إعتذار رسمى للمهندسه miss_essadora من الحبار.

أحب أن أوجه إعتذار للأخت Miss_essadora لأننى لم أستشرها بشأن غلق قسمها وذلك لظروف
وأسباب لربما تكون قهريه ولكن أرجو منها أن تتفهم أننى لا أقصدها بهذا الغلق وهو إجراء تم
لغرض ما سأوضحه لها بإذن الله فى إجتماع المشرفين وأرجو منها قبول الإعتذار والعوده إلى صفوف
المشرفين والمنتدى والله الموفق.

الحبار
مدير عام المنتدى

احب أقدم الشكر لسيادة المدير الحبار على روحه السمحه ومحاولته بكل الطرق الممكنه على بقاء هدوء المنتدى وفض المنزعات بالمنتدى وكونه دائما هو المسبق بالخير بالرغم أنى ألتمس له العذر في ما قد قام به وسيقوم هو بتوضيح ذلك فى أجتماع المشرفين

القبطان
مشرف عام المنتدى

أنا أحب أن أوجه دعوتى الشخصيه للمشرفه Miss Esadora

كما أحب أن أحى الحبار على روحه العاليه

ودعونا ننظر للأمام

أحب أن أوجه إعتذار للأخت Miss_essadora لأننى لم أستشرها بشأن غلق قسمها وذلك لظروف
وأسباب لربما تكون قهريه

ولكن أرجو منها أن تتفهم أننى لا أقصدها بهذا الغلق وهو إجراء تم
لغرض ما

وياترى ده كان غرض سلمى ولا حربى ؟

ياه كل هذا الوقت كى تعترف بخطأك الذى ارتكبته ده انت كده أنجزت قوى
كمان اعتذارك وندمك جه متأخر ياهندسة لان المشرفة حذفت كل المواضيع والمشاركات الخاصة بها
ومفتكرش أى شخص حصل معاه كده حيقبل الاعتذار حتى لو كان بالميكروفون

أتأخرت كتير ياحبيبى أتاخرت كتير على رأى جورج وسوف

لا حول ولاقوه الا بالله كيف

يعتذر الحبار ومازال مغلقا قسم حواء وكمان كاتب اسم
المشرفه miss_esadora
بالله عليكم هل يعقل هذا

يعتذر كى تعود لموقعها بين صفوف مشرفى المنتدى ولم يعطها حقها بعد
كيف؟؟؟؟؟؟؟؟؟؟؟؟؟؟؟؟؟؟؟؟؟؟

هذا ما نتوقعه من شخصية جميلة ومتفهمة

مثل الأخ الحبار
وياريت ننسي اللي فات ونفكر في اللي جاي
لكي يعود منتدانا كما كان

waelscout كتب:: لا حول ولاقوه الا بالله كيف

يعتذر الحبار ومازال مغلقا قسم حواء وكمان كاتب اسم
المشرفه miss_esadora
بالله عليكم هل يعقل هذا

يعتذر كى تعود لموقعها بين صفوف مشرفى المنتدى ولم يعطها حقها بعد
كيف؟؟؟؟؟؟؟؟؟؟؟؟؟؟؟؟؟؟؟؟؟؟

الحمد لله رب العالمين وأصلي وأسلم على المبعوث رحمة للعالمين سيدنا محمد وعلى آله وصحبه ومن تبعهم بإحسان إلى يوم الدين : السلام عليكم ورحمة الله وبركاته !

أما بعد فأقول : تباً !

ولا حول ولا قوة إلا بالله !

وهلا صمت قليلاً لعل الله يغفر ما قد سلف ؟ أم تود أن ترى بأم عينيك فلاناً يذبح فلاناً وفلاناً يقتل فلاناً !

لاحول ولاقوة إلا بالله !

