قول إنطباعك عن إمتحانات نصف العام يا بشمهندس

بدأت اليوم الأثنين الموافق 11/1/2009 ماراثون إمتحانات تخلفات لنصف العام للعديد من دفعات الكلية وذلك بكلية هندسة أسوان وتتوالى بقية الدفعات من يوم السبت "الإمتحانات الأساسية " الموافق 17/1/2008 الإمتحانات وستستمر لما يقارب من الأسبوعين إن شاء الله ونرجو من الله أن تمر هذه الأيام بردا وسلاما علينا وبالتوفيق والنجاح لجميع الطلبه.

أما بخصوص ما سيحدث إن شاء الله من إنطباعات متعدده لدى الطلاب سواء صعوبه او سهوله أو أى مشاكل فى الامتحانات لا قدر الله أرجو من كل الطلبة بجميع الفرق الدخول والكتابه عنها هنا فى هذا الموضوع ولنناقش فى كل شىء بهدوء ويسر وفى إطار الإحترام المتبادل والتحدث بلغة يفهمها الجميع ولا ينبذها أحد على صعيد المنتدى أو خارجه

والله الموفق لنا ولكم وكل عام أنتم بخير.

إدارة المنتدى

احنا امتحنننا
النهاردة
Computer Architecture

عمارة الحاسوب

اولاً

بحب أشكر الدكتور مصطفى النحاس لانه شرح لنا منهح صعب جداً
بطريقة متميزة ومحببة في المادة بغض النظر عن امتحانها
الصراحة انا استفدت جدا الحمد لله فهو من أفضل الكورسات
اللى درستها طوال فترة الدراسة
وهو فعلاً الكورس اللى بيفرقنا عن أى حد تانى مش خريج هندسة الحاسب

بالنسبة للإمتحان _ فهو عايز حد فاااااااااااهم وحااااااااااااااااااااااااااافظ ويحل السؤال
من غير ما يبص له اكتر من 10 ثوانى لان الامتحان كان طوييييييل جدااااااااااااااا
جدااااااااً جدااااااااااااً وعايز له يومين تلاتة عشان يتحل

الحمد لله الدكتور جايب أسئلة من كل المنهج وأسئلة فهم وكرر أسئلة كتير في أعمال السنة
والإمتحان متوسط الى حد كبير الحمد لله
وبالتوفيق للجميع

انا اول مابصيت في الورقة
جرالي كدة
بيبكى

اســــــــــتركشـــــــــــــر

السلام عليكم ورحمة الله وبركاته

بدأ اليوم السبت الموفق 17/1 مارثون "الغلب" النصف سنوى والأيام العجاف وإنتشار
شائعات وعبارات "النقطه دى هتيجى فى الامتحان" وذلك من خلال فرق "سنة تانية ورابعه"
بجميع أقسامهم وفئاتهم "ولدانا وشيبا"!!.

اليوم والغريب فى الأمر أن مجمل الإمتحانات والإنطباعات لجميع الفرق التى إمتحنت
أن الإمتحان"صعب ونار وحرام وبعنا القضية" رغم أنها البداية فقط والتى يتلوها
أشياء لربما كانت الأصعب والظاهر الإمتحانات الصعبه أصبحت موضه متداوله
بالإمتاحانات فنادرا ما تجد أحدا يقول"الإمتحان ساهل أو حتى من الكتاب "!!.

جاء اليوم إمتحان مادة مياكانيكا التربة والأساسات فى أربعة أسئله يكسوها الطين
والأتربه الضارة بالإنسان وبعد أن حفظت إسم معدن ال"ميتنتوموريلونيت" (لو جدع إنطقه)
للأسف جاء الإمتحان فى آخر أربعة أبواب من الباب التاسع إلى الثالث عشر و"وأعتقد
العاشر لم يأتى منه شىء!!".

بالطبع رددت الجمله الشهيره"أرنبنا فى منور أنور وأرنب أنور فى منورنا!!" ومضيت قدما فى
الحل وجاء الإمتحان بأربعة مسائل فى مجملها ليست بالسهله المباشرة وكما قولت سابقا
يكسوها الطين ومن هذا المنطلق أريد أن أناشد الأخوه الدكاترة واضعى الإمتحانات:

1/ أن يشمل الإمتحان جزء كبير من المنهج حتى يتاح الحل فى شىء بدلا من ضياع
درجات كبيره بالإمتحان بسبب عدم وجود أسئله عن كل ما تم إستذكاره.

