لعبه جديده ممكن من خلالها تبقى أمير او أميره جرب وشوف!!!!!!

تذكير بمساهمة فاتح الموضوع :

بصو بقى اللعبه بتقول اللى حيوصل للرقم عشره هيبقى امير او اميره المنتدى كله بس
مش هيبقى امير او اميره علطول لأ طبعا كل مهنوصل للرقم عشره هنبتدى نعد من تانى والامير
او الاميره القديم مش هيقدر يعد معانا علشان مينفعش ياخد لقب امير او اميره مرتين وره بعض انما ممكن يشارك
بتعليقات كأمير او كأميره والعضو كمان لازم يلتزم بانه ميعدش مرتين وره بعض لازم هوه مره وشخص
تانى مره ولو عاوز هوه وراه يبقى عادى اوكى نبتدى اللعبه ولما نشوف مين هيبقى اول أمير للمنتدى...

يا ريت تبقى الأسئله فى إطار إنى الناس متزعلش من بعضها وقسم اللعب ده للعب فقط
مش للزعل وإننا نشيل من بعض أو نقول مش هنخش المنتدى علشان كلمه لأ
المفروض إنى أحنا نراعى واجب الزماله والأخوه بين كل عضو والتانى وبخصوص الأسئله
فالغرض منها إضافه بعد تالت للعبه وجعلها أكثر فاعليه وجمال مش إنى أحنا نزعل من بعض
ونبعد عن الهدف الرئيسى للمنتدى فى إنه يجمعنا لذلك قررنا التالى:-
أى عضو يحصل على لقب الاماره وعضو أخر سأله ومكنش عاوز يجاوب فيقول "لا تعليق"
وبس وبكده محدش يتحرج ولا حاجه.

وانا بقول ثلاثة علي العموم انا بحب رقم 3 يا رب ابقي امير وبقي دكتاتور كده وبهدل العالم ويسموني (هتلر 2) اصل انا عندي طموح

وانا بقول سبعه ولامواخزة اصل دراجون ماخدش باله من العد عارفين الي هيبقي امير غيري هعمل عليه انقلاب وغير نظام الموضوع من ملكي لجمهوري نار

وابقوا ابلوني لو حد عرف يزحزحني بيضحك

هنعمل انتخابات وهخليهالكم 99.999ياعني عشان تبقي متفبركه ياعني وهعدلكوا دستور المنتدي واللعبه وهخليكوا تصوتوا affraid

من غباء التعديل ....اخ اصدي تصوتوا للتعديل كويس

اصل انا ديموقراطي ((هل انتا من المؤيدين غمزه

لي ام من المعارضين نار

)) انا كلمت كموله :>>>&g عشان يبقي ماسك الحملة الانتخابي بتاعتي بعد الانقلاب وان شاء الله هيحبهالي 99.99 وححصل طب بازن الله

ايوه يا عم بهدلنا بهدل وودينا المعتقل بدرى ربنا يستر
وبقول8.

وبقول 9

هييييييييييييييييه بقيت الامير اوع وشك
مزأطط

هقولكم بقي على القوانين الجديدة بس بعدين

حالة طورايء ياد منك ليه

كده اخدتوني في دوكه ولا بقيت لا امير ولا غفير Pudently

ومنظري ايه كمان قدام الدول الي مالهاش دعوه ببعض هاه بيبكى

ليه كده ياولادي مش حلو

قرفانين مني ولا ايه قلب

ده انا حتى بحبكم بيسوق بسرعه

ولا انا لازم اتهور عليكم واعلن قانون طواريء واخليكم تزعلو مني نار

وابقي بدل مانا كويس

هبقي

خليكم فاكرين بيدخن

ومتنسونيش

ياجماعه اني بقيت الامير تعظيم سلام

عشان انغنكم فلوس كتير

واهيصكم

وافرفشكم

وااظبطلكم الواد مدير المنتدي كمبيوتر

والنائب بتاع

الي على طول بياكل واصحيلكم الناس الي نايم

زي ولا بلاش اوك انا حبيت افكركم بس بحلقه

قبل الصيام الدنيا حر

وكده

ايه ده مستحيل ظبطنى فعلا على العموم هنعد معاك اهوه يلا يا عم ابسط
وهسألك وأقولك بس متتكسفش وجاوب بصراحه.
أبوك ضربك كام مره؟؟وبتحب مامتك ولا لأ؟؟؟ وايه مواصفات فتاه احلامك "بس متقولش طيبه
وحلوه وبنت ناس ومتدينه بلاش الكلام اللى عليه التراب ده"؟؟؟وهل كان نفسك تطلع مهندس؟؟؟
وقسم ايه لو نفسك؟؟ولو مش نفسك يبقى كان نفسك تطلع ايه؟؟؟

يلا بقى.

