكتب" و " يحل"-
فيه سؤال مكرر م السنة اللي فاتت وهو ده السؤال الوحيد اللي سبته بجد لاني متوقتعش
يجي السؤال ده تاني

والحمد لله تقدروا تقولوا ان فيلد تخلفات عدي علي خير

بعد الفيلد عملي تست ماشيين وديجتال
-معلش العملي دخل معانا ف الموضوع عشان ف نفس اليوم يعني -
فاجاني د. محمد محمود في المقابله بسؤال "عايز تتسأل ف ايه؟"
المهم جاوبت علي سؤالين من التلاتة

وبعدين د. أحمد ابو بكر حلي مكانش كويس بيني وبينكو غلطت غلطة جامدة استاهل عليها
صفر بس د . احمد افتكر انه جل من لا يسهو واداني ستة من عشرة
الحمد للــــــــــــــــــــــــــــــــــــــــــــه

وبعد كده م. علي عبدالعزيز وده كان احلي حاجة ف اليوم تسعة من عشرة

واخر حاجة وختامه مكانش مسك مقابلة تست ماشيين مع المعيد م. عماد

التوصيلة مشتغلتش ومعرفتش اجاوب

الحمد لله علي كل حال

يا رب ننجح السنة دي واللي بعدها واللي بعدها
طولت عليكو بس معلش اعذروني لسه مخلص لكشة امتحانات
اسف ع الاطالة مرة اخري.

اهم حاجه والله ياجماعه ان الناس متكونش متوترة. والواحد يدخل الامتحان واعصابه هاديه على اد م يقدر طبعا فى ناس هتقول ده صعب. معاهم حق لكن مش مستحيل
قول إنطباعك بعد كل إمتحان وكل عام أنتم بخير " يونيو 2010 " 360126

قول إنطباعك بعد كل إمتحان وكل عام أنتم بخير " يونيو 2010 " 360126

بالنسبه لدفعه رابعه بور الحمد الله الامتحانت عدت على خييييييييييييييييييييييييير معاد امتحان التيست كان غريب وعجيب ومفهوش اى تجارب ازاى معرفش تقريبا كان امتحان دفعه تانى وجالنا غلط ما علينا الحمد الله على كل حاجه وربنا يعديها على خير

بغض النظر عن التفاصيل وده كله
اولا انا نت عندي فاصل الى حين اشعار اخررررررررر
بس المهم اني خلااااااااااااااااااااااااااااااص اخر مره هكتب لكم انطباعي عن امتحااااااااااااااان
اخييييرررررررررررررررررررررررررررررررررررررررررررا
لا امتحانات ولا شيتات ولا سكاشن ولا غيااااااااااااب بعد اليوووووووووووووووووووم
بعد سنوات وسنوات من المشقة تنتهي ايها السادة سنوات الدراسة وعنائها

يا نهار بحلقى الموضوع مفتوح من سنين ودلوقتى اللى خدت بالى منه دا أكيد أثر اللى متتسماش المذاكره

المهم كان معايا ولدين من السنه اللى فاتت

سيركت وأليه

كان أمتحان سهل وباذن الله ربنا يستر

أما الماتريال بقى فدا كان أمتحان العجب الامتحان سهل والكل حل بس محدش متأكد من أجابته

بس الحمد لله وبدايه مبشره

وبعدين يا عم جودزيلا أنتا لازم تغيظنا أنك خلصت طيب ألبس ف الجيش بقى يا ناصح

السلام عليكم ورحمة الله وبركاته
اعضاء المنتدي الكرام
تمنياتي بدوام الصحة والعافيه لحضراتكم
انقل لكم " انطباعي " - كما وعدت - عن امتحان الماشيين تانية كهرباء
الامتحان مش طويل ومش صعب لكنني لم اوفق في الوصول للصواب
هذا وكفي
وابدي اعتذاري عن عدم استطاعتي متابعة الموضوع معاكم لباقي المواد لظروف .
اللهم وفقنا لما تحب وترضي.

