ايه رأيكو هل تنفع البنات فى شغل الهندسة المدنية ولا ايه؟؟؟؟؟

السلام عليكم ورحمة الله وبركاته

الحمد لله وحدة، والصلاة والسلام على من لا نبي بعده، نبينا محمد وعلى آله وصحبه أجمعين

اولا احب أن اهنئكم بحلول شهر رمضان الكريم واوصيكم ونفسى بتقوى الله والتقرب من الله فى هذا الشهر الكريم
وادعــــــــــــوا من الله تعالى ان يبلغنا واياكم ليلة القدر


احب ان اطرح عليكم موضوع فيه الكثيير والكثيير من الاراء وهو موضوع جميل يحير كل الطلاب والطالبات أول ما يدخلوا الكلية وكمان بعد ما يخلصوا اعدادى

ما هو القسم المناسب فى الكلية الذى يحقق طموحاتى؟؟

واللى المفروض انه يكون بيميل له ويحب انه يشتغل فيه بعد الكليه لان ثبت فعلا ان الانسان مش بيأدى عمله بإتقان الا لو كان بيحبه طيب وايه هي الاختيارات

مدنى ومجالات الشغل المتعددة
كهربا اتصالات علشان طفرة الاتصالات الموجودة فى مصر
بور علشان المحطات والمصانع
حاسبات والمجال مفتوح فى كل حته
ولا عمارة وفى الاخر هو ومدنى ولاد عم

وفى الاخر ولا فى مدنى وعماره مرتاحين ولا اللى فى كهربا مرتاحين


الطالبات
اما الطالبات فدول تلاقيهم فى دوامة ينفع ادخل مدنى ولا ايه؟؟؟ ولا كهربا وعمارة بس اللى متاحين
هناك العديد من الاراء فى هذا الموضوع

الرأى الأول البنات متنفعش لان شغل المدنى فيه تعامل مع عمال وصنايعيه وصب خرسانات وشغلانة
يعنى من الاخر بهدله

الرأى الثانى البنات زيها زى الاولاد تقدر تشتغل كل حاجة
وانا شخصيا لى ملاحظات كثيرة على هذا الرأى

الرأى الثالث تنفع بس بشروط يعنى مش فى مجالات المدنى الحاجات التى تحتاج اكثر الى المعلومات النظرية والتصميم ولا تحتاج الى الاشراف على التنفيذ

الرأى الرابع البنات متنفعش فى اى حاجة خالص (ههههههههههه يا فرحة الولاد )

واعتقد انى شخصيا مع الرأى الرابع هو ده أكيــــــد الاختيار السليم




لا متزعلوش انا بهزر

أنا شايف الرأى الثالث هو الاقرب لى لانه يتوافق مع عاداتنا الشرقية التى لا يجب أن نتخلى عنها

سلام بقه متنسوش الردود

أنا مع البشمهندسة Free ray فى كل حاجة قالتها لأن البنت زيها زى الولد ذاكرت و تعبت و خادت نفس الؤهل يعنى مفيش حد أحسن من حد أما بخصوص موضوع ان البنات مينفعوش فى الشغل الى بيحتاج بذل مجهود و نزول للمواقع فده حسب طبيعة كل بنت فى واحدة مبتحبش التعب والبهدلة على رأى البشمهندس حاتم و فى بنات بيكون كلهم اصرار انهم يشتغلوا كويس ويبقوا حاجة و النوع ده بيجبر الكل على احترامه و بيحظى بالثقة من الجميع .
و أحب أحييك يا بشمهندس حاتم على هذا الموضوع الذى يستحق النقاش

أولا احب أن احييكم على سرعة الرد على الموضوع وعلى هذا الاهتمام اليومى بالمنتدى من جانب بعض الاعضاء

Roo2a-BENZ
[/size]

اقتباس :

وأني أتفق معه في أن الرأي الثالث هو الأكثر تقبلا في هذا المجتمع


والذي يعتبر وفق ما بين تحقيق اشباع رغبة حب العمل واثبات الذات في العمل

شكرا على الرد السريع وانا اتفق معاك تماما فى رأيك وتحليل جيد

fatma
[/size]

اقتباس :

وانا من رايى ان الراى الثالث هو الانسب

شكرا على المرور وايضا انا اتفق معك تماما

free ray
أولا احب أن اشكرك على المرور ولكنى لازلت اختلف معك فى الرأى ( الاختلاف فى الرأى لا يفسد للود قضية )
أعتقد أن المثال الذى ذكرتيه فعلا يستحق الاشاده من الجميع من الدكتور ومن المهندسين الاولاد ومنى أنا شخصيا ولكن ما ذكرتيه حاله خاصة لا يمكن تطبيقها لجميع البنات والذى لا يتوافق مع طبيعتها كأنثى لا تتحمل البهدلة ولا يتفق مع نهائيا مع عاداتنا الشرقية وقد ذكرتى ذلك فى ردك عندما ذكرتى التالى

