هل يوجد سبب يبرر معاكسة الولاد للبنات؟؟؟؟؟؟؟

أثناء تصفحى فى الشبكه اللى بيقولوا عليها عنكبوتيه ومن غير قصد وقعت عينى على الموضوع ده وأعجبنى فيه أنه بيعرض مشكله موجوده فى مجتمعنا المصرى بس بطريقه ظريفه أشبه ما تكون دعابه لطيفه لكن هاتوصلنا فكره ليست صغيره وللسبب ده أنا نقلتها علشان نفتح باب الحوار والمناقشه فى المشكله الجامده دى ونحاول نلقيلها حل.





المعاكسة حق تجاه اي بنت نازلة الشارع وتاعبة نفسها ومتشيكه وحاطة ميكب ونازلة
تقول للأرض اتهدي ما عليكي ادي ... عايزين ايه من الشباب يعني ... مش لازم
يشجعوا المنتج المحلي... وكمان لما البنت دي تتعاكس والشباب يقرفها في
الشارع اكيد هاتتربى وهاتتعلم الادب وتنزل الشارع بعد كده محترمة ....
ماهى لو محترمة والله ما كانش حد قرب ناحيتها .
بس في مشكلة ...
البنت
اللي لبسها كويس ولابسة اسدال كمان او خمار بتتعاكس ليه.؟؟؟.... ايه اللي
بتتعاكس ليه ... اكيد ماشية تتمايع وتضحك في الشارع وحاطة ميكب اد كده
....لازم تتربى بردو وتنزل الشارع محترمه ... ساكتة ولا تنطق من اساسه ...
مش بقولكم واجب قومي ....
طب واللي ماشية لابسه
محترم ولا حاطة ميكب ولا غيره وماشية في حالها لا بتضحك ولا بتتمايع ماشية
في حالها ... ...لأه بقى ما هي نازلة الشارع وحدها وقاصدة تتعاكس ايه اللي
منزلها الشارع وحدها وهي عارفة الشوارع بقت عاملة ازاي ... ماهي لو محترمة
بجد كانت نزلت مع باباها ولا اخوها ولا خطيبها حتى ... دي عايزة تعمل
محترمة وتضحك عالشباب وتجيب عريس ...
طب
واللي نازلة مع اخوها ولا خطيبها ولا حتى جوزها (مش نازلة وحدها اهو)
ويطلع لها واحد من ورا خطيبها ولا اخوها بيبصبص ليها كده من ورا ظهر
الراجل الغلبان وعمال يشاور ويعمل حركات ويقرفها ... ... يا
سلاااااااااااام ومين قاللك ان ده خطيبها ولا اخوها .. تلاقيها الواد اللي
ماشية معاه ماهو لو كان خطيبها كان قعد يشوفها في بيتهم ويبطلوا صرمحة في
الشوارع ... مش بقولكم واجب قومي علشان البلد والله....

طب
واللي واقفه في البلكونه الغلبانه بتنشر ولا بتجيب حاجة بالسبت بيطلع لها
ميت واحد من الشارع راصدينها واللي يعاكس واللي يشاور.. الله ما هي
قاصداها اهي وطالعة البلكونة علشان الناس تشوفها وتتعاكس .. هي اللي عاوزة
تتعاكس من الاساس ..... هي ايه اللي طلعها البلكونة من الاساس .. تنشر ..
هههه دي تلاكيك يا عمنا ... دي عاوزة تتعاكس ... ماهى لو محترمة والله ما
كانش حد هيقرب ناحيتها ...

طب واللي قاعدة
في بيتها يا ناس .. ويطلعلها من الشباك اللي عمال يبص ويبحلق فيها
ويعاكسها ... شوفت اديك قلت بنفسك ياعم ... هيا اللي فاتحة الشباك علشان
الراجل ده يشوفها ويعاكسها ... وتلاقيها كانت بتتمخطر قدامه رايحة جاية
ومتشيكه علشان يشوفها ويعاكسها .. هي لو محترمة تفضل في بيتها وتقفل
الشبابيك والبلكونات والبيبان كلها وتقعد تحت السرير كمان علشان تبقى بنت
محترمة بصحيح ومحدش يشوفها خااااااالص وتدفن نفسها بالمرة...