هل أنت ( يا أيها الذي يذوب عشقاً في إشعال النيران ) محب لشر ما يفخر به إبليس من الشحناء بين الإخوة ؟

هل أنت متخصص في ذلك ؟

هل شهادة الباكالوريا خاصتك تتضمن هذا التخصص النادر ؟

إربع على نفسك ، وزع شيطان الشياطين ، إبليس ، وحاول أن تجد لنفسك مكاناً بين الذين أنعم الله عليهم وهداهم الصراط المستقيم ..

لا حول ولا قوة إلا بالله ...

هل أنت ( يا أيها الذي يذوب عشقاً في إشعال النيران ) محب لشر ما يفخر به إبليس من الشحناء بين الإخوة ؟

أنا اذوب عشقا فى االشيكولاته يازميل وليس فى اشعال النيران لانها فعلا مشتعلة منذ زمن وانتم تعرفون ذلك جيدا

هل أنت متخصص في ذلك ؟

هل شهادة الباكالوريا خاصتك تتضمن هذا التخصص النادر ؟

شهادة البكالوريوس خاصتى فى مجال لاتعرفه ولايعرفه الكثيرون لصعوبته

اما انت فلسه فى اعدادى وعلشان يتقالك مهندس لازمك 4سنين كمان

يعنى انت لسه فى اول عتبه ولاانت شايف ايه خلى بالك لترجع لورا وتحول مسار

جزاك الله خيرا ياحبار عن اعتذارك ويابشمهندس وائل عيب عليك تثير الفتنة احنا هنا بنهدي الموضوع ماينفعش الكلام اللى انتا بتقوله في مكان زي ده واللى ماتعرفهوش ان الحبار ليه يومين كان مريض فعلا وانا اما كلمت معاه الراجل فعل حس بغلطه ومفهاش حاجة اما الواحد يغلط واعتذراة ده شيء كويس ومننساااااااااااااااااااااش ان الحبار تعب كد ايه وبيدفع كام فلوس في النت على الرغم ان هو مغترب ومتنساش بردوا جهوده الكبيرة في تقدم المنتدى ياريت مننساش ده كله والتصرف اللى هى اتصرفته البشمهندسة الحبار غير مسئول عنه واخيرا ياريت يبشمهندس وائل تبقي محضر خيييييييييييييييييير احنا بنهدي الدنيا حرام كده احنا هنلاقيها من مين ولا من مين وياريت اسلوبك في النقاش يبقي ارقي من كده ان كان الله انعم عليك بالعلم فانه على اتم الاستعداد على جعل جرثومة صغيرة تدمرك قد تفقد بصرا او قد تفقد عقلا حذااري والتعالى على الناس واعلم انه في حالة تكرارك الاساءة للاعضاء سوف يتم معاقبتك بقوانين المنتدى حذااااااااااري انك تتعدى الخطوط الحمراء

waelscout كتب:: هل أنت ( يا أيها الذي يذوب عشقاً في إشعال النيران ) محب لشر ما يفخر به إبليس من الشحناء بين الإخوة ؟

أنا اذوب عشقا فى االشيكولاته يازميل وليس فى اشعال النيران لانها فعلا مشتعلة منذ زمن وانتم تعرفون ذلك جيدا

هل أنت متخصص في ذلك ؟

هل شهادة الباكالوريا خاصتك تتضمن هذا التخصص النادر ؟

شهادة البكالوريوس خاصتى فى مجال لاتعرفه ولايعرفه الكثيرون لصعوبته

اما انت فلسه فى اعدادى وعلشان يتقالك مهندس لازمك 4سنين كمان

يعنى انت لسه فى اول عتبه ولاانت شايف ايه خلى بالك لترجع لورا وتحول مسار

ندعو الله لك أخي بالهداية !

وندعو الله أن ينفعك بالشيكولاته !

وجزاكم الله خيراً على تذكيري بأن أمامي أربع سنين ، الحمد لله مازال الطريق طويلاً ، ولذلك أقول : هدانا الله وإياك !

اقتباس :: ندعو الله لك أخي بالهداية !

وندعو الله أن ينفعك بالشيكولاته !

