إستفتاء لغلق قسم الحب

ياجماعه مع احترامي ,,,, يعني لو واحد عايز يقول وجهة نظره في الموضوع ده


ولا عايز يتكلم عن المشاعر ولا عايز يقول ويقول ,,,, يتكلم بقي في البيت بيتك ولا علي المصطبه



اللي انا اعرفه ,,, ان القسم محدش عامل فيه مشكله ,,, مافيهوش حد بيتخانق ولا حاجه



كل اللي فيه ,,, ناس بتقول وجهة نظرها ,,,, عشان المفروض لو واحد وجهة نظره غلط تتصحح



ودي وجهة نظري ,,,,,,,,, أن لو القسم اتقفل ,,,,, أي مواضيع عن الرومانسيه و لا المشاعر هيبقي مكانها في البيت بيتك أو المصطبه ,,,, طب ماهي هيا


ماعلش بس دي وجة نظري ,,,,,,,, وهوه ممكن يكون في الموضوع نقطه تانيه أنا مش فاهمها أو مش واخد بالي منها

هو متهيالي مش فيه مشرفين للقسم بيتم ابلاغهم بحاجه زي دي ولا ملهومش لازمه ولا ايه؟؟

ع العموم جزاكم الله كل خير....

وياريت لو المشرفين ملهومش لازمه يبقي نرجعهم اعضاء عاديين من تاني افضل

ياريت تكون وجهة نظري وصلت

يا بشمهندس انا لسه مشرف ع القسم و بعدين انا مراقب عام علي الفئه كلها بما فيها قسم الحب


وانا مقولتش حاجه غلط او عيب

كل الحكايه اني بقول وجهة نظري وبس

و ع العموم ايلي فيه الخير اعملوه

أولا أبدى شكرى لمدير المنتدى على أهتمامه بأراء الأعضاء وعدم إنفراده
برأيه فى كل شئ إلا إذا أستدعت الضروره ذلك وأنا عن نفسى دايما بأقول إنه
فى أحيان كتير لازم تكون الديكتاتوريه والإنفراد بالرأى موجوده.


ثانيا بالنسبه لموضوع الإستفتاء لغلق قسم الحب أنا عن نفسى شخصيا طبعا مش
مع الإستفتاء ده لأنه مش معقول كل قسم فيه شوية شغل هنقفله هو صحيح
إن القسم "ما شاء الله " ليه شعبيه جامده فى المنتدى والمحبين والمهتمين
بيه كتير بس أنا مش عارف هى الدنيا خلاص بقت حب وبس ومفيش حاجه تانيه ولا
الدنيا اتقلبت وبقت الأولويه للحب وخلاص بقت المشاكل والشؤن الدنيويه
تقتصر على الحب فقط .

وعلشان خاطر الناس متزعلش وعلشان الخدمات الجباره اللى بيقدمها قسم الحب
للمنتدى احنا ممكن نضيف قانون من قوانين المنتدى يقول" لا يمكنك المشاركه
فى باقى الاقسام حتى تضع عدد مناسب من المواضيع فى قسم الحب"

وعلى فكره أنا عن نفسى بشارك فى قسم الحب بس مش بالطريقه المستفزه اللى
الناس بتشارك بيها يعنى حتى على الاقل تكون النسبه معقوله مش أول ما بفتح
المنتدى واقول "يا فتاح يا عليم يا رزاق ياكريم" أقوم اطير على قسم الحب
فى الاول وياريت بنناقش قضايا تستاهل وتستحق المناقشه فعلا أنا عارف إن
الناس محتاجه توعيه فعلا عن الحب بس يا ريت المشاركات تكون ليها لازمه .

و بإذن الله لو كان لينا عمر والأستفتاء منفعش وفضل القسم مفتوح
فبعد إذن مشرف القسم طبعا أنا هانزل قوانين للمشاركه فى قسم الحب كالتالى.



1/-قبل طرح أي مشاركة جديدة في القسم يرجى التأكد من مناسبتها للنشرمن حيث
الإلتزام بتعاليم ديننا الحنيف وعدم استخدام الألفاظ البذئية كما احذر من
وضع المقاطع الموسيقيه والصور الغير لائقة.

2/لكى ياخذ كل موضوع حقه فى الاطلاع من قبل الزوار نكتفى بعرض موضوع
اوموضوعين على الاكثر للعضو فى الاسبوع وغير ذلك سوف يتم حذف
الموضواعات

3/التفاعل مع بقية الموضوعات فى المنتدى والرد عليها وعدم الإكتفاء بالرد
او وضع موضوعات فى قسم الحب فقط وهذا فيه مصلحه للجميع مما يكون سبب
لنجاح المنتدى.