على
فكرة انا بوضح لكم ان اللى بيعاكس بيحلل تصرفاته على انه صح وبيقنع نفسه
بكدة بس هى غلط مية فى المية مش عايز اى بنت تزعل منى انا طبعا معاكم يا
بنات و كمان يعنى الشباب ما يسقوش فيها ده كله كلام غلط

اقتباس :

هي لو محترمة تفضل في بيتها وتقفل
الشبابيك والبلكونات والبيبان كلها وتقعد تحت السرير كمان علشان تبقى بنت
محترمة بصحيح ومحدش يشوفها خااااااالص وتدفن نفسها بالمرة...

شكلك متعرفش إن فيه ناس متخصصه فى المعاكسه تحت الأرض وفى الميه كمان وجوه

الحيط وجمب الفرن وعلى الجليد وعلى الأطلال ورصيف نمره خمسه والشارع زحاااااااام!!

المجتمع يحتاج إلى عمره شامله وإعادة هيكله من جديد وسمكرة أيضا فى الفعل ورد الفعل

وما يجب فعله وما لا يجب فعله والمعمول به والزائف من القول والعمل والنيه وخلافه.

أخيرا ربنا يصلح الحال وبالطريقه دى يبقى نعمل عملية "وأد للبنات" ونخلص بقى !!!

والله الموفق

صدقني ليس العيب في الشاب او الفتاة فقط :)


ان اهم سبب لانتشار مثل تلك العادات السيئة هو ما يبث ليل نهار على شاشات السينما والتلفاز من ان مثل تلك الامور لا شيء فيها بل يجب ان تحدث في مرحلة معينة .


بالاضافة الى السبب الرئيس والاقوى وهو غياب " الامر بالمعروف والنهي عن المنكر "

فهذا افضل علاج لكثير من الفاقات التي اصابت المجتمع


وصدقني معاكسة الفتيات اهون بكثير من سب الدين او اسب الله عزو جل او استخدام الالفاظ الشركية تعالى الله علوا كبيرا عما يشركون

^^^^^^^

مع احترامي :) المقصد من كلامي ان غياب الامر بالمعروف والنهي عن المنكر ادى الى ذنوب اقوى واشد بكثير من ذنب معاكسة الفتيات فربما يكون هذا


فسب الدين والعياذ بالله عمل قد يؤدي الى الكفر والخروج عن الملة كذلك المعتقدات الشركية التي انتشرت كلها والعياذ بالله تقدح في العقيدة ولا شك ان كلاهم شر مستطير

ولكن كما للخير مراتب فلشر مراتب واقسام مع اتفاقنا ان كلا هذه الامور شر مطلق .

نعود لموضوعنا نعم الفراغ مفسدة للمرء اي مفسدة والفراغ هو الداء وغياب الاهداف السليمة هو ايضا من الداء