ونسيت أعد وبقول واحد.

بسم الله

ابويا ضربني كتيييييييير بس اخر مرة كان في اوله ثانويه عشان قولت للاستاذ انتا مش بتعرف تشرح ولو كنت بتعرف تشرح صح كان اقل واحد عقلا كان فهم وطبعا ده كان العبد لله طبعا ابني بحب امي امي دي اهم حاجة عندي في الدنيا ومفيش حد لا هي ولا ابويا يبقوا اغلى عندي منهم بعد الله ورسوله طبعا وعلى فكرة يكفي ان امي خاتمة القران منذ سنة وهي تحفظ القران باحد اكبر مساجد تحفيظ القران باسوان وابويا ماننسهوش ياعم حبار ده بجد لو طلب عيني او روحي واالله فداه مش قادر اقولك كده ايه هو طيب وحنين وامي بردوا نفس النظام واخواتي كمان لو شكت واحد فيهم ابرة بجد كان سكينة دخلت فيا مش ابرة دول غالييين عليا جداااااا
بالنسبة لفتاة احلامي وهي الي هتاجي طبعا بعد مرتبة المحبة لوالدي ووالدتي وفي نفس محبتى لاخواتي انها اولا تكون متدينة بمعني الكلمة ذات عائله محترمة وهي تكون ذات تفكير منطقي ياعني مخها كبير يوزن بلد وتكون مرنة في التفكير ياعني مش متحجرة او متعصبة تكون هدفها الاول ولاخير هو رعاية زوجها الاهتمام بالمنزل والاولاد والحرص على ان تساعدني ف ان نخرج جيلا يفخر به سيدنا محمد صلى الله عليه وسلم امام الامم يوم القيامه ومن الشروط الاساسيه والاخيرة تكون على قدر من الجمال وذات انوثه معتدله ياعني مش مدلعه اووووي ولا راجل اوي
انا بصراحة من ساعة لما كنت في الابتدائي لغاية اولي ثانوي انا كان قدوتي دكتور مجدي يعقوب وكان نفسي ابقي من امهر جراحين مصر وخصوصا في جراحة القلب بس لما دخلت الثانوي لاقيت ميولي الرياية اكتر من العلمية فقررت ان ابقي مهندس وكان نفسي ابقي مهندس ميكانيكا لاني بحب الفك والتركيب ونسيت اقولك ان انا زمان كنت بضرب كتير عشان كنت بفك الحاجات عشان اعرف بتشتغل ازاي ومعرفش اركبها اخر حاجة كانت هتبوظ كان جهاز تلفزيون من ستر ربنا ان عملت قصر ففصل كهربة البيت لولا كده كان زماني مقابل رب كريم لان لاقيت ان التلفزيون كان فية 8كيلوفولت DCوطبعا لازم تبعد عن كل كيلو واحد سم ياعني كان زماني متكهرب قبل مالمس السلكه ب8سم
المهم لا قيت ياعم بتوع الميكانيكا عاوزين واحد مخه صواميله فكه روحت محول على قسم كهربه في المعهد الفني وبعد كده عرفت من خلال السنتين دول ان الكهربه صعب عليا ان استوعبها فقررت ادخل مدنى لاني الي بدرسه بشوف ((وبين وبينكم انا استقربتها لانها اول دور وطبعا كان عمارة مستبعد لانة اخر دور وكهربة كمان قولت لسه هطلع لغاية كهربه روحت داخل مدني ))

يا ريتنى ما سألتك كل دى أحداث فى حياتك ما شاء الله بس بصراحه أنت القلب الكبير
أنت نعمت واحسان بحمتك تختال علينا ومش هقدر اعد مرتين ورا بعض لما ييجى غيرى وبعدين انا علشان القوانين.