وجزاكم الله خيراً على تذكيري بأن أمامي أربع سنين ، الحمد لله مازال الطريق طويلاً ، ولذلك أقول : هدانا الله وإياك !

فعلا ياعبد الوهاب هدانا الله واياه لقد ذكرتنى بقول الحق سبحانة (( ادفع بالتى هى احسن فاذا الذي بينك وبينه عداوة كانه ولى حميم )) ارجو من الاخ وائل التعقل وتدبر مايكتبه قليللا وهدانا الله واياكم

أظن أن الأربع سنين كافية للمهندس عبد الوهاب لكى يتعلم
المشكلة فيمن مر بالأربع سنوات ولم يتعلم شيئا للاسف

اقتباس :: كمان اعتذارك وندمك جه متأخر ياهندسة لان المشرفة حذفت كل المواضيع والمشاركات الخاصة بها
ومفتكرش أى شخص حصل معاه كده حيقبل الاعتذار حتى لو كان بالميكروفون

فيه حاجه متعرفهاش يا مهندس الميكانيكا أن جميع المشاركات والمواضيع قد عادت وإسم
المهندسه إيسادورا قد عاد أيضا.

اقتباس :: يعتذر الحبار ومازال مغلقا قسم حواء وكمان كاتب اسم
المشرفه miss_esadora
بالله عليكم هل يعقل هذا

بعد قليل سيرجع إسم المشرفه مرة أخرى والقسم مفتوح فى المنتدى نفسه إنما فى البوابه
يوجد كود يتم تجديده دوما وهو أيضا مالاتعرفه أخى المهندس فبإذن الله سأجدد الكود
وستأخذ المهندسه مكانها.

اقتباس :: اما انت فلسه فى اعدادى وعلشان يتقالك مهندس لازمك 4سنين كمان

يعنى انت لسه فى اول عتبه ولاانت شايف ايه خلى بالك لترجع لورا وتحول مسار

أخى كلنا هنا أخوتك الصغار فأنت قد دخلت فى العقد الرابع من العمر وهذا العقد واجب
فيه أن تحترم الآخرين وتتزن أكثر وأكثر وأدعو من الله أن يهديك ويكفيك ويشفيك.

الحمد لله أن الأعتذار قد تم أعلانه و أرجو من المهندسة miss_esadora أن تتقبل العذر و عفا الله عما سلف...

أما بالنسبة للعضو وائل و ماينفعش أقولله يا بشمهندس لأنه بالرد بتاعه ده على المهندس عبد الوهاب أنا شايف أنه مايستحقش أنه ياخد لقب مهندس لأن كلمة مهندس أخلاق قبل ما تكون لقب يوضع قبل الأسم

و أحب أذكرك بقول الرسول الكريم ده لو كنت مؤمن بما يقول ....
قال رسول الله صلى الله عليه وسلم

: (( من كان منكم يؤمن بالله و باليوم الآخر فليقل خيرا أو ليصمت )) و أتمنى أن يكون ردي كافيا أن يجعلك تعيد حساباتك فيما قلت سلفا

أما بالنسبة للمشرفين فحرااام عليكم اللي أنتم بتعملوه ده أزاي تسمحوا لأي شخص أنه يهين عضو من أعضاء المنتدى فياريت أشوف تصرف عاجل منكم بشأن الموضوع لأن مصلحة المنتدى مش واقفة على حد و الحمدد لله ربنا يزيد و يبارك في باقي أعضاء المنتدى.....