واكبر داء والعياذ بالله هو الابتعاد عن المنهج الرباني

انا ممكن اشارك براى فى الموضوع ده مع انى بنت انا عارفه ان الموضوع بالصوره الاولى للشباب لكن فى جزء ومش صغير على البنات
انا معاكم ان فى فئه من البنات بتكون فعلا نازله عشان المعاكسه سواء بطريقة البس او طريقة الكلام او طريقة المشى او وقت النزول وده عليه عامل مهم جدا ومكان النزول كمان ده اهم واهم
فلو كل واحده اخدت بالها من الحاجات دى هنخلص من جزء كبير من المشكله
بس المشكله الاكبر فعلا ان فى بنات بتكون عامله كل اللى قلت عليه ومفيش ميكب ولبس محترم واسدال وصوتها واطى والمكاناللى هى فيه محترم وماشيه مع ناس محترمين وكل شئ تمام بس برضو بتتعاكس السؤال المحير بقى ايه سبب المعاكسه فى حاله زى دى ؟؟؟؟؟؟؟؟؟؟؟؟؟؟؟
دى بيكون ليها كذا سبب ان فى ولاد بيعاكسو للمعاكسه هى بتبقى كلمه واقفه فى زوره بيقولها وخلاص مهما كانت اللى قدامه شكلها ايه وفى راى كمان سمعته كان غريب اوى وده كان عن طريق حوار فى التليفزيون عن نفس الموضوع وكان راى بعض الشباب انهم بيعملو كدا مع دى بالذات عشان هى متغطيه اوى ونفسه يعرف فى ايه ورا اللى هيا لابساه ده ؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!! ده كان اغرب راى سمعته فى الموضوع ده وده بيثبت ان دول شباب مرضى بالمعاكسه وعندهم امراض نفسيه "ربنا يشفيهم"
وده طبعا زود موضوع التحرش واللمس والكلام الخارج زياده عن اللزوم وانتو بجد متقدروش تتصورو وضع البنت وشكلها لما بيتقالها الكلام ده وخصوصا لما تكون هى مش من طبعها كده ولا قصدها انها تعمل حاجه يكون رد الفعل عليها كده بجد بتكون فى قمة احراجها وكسوفها ونرفزتها
بجد الموضوع زاد عن حده اوىىىىىىىىى لدرجة انى سمعة حكايه عجيبه اوى فى واحد من ضمن الشباب اللى بيعاكسو وكان ماشى فى الشارع مع اصحابو وشاف مجموعة بنات ماشين وعاكسهم كالعاده والمزهل بقى ان كان من ضمن البنات دول اخته انتو متخيلين الوضع لما يفاجئ انه بيعاكس اخته مع اصحابه !!!!!!!!!!!!!!!!!!!!!!
انهى رجوله ونخوه وشهامه اللى تخلى الولاد يعملو كده وحتحس بايه لو انت ماشى فى الشارع وكانت اختك ماشيه وشوفت واحد بيعاكسها وانت متعرفوش وقبلها انت كنت اصلا بتعاكس واحده تانى انهى وضع ده اللى يسمح بكده وانهى دين وانهى شرع وانهى اخلاق ؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!
الموضوع عايز كلااااااااااااااااااااااام كتيييييييييييييييييييييييييييييييييييييييييير قوىىىىىىىىىىىىىىىىى
بس كل اللى فى ايدينا دلوقتى اانا ندعى لكل الشباب والبنات ان ربنا يهديهم ويصلح حالهم ويصلح عقولهم ويهدينا جميعا

للاسف اغلبكم اهمل الدور المهم في الامر بلمعروف والنهي عن المنكر
عن حذيفة بن اليمان -رضي الله عنهما- عن النبي -صلى الله عليه وسلم- قال:
( والذي نفسي بيده لتأمرن بالمعروف ولتنهون عن المنكر، أو ليوشكن الله أن يبعث عليكم عقابا منه، ثم تدعون فلا يستجاب لكم )
الترمذي (2169)
وذكر الإمام أحمد -رحمه الله- عن عمر بن الخطاب -رضي الله عنه-: "يوشك القرى أن تخرب وهي عامرة. قالوا: كيف تخرب وهي عامرة؟ قال: إذا علا فجارها أبرارها، وساد القبيلة منافقوها