وبقول 2 وبسالك انته تخيين ولا لا

hhhhhhhhhhhhhh

b2ol TWO wbs2l godzilla

2nt a5dt rashwa 2bl keda???

بسم الله

اولا تقدر تقول انا تخين بس مش بمعني التخن الي مفهموم لنا احنا بنقول تخين ياعني لما تلاقي واحد قصير ووزنه كتير بيباان عليه التخن اما بالنسبه ليا فهو في وزن زائد وطول فالتخن مش واضح تقدر تقول ضخم عشان كده سموني جودزيلا انا طولي 190سم ووزني 112 كيلو عمري ماخدت رشوة بالعكس انا في الشغل ممكن ابقي وحش لاني مش بعرف المجاملات في الشغل عندي مهمه ولازم تتنفذ صاحبي وصديقي برة الشغل جوة احنا كل واحد ليه مهامه والي يقصر في مهامة معرفتة ماتعفيهوش من العقاب لان ده شغل منظومة متكامله مينفعش فيها اي طرف يرخى ولا كل الاطراف هترخي وتدخل الكوسه والمحسوبيه ويبوظ الشغل وقدوتي في اسلوب العمل الانجليز ولاجانب بوجه عام
احب اذكركم ان دي اخر مرة ادخل فيها المنتدي واشارك لغاية نهاية شهر رمضان وكل سنة وانتم طيبين ومتنسوش تبعتوا الكحك على القصر بتاعي في اسوان هه

انا جييييييييييييييييييييييييييييييييييت يابنى ادمين

وبما ان انا اميره اصلا يبقى لازم يبقى فى مجاملات ورشاوى وكلام من ده
وبما ان اخر حد قال 2
يبقى اقول 3333333

ومش عارفه بقى الامير بيقول مش هيبقى موجود بس لمحته ولازم يجاوب بقى بلطجه
وسورى بقى من الاول لو سؤال اتكرر ولا حاجه مهو مش معقوله هعد اقرا كل اللى فات ده هو كفايه اوى اول صفحه والاخير

واحب اسئله يالهوى انت طولك 190 ياترى بتلاقى هدوم على ادك؟

4 وأمرى إلى الله يامش أنا

خمسه وخميسه في عين الي مايصلي على النبي ايه محسساني اني هركليز هما 190سم هو احنا قلنا 190 كيلو وعلى العموم انا بيطلع عيني عشان الاقي لبس وبطر ساعات اروح للقاهره عشان الاقي

وهاه وانتا مش عاوز تسال ياسييف الاسلام

هههههههههههههههههه

شكلك بترسم على الأمير ياجودزيلا ودلوقتى أنا مش مشكلة هسألك بس لو كنت التاسع مكنتش هتسمع خبر
مين أكتر معيد بتحبه فى الكلية ومين أكتر دكتور ومين أكتر طالب وايه رأيك فى الكلية لو دخلت مقارنة مع باقى كليات الجمهورية

لا ياعم مينفعش ابقي امير مرتين ورا بعض عشان مش بعد مش ملاحظ كده ولا ايه ياهندسة

وبالنسبة لاكتر معيد بحبة واحترمة هما بصراحة كتااااااااار جدا عندك م/ اشرف عبد المبدي وعندك م/حكمت وم/محمد الصحابي وم/عمر حمدي وم/ اشرف طلعت وم/صلاح وم/ عادل امين وم/ العطار دول ناس بجد محترمة وبحبهم جدا
اما بقي اكتر دكتور هو دكتور عبد المجيد وبعد كده دكتور هاني السيد لان بجد الناس دي عندها ضمير وبالنسبة للطالب مفيش والله حد محدد بس انا بحب الطلبة الملتزمة والمحترمة وذات عقلية متفتحة مدركة انها في هندسة بصراحة بالنسبة للمقارنة فهي فااااااااااااااااشلة الكلية دي خرابة بالنسبة للباقي شوف اسيوط والقاهره واسكندريو وغيرة وغيرة احنا ان شاء الله من خلال الاسرة عاوزين نعمل كتير بس عاوزين مجهود طلبة معانا بجد ياجماعه لو كل واحد عمل حاجة صغيرة هيطلع شغل كبير وهتبقي الكليه حاجة تااااااااااااااااااني خالص وهتبقي ساعتها المقارنة تفرق وانا بجد مستعد اعمل اي حاة في الكلية عشان نرفع من مستواها في كل حاجة علميا ومظهرا ومضمونا وكل حاجة ياعني نخلي راسنا براس اسيوط والقاهرة والاسكندرية وعين شمس مانبقاش صفر على الشمال زي باقي الهندسات زي شبين الكوم والحاجات الي محدش سامعه عنها وربنا يهدي الجميع ويجعله عامر