4/الإبلاغ عن المواضيع المخالفة أو المشاركات المخالفة من قبل الأعضاء حتى
يتم إتخاذ الإجراء اللازم وعدم التهاون في مثل هذه المواضيع.

5/النقد البناء بتوجيه النصح وعدم التجريح.

6/أي ملاحظات أو مقترحات أو تظلم أو شكوى عليكم مراسله المشرف للقسم دون الإلتجاء لاى اساليب أخرى او رد فيه إهانه للاخرين.

وبإذن الله سيتم إضافة قوانين وضوابط اخرى للقسم .

وبالمناسبه لو كان من نصيب القسم انه يتقفل ونرتاح من الدوشه دى
"يمنع منعا باتا أى مشاركه فى الاقسام الاخرى تخص الحب إلا إذا كانت قضيه فعلا تستحق
النقاش وتكون فقط فى قسمى" البيت بيتك" أو "على المصطبه" ويمنع منعا باتا وضعها فى قسم "الحوار العام "".

وفى النهايه رجاء من مشرف الحوار العام انه يفحص قسمه جيدا وينقل اى
مواضيع تخص الحب او لا تتناسب مع الحوار العام حتى وإن كانت مواضيع لأى
شخص من الإداره بما فيهم انا طبعا.

القبطان كتب:

وبالمناسبه لو كان من نصيب القسم انه يتقفل ونرتاح من الدوشه دى
"يمنع منعا باتا أى مشاركه فى الاقسام الاخرى تخص الحب إلا إذا كانت قضيه فعلا تستحق
النقاش وتكون فقط فى قسمى" البيت بيتك" أو "على المصطبه" ويمنع منعا باتا وضعها فى قسم "الحوار العام "".

وفى النهايه رجاء من مشرف الحوار العام انه يفحص قسمه جيدا وينقل اى
مواضيع تخص الحب او لا تتناسب مع الحوار العام حتى وإن كانت مواضيع لأى
شخص من الإداره بما فيهم انا طبعا.

شكرا علي التنويه ,,, وسيتم التفاهم علي الخاص


والله المستعان

الفرعون العاشق كتب:

فإدارة المنتدي لها الحق في اتخاذ ما تراه صحيحا من قرارات لتنظيم العمل

أعتقد يا بشمهندس انك لو أدركت معنى الكلمه دى كويس كنت هتعرف تجاوب على نفسك
لان فعلا الإداره لها الحق فى أتخاذ أى قرارات بس الإداره مش بطبق الكلام ده غير لما الدنيا بتخرب.

الفرعون العاشق كتب:

ولكن هل سيصبح الإغلاق هو المصير المحتوم لأي قسم غير هندسي علي المنتدي

لمجرد أن المشاركة فيه من قبل الأعضاء أكثر من أي قسم هندسي أخر

لا طبعا يا ريت حضرتك يا بشمهندس متعممش الكلام لأن اكيد الاقسام التانيه زى" البيت بيتك - على المصطبه -صور وخلفيات ..........إلخ "مهما كانت أهميتها أقل من الاقسام الهندسيه طبعا لكنها أكيد هتضيفلنا فكره أو معلومه مفيده جديده لكن طول ما الموضوع كده فى قسم الحب زى ما بيقولوا "مفتوح على البحرى" ومش مهم احنا كاتبين فيه أيه وأظن ان أغلب المواضيع اللى فيه فيه فكرتها واحده يبقى ملهوش أى لازمه او هدف اوغايه او مش ممكن نطلع منه بأى معلومه او فائده.

ولو دققت النظر سوف تجد ان قسم" اسمع نكت وأضحك" هنلاقى فيه فائده اكثر من قسم الحب على الأقل ممكن يوصلنا فكره أو معلومه فى أى مجال بس بطريقه فكاهيه أو كاريكاتير مثلا أكثر تشويقا وأضعف الإيمان انه ممكن يرسم البسمه على وجه عابس منذ زمن بعيد يعنى أفيد من قسم الحب برده.

كمان هو القسم الوحيد اللى ظاهر على الساحه دلوقتى وأعتقد أنه إن شاء الله مش هيظهر غيره لإن كل قسم على المنتدى له أهميته التى تفوق الحب.


يا ريت أكون جاوبت على سؤالك اشمعنا قسم الحب بالذات

الفرعون العاشق كتب:

فالمفروض أننا نحاول جذب الأعضاء للأقسام بطريقة أخري غير الغلق والمنع

يا سيدى الفاضل مش مهم أننا نجذب الاعضاء للحب لأن احنا مش فاتحين المنتدى علشان نبيع فل وياسمين بس المهم أن احنا نجذبهم للى هيستفادوا منه فعلا واللى احنا أوجدنا المنتدى من أجله.

