حملة لمكافحة الشباب الفاشلين في مصر !!!!

جوانب المشكله كبيره يا صاحبى وهى

أولا عدم وجود وظيفه للشاب أو توفيرها من الحكومه فنجد أن الشاب بينساق بسهوله إلى

الشهوات والمغريات الفاسده من مخدرات وخلافه كى ينسى بها الأمر الواقع أو ما يدور

حوله أو نظرة المجتمع ليه كعاطل .

ثانيا لو وجدت الوظيفه ستجد أن المرتب لا يكفى لشرب الماء فقط وليس للأكل أو لشراء

أى شىء فده برضو بيؤدى إلى طرق أخرى من الإنحراف أو طرق جلب المال وطبعا

الحرام بيبقى أسهل وأوفر فى الكمية وأكتر فى الإنتشار.

ثالثا الزواج للشباب وإرتفاع تكاليف الزواج وطلب العروسه أو أهلها مبالغ "تقطم الوسط"

بدعوى تأمين مستقبل بنتهم والكلام الفارغ ده وطبعا اللى بيروح فى الرجلين الشاب أكيد.

رابعا المخدرات لو منعت وأحكم الغلق من الحدود وغيرها لصلح الحال أكثر ولكن الحكومه

والبلد عارفه إن الحاجات دى بتتهرب وسايباها بمزاجها وربما ساعات بتحث عليها عشان

الشعب يتسطل ويبقى مغيب وأكبر دليل أسوان " ما شاء الله " الحشيش أكتر من البنى

آدمين وشىء عادى جدا وسهل جدا ودى مصيبه طبعا للأسق محدش قادر يوقفها أو يلمها.

خامسا غياب الدين برضو والبعد عنه بيؤدى للكلام ده والإنسياق إليه.

أخيرا اللى عاوز أقول لفظ الفشل يطلق على الشاب عندما يجد ظروف متاحه أو معامله

كويسه من المجتمع وبعدين يغلط فيبقى فاشل إنما أصلا مش لاقى ياكل ولا يشرب ووراه

مثلا اسرته بيصرف عليها وهكذا فأكيد هيلجأ لأسلوب ملتوى عشان يعمل حاجه.

والله الموفق