أيه يا أبوحربى ناوى تنتحر ولا أيه قول إنطباعك بعد كل إمتحان وكل عام أنتم بخير " يونيو 2010 " 554793

ولا ناوى

قول إنطباعك بعد كل إمتحان وكل عام أنتم بخير " يونيو 2010 " 599616

الظاهر كده إن احنا هننتحر جماعة!!!!!

أصل والله امتحان الماشيين كان سهل وجميل بس مش عارفة اللى حاصلى فى الامتحان

أصل انا بصراحة اتخضيت لما لقيت الامتحان من الشييت

أصل انا ما كنتش مصورة كتاب ويلدى(حسبى الله ونعم الوكيل)لغاية قبل ليلة الامتحان بيومين
وقال إيه روحت زى النصحة صورت الامثلة والشيتات بتاعت الكتاب علشان لاقيت الامتحانات منو
وقعدت احرت فيه هو وال برينسبل طول الايام اللى فاتت لما دماغى ورمت

وفى الاخر يطلع الامتحان من الشييت اللى ما جتش جنبو علشان قال إيه...قال إيه ...الشييت سهل ومش مستاهل

بس والله الباشمهندس طلع ابن حلال علشان خلانا نحل الشييت قبل كده
وقاعدت فى الامتحان افتكر شوية من اللى انا كنت حليتو من قبل كده وائلف شوية من عندى
والحمد لله عدت بسلام....وإن شاء الله أعدى فى المادة دى

طيب الحمدلله ان الامتحان كان كويس يلا بقى شدو حيلكم شويه فى الباقى باذن الله

السلام عليكم ورحمة الله وبركاته

النهاردة امتحان التست -بتاع تانية كهرباء طبعا-كان حلو يعنى.....بس كان فيه مشكلة عبيطة....
ماكانش فيه مكان كافى للإجابة علشان يعنى كنا بنحل فى نفس ورقة الأسئلة واضطريت طبعا انى أزنق الاجابات
فى اخر الورقة-مع إن والله خطى مش كبير
بس الحمد لله الحكاية عدت وكتبت كل اللى عارفه... واللى مش عارفاه طبعا كالعادة ألفتو
والحمد لله على كل حال...وربنا يستر على اللى جاى.

السلام عليكم ورحمة الله وبركاته

فى عجالة إمتحان الفوينديشن بتاع تالتة مدنى كان الحمد لله حلو بس طويييل حبتين تلاتة

وإمتحان إمداد المياه نصه من فوق حلو والباقى مش كويس خالص وخارج النطاق

المسموح بيها وربنا يسهل فى التصحيح وسبحان الله تلاقى المادة الصعية جاية

سهله والمادة السهله تيجى صعبة فعلا عجبت لك يا زمالك !

ربنا يستر فى اللى جاى "الخرسانة" ويا رب الحديد يكفى معانا

وأعتقد إننا هنكمل التسليح بنحاس وهنبخر

الفريم علشان يصمد فى مهب الرياح والحر اللى إحنا فيه ده !

وبالتوفيق لجميع الزملاء

والله الموفق

أمتحان الأستركشر حلو بس طوووووووووووووووووووووووووووووووووووووووووووووويل

كان عايز أربع ساعات مش تلاته

يالا بس ربنا يوفقنا جميعا ونعدى السنه دى

الصراحة أمتحان الاستركشر النهاردة كان سهل جدا ودكتور\محمد عمر وفه بوعده لينا وكمان الامتحان كان من أعمال السنة بالضبط بالاضافة الي ان الدكتور حله لينا ولكن بالنسبة لموضوع الوقت فده أعتقد أنه يعتمد علي الحل كثير .شكرا يادكتور محمد عمر لأن الصراحة كان أمتحان جميل وهيأثر جامد علي الحالة النفسية اللي هنكمل بيها باقي الأمتحانات.