2/بداية الإمتحانات"أول يوم" ونهاية الإمتحانات " آخر يوم " يجب أن تحوى إمتحانات
يسيره أو قل ليست صعبه أو قل مطمئنه وذلك للأستبشار ودفع عجلة العقل والنفس
إلى البقية والعمل الدائب من أجل النجاح المزمع نيله من الجميع واليوم الأخير لا يحتاج
إلى "عكننه إن جاز اللفظ" فقد فات ما فات وولى ما ولى لذا يرجى الرفق بهما ولتطحنونا
بقية الأيام!!.

3/وجودك بالإمتحان وتقبل الإستفسارات "الغير إعتباطية" شىء حميد جدا ومطمئن أيضا
ولربما كان بداية فكرة جديدة وأمل لطالب سهر العديد من الليالى.

أخيرا أتمنى أن تمر الإمتحانات على خير دون كوابيس داخل غيابات اللجنة أو خارجها.

والله الموفق للجميع

يارب بكرة ارجع اكتب حاجة كويسة
مش عايزة نككككككد
بيبكى

ربنا معاكم يا باشمهندسين

و بالتوفيق ان شاء الله

رابعة حاسبات تتضامن غداً مع 3 حاسبات

في

computer organization

:bounce:

مش عارف ليه كده يا جماعة الامتحانات بتيجي في مستوى الطالب العبيط و لاننا مش عبطى و لا نرضى بذلك مش بنحل كويس على كل اللي فات مات و احنا ولاد النهاردة و لا نملك الا عمل حملة باسم تعاطفا مع الطلبة
اللهم حنن قلوب المصححيين علينا
اللهم اعميهم عن اخطائنا و ابصرهم بصوابنا

بسم الله الرحمن الرحيم
والصلاة والسلام على أشرف المرسلين
انهاردة امتحنا مادة نظم الإتصالات والعمليات العشوائية
وطبعا احنا مين
احنا تالتة اتصالات
هههههههههههههههههههههههههههههههههه
أحب بصراحة أقول حاجة كدة واقفة في زوري
والحاجة دي هي دعاء
دعاء لمين
لدكتور ايهاب خلف ابراهيم
بجد فعلا الدكتور ده ربنا يكرمه ويباركله في صحته وفي حياته وفي كل حاجة
لحد دلوقتي كل موقف بيعمله معانا بيثبتلي أكتر ان العلاقة بينا وبينه عمرها ما كانت علاقة دكتور بطلبة لكن بجد علاقة أخ كبير بأخواته الصغيرين
وبصراحة بالنسبة لإمتحان انهاردة بالبلدي كدة بقوله يادكتور عداك العيب وقزح واللي يقول على الإمتحان ده سهل يبقى ظلمه وظلم الدكتور بس هي المشكلة مفيش كلمة الواحد يقدر يقولها أكتر من أنه سهل لو فيه كلمة أكتر من كدة كنت قولت بس بجد يعني بشكر حضرتك جدا جدا جدا على الإمتحان ده
ده أقل ما يمكن أنه يتقال عليه انه هدية لدفعة تالتة اتصالات
والله بجد رفعلي معنوياتي جدا جدا للإمتحانات اللي جاية
وأنا والله مش بخالف كلامي ولا حاجة
بس ليا تعقيب صغير على الإمتحان
هو التكامل في اول مسألة
بصراحة التكامل كان تقيل شوية لأنه عاوز شغل كتير
وممكن الواحد في وسط الأرقام والرموز يغلط
وأنا مبقولش اني غلطت أنا أساسا معرفش إذا كانت الأرقام صح ولا غلط
أنا مشيت مع التكامل وخلاص
وبصراحة الأرقام اللي طلعت أو اللي هتطلع الواحد مش عارف صح ولا غلط
وهو ده تعقيبي الوحيد على الإمتحان وأرجو ان حضرتك تراعينا في حتة التكامل في أول مسألة
وزي ماقولت أنا مبقولش كدة علشان أنا بس اللي قولت كدة
بس أنا زمايلي كلهم لما طلعت
الناس كلها كانت مجتمعة في أقوالها على ان الإمتحان ده هدية للدفعة وكانوا كلهم متفقين على ان أصعب حاجة فيه كانت التكامل في المسألة الأولى
لكن في كل الأحوال ربنا يبارك في حضرتك على الإمتحان الجميل ده
والحاجة الوحيدة اللي الواحد ممكن يقدمها لحضرتك اني أقول لحضرتك
ربنا يردلك الكلام ده في أولادك ويجازيك عليه بالخير في الدنيا وفي الآخرة
والسلام
وعقبال ما ربنا يبيض وشنا يوم الخميس في امتحان الجافا
زي ماحصل انهاردة كدة إن شاء الله