شكرا للمهندس sewar على كلماته وارائه المميزة دوما
وحمدا لله نحن نثبت للجميع ان هدفنا فقط هو تآلف جميع اعضاء الإدارة والإشراف بالمنتدى ولن يتقبل منا او يسمح لى كلمات وأراء هدامة وسوف نكمل الطريق يإذن الله بكل جدية فقط ما نعرفه هو العمل على الإرتقاء بالمنتدى

شكرا ليك ياsewar 101 على ردك المتزن ده وان شاء الله هو نزل موضوع عن انه اخر موضوع بالمنتدى وانه ساب المنتدى وده خير ليه ولينا كلنا احنا نسال الله لنا وله الهدايه ونحن نعمل بقول الشاعر

كن كالنخيل عن الاحقاد مرتفعا ترمى بحجر فتلقي اطيب الثمر ربنا يهدي الجميع ويجعله عامر

أحب أشكركم على ردودكم الرائعة ....
و أحب أوضح أن كل أعضاء المنتدى ينتمون لكلية الهندسة ولا فارق بين مهندس في أعدادي أو مهندس في بكالوريوس أو مهندس متخرج من الكلية .....
لأنه من الممكن أن يكون عضو أصغر مني سنا ولكن يمكنه أن يفيدني بمعلوماته و ثقافته و علمه بما قد يجهل علي....
وأن شاء الله يكون المنتدى دائما في أحسن صورة و ألى الأمام دائما... شكر وتقدير

ياه ياراجل كل ده (دوختنا وراك يا أحمد ابراهيم القاطن بدير النحاس الاعتذار فيه ترياق شاف).
علي العموم Mis_Isadora كان عندها سكاشن مستمرة من الساعة 10 صباحا حتي السادسة مساء ونايمة دلوقت ان شاء الله ترد بكرة لما ترجع من الكلية.

الاخ العزيز(طارق) الاعتذار ده مجاش بعد يوم ولا يومين ده جه بعد خمسة ايام من حرقة الدم والاعصاب ( من يوم الخميس حتي تاريخة) قدر الظروف

جودزيلا أرجو توضيح بعض الاحصائيات

المركز الثالث في افضل فاتحي مواضيع

مع انه مجمل مساهماتة 264
ومشترك من 30 يوم بس بمعدل 6.6 مساهمة يومية

أعلي 10 أعضاء في عدد المشاركات

الحبار 4.16 مساهمة يومية
جودزيلا 5.09 مساهمة يومية
سيف الإسلام 4.58 مساهمات يومية
(يحي)3.10 مساهمات يومية
(زيكو اجيكو)2.63 مساهمات يومية
القبطان 2.91 مساهمات يومية
(أمير)4.32 مساهمات يومية
(أبو فرح)3.00 مساهمات يومية
الزعيم الاول 3.82 مساهمات يومية
(ميس ايزادورا)5.32 مساهمات يومية

أخيرا الي الاخ الحبار شكرا لم ينقصك الاعتذار لكن بالعكس قال رسول الله "ص" كل ابن آدم خطاء وخير الخطائين التوابون".

ياريت ياجماعه يكون فيه تقدير لبعضنا البعض

يعني ... التمس لاخيك عذرا ...

معلش الكهربا كانت قاطعة ولسه داخل الساعة 1:50 صباحا

لا حول ولا قوة الا بالله

ياه كل دى ردود علشان بهزر مع عبد الوهاب انتوا فاكرين ان انا شتمته ولا ايه وكمان ياعم عبد الوهاب زعلت

امال انا مزعلتش ليه لما قلت :

هل أنت ( يا أيها الذي يذوب عشقاً في إشعال النيران ) محب لشر ما يفخر به إبليس من الشحناء بين الإخوة ؟

هل أنت متخصص في ذلك ؟

هل شهادة الباكالوريا خاصتك تتضمن هذا التخصص النادر ؟

البكالوريا : دى يعنى ثانوى ولا ليها معنى تانى طب لما انت تكون فى اعدادى مش تحترم اللى أكبر منك برده ولارايك ايه وكمان ردى كان عادى جدا جدا ومفيش فيه سخريه أو اى شئ ده رد أخ لاخ أصغر منه .