ويا ريت يا بشمهندس متنساش أنه أولا وأخيرا المنتدى هندسى واللى شايف غير كده أكيد مش هيغلب أنه يلاقى منتدى تانى يحب فيه على راحته وبالاسلوب اللى هو عايزه كمان ممكن يحب بالكميه اللى تيجى على هواه وبالعكس ممكن يلاقى ترحيب هناك أكتر من هنا فبلاش يضيع وقته الثمين معانا ويسيب الحب هناك.

الفرعون العاشق كتب:

لأن سياسة دفن الرؤوس في الرمال لا تجدي في كثير من الأحيان

بس كمان مش حاجه نرفع راسنا علشان نفتخر بيها

الفرعون العاشق كتب:

فالمفروض أننا نبحث سر اقبال الأعضاء علي قسم معين واحجامهم عن الأخر

ولا تصبح العملية غلق ومنع ويتحول الموضوع إلي هدف أخر غير ما نتمناه لمنتدانا

والله يا بشمهندس بحثنا ودورنا كتير بس ولغاية دلوقتى مش عارفين سر الإقبال على القسم ده ولو كنا نهدى وسام أو جايزه للى بيشارك فى القسم ده كنت قلتلك إن الغلط من الإداه بس يمكن الناس لما لقيت الإداره مش بتحب تزعل حد غير لما الموضوع ريحته تفوح وأعتقد إن الموضوع ده ريحته فاحت جامد.

الفرعون العاشق كتب:

وفي الأول وفي الأخر الأمر متروك لإدارة منتدانا الحبيب لإتخاذ ما تراه صوابا ولكن


ياريت حد يشرحلنا ليه القسم ده بالذات هو اللي نزل عليه استفتاء للغلق مش أي قسم

أخر رغم وجود أقسام أخري داخل المنتدي بها مشاركات ومواضيع أكثر من قسم الحب؟؟؟؟

أكيد علشان زى ما قلت لحضرتك إن الاقسام التانيه أكيد الناس هاتستفيد منها ولو إستفاده بسيطه جدا وممكن حضرتك لو عندك وجه مقارنه بين الاقسام التانيه والحب ممكن تقولنا عليها.
ومش معنا كده أنى معترض على وجود القسم اصلا بس يا يت يكون التطبيق صح.

ويا ريت يا بشمهندس اكون غطيت جميع جوانب استفساراتك.

الفرعون العاشق كتب:

ولكن لي ملحوظة علي ما قاله البشمهندس القبطان

يا بشمهندس قبطان محدش فينا ممكن يرضي بالغلط وسؤ الأدب في أي مواضيع

يتم طرحها للنقاش علي المنتدي ولكن بصراحة كلام حضرتك به شيء من التناقض

فحضرتك تقول أنك ضد قرار الغلق ولكن أننظر لردودك ستجد أنها ضد القسم وتؤيد

اغلاقه بشدة

بص يا بشمهندس أنا كلامى مش متناقض ولا حاجه بس حضرتك اللى عايز تفهمه غلط أنا مش مع غلق القسم صحيح ودى حاجه أنا قلتها قدام الجميع وأنا لما بقول حاجه مش بدارى وراء الحيط لكن لو أستمر القسم على حاله ده فأنا اؤيد غلقه بشده ولو كنت عايز تفهم ردى لكنت تاكدت من ذلك لأنى أنا قلت" لو كان لينا عمر والقسم استمر فبعد إذن سيادة المشرف هايكون ليه قوانين وضوابط علشان العمليه مش تبقى هيصه ولا مولد" وأحنا من البدايه كمان مش فتحنا المنتدى علشان الناس تحب بس ولو أحنا عايزين كدا كنا عملنا" قاضى الغرام " وبأقولها لحضرتك اللى اشترك معانا على المنتدى لو كان قاصد انه يحب بس فأعتقد أنه ملهوش مكان بنا والمنتديات اللى مفتوحه علشان قصص الغراميات والحبيبه كتير وكما مش هاتقيد الناس بعدد معين من مواضيع وقصص فى الحب بالعكس تماما دى بتشجع النوعيه دى من الناس وبتحتضنهم وتحتويهم وتحللهم مشاكلهم كمان وممكن تلاقى هناك برده"بنت الحلال" و"حلال العقد والمشاكل" و"ومن وفق راسين فى الحلال"و"واريد زوجا"و"واريد حبا وحنانا" وعيها من تلك النوعيه من الاقسام كتيييييييييير يعنى أعتقد انه احنا مهما وصلنا فمش هانكون للدرجه دى فى أهتمامنا بالحب واحنا مش عايزين كمان نقطع برزق الناس .

