شوف اد ايه ربنا بيحبك ؟؟!!!... -

السلام عليكم ورحمة الله وبركاته

شوف اد ايه ربنا بيحبك
.... شوف اد ايه محبة ربنا ليك .... كان ممكن تموت قبل ما يجى رمضان لكن
ربنا امهلك ..... عشان بيحبك ..... امهلك لتدرك رمضان , فيغفر لك ويعتق
رقبتك من النار , وعشان يدخلك الجنه (باذن الله ).... فياريت السنادى بالذات تصوم صوم المحب لربه... تذكر ربك عز وجل ذكر المحب لربه ...تصلى صلاه المحب لربك .... عشان تحس بجد بأد ايه فضل ربنا عليك "وكان فضل الله عليك عظيما" , اد ايه نعم ربنا عليك كتيره "وان تعدوا نعمٌ الله لا تحصوها ".

عايزك تتخيل معايا لو ان احب الناس ليك غايب عنك بألو 11 شهر وفجأه جالك تليفون فلان وصل ومستنيك فى البيت .... تحس بى فرحه عامله ازاى!! .......انسى بقى المثل ده وبص بقى على المثل اللى جاى .

شهر رمضان غايب عنك بألو 11 شهر .... وبعدين .... جالك ... بيقولك انا الضيف الغايب .. انا اللى من خلالى لو قدرت تعمرنى بالطاعات ممكن -بفضل الله عز وجل- تكون من اهل الجنه .. شوف اد ايه ربنا بيحبك.

بالله عليكو ... عمر حد فينا عمل خطه لدخول الجنه ؟؟!... ياما الناس بتعمل جدول اعمال لمشروع او اتنين وتلاقى واحد عنده 70 سنه بيعمل جدول اعمال لمشروع ثماره هتطلع بعد 15 سنه ... مع ان اكبر مشروع بالنسبه له دلوقتى هو
انو يستعد للقاء ربنا عز وجل ... يقعد يذكر ربنا او يقرأ فى المصحف شويه
... فأنا عايزه اسألك .. عمرك عملت خطه لدخول الجنه ؟؟! ... مش معنى كده
انك هتدخل الجنه بعملك لكن لازم ناخد بالاسباب .

فيا جماعه احنا داخلين على جنه حتى السموات السبع بتستعد استعداد خاص جدا
لقدوم شهر رمضان ... عايزك تتأمل معايا حاله الاستعدادات والطوارئ التى
تكون فى اول ليله من رمضان .... اسمع لكلام حبيبك صلى الله عليه وسلم في
روايه عن الترمزي بأسناد حسن ,يقول صلى الله عليه وسلم:"اذا
كان اول ليله من شهر رمضان ,صفدت الشياطين ومردت الجن وغلقت ابواب
النارفلم يفتح منها باب وفتحت ابواب الجنه فلم يغلق منها باب وينادى مناد
يا باغى الخير اقبل ويا باغى الشر اقصر" .... ياااااه ابواب الجنه كلها بتتفتح.... وابواب النار بتتقفل ... شفت اد ايه ربنا بيحبك .....
(وينادى مناد يا باغى الخير اقبل ويا باغى الشر اقصر)....
يعنى ياللى عايز تتوب عايز ربنا يغفرلك عايز تبعد عن الذنوب والمعاصى,
وياللى عايزه تتحجبى تعالى...... وياللى عايز تعصى ربنا ولسه بتسمع اغانى
ومتحجبتيش لحد امتا ؟؟! اقصر عن الشر وتوب الى ربنا .

فأنا عايزكم تدعو كل يوم وتزل نفسك لله -تمام العز بالنسبه لك فى تمام
زلك لله - تدعي كل يوم وتقول:يارب اعتق رقبتى الليله دى ... يارب لو
ماعتقتش رقبتى الليله اللى فاتت اعتق رقبتى الليله دى ... وتيجى بقى عند
اليوم ال30 وتقول يارب ما بقاش غير الليله دى ان ما كنتش عتقت رقبتى ال29
ليله اللى فاتت .. فأنى اسألك بأسمك الاعظم ان تعتقها الليله دى .
معلش يا جماعه انا عارف ان الموضوع متأخر لكن ان شاء الله ملحوقه .......
فياريت نجتهد فى الايام اللى جايه ..........
(كيف نفوز برمضان--محمود المصري)

موضوع جميل مهندس/مروان

جزاك الله خيرا

موضوع متميز كما تعودنا منك يا بشمهندس.

» عايز تعرف مين بيحبك ؟...
» ازاي تعرف انه اللي بتحبه..بيحبك هوا كمان.....؟؟؟....
» ازاي تعرف انه اللي بتحبه..بيحبك او لا..؟؟؟...يللا كلنا نشارك..
» امتي اخر مرة شكرت ربنا علي نعمه؟؟
» احمد ربنا و اشكر فضله علي كل شئ