والمهندس سيوار بيقول :

أما بالنسبة للعضو وائل و ماينفعش أقولله يا بشمهندس لأنه بالرد بتاعه ده على المهندس عبد الوهاب أنا
شايف أنه مايستحقش أنه ياخد لقب مهندس لأن كلمة مهندس أخلاق قبل ما تكون لقب يوضع قبل الأسم

أنا لو رديت على الكلام ده حيكون رد شديد مش هزار وده من حقى لكن انا عازره على سوء الفهم .

وكمان جودزيلا باعتلى رساله على الخاص بيهددنى

لما كلكم أخدتم كلامى لعبد الوهاب انه أهانه لعضو فى المنتدى وكلكم دافعتوا عنه وهاجمتونى
وانتم عارفين انه غلط فى اختار الكلمات الى رد بيها عليا

فى نفس اليوم أمال ليه مدافعتوش عن miss_esadora فى نفس اليوم ؟؟؟؟؟
يعنى اتمنى انكم تكونوا استوعبتوا الدرس
أحنا هنا بنتكلم فى منتدى محترم مش بنتكلم فى البيت ياباشمهندس جودزيلا ولا رايك ايه ؟
واذا كان المهندس هوبا زعل من كلامى فأنا اسف مش حهزر معاك تانى .

أولا انا مبعتبرش نفسى عضو عادى أنا بعتبر نفسى مشرف زيكم ولانسيت ياباشمهندس الحبار رسالتك :

إن شاء الله سيتم ترشيحكم لمنصب عضو مرشح للإشراف نظرا لمجهوداتكم ومتابعتكم المستمره
فأرجو منكم قراءه القوانين جيدا فى قسم إعلانات الإداره وإختيار قسم لتولى الإشراف عنه
وسيتم إعطائكم الرتبه فى بداية الفتره الجديده للإشراف وإذا كان لديكم أى إقتراحات بناءه فى أقسامكم
فيمكنكم بعثها لى وسيتم تنفذيها بإذن الله .
والله الموفق
الحبار
مدير عام المنتدى
أنا مش عاوز أولعها أو أشعللها زى ماكتير بيقول

أحنا هنا أسرة واحدة أذا أشتكى منه عضو تداعى له باقى الجسد بالسهر والحمى
وياريت يا miss_esadora تقبلى أعتذار الحبار وترجعى تشرفى على قسمك بالمنتدى
بس ياحبار ياريت ميكنش فى اجراءات حكوميه ولا مكاتبات أحنا فى عصر النت click على القسم خليه يفتح تانى
أعتذر على أى كلمه اتفهمت غلط والله الموفق

كل دةةةةةةةةةةةةةةةةةةةةةةة

حصل في الموضوع
انا سايب الموضوع اعتذار بس
لقيته خناقات وتجريح _ ماشاء الله
المنتدى أصبح حقيقي يعج بالمواضيع الرائعة

waelscout كتب:: لما كلكم أخدتم كلامى لعبد الوهاب انه أهانه لعضو فى المنتدى وكلكم دافعتوا عنه وهاجمتونى

فى نفس اليوم أمال ليه مدافعتوش عن miss_esadora فى نفس اليوم ؟؟؟؟؟

ما أنا بقول برده

سبحان الله
:study:
عادى عادى يا وائل

waelscout كتب:: وياريت يا miss_esadora وتقبلى أعتذار الحبار وترجعى تشرفى على قسمك بالمنتدى