كلامك صحيح ياجودزيلا

بس أنا شايف أن برغم المساوئ الكتير برضه فى حاجات كتير كويسة
ومتنساش إن المعدل اللى ماشية بيه الكلية دلوقتى مع أن الكلية تعتبر لسة جديدة معدل رهيب
وانا شايف أن فى طفرة بوجه عام فى الكلية فى الكام سنة الأخيرة
ودا إلى جانب نجاح الكثير من خريجى الكلية فى العمل الخارجى ودا فعلا شىء ملموس
ومتنساش أن كليتنا من أحسن الكليات من حيث التقرب بين الطلبة وأعضاء هيء التدريس
سهل جدا تقول أى شىء للدكتور أو المعيد
وعلى فكرة الكلام دا صعب تلاقيه فى أى كلية تانى وانا والله جربته فى أحد كليات الجمهورية المشهورة تحس إن الطلبة فى عالم وأعضاء هيئة التدريس فى عالم تانى خالص التواصل بينهم صعب جدا فياريت كمان ندى الكلية حقها ياجودزيلا
المهم السؤال:
إنت ساكن فين فى أسوان؟؟؟؟؟؟؟؟؟؟؟؟؟

على فكره عد جودزيلا لاغى لأنه الأمير والأمير ميعدش طبعا
وبقول خمسه
وبسأل جودزيلا ذاكرت سويل ولا لسه وايه انطباعك بالنسبه للمواد بتاعتك الجديده؟؟

هاخدها هاخدها

66666666666666666666666
ياجودزيلا بتعرف تلعب شطرنج

بالنسبة للسكن انا ساكن في مدينة ناصر بجوار البيت النوبي والي عاوز يزور البيت النوبي يقولي وياهلا وسهلا بيه

وبالنسبة للسويل ولا فاهم اي حاجة عمال نترجم ولا فاهمين همما عاوزين ايه وبالنسبة للمواد السنة دي ان شاء الله خير بس انا خايف منها بس لان فيه غموض بيني وبين المواد وان شاء الله مع المزاكرة الغموض ده هيتشال وكله يبقي تماام وبالنسبة للشطرنج انا عارف العب بس ماليش دماغ ليها او بمعني اصح ماليش صبر على اللعبة

ماشى ياجودزيلا نفدت منى دا أنا كنت هقطعك

وبالنسبة للسويل بالعكس المادة لذيذة جدا بس إنت ركز مع الدكتور كمال واحضر وحاول متفوتش أى محاضرة وهتلاقيه بيلمح كدة فة المحاضرات يتاعته عن حاجات معينة او بيركز ويعيد ويزيد فى حاجات معينة(والحدق يفهم) وعلى فكرة الدكتور كمال رهيييييييييييييييييييييييييب فى السويل وبيقول معلومات خطيرة بس حاول تكتب كل حاجة هو بيقولها وإن شاء الله هتستفيد جدا وحاول متركنش المحاضرة يعنى ذاكرها اول باول و متحسسش نفسك إنك مش فاهم المهم تواظب على الحضور والتركيز وتمشى فى المادة وإن شاء الله (التقدير سهل)

7

حلوه حته الدق يفهم دى

المهم معاك بطاقه ياض ودفعت فلوس الكارنيه ولا لسه علشان مينفعش تخش الاتحاد من غير متدفع
وفيه سؤال تانى أنت بتخاف من أيه؟؟؟

» ليه بس تبقى كئيب لما ممكن.............
» سؤال لكل بنت هل ممكن ترتبطي بشاب أصغر منك في السن.. وعلى الجانب الاخر لكل ولد هل ممكن ترتبط ببنت أكبر منك؟؟؟( مدمج )
» كل سنه وانتي طيبه يا أميره
» هو فى بنات ممكن تتسلى زى مااهو ممكن الولاد تتسلى ؟
» إعتذار رسمى للمهندسه miss_essadora من الحبار.