PRINCESS كتب:: يارب بكرة ارجع اكتب حاجة كويسة
مش عايزة نككككككد

حاجة كويسة
بيضحك

الامتحان النهاردة كاااااااان
:shock:
مش عارفة
affraid

بس هو الدكتور قالنا قبلها
والحمد لله شوفنا بنفسنا
واتأكدنا Sad

الامتحان عايز حد فااااااهم اووووووي
ومذاكر كتييييييير اوي
وأهم حاجة مركززززز اوي في الامتحان
وما يتوهش
وما يفقدش الامل
ويصبر علي الكاش
ويعد معاها .. ويخزن القيم فيها واحدة واحدة
وبعد ما يخزن .. يمسح اللي خزنه ويخزن قيم فوقها
في خمسة لوووووووب
وبعد كده يكتب الناتج النهائي
ده اذا ما كانش جراله حاجة قبلها .. او ساب اللجنة ومشي
وبسسسسسسس

وربنا يستر علي الجااااااااااااافا
-دي الاورجنيزيشن -الله يرحمها- كنا بنذاكرها-

بسم الله

صراحة امتحان انهردة كان امتحان هدددددددددددية على الرغم ان المادة معقدة بس الدكتور اشرف فرح صراحة جعل ختامه تدريسه لنا بعد تدريسه لنا فترة ستة فصول دراسية بختام مسك وهو كمان وعدا بكده لان قال ان الامتحان ان شاء الله هيكون كويس عشان نفسكم تتفتح على الا متحانات اللى بعدها صراحة احب اشكره بالغ الشكر عن مجهوده االلى كان بيعمله معانا خلال فترة تدريسة ربنا يجزيه خير ان شاء والمميز في الدكتور اشرف ان معروف عنه انه حقانى ياعنى مش بيظلم حد في التصحيح واحب اوجه الشكر ايضا للتعاون بين طلبة الفرقة الثالثه مدنى لان الامتحان كان ممنوع فيه استخدام الات الحاسبةاللى تحل مصفوفات لكن فيه طلبه كانت جايبه الات زيادة معاه عشان زمايلهم اللى اتسحبت منهم الاله تحية شكر وتقدير على روح المحبه ربنا يديمها عليناجميعا ان شاء الله

وانتظرووووووووووووووووووووووووووووووووووووونا قريبا في المكركر

علي فكره أنا مش عايز أقول غير حاجه واحده بس

ربنا يوفقكوا ..........

و صدقوني لما بكره تخلصوا .......

حـ تتضكوا من دي أيااااااااااااااام

زي ما أحنا كنا بنعمل .......... بالظبط

lol!

النهارده كان امتحان الماده الممتعه Circuit و الامتحان كان طويل اوووي بس سهل

و كله من المحاضرات و الكتاب

و عقبال الماده ايلي جايه ان شاء الله(FORTRAN) كمبيوتر

Eng \ HOSSAM كتب:: النهارده كان امتحان الماده الممتعه Circuit و الامتحان كان طويل اوووي بس سهل
و كله من المحاضرات و الكتاب
و عقبال الماده ايلي جايه ان شاء الله(FORTRAN)

دكتور عبد المجيد
اوعدنا يارب في الكنترول
انا عايزه يجيب لنا امتحان طوييييييييييييييييييييييييييل