أعتذر على أى كلمه اتفهمت غلط والله الموفق

هو دة بس اللى انا كنت عايز أقوله في الموضوع من الأخر
scratch

كنت عايز أقول تعليقى ع كل اللى حصل دة

من فترة لما كان الباشمهندس
wael_scout
بيشارك في قسم كهربا ، كان فيه مواضيع بيحطها مش في مكانها
أو بيحط لينكات بايظة في المواضيع وأنا كنت أفتكر انها كانت في وقت امتحانات الترم
والصراحة شفت منصبه
وانه باشمهندس خريج من فترة وانه رئيس قسم في مصنع الألمونيوم
فكنت بتكسف انى أحذف له مواضيع أو أعدل فيها
وكنت ببعتله رسالة خاصة أعتذر له فيها عن تعديل الموضوع
وحتى الموضوع بتاع الإعلان عن منتدى الهندسة والحياة
أنا رديت فيه بكل أدب واحترام ، انى حمسح الموضوع مؤقتاً وحااخد رأى الإدارة اننا نفتح قسم المنتديات الصديقة لاكتساب الخبرات
مش مسحته ع طوول وقلت له دة موضوع مخالف للقانون
وحطيت له القانون في وشه
ليه ؟؟؟؟؟؟؟؟
\\\\\\\\\\\\\\\\عشان بحترم الكبير /////////////////////
عايز أسأل بجد ،،
لو دكتور أو معيد في المنتدى
جررح في الحبار مثلاً زى اللى انتوا شايفينه بعينكم
يا ترى كان حد قدر يتكلم أو يفتح بقه
أو يقول له انت كدة كدة ماشي الحمد لله
ريحنا من وشك ،
وتعالوا نعلوا عن الأحقاد

أنا عن نفسي بحترم المعيدين والدكاترة عشان أكبر منى
مش عشان لهم سلطة علييا
وكان ممكن الباشمهندس wael_scout
كان بقى معيد أو دكتور
كان قدر حد يكلمه

والصراحة أنا شايف ان بين
اعدادى وبين رئيس وحدة المتابعة الفنية لعمرات المحركات بشركة مصر لللألومنيوم بنجع حمادى
فرق واضح

فياريت عبد الوهاب (( اللى مواضيعه جميييييييييلة جداً ))) وانا بحبها قوووى
وهو الصراحة واد كارثة في اللغة العربية بجدد
يعتذر للباشمهندس وائل
فعبد الوهاب اللى بدأ في الأول بالغلط

عبد الوهاب كتب:: الحمد لله رب العالمين وأصلي وأسلم على المبعوث رحمة للعالمين سيدنا محمد وعلى آله وصحبه ومن تبعهم بإحسان إلى يوم الدين : السلام عليكم ورحمة الله وبركاته !

أما بعد فأقول : تباً !

ولا حول ولا قوة إلا بالله !

وهلا صمت قليلاً لعل الله يغفر ما قد سلف ؟ أم تود أن ترى بأم عينيك فلاناً يذبح فلاناً وفلاناً يقتل فلاناً !

لاحول ولاقوة إلا بالله !

هل أنت ( يا أيها الذي يذوب عشقاً في إشعال النيران ) محب لشر ما يفخر به إبليس من الشحناء بين الإخوة ؟

هل أنت متخصص في ذلك ؟

هل شهادة الباكالوريا خاصتك تتضمن هذا التخصص النادر ؟

إربع على نفسك ، وزع شيطان الشياطين ، إبليس ، وحاول أن تجد لنفسك مكاناً بين الذين أنعم الله عليهم وهداهم الصراط المستقيم ..

لا حول ولا قوة إلا بالله ...

وبس خلاص كدة كفاية

سلاااااااااااام

amir كتب:: الاخ العزيز(طارق) الاعتذار ده مجاش بعد يوم ولا يومين ده جه بعد خمسة ايام من حرقة الدم والاعصاب ( من يوم الخميس حتي تاريخة) قدر الظروف

معلش يابشمهندس أمير ماتنساش أن الحبار كان مريض و طريح الفراش و حتى لو ماكانش مريض فالتمس له انت عذر ان الرد جه متأخر شوية و الحمد لله أنه أعترف بالخطأ اللي حصل و أن شاء الله مايحصلش تاني.....