وكده اعتقد أن رسالتى وصلت يا بشمهندس .

الفرعون العاشق كتب:

وشكرا علي تجاوب الإدارة مع الأعضاء

شكرا لك يا بشمهندس على ثقتك بالإداره واتمنى انها تكون مش بالكلام بس.

الفرعون العاشق كتب:

ولكني أقولها أو هكذا أظن أنه بدأ العد التنازلي لغلق قسم الحب ولا عزاء لأحد!!!!!

وأقول أيضا وداعا يا قسم الحب!!!!

وأنا هنا لا أستبق الأحداث ولكني عرفت النتيجة من سياق الردود وبذلك يسدل

الستار علي الأحداث وقسم الحب يذهب لدار الفناء مثل قسم الأفلام؟؟؟!!!!

وأنا حين تكلمت عن الغلق والمنع تحدثت عن الموضوع بصفة عامة وليس عن قسم الحب

فقسم الحب كان مصيره الغلق من زمان أو هكذا كنت أتوقع؟؟

مش للدرجه يا بشمهندس أنت كده هتخلينى أعيط ومش هأعرف انام الليل وكمان هتخلى الناس تقول على محطم قلوب العذارى ومفرق الاحباب وكلام كتير ممكن قلبى يتقطع منه.
وأنا والله مش محطم قلوب العذارى ولا حاجه بس أنا مش عايز أظلم الناس معانا وأنا عارف وقت الحبيبه غالى قد ايه وميسمحش أنهم يفضوا وقتهم شويه علشان العلم والإستفاده الإيجابيه وأنا عايز أدلهم على الطريق الصح ممكن يروحوا منتديات تانيه انشأت خصيصا من أجل الغراميات وكمان بتناقش الحب مش أجل قضيه كمان هناك هتلقوها مفتوحه على البحرى ومش بتزعل حد وكمان على فكره ممكن تلقونى مشترك معاكم هناك علشان أعرف اخد راحتى وأحب بمزاج.

معلش بقى يا بشمهندس سامحنا بقى لو معرفناش نوفر الوسط المناسب للناس اللى عندها قضيه وعايزه تحب بضمير يبقى أكيد القسم مصيره الغلق وفعلا إنك تحارب من أجل الحب بمفهومه الفارغ ده هدف سامى جدا جدا .

الفرعون العاشق كتب:

واخيرا أقول مش عارف المنتدي ليه بيفكرني بمصر وما يحدث فيها من أشياء

فبعض الناس يتحكمون ويحكمون والغالبية تنفذ ما يقولون وما يفعلون!!!

ولا عزاء للديموقراطية الحمقاء التي لا تناسبنا علي الإطلاق!!!!

كلامك والله حكم يا بشمهندس فعلا لأزم يكون فى ديموقراطيه وسامحنا لو كنا مقصرين فى الحته دى شويه بس الحمد لله بنحاول نعمل على قد ما تقدر.

بس على فكره الحمد لله فى الحاجات الجامده والمؤثره على سمعة المنتدى "كمنتدى هندسى" واكررها مرارا"كمنتدى هندسى" ويا ريت تفكر فى حتة منتدى هندسى ويا ريت الناس تقف وقفه كده مع نفسها وضميرها وتقول "انا عملت أو قدمت أيه على المنتدى يفيد الناس وأزاى بأختار مشاركاتى وليه أنا مش بشارك بنسب معقوله فى جميع الاقسام؟؟؟؟!!! "
والسؤال الاهم اللى المفوض كل عضو يسأله لنفسه "هو المنتدى أتعمل ليه وانا اشتركت فيه ليه؟؟؟!!!!"


واخيرا يا بشمهندس أكرر شكرى لك لمناضلتك وجهادك من أجل بقاء القسم مفتوح بس ياريت حضرتك تدعيلنا دعوه مستجابه من قلبك أن القسم يبقى مفتوح بضوابط .

Leave Me Alone كتب:

طب عندى سؤال وياريت كل اللى عايزين يقفلو القسم هوا الحب لازم يكون بين واحد وواحده؟؟؟



.

وهل ما يتناوله قسم الحب هو حب الوالدين

اصبحفى هذه الايام لا يطلق الحب الا على شاب احب فتاه
وهذا القسم لا يتناول الا ذلك
وتصديقا لكلامى راجع موضوع الحب بين الوهم والحقيقه وغيره
وسترى المقصود من قسم الحب