عاوزة اسكن عند ربنا ,,,,

"عاوزة اسكن عند ربنا "

كلمة طالما رددتها في طفولتي

او عندما كانوا يروني طفلة

عندما كانوا يخبروني بعقاب الكاذب وما ينتظر الصادق من عند ربنا من حاجات حلوة

ومن كثرة الحاجات الحلوة التي حرمت منها حتي الان

كنت دائما اردد

انا عايزة اسكن عند ربنا

فلطالما كان هو الملجأ الوحيد لي

خائفة انا

اخشي الفراق

اخشي اللقاء

اخشي كل ماهو موجود

ماما هو ربنا بيحبني

طبعا يا حبيبتي

ليه يا ماما

عشان انتي لسة صغنونة

يعني لما اكبر مش هيحبني

وتبتسم امي وتتركني دون اجابة
لاعلم ان نضجي وبلوغي سيكونان سبب في عدم حب ربنا لي

لاتمتم بصوت حزين
انا مس اوزة اكبل
انا اوزة اسكن عند ربنا

لتمر بي الايام
ومازلت الكلمة بداخلي
عاوزة اسكن عند ربنا
اتذكر عندما كنت في الصف الثاني الابتدائي
وجاءت مدرسة فصلي لتسال كل طفل و طفلة عن امانيهم عندما يكبروا

وجاء دوري
لاخبرها بكل براءة
عايزة اسكن عند ربنا

ليه يا حبيبتي

عشان ربنا حلو وبيحبني
وعنده حاجات حلووووة كتيير
وبابا مش هيكون هناك عشان هو وحش وانا بخاف منه
وكل الناس اللي انا بحبها هيسكنوا عنده
فانا عاوزة اكون مع جده وتيته
اصل انا بحبهم
بس بابا مش بيحبهم
وماما قالتلي ان اللي انا بحبهم هيروحوا يسكنوا عند ربنا
واللي انا مش بحبهم مش هيروحوا هناك

لاجد دمعه في عين مدرستي
وما كان منها غير انها احتضنتني

عاوزة اسكن عند ربنا

واكبر وتكبر معي ذنوبي

وتتلاشي تدريجيا هذه الكلمة من ذاكرتي
عاوزة اسكن عند ربنا

لاكتشف اني خائفه من الموت

لا بل اخشي ما بعد الموت
فحين كبرت وادركت كم العذاب
عذاب القبر وعذاب النار ويوم الحشر والقيامة
يصيبني الرعب واكون في اشد الاحتياج لاحتضان من امي
لتخبرني ان ربنا بيحبني ومش هيحصلي اللي بيحصل للناس الوحشة
وافكر و افكر
هل مازل يحبني الله
هل انا مستعدة
لا اعلم
كل ما اعلمه اني خائفة
وما استطيع فعل اي شئ لاتغلب علي خوفي
بس انا عاوزة اسكن عند ربنا

كلمة طفولية جدا

ولكني للاسف ما عدت طفله
خائفة جدا
دموعي تسيل
يارب
الهتني ملذات الدنيا
خائفة انا من الفراق
اخشي كل شئ
يحاوطني الموت من كل جهه

غرق ابن اخت زميلتي في اسنكدرية بعد استشهاده في المياه
عنده 27 سنة ومن شهر ونصف انجب طفله الاول

موت شيماء شيكو بعد شفائها من مرضها

موت زميل طارق في شركته بعد ان دهسه اتوبيس الشركة
عنده 28 سنة

كثير وكثير من الموت يحاوطني
يلاحقني
وكانه يخبرني قد حان دورك

وقد يحين دورك انت
قد يحين الدور علي احدنا

ونبكي

نبكي
نبكي
نبكي

عاوزة اروح عند ربنا

لكني غير مستعدة

******

طنط انشي انتي بتعيطي ليه

لا يا حببيتي مش في
اصلي افتكرت عمو عمرو فاكراه

ماما قالتلي انه في مكان حلو اوي وعنده حاجات كتير اوي

اه يا جميلة هو فعلا في مكان حلو اوي

انا عاوزة اروحله

ابتسامة

ياريت بس ربنا هيختارنا عشان نروح ورا التاني

عارفة يا طنط انشي انا نفسي في ايه

ايه ,,,,,,,,,,,

نفسي اسكن عند ربنا

للمبدعه ,,,, أنجي

[

*** تعليقي الشخصي ***

هي ماقالتش غير كلمه واحده ,,, بس

اقتباس :

ومييييين سمعك ,,,, محدش فينا كان يتمني انه يكبر

كنا فاكرين اننا لما هنكبر الدنيا هتبقي أحلي ,,,,

أنما ,,,, غير كده اللي بيحصل

الحقيقه اللي محدش يقدر ينكرها أن الأطفال هيدخلوا الجنه قبل الكبار

,,, مين فينا كانت أمنيته أنه ( عاوز يسكن عند ربنا ,,,, اليومين دووول )

يالا حسن الختام ,,,, وربنا يصلح الحال

eng_ghost كتب:: وجاء دوري
لاخبرها بكل براءة
عايزة اسكن عند ربنا

ليه يا حبيبتي

عشان ربنا حلو وبيحبني
وعنده حاجات حلووووة كتيير
وبابا مش هيكون هناك عشان هو وحش وانا بخاف منه
وكل الناس اللي انا بحبها هيسكنوا عنده
فانا عاوزة اكون مع جده وتيته
اصل انا بحبهم
بس بابا مش بيحبهم
وماما قالتلي ان اللي انا بحبهم هيروحوا يسكنوا عند ربنا
واللي انا مش بحبهم مش هيروحوا هناك

لاجد دمعه في عين مدرستي
وما كان منها غير انها احتضنتني

مش عارفة اقول ايه علي الاحساس البرئ ده
بجد كلمات بريئة وجميلة جدا
ربنا يرحمنا جميعا ويسكننا الفردوس الأعلى
ويجازينا بحسن ظننا به وسوء ظننا بأنفسنا
آآآآآآمين

اقتباس :: نفسي اسكن عند ربنا

كم كبيرة وجميلة هذه الكلمة رغم بساطتها وبرائتها

فكلنا أمل في الله وطمع في رحمته ورجاء في عفوه ومغفرته

(اللهم اغفر لنا ذنوبنا وتجاوز عن سيئاتنا وعاملنا بفضلك ولا تعاملنا بعدلك

اللهم عاملنا بما أنت أهل له ولا تعاملنا بما نحن أهل له يا ذا الجلال والإكرام يا الله)

» شوف اد ايه ربنا بيحبك ؟؟!!!... -
» برامج صغيره لتصميم القواعد
» البيت بيتك.......يوميات من هندسة أبوالريييييييش......
» قالوا فين ربنا الي سايب الدنيا وحشه كده
» لو ربنا فك عقدتك.. واتخطبتي