أنه إذ رأى المنكر يفعل ولم ينكر على صاحبه وهو قادر شاركه في الإثم والوزر والعار.
ويدل على هذا حديث أبي سعيد قال: سمعت رسول الله -صلى الله عليه وسلم- يقول: من رأى منكم منكرًا فليغيره بيده، فإن لم يستطع فبلسانه، فإن لم يستطع فبقلبه وذلك أضعف الإيمان .
قال ابن النحاس تعليقًا على هذا الحديث بعد سياق رواية النسائي لهذا الحديث بلفظ: قال رسول الله -صلى الله عليه وسلم-: من رأى منكم منكرًا فغيَّره بيده فقد برئ، ومن لم يستطع أن يغيره بيده فغيَّره فبلسانه فقد برئ، ومن لم يستطع أن يغيره بلسانه فغيره بقلبه فقد برئ وذلك أضعف الإيمان .
قال ما نصه: "قوله فقد برئ، أي من الإثم بإنكاره، وفيه الدليل الواضح على أن من استطاع الإنكار فلم ينكر أنه غير بريء من الإثم، بل هو شريك فيه كما سيأتي والله أعلم اهـ .
وقال القرطبي في تفسيره على قوله تعالى: وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللَّهِ يُكْفَرُ بِهَا وَيُسْتَهْزَأُ بِهَا فَلَا تَقْعُدُوا مَعَهُمْ حَتَّى يَخُوضُوا فِي حَدِيثٍ غَيْرِهِ إِنَّكُمْ إِذًا مِثْلُهُمْ .
قال: (فدل بهذا على وجوب اجتناب أصحاب المعاصي إذا ظهر منهم منكر؛ لأن من لم يجتنبهم فقد رضي فعلهم، والرضا بالكفر كفر، قال الله: إِنَّكُمْ إِذًا مِثْلُهُمْ فكل من جلس في مجلس معصية ولم ينكر عليهم يكون معهم في الوزر سواء، وينبغي أن ينكر عليهم إذا تكلموا بالمعصية وعملوا بها، فإن لم يقدر على النكير عليهم، فينبغي أن يقوم عنهم حتى لا يكون من أهل هذه الآية) انتهى .
وقال الشيخ عبد الرحمن بن سعدي في تفسيره على آية النساء السابقة: فَلَا تَقْعُدُوا مَعَهُمْ قال: "وكذلك يدخل فيه -أي في ضد تعظيم آيات الله وإجلالها وتفخيمها - حضور مجالس المعاصي والفسوق التي يستهان فيها بأوامر الله ونواهيه، وتقتحم حدوده التي حدّها لعباده - ثم قال على قوله: إِنَّكُمْ إِذًا مِثْلُهُمْ لأنكم رضيتم بكفرهم واستهزائهم، والراضي بالمعصية كالفاعل لها، والحاصل، أن من حضر مجلسا يعصى الله به، فإنه يتعين عليه الإنكار عليهم أو القيام على عدمها اهـ .

اسمحولى اشارك معاكم فى الموضوع :مينفعش اقول انى البنت بس هى الغلطانه او الولد بس البنت اليه نازله لبسه لبس مش كويس من بيتها تستهال تتعاكس وتستهال اليه يجرلها لكن البنت اليه لبسه محترم تتعاكس ليه؟ طبعا لانى فى ولاد مش محترمه ومش بتراعى انى اليه ماشيه ده ممكن تكون اخته او امه وانا شايفه انى النتيجه اليه وصلتنا للاخلاق المنحله ده هو الاختلاط بين الولاد والبنات لانى الدين حرم الاختلاط ومنعه بس للاسف مفيش فايده محدش بينفذ اوامر الدين نهائى مع اننا لو اتبعناها حنكون احسن امه فى العالم بس كل حاجه بتدعو للانحراف وعدم الاخلاق يعنى فى التلفزيون تشوف الافلام وكلها حب وكلام فاضى ومسخره وطبعا الشباب عوز يقلد اليه بيشوفه وتلاقى برضه بيعرضوا الصحابيه فى الجامعه وزميلى وزملتى والموضوع ينتهى بقصه حب فى الاخر وطبعا الشباب عوز يجرب المشكله هى مشكله مجتمع عوز يتغير فى عاداته ومفاهيمه والتزامه بالدين لانى معظم الناس اخذوا من الاسلام الاسم فقط وهو ان يكون مسلم ولكن لم ياخذه بقلبه وافعاله وتصرفاته انا اسفه انى طولت عليكم واتمنى من الله الهدايه لى ولكم

[quote="محمد عمر غلاب"]في البداية أحييك يا بشمهندس علي الموضوع المهم ولكن
أنا شايف الناس مستغربة أن الحاجات دي بتحصل في مجتمعاتنا الشرقية ولكني لست كذلك!!!