10 صفحات عشان نعرف نحل الى نعرفه وننجح Sad

ويخفف عنا المكرر يارب

وربنا يهديه اللى في بالى أو ،،،،،،،،،،،
بالكتاب الرائع اللى بندرسه في المقرر
El Moqarrar a Quantative Approach
by
D.Patterson

وربنا يهديه اللى في بالى أو ،،،،،،،،،،،
بالكتاب الرائع اللى بندرسه في المقرر
El Moqarrar a Quantative Approach
by
دكتور ارنـــــــــــؤط
:)

انهاردة كان علينا امتحان جيولوجيا
والامتحان الحمدلله كان جميل وفي مستوي الطالب المتوسط
وطبعاً بشرة خير للامتحانات اللي بعد كدة
والواحد أخيراً حس بالراحة
وأنا بحب أشكر دكتور سيد عبده جداً علي امتحانه الجميل وحسن تعامله معنا وربنا يبارك فيه

وربنا يستر في المادة اللي بعد كدة
الريااااااااضة
الكااااااارثة الكبري
affraid

احنا كان عندنا امتحان High voltage

و بصراحة الامتحان كان سهل و الحل فى نفس الورقة

بس المسائل كانت غريبة شوية

بس الحمد لله على كل حال

و بنشكر دكتور عبد الله على الامتحان الجميل ده

و عقبال المواد اللى جاية يا رب

و على راى جودزيلا الى اللقاء فى المكركر

ان النهاردة كان عندى مقرررررر

اه والله واخر مرة حمتحن فيهااا المادة العقيمة دىىىىى

ان شاء الله

الإمتحان كالعادة كان متكون من 6 ورقات

والإجابة في نفس الورقة

وفيها اسئلة ورسومات ومعادلات كيميائية و 20 اختيارات

ولا كإن المادة من 250

والحمد لله شكلنا حننجح في مادة اليوم الواحد اللى بتتفتح في صبحية اليوم

وتتقفل في صباحية اليوم اللى بعده

وانشالله ننجح

وانا مش عايز أشوف مواد مقرررررر تانى

قرففففففففففففففففففففت

شكراً أرنووووط الكاتب العبقرى اللى احنا بندرس رسالة الدكتوراة بتاعته

والصراحة انا استفدت جدا من تلوث الهواء وتلوث الماء والتلوث الكيماوى
والتلوث الضوضائى والتلوث الكيميائى والتلوث التكنولوجى والتلوث العقلى
واستفدت من طبقات الغلاف الجوى واستفدت من البراكين والزلازل والأنهار
والبحيرات وعواصم العالم واستفدت من كبر حجم الرأس وبروز العينين
والعلاج من العته

:)

اه والله كل الكلام اللى مش راكب ع بعضه دة في مادة امبارح الى ذاكرتها

في حد بياخد مقرر 250 صفحة

!!!!!!!!!!!!!!!!!!

YeHi@$MmZ كتب:: ان النهاردة كان عندى مقرررررر

اه والله واخر مرة حمتحن فيهااا المادة العقيمة دىىىىى

ان شاء الله

الإمتحان كالعادة كان متكون من 6 ورقات

والإجابة في نفس الورقة

وفيها اسئلة ورسومات ومعادلات كيميائية و 20 اختيارات

ولا كإن المادة من 250

والحمد لله شكلنا حننجح في مادة اليوم الواحد اللى بتتفتح في صبحية اليوم

وتتقفل في صباحية اليوم اللى بعده

وانشالله ننجح

وانا مش عايز أشوف مواد مقرررررر تانى

قرففففففففففففففففففففت

شكراً أرنووووط الكاتب العبقرى اللى احنا بندرس رسالة الدكتوراة بتاعته

والصراحة انا استفدت جدا من تلوث الهواء وتلوث الماء والتلوث الكيماوى
والتلوث الضوضائى والتلوث الكيميائى والتلوث التكنولوجى والتلوث العقلى
واستفدت من طبقات الغلاف الجوى واستفدت من البراكين والزلازل والأنهار
والبحيرات وعواصم العالم واستفدت من كبر حجم الرأس وبروز العينين
والعلاج من العته

:)

اه والله كل الكلام اللى مش راكب ع بعضه دة في مادة امبارح الى ذاكرتها

في حد بياخد مقرر 250 صفحة

!!!!!!!!!!!!!!!!!!