أما بالنسبة للبشمهنس يحيى بيقول هل لو حد من الدكاترة أو المعيدين عمل كده كنا هانرد برضه ولا لأ...
فأنا عن نفسي هارد و بالمرصاد لأي شخص يحاول التعرض لأي عضو بالمنتدى من غير وجه حق مهما كان مين أو مركزة أيه لأني مش بحب الأفترا و أستغلال السلطة و الحمد لله مش عاوز حد يبقى معايا لأن ربنا معايا هاينصرني أن شاء الله علشان الحق
ماتنساش أن أنا برج الميزان يعني العدل في كل شيء...... شكر وتقدير

بالنسبة ردا على الاخ وائل واساليب ردوده في المنتدى وهو استخدام اسلوب اسلحة غير سوية جداا انا بعت لحضرتك رساله خاصة ايوة ياجماعه انا قولتله كده وانا كان ممكن اقول كده علانية ومش بخاف من حد بس محبتش ان يكون الحوار علنى عشان ماوسعش المشاكل واسلوبك ده مش كويس جدا وعلى فكرة ياجماعه الاحترام مش بكبر السن الاحترام باحترام الواحد لنفسه وحضرتك مفيش حاجة اسمها بتهزر انتا مش داخل هنا قسم النكت الموضوع جد وعلى ماعتقد ماينعش التهريج في موضوع شائك وانت شايف ان الجو مش مستحمل تهريج وطبعا انا بعتلك رساله المفروض حضرتك كنت رديت عليا برساله خاصة بس مش مرجله منك انك تنزل حاجة زي كده على الاقل قبل ماترد عليا ومتنساش انت كده بتعمل فتنة وديه تانى حركة ليك بعد مكتبت الحوار معاك في الماسنجر بينك وبين الحبار وده طبعا انا بقولك انتا حتى لو كانت نيتك سليمة ماينفعش وطبعا الفتنة نائمه لعن الله من ايقظها انا ممتنع تمامااااااااااااااااااااااااااااااااااااا عن دخول المنتدى حتى يتم رحليلك من المنتدى ياعنى ياما انا ياما انتا في المنتدى والموضوع عندى مفوش واحد ولا اتنين هى كلمة مش هرجع فيها مهما حصل

بردوا لسه بتبصوا تحت رجليكم

اقروا رد عبد الوهاب كويس وردى انا عليه هوه اللى يقول الحقيقه يبقى غلطان

ماهو فعلا ياجماعه اللى فى اعدادى هندسة ميعتبرش مهندس لانه يعتبر لسه مدخلش الكليه

امال سموها اعدادى ليه اعدادى اولى تانيه تالته رابعه

م ه ن د س

دى اكتمال كلمه مهندس عندى اعدادى ياخد حرف ال م ودى مش ممكن تكون مهندس لانها ممكن

تكون محامى او مدرس صح ولا انا غلطان اما اولى فهيه تستحق حرف ال ه

وبكده مش حتلاقى كلمه تانيه تتكون من حرفين مه غير انها تكتمل وتبقى مهندس

ثانيا انا بهزر مع عبد الوهاب وهوه لسه مقراش رسالتى يبقى نستناه وهوه يحكم

واسالوا اى دكتور فى هندسة حياكد لك كده بس هما مبيحبوش يزعلوا الطلبه من كلامهم

لكن بالعكس ده عندى يعتبر حافز وانذار خطر انه يركز فى مذاكرته علشان ميحصلوش

اللى حصل مع زمال لينا كانوا فى اعدادى

وبعتذر لجودزيلا بس كمان رسالته كانت تهديد علنى وانا حبيت ااكد له انى مش بخاف لااكتر ولا اقل وانا حذفت نص الرساله وهوه كان بيكتب رده فملحقش يشوف التعديل اللى عملته

بعد التمعن في قراءة ردود الاعضاء لا يسعني الا أن اقول كلمة سعد زغلول الشهيرة :

مفيش فايدة

» إعتذار رسمى للطلاب وإدارة المنتدى للمبادره التى حدثت منى.
» رساله الى الحبار
» إعتذار
» قرار جديد (يوم السبت يوم عمل رسمى بالكليه بسبب انفلونزا الخنازير) ؟؟؟؟مش سبب وجيه!!!
» إعتذار ويجب إصلاح الخطأ