اقتباس :

كنت في موقع الأسبوع الي فات وكان معايا الدكتور بتاعي وزمايلي البنات والأولاد وكان المهندس المشرف بنت والمهندس المنفذ بنت وكانوا مواقفين الشغل ولا أجدعها راجل ودكتوري وزمايلي الصبيان مصدقوش إن الشغل الكويس ده خارج من تحت ايد بنات وده لأن شخصيتهم أجبرت العمال والصنايعية علي الإحترام

لذلك لازلت ارى ان الموضوع حاله خاصة لا يمكن تعميمها مع كل البنات وبعدين كل البنات مش حتتحمل البهدلة ازا قدرت تتحمل طبيعة الشغل القاسية فازاى حتتحمل التعامل مع الصنايعية اللى مش متعلمين
وشكرا مرة اخرى على الرد الجمـــــــيل ده

رامى

اقتباس :

بالفعل موضوع يستحق الطرح و المناقشه ... لانه يهم كل الفتايات اللاتي يلتحقن بكليه الهندسة

شكرا على المرور يا فرند


shimz
اختيارى الثالث لا يعنى أن البنات مينفعوش فى الشغل اللى فيه بذل مجهود كل الشغل فيه بذل مجهود وتعب وارهاق والا مكانش يبقى اسمه شغل ولكن يعنى أنهم مينفعوش فى الشغل الشاق اللى فيه بهدله

منتظر ردكم لكى يكون نقاشا مكتملا ويكون تبادل اراء بشكل صحيح

أنا معاك يا بشمهندس فى انه كل شغل بيحتاج بذل مجهود ده أكيد لكن أنا كان قصدى الحكاية مش فارقة سواء كان مهندس أو مهندسة كل واحد حيؤدى العمل المطلوب منه أما بخصوص التعامل مع الصنايعية الى مش متعلمين يعنى وظيفتهم يعملوا المطلوب منهم وبس والمهندسة هتعرف تتعامل معاهم فى حدود العمل أما الى أنا مش فاهماه حكاية عاداتنا الشرقية دى لأن البنت ممكن تشتغل فى أى مجال و لازم هيكون فى اختلاط ومادام الواحدة محترمة فهى هتجبر الكل على احترامها .

shimz
برضه انتى مش فاهمانى طيب بمعنى اخر
ماذا سوف تفعل المهندسة اذا اترازل عليها احد العمال ولم تستطع ان توقفه عند حده؟؟؟

اقتباس :

ما الى أنا مش فاهماه حكاية عاداتنا الشرقية دى

اما بالنسبة لموضوع عاداتنا الشرقية اللى انت بتتريقى عليها فهى تعنى أن
الاختلاط يكون محدود وفى نطاق العمل ولا يكون مطلق زى الاجانب ومينفعش
تكون لوحدها لازم يكون معاها مهندسات اخرى على الاقل فى نفس الموقع

dody el
شكرا على الاهتمام واتفق معك فى رأيك الى حد كبير
اما بالنسبة للموضوع الثانى
الفجوه اللى موجودة فى بين الدراسة والسوق فبعد اتمامى للدراسة والحمد لله
استطيع أن اقول الفجوة فى(( كيفية التعامل فى السوق )) كما انه فى الدراسة
تكون الاشياء باسم وفى عالم التنفيذ باسم اخر تماما وهذا بالنسبة للهندسة
المدنية واعتقد انها تنطبق على باقى الاقسام وبمجرد أن يتعلم المهندس هذه
الاشياء يصبح ملما بكل الاشياء
ولكن المهم فى رأيي ان الفجوة غير موجودة فى فهم المنشات وتصميمها وطريقة
وضع الحديد فيها وشكله وغيرها وهدا هو ما يفرق بين العامل والمهندس والا
كانت بقت الكلية ملهاش لازمه

شكرا على الردود وفى انتظار المزيد
وكل عام وانتم بخير

سيف الاسلام

مشاركتك اعجبتنى كثيرا وانها تنم بالفعل عن معرفة واسعة وشخص واسع الاطلاع
شكرا جزيلا

زيكو

شكرا جزيلا على مشاركتك يافرند

السلام عليكم ورحمة اللة وبركاتة
اولا احب اشكر مهندس حاتم على موضوعة الحيوى واللى فعلا محير ناس كتير
ثانيا بقى احب اقول رائى فية
من جهة ان البنت تقدر على شغل المواقع ولا لا فمن غير اى تحيز بجد هى تقدر بس دة بردة مش بشكل عمومى ولا للبنات ولا للولاد حتى
اما من حيث التعامل مع الزملاء والعمال فدا بيرجع لشخصيتها
يعنى البنت لو هتشتغل اعتقد مش هتفرق موقع ولا مكتب الا فى حاجة واحدة اكيد كل الناس عرفاها
بس ملهاش دعوة بالتعامل والكلام دة

