ايه رأيكو هل تنفع البنات فى شغل الهندسة المدنية ولا ايه؟؟؟؟؟

تذكير بمساهمة فاتح الموضوع :

السلام عليكم ورحمة الله وبركاته

الحمد لله وحدة، والصلاة والسلام على من لا نبي بعده، نبينا محمد وعلى آله وصحبه أجمعين

اولا احب أن اهنئكم بحلول شهر رمضان الكريم واوصيكم ونفسى بتقوى الله والتقرب من الله فى هذا الشهر الكريم
وادعــــــــــــوا من الله تعالى ان يبلغنا واياكم ليلة القدر


احب ان اطرح عليكم موضوع فيه الكثيير والكثيير من الاراء وهو موضوع جميل يحير كل الطلاب والطالبات أول ما يدخلوا الكلية وكمان بعد ما يخلصوا اعدادى

ما هو القسم المناسب فى الكلية الذى يحقق طموحاتى؟؟

واللى المفروض انه يكون بيميل له ويحب انه يشتغل فيه بعد الكليه لان ثبت فعلا ان الانسان مش بيأدى عمله بإتقان الا لو كان بيحبه طيب وايه هي الاختيارات

مدنى ومجالات الشغل المتعددة
كهربا اتصالات علشان طفرة الاتصالات الموجودة فى مصر
بور علشان المحطات والمصانع
حاسبات والمجال مفتوح فى كل حته
ولا عمارة وفى الاخر هو ومدنى ولاد عم

وفى الاخر ولا فى مدنى وعماره مرتاحين ولا اللى فى كهربا مرتاحين


الطالبات
اما الطالبات فدول تلاقيهم فى دوامة ينفع ادخل مدنى ولا ايه؟؟؟ ولا كهربا وعمارة بس اللى متاحين
هناك العديد من الاراء فى هذا الموضوع

الرأى الأول البنات متنفعش لان شغل المدنى فيه تعامل مع عمال وصنايعيه وصب خرسانات وشغلانة
يعنى من الاخر بهدله

الرأى الثانى البنات زيها زى الاولاد تقدر تشتغل كل حاجة
وانا شخصيا لى ملاحظات كثيرة على هذا الرأى

الرأى الثالث تنفع بس بشروط يعنى مش فى مجالات المدنى الحاجات التى تحتاج اكثر الى المعلومات النظرية والتصميم ولا تحتاج الى الاشراف على التنفيذ

الرأى الرابع البنات متنفعش فى اى حاجة خالص (ههههههههههه يا فرحة الولاد )

واعتقد انى شخصيا مع الرأى الرابع هو ده أكيــــــد الاختيار السليم




لا متزعلوش انا بهزر

أنا شايف الرأى الثالث هو الاقرب لى لانه يتوافق مع عاداتنا الشرقية التى لا يجب أن نتخلى عنها

سلام بقه متنسوش الردود

انامع الرأى الثالث

بجد يا بشمهندس اشكرك علي الموضوع الجميل ده وانا رايي من راي free rayانه يعتمد علي شخصيه البنت ومدي تفهمها وتمكنها من القسم يعني لوبنت شخصيتها قويه وفاهمه قسمها كويس خالص ان شاء الله حتبقي احسن من مهندس مدني وحتجبر الكل علي احترامها و يعملها الف اعتبار ولازم قبل العمال والصناعيه يعملو اي حاجه لازم يكون الراي الاول و الاخير لها ولانها حتكون بقوة شخصيتها تتقدر تتعامل مع العمال و الصناعيه

free rayكتبت
مع احترامي لكل الي اتقال قبل كده
انا شايفة انه معظم الكلام مش صحيح اطلاقا لسبب

لو احنا قعدنا نشوف كل مجال ينفع للبنت ولا لأه
فطبيعي ان المجال الفلاني مش حينفعها علشان السهر
والمجال التاني مش مناسب ليها علشان الاختلاط
والمجال الثالث مش مناسب ليها علشان التعب والمجهود الكبير
والرابع علشان كذا والخامس علشان كذا
كده بقى تبقى كل بنت تعد في البيت احسن .. بلا دراسه بلا وجع دماغ

او كل البنات يدخلو تربيه نوعيه يتعلمو التطريز - ولو انه اكيد فيه مصاعب برده -
او سياحه وفنادق قسم مطبخ - وده طبعا علشان يطبخوا في البيت بس مش للشغل -

بأه بالذمه ده ينفع .. وده كلام يتقال ؟؟؟

فيه حاجه اسمها ان الواحد بيحب مجال معين وموهوب فيه او موهبته بتظهر فيه
بغض النظر بقى عن انه ولد ولا بنت

بعدين حنروح بعيد ليه ؟؟ هوه محدش فيكم شاف بنت بتبقى اشطر من الولد في مجال الدراسه
او بنت بتبقى انجح من الراجل في مجال شغل معين

وبعدين بالنسبه لنقطة تعب البنت وإختلاطها وكده
انا شايفة ان البنت هي الي بتجبر الي حواليها على احترامها او العكس .


وهي احسن واحده تعرف تحافظ على نفسها في مجالها .. وتعرف تبدع فيه .


انا عارفة اي طولت عليكم .. بس معلش .
وانا متفقه معها في كل حرف قالته لان البنت ولا الولد في الوظيفه اللي عايز يشتغلها او التخصص اللي عايز يدرسه مش اللي يناسبه من حيث ولد ولابنت ولكن هو او هي ميل ليه وحاسس نفسه حيبدع في ايه وايه القسم اللي فاهمه اكتر

مع احترامي ليكي يا (اميره الحب)
انا مش عارف ليه اي واحده فاكره ان القعده في البيت اهانه ليها
مع انها اسمي رساله
واكيد والدتك ليها فضل عليكي انها ربتك كويس وخليت ليكي شخصيه
بس ده ميمنعش ان الواحده لازم تصون نفسها
يعني انها لما تشتغل في مكتب هندسي وهيبقي تعاملها مع المهندسين
ومظنش انه مهما بلغت قوه شخصيه البنت انها هتسد مع
الحدادين والنجارين وال.............
قوه الشخصيه وان الواحده تصون نفسها كويس في اي حاجه
ده كويس بس
ده ميمنعش انها تاخد احتياطها شويه
ده رايي

بسم الله الرحمن الرحيم والصلاه والسلام على اشرف المرسلين وكل عام وانتم بتمام الصحه والعافيه اما بالنسبه للموضوع المطروح للمناقشه فانا سوف ابدى رايى بناء على تجارب حقيقيه حتى لا اتهم بالمحاباة البنات تنفع فى الهندسه المدنيه لو هى عندها طموح بالنسبه للتعامل مع الصنايعيه ده شغل ولو كان فيه اى حد فيكم نزل مواقع عمل اكيد هيعرف وضع المهندس ايه فى الموقع .اما بانسبه للعمل من حيث الصعود والنزول فهذه مشكله لياقه وياما شفت مهندسين بيراقبوا الشغل من بره لانوا مش قادر يطلع على السقاله اوالمبنى والمهندسه طالعه نازله .................ملحوظه هامه............انا بتكلم على الموضوع المطروح مش عامه وشكرا والسلام وعليكم

انا مع الرأى الثالث اكييييييييييد
بس مش عارف ليه فى حاجة فى نفسى بتقلى الرأى الرابع أفضل بكتير