قالها الشعراوي من قبل لاسمه ايه واقولها لك تاني (اذا كنت قدرنا فليعنا الله على ان نتحمل) وكفارة ياراجل ومانجيلكش في حاجة وحشة

ENG_GODZELA كتب:: قالها الشعراوي من قبل لاسمه ايه واقولها لك تاني (اذا كنت قدرنا فليعنا الله على ان نتحمل) وكفارة ياراجل ومانجيلكش في حاجة وحشة

قالها لاسمه ايه

طيب

انا النهرده كان عندى مقررررر برضه

و الحمد لله الامتحان جه سهل و من الامثلة المحلولة

و على فكرة يا يحيى انت كده كرهتنا فى النقررات كلها :)

و عقبال الباقى ان شاء الله

لا ياعم كلام يحي صح بس الواحد جاله تخلف من المواد دي كلها حفظ يقعد يحفظ يحفظ ويخش الامتحان يكبهم وكل عام وانتم بخير ويقوللنا مصر بتتقدم بينا مش عارف فين التقدم ده ولا احنا في بلد تانى واحنا فاكرين اننا في مصر حد يبص ياخونا من شباك يشوف جمبنا ليبيا ولا احنا جمبها ولا ايه النظام

انا جانبي النفق

كدة أبقى في مصر يا جودزززززز !!!!!!!!

يا تيرمناتور انت لسة ماخدتش المقرر اللى هو المقرر

انت حتحكم على ارنووط بنفسك

قول إنطباعك عن إمتحانات نصف العام يا بشمهندس 0002032D

المقرر
حلو حلو حلو

وعودة لمواد الكلية
وياريتنا ما عدنا
مش كويس

JAVA
وما ادراك ما الجافا
مادة جميلة مظلومة في وسط مواد عملاقة
في أبواب كاملة ما اعرفش عنها حاجة
المفروض تخلص في يوم ونص
وكمان اراجع علي الكتاب كله (فوق الـ 400 صفحة من غير الملغي)
واشوف الشيتات
واجرب الكومبايلر واخطاؤه
وكفاية كده عشان ما يجليش اكتئاب
قول إنطباعك عن إمتحانات نصف العام يا بشمهندس 00020344

قول إنطباعك عن إمتحانات نصف العام يا بشمهندس 00020344

وعماااااااااااار يا جافا

اليوم الأربعاء الموافق 21 يناير

كان فيه إمتحان بيقولوا عليه إستركشر 2/أ "أو شربة المقادم اللى تقولوا عليها إستركشر " والإمتحان كاااااااااااااااااااااااااان...............!!!!!!!

بمجرد ما رأيت الورقه والحمد لله حسيت بإحساس غريب أول مره أحسه أو من السنه اللى
فاتت وأنا بحسه ، شعور رهيب يخالج القلب والعقل والبطن والودن والرجل وجميع أركان
وأعضاء الجسد الموقرين !!!!!!

حسيت إنى سايق تك تك ومن غير فرامل وداخل على قطار النوم الذى لا يقف أو سيقف
على أحشائى!!

الله يخرم جيبك يا اللى فى بالى..!!

مفيش مره نحمد ربنا على الحل لازم نحمده على عدم الحل وده برضو من السنه اللى فاتت
ولله الحمد!!!

فاضل زلطه إن شاء الله والحمد لله مقدما قبل منشوف الزلطه الأخيره!!

الغريب فى الأمر أن أجد الأخ المشرف مودرن سكولار على نفس المكان اللى بمتحن
فيه واللى بتمناله التوفيق بعيدا عن المكان الشؤم ده وأن يجعل حظه أفضل من حظى.

والله الموفق

» قول إنطباعك بعد كل إمتحان وكل عام أنتم بخير " يونيو 2010 "
» إمتحانات المستقبل البهيم !!
» تهنئة ببداية العام الدراسى الجديد واليوم الأول فى العام الدراسى 2010/2011
» قول إنطباعك بعد كل إمتحان وكل عام أنتم بخير.
» قول إنطباعك بعد كل إمتحان وكل عام أنتم بخير "يناير 2011"