هل يوجد سبب يبرر معاكسة الولاد للبنات؟؟؟؟؟؟؟

تذكير بمساهمة فاتح الموضوع :



أثناء تصفحى فى الشبكه اللى بيقولوا عليها عنكبوتيه ومن غير قصد وقعت عينى على الموضوع ده وأعجبنى فيه أنه بيعرض مشكله موجوده فى مجتمعنا المصرى بس بطريقه ظريفه أشبه ما تكون دعابه لطيفه لكن هاتوصلنا فكره ليست صغيره وللسبب ده أنا نقلتها علشان نفتح باب الحوار والمناقشه فى المشكله الجامده دى ونحاول نلقيلها حل.





المعاكسة حق تجاه اي بنت نازلة الشارع وتاعبة نفسها ومتشيكه وحاطة ميكب ونازلة
تقول للأرض اتهدي ما عليكي ادي ... عايزين ايه من الشباب يعني ... مش لازم
يشجعوا المنتج المحلي... وكمان لما البنت دي تتعاكس والشباب يقرفها في
الشارع اكيد هاتتربى وهاتتعلم الادب وتنزل الشارع بعد كده محترمة ....
ماهى لو محترمة والله ما كانش حد قرب ناحيتها .
بس في مشكلة ...
البنت
اللي لبسها كويس ولابسة اسدال كمان او خمار بتتعاكس ليه.؟؟؟.... ايه اللي
بتتعاكس ليه ... اكيد ماشية تتمايع وتضحك في الشارع وحاطة ميكب اد كده
....لازم تتربى بردو وتنزل الشارع محترمه ... ساكتة ولا تنطق من اساسه ...
مش بقولكم واجب قومي ....
طب واللي ماشية لابسه
محترم ولا حاطة ميكب ولا غيره وماشية في حالها لا بتضحك ولا بتتمايع ماشية
في حالها ... ...لأه بقى ما هي نازلة الشارع وحدها وقاصدة تتعاكس ايه اللي
منزلها الشارع وحدها وهي عارفة الشوارع بقت عاملة ازاي ... ماهي لو محترمة
بجد كانت نزلت مع باباها ولا اخوها ولا خطيبها حتى ... دي عايزة تعمل
محترمة وتضحك عالشباب وتجيب عريس ...
طب
واللي نازلة مع اخوها ولا خطيبها ولا حتى جوزها (مش نازلة وحدها اهو)
ويطلع لها واحد من ورا خطيبها ولا اخوها بيبصبص ليها كده من ورا ظهر
الراجل الغلبان وعمال يشاور ويعمل حركات ويقرفها ... ... يا
سلاااااااااااام ومين قاللك ان ده خطيبها ولا اخوها .. تلاقيها الواد اللي
ماشية معاه ماهو لو كان خطيبها كان قعد يشوفها في بيتهم ويبطلوا صرمحة في
الشوارع ... مش بقولكم واجب قومي علشان البلد والله....

طب
واللي واقفه في البلكونه الغلبانه بتنشر ولا بتجيب حاجة بالسبت بيطلع لها
ميت واحد من الشارع راصدينها واللي يعاكس واللي يشاور.. الله ما هي
قاصداها اهي وطالعة البلكونة علشان الناس تشوفها وتتعاكس .. هي اللي عاوزة
تتعاكس من الاساس ..... هي ايه اللي طلعها البلكونة من الاساس .. تنشر ..
هههه دي تلاكيك يا عمنا ... دي عاوزة تتعاكس ... ماهى لو محترمة والله ما
كانش حد هيقرب ناحيتها ...

طب واللي قاعدة
في بيتها يا ناس .. ويطلعلها من الشباك اللي عمال يبص ويبحلق فيها
ويعاكسها ... شوفت اديك قلت بنفسك ياعم ... هيا اللي فاتحة الشباك علشان
الراجل ده يشوفها ويعاكسها ... وتلاقيها كانت بتتمخطر قدامه رايحة جاية
ومتشيكه علشان يشوفها ويعاكسها .. هي لو محترمة تفضل في بيتها وتقفل
الشبابيك والبلكونات والبيبان كلها وتقعد تحت السرير كمان علشان تبقى بنت
محترمة بصحيح ومحدش يشوفها خااااااالص وتدفن نفسها بالمرة...

على
فكرة انا بوضح لكم ان اللى بيعاكس بيحلل تصرفاته على انه صح وبيقنع نفسه
بكدة بس هى غلط مية فى المية مش عايز اى بنت تزعل منى انا طبعا معاكم يا
بنات و كمان يعنى الشباب ما يسقوش فيها ده كله كلام غلط

للأسف الشديد لم تقتصر المعاكسات على فئة الشباب فقط فمن العجيب ان نجد اطفال صغار لم يتجاوز عمرهم عشر سنوات و رجال فى بعض اللأحوال (بيكونوا رجليهم والقبر) يعاكسون
هذا الموضوع لا يحتاج الى كثرة الكلام فمادام غاب اللوعى الدينى و نسيان غض البصر الذى هو امر من امور الله عز وجل فسيستمر الحال كما هو عليه

عجبتنى كل ردودكم بس فعلا احيانا بتكون البنت كمان منتقبه وبتتعاكس وسمعت واحد بيعاكس زميله ليا منتقبه بيقولها دا انتى لبساه من الشمس طيب يبقا البنات فعلا منهم مظلوم كمان موضوع اللبس دا حريه شخصيه احيانا بتكون البنت لابسه فعلا لبس مش بدافع عنها عارفه بيكون مثير وكدا بس لو عرفتها هتلاقيها محترمه
المشكله وحلها اقدر اقوله
المشكله المعاكسه فى الشارع
حلها لو ان كل شاب بص للبنت اللى قدامه دى على انها اخته او امه دا لو هيقول مليش اخوات بنات كان زمان مفيش مشكله بس للاسف مفيش حد بيعمل كدا الكل مفكر ان اخته برا المقارنه من البنت اللى بيعاكسها مش عارف ان اخته لما بتخرج برا فى الشارع بتتقرف من المعاكسات بس فعلا فى مقوله بتقول (كما تدين تدان)
فياريت كل واحدمن الشباب يراعى ربنا فى البنت اللى قدامه فى الشارع علشان غيره يراعى ربنا فى اخته وامه وبنته مستقبلا
لاننا لو فضلنا كدا هنبقى فعلا فى غابه وكل مدى ما هتزيد الوحشيه والحجات اللى بنسمع عنها
تقولوا ايه فى واحد اغتصب عجوز عندها فوق ال70 سنه طيب دى ممكن تفسروا ليا كانت لابسه البدى والاستريتش ولا حملات
بس الظاهر انه بقا وباء بينا زى انفلوانزا الطيور والخنازير دى انفلوانزا عدم الضمير
شكرا على الموضوع الهايل دا ويارب الكل يستفيد من الكلام اللى قالوه كل الاعضاء

[b]

This image has been resized. Click this bar to view the full image. The original image is sized 650x458 and weights 64KB.

[/b]