فماذا تنتظرون من شباب أصبحت عقولهم خاوية وخربة
ماذا تنتظرون من شباب ألغيت شخصياتهم وغيبت عقولهم
ماذا تنتظرون من شباب أصبح التقليد الأعمي واللهاث وراء كل ما هو غريب وشاذ هو سمتهم
ماذا تنتظرون من شباب انشغل عنهم أهلهم وتركوهم دون اهتمام بتربيتهم
ماذا تنتظرون من شباب أصبح قدوتهم من المخنثين وأشباه الرجال يقلدونهم في كل ما يفعلون
ماذا تنتظرون من شباب فقدوا كل دافع للحياة الكريمة النظيفة
ماذا تنتظرون من شباب استشري فيهم الإدمان بصورة مخيفة ومرعبة
ماذا تنتظرون من شباب يستقي ثقافته من اعلام فاسد إما موجه أو منحل لا هدف له
ماذا تنتظرون من شباب انعدم فيهم الوازع الديني والأخلاقي

وأنا هنا لا أبحث عن مبررات لهؤلاء الشباب ولكن يجب أن نعرف أولا ماذا حدث لهم
ليفعلوا مثل هذه الأفعال المهينة والتصرفات المزرية







ايه يعنى شباب عقولهم فارغه...الدنيا مش كده ياعم بس القصه ان البنت لو نزلت مثلا محترمه من غير (......)والله ما فيه حد حيستجرى يبصلها حتى وهيا ماشيه ......عمرك يعنى شوفت واحد بيعاكس واحده لابسه اسدال مثلا
والله يتكسف يعاكسها يا عم...

انامش هقول اكتر من الكلام اللى قالى البشمهندس يحيي فرح

يمكن دى أول مرة اشارك فيها فى المنتدى وأول مرة أشوف المنتدى اللى الكل بيتكلم عليه فى
الكلية ولكنى دخلته لشخص واحد أو لإنسانة واحدة أنا بقدرها وبحترمها جدا جدا وأول موضوع لفت نظرى هو الموضوع ده وخصوصا أن البرنس يحيى وغيره ليهم رأى أنا غير موافق عليه اطلاقا وده شئ يرجع لتفكير كل واحد فينا والغريبة فعلا أنى"بحب انسانة فعلا بتحط مكياج ولبسها فى غاية الشياكة والجمال ومتفوقة فى دراستها ومحترمة جدا جدا جدا والادب والعقل اللى فيها فعلا بالدنيا وما فيها وده شئ بجد أنا حسيته فيها ومن تعاملها مع أى حد وده شئ بيفرحنى وبحس فعلا ان اختيارى فى محله بالرغم من أنها متعرفش انى معجب بيها وتخيل بقى أن اللى لفت نظرى ليها مش المكياج والشياكة فى اللبس وغيره لأ احترامها لنفسها وكلامها وتصرفتها فى نظري أكبر دليل على انها بجد الانسانة اللى اى انسان يقدر يثق فيها ويأمنها على نفسه وبيته وعياله وده مش رأيى لوحدى ولكن رأيى ناس كتير حاولوا يتقربوا ليها ولكنها من اللى شفته بجد من أجمل وأكتر البنات احترام فى نظري" وأنا بعتذر لو كنت طولت عليكم ولكن ده رأيى ورأيى ناس كتير أوى من الشباب اللى بيعرف يميز أوى وعن تجربة بين البنت المحترمة طالما احترامها لنفسها وبين البنت اللى مش محترمة مهما كان تدينها فى لبسهاوشكلها
وأنا أحب اتفق بالرأى مع البشمهندس/أتحدى العالم وأقدر أوصلها لأنه بجد جاب المفيد وكل اللى كنت عايز أقوله

لو كل واحد حس ان ربنا مش هيسيبه بعد الظلم اللي عمله ده
لاني من وجهة نظري اللي بيعاكس بيظلم البنت اللي عاكسها
لو كل واحد حس فعلا انه كله سلف ودين وكما تدين تدان بكده
اعتقد ان جزء كبير من المشكلة هيكون اتحل