موضوع جميل يا بشمهندس
زماااان كتبت موضوع فى منتدى قديم يعنى يعتبر شبيه للموضوع ده وكان
بعنوان "هل يحق للمهندس أن يتزوج مهندسه فتوى غير شرعيه"
وفيه مقطع كنت بقول فيه :
"وطبعا المقاول هيتصل بيك فى نص الليل ويقولك يا بيه والنبى ادينا المهندزه
عاوزين نمضوا الكشوفات والأذونات ولزمن وضرورى ليتخرب بيتنا وإن
كانت نايمه صحيها وده طبعا لأن الوقت بفلوس فى مجال الهندسه المدنيه"
الكلام ده مش هزار أو للضحك لأن فيه مقاولين أو كلهم ميعرفوش أى حاجه
غير المكسب والشغل مفيهوش إعتبارات إنثويه أو تقاليد أو عادات ولو المهندسه
إعترضت علطول فيه غيرها أو غيره برضو لأن المجال مفتوح دلوقتى على البحرى.

بخصوص إختيارى للرأى الثالث فبقول مش عيب أن المهندسه تشتغل فى مجال
الهندسه المدنيه أو المرأه عموما فى أى مجال بس بشرط لا ينتقص هذا العمل من
قدرها ويكون فى حدود إمكانياتها البدنيه والعقليه.

وبخصوص إن الست قويه فاعتقد إنى لو عامل إتعرضلها بسوء لا قدر الله يعنى
ومعظم الشغل بيبقى فى صحرا هيجرى فى الجبل ومحدش هيلحقه ولا هيشوفه تانى
وهنفضل نعيط وناخدلنا سنتين إحباط وتعقيد والشغل هيقف ونظرة العمال والملاحظين بالذات
مش حلوه لذلك ناخدها من قصيرها ونمتهن المسموح بيه.

طبعا معظمنا شاف فيلم نادية لطفى وسعاد حسنى بتاع البترول ولما لبسوا رجاله وراحوا
الصحرا والنهايه بتاعة الفيلم إنهم لقيوا زيت أو النهايه السعيده بتتحقق فى الفيلم لأن أحداثه
ماشيه كما يقول الكاتب والمخرج إنما فى الحقيقه هتبقى متعبه ومش هتبقى زى الفيلم أكيد
والطيب أحسن.

والله الموفق

اولا احب ان اشكر حضرتك يا بشمهندس على طرحك لهذا الموضوع
اما بالنسبه لراى فانا اتفق مع الراى الثالث
ولكنى لست مع الراى القائل البنت مثل الولد
لان الله جعل لكل منهما صفاته وما يستطيع ان يفعل ومالا يستطيع ان يفعل
اما عن دخول قسم مدنى فاننى لا اعتبره بالنسبه لى على الاقل ندية مع الولد وانما هو حبا فى
دراسته وربنا يوفقنا كلنا

free ray كتب:

السلام عليكم ورحمة الله وبركاته



ما شاء الله .. الموضوع كبر اوي و تشعب اوي و بصراحة انا مستمتعة بالنقاش ده جدا

مع احترامي لكل الي اتقال قبل كده
انا شايفة انه معظم الكلام مش صحيح اطلاقا لسبب

لو احنا قعدنا نشوف كل مجال ينفع للبنت ولا لأه
فطبيعي ان المجال الفلاني مش حينفعها علشان السهر
والمجال التاني مش مناسب ليها علشان الاختلاط
والمجال الثالث مش مناسب ليها علشان التعب والمجهود الكبير
والرابع علشان كذا والخامس علشان كذا
كده بقى تبقى كل بنت تعد في البيت احسن .. بلا دراسه بلا وجع دماغ

او كل البنات يدخلو تربيه نوعيه يتعلمو التطريز - ولو انه اكيد فيه مصاعب برده -
او سياحه وفنادق قسم مطبخ - وده طبعا علشان يطبخوا في البيت بس مش للشغل -

بأه بالذمه ده ينفع .. وده كلام يتقال ؟؟؟

فيه حاجه اسمها ان الواحد بيحب مجال معين وموهوب فيه او موهبته بتظهر فيه
بغض النظر بقى عن انه ولد ولا بنت

بعدين حنروح بعيد ليه ؟؟ هوه محدش فيكم شاف بنت بتبقى اشطر من الولد في مجال الدراسه
او بنت بتبقى انجح من الراجل في مجال شغل معين

وبعدين بالنسبه لنقطة تعب البنت وإختلاطها وكده
انا شايفة ان البنت هي الي بتجبر الي حواليها على احترامها او العكس .


وهي احسن واحده تعرف تحافظ على نفسها في مجالها .. وتعرف تبدع فيه .


انا عارفة اي طولت عليكم .. بس معلش .

احيكى

هو ده بجد اللى كنت عايزه اقوله

ألف شكر يا جماعه على الردود
رمضان كريم