قول إنطباعك بعد كل إمتحان وكل عام أنتم بخير " يونيو 2010 " 604369

قول إنطباعك بعد كل إمتحان وكل عام أنتم بخير " يونيو 2010 " 700120

أمتحان المقرر كان حاجه زى الفل

الواحد دخل ولا عارف أى حاجه ف أى بتنجان بس بقت بكتب وخلاص وبارك الله فيما رزق

قال وأنا قولت أذاكر اول أربع أبواب كويس وأضمن نص المنهج نفس الغلطه اللى عملتها ف السويل ربنا يستر

Leave Me Alone كتب:: أمتحان المقرر كان حاجه زى الفل

الواحد دخل ولا عارف أى حاجه ف أى بتنجان بس بقت بكتب وخلاص وبارك الله فيما رزق

قال وأنا قولت أذاكر اول أربع أبواب كويس وأضمن نص المنهج

نفس الحال

قول إنطباعك بعد كل إمتحان وكل عام أنتم بخير " يونيو 2010 " 778533

ربنا يسترها مع الدفعة كلها

اللهم صلي وسلم علي سيدنا محمد الواحد مش عارف يبدأ منين المهم أمتحان خواص مواد كان سهل جدا بس طووووووووووووووووووووووووووووووويل جدا وبالنسبة لتجربتي الشخصية لقيت ان الوقت عشر دقائق وفاضل لي ثلاثة اسئلة لكن نظرا لاني طموحة لم أيئس وقلت حلي بهدوء الي أن وجدت كلمة discuss in details ايه بالتفصيل ووصلت لقرار بسرعة ان اترجم كلمة detail كأنها العناوين فقط بس الحمد لله عده علي خير وباصابات طفيفة جدا تتمثل في شلل في الخنصر والبنصر وتصلب باقي الاصابع نتيجة الكتابة لمدة ثلاث ساعات متواصلة اللهم ارزقني الصبر والسلوان.
قول إنطباعك بعد كل إمتحان وكل عام أنتم بخير " يونيو 2010 " 604369

البعبع ( الميجر )

هي مش بعبع اووي يعني بس خنيقه و رخمه و ملهاش اي لازمه ف الحياه وفيها كمية نظري ملهاش حدود

هو الامتحان ف مجمله كويس و جزيئات كتير مباشره و المسائل من الامثله ما عدا طبعا مسألة

هرشة الدماغ اللي وعدنا بيها د : عبد الله و الراجل وفي بوعده لدرجة ان مبقاش فيها دماغ عشان اهرش فيها اساسا

ع العموم ربنا يستر و يعدي الديجيتال و النمريكال علي خير عشان نخلص بقي

يا نهار أبيض على دا أمتحان

تلت سعات كتابه معرفتش أخد نفسى لدرجة أنى ف نص الوقت كنت عايز أقوم أمشى هوا الأمتحان حلو خالص بس طويل جداااااااااااااااااااااااااااااااااااااااااااااااااااااااااااااااااااااااااااااااا
والمشكله أنه مملل لأن الأسئله كلها أو أغلبها نفس الأجابات يعنى الحاجه ممكن أكتبها تلت أربع مرات

يالا ربنا يستر

السلام عليكم ورحمة الله وبركاته

النهاردة امتحان الديجيتال (تانية كهرباء)كان جميل الحمد لله
وأغلب الاسئلة كانت من الشيت والامتحانات اللى فاتت

يعنى بصراحة الامتحان ده عوض حاجات كتيييير...

وربنا يوفقنا ان شاء الله فى المادة اللى باقية

» قول إنطباعك بعد كل إمتحان وكل عام أنتم بخير "يونيو 2009"
» قول إنطباعك بعد كل إمتحان وكل عام أنتم بخير "يناير 2010"
» قول إنطباعك بعد كل إمتحان وكل عام أنتم بخير.
» قول إنطباعك بعد كل إمتحان وكل عام أنتم بخير "يناير 2011"
» كل عام و أنتم بخير