مشكلة كبيرة جدا أرجو مناقشتها وإيجاد حلول عملية لها

السلام عليكم ورحمة الله وبركاته
إخواني الكرام
إحنا في محنة كبيرة جدا جدا في كليتنا
أنا فعلا اتخنقت لأن المشكلة اللي هتكلم عنها دي مشكلة لاهي في ادينا ولا حلها حتى مقدور عليه من جانب الطلبة لكن أنا قلت أطرحها لعل البعض منكم يكون عنده حل عملي لها أو حتى يشوف الموضوع دكتور من الدكاترة أو معيد من المعيدين فيشفق على حال الطلبة وعلى حال الكلية
دعوني لا أطيل في المقدمة الموضوع هو موضوع النتيجة
إزاي يا إخواني نتيجة مش الثانوية العامة بل نتيجة تنسيق المرحلة الأولى من الثانوية العامة تخلص ونتيجة طلبة كلية يدعي الناس أنها من كليات القمة في الجمهورية لسة مخلصتش ومظهرتش منها غير نتيجة بكالوريوس بس واللي أظن أنها لو مكنتش نتيجة آخر سنة والطلبة محتاجينها علشان اللي هيقدم على شغل في البلد أو اللي هيسافر يدور على شغل مكانتش ظهرت لحد دلوقتي وطبعا دي فضيحة على أعلى مستوى
طبعا أنا مش عاوز أظلم حد في الكلية لأني عرفت من كذا واحد ان النتيجة خلصت في الكلية واتراجعت بس التقصير من قنا بس برضه أرجع وأقول الطلبة ملهمش دعوة في الكلام ده ده كله شغل أعضاء هيئة التدريس ومش شغلنا
ومتهيألي يعني انه زي ما إحنا كطلبة نكن كل مشاعر التقدير والإحترام لأعضاء هيئة التدريس سواء من الدكاترة أو المعيدين لابد وأن يقابل ذلك نوعا من الإحترام لرغباتنا وأنا لاأعيب في أحد بهذا الكلام لأن هذا كلام النبي صلى الله عليه وسلم والذي قال في الحديث الشريف (ليس منا من لم يوقر كبيرنا ويرحم صغيرنا) وأقصد طبعا بإحترام المشاعر والرغبات هو ان في ناس لحد دلوقتي مش قادرة تجيب النتيجة وقلقانين جدا من التأخير ده بل إن في واحد من كتر ما إتصل بيا وأقوله النتيجة ما ظهرتش قلق جدا وقلي لو في حاجة قول وريحني بس المهم أعرف ومش مصدق لحد دلوقتي ان النتيجة مظهرتش
وأول امبارح أنا سمعت ان النتيجة خلصت مراجعتها في قنا ولا أدري ما الذي يؤخرها إلى الآن
ولذلك فأرجو من أعضاء هيئة التدريس انهم يكونوا متاعونين مع الطلبة أكتر من كدة ومحدش منهم ينسى انه في يوم كان طالب زيه زينا وعاش لحظات القلق دي وعارف قد ايه الواحد بيكون قلقان لما يكون مستني النتيجة خاصة لما بتطول كدة
وأخيرا أحب أتوجه بالشكر للدكتور العزيز إلى قلبي الدكتور إيهاب خلف لأني مرتين أو تلاتة شوفته فيهم لما روحت الكلية الفترة الأخيرة وألاقيه متضايق جدا من عدم ظهور النتيجة إلى الآن بل انه كان بيعاتب الدكاترة والمعيدين اللي في الكنترول على تأخر النتيجة وفعلا من أكثر الناس الي شوفتهم بيشاركوا الطلبة وحاسين بمشاكلهم وحريص على حل هذه المشاكل
وطبعا هذا لا يعني انه هو الوحيد اللي كدة لكن في غيره كتير بس الصراحة هو الوحيد اللي شوفته بعيني
ولا أطيل عليكم في الموضوع ده وأرجو أن تشاركوا بآرائكم ولا تبخلوا علينا

فعلا يا بشمهندس لغاية دلوقتى مر وقت كبير جدا على النتيجه ومحدش عارف
ممكن تطول تانى أو لأ بس اللى أعرفه إن التأخير من الجامعه فى المراجعه
وفى الإمضاء يعنى الكليه مش ذنبها حاجه وأعتقد ما دامت الكليه تتبع قنا فهتظل
المشكله دى قائمه كل عام وفى حالة إنفصال فرع أسوان عن قنا ستكون العمليه
أفضل بكثير بالإضافه إلى توفير وقت وجهد وتكاليف كثيره غير كده عدد الكليات
الكتيره فى الجامعه هو اللى معطل الحكايه لذلك نرجو حل جذرى لهذه المشكله
وليكن مثلا إعلان النتيجه على موقع الكليه ولكن بصوره ليست نهائيه بمعنى
أنها قابله للتعديل"رغم أنها لا يدخل عليها أى تعديل" إلى وقت إعتمادها
وتوثيقها وبعد ذلك نحذف نهائيه ونترك النتيجه فقط لأن النتيجه لا تتغير
وإنما هو روتين وأخذ إحتياط فقط.
على فكره الكليه بها حوالى ألف وخمسمائة طالب يعنى دفعه واحده أو ربما نصف
دفعه فى كليات أخرى ورغما عن ذلك ظهرت لديهم النتيجه وعلقت وتم تنزيلها
على النت لتتاح للجميع فنرجو القضاء على الروتين إن وجد لأهمية الموضوع.
وشكرا على فتحك للموضوع يا بشمهندس

والله الموفق

طيب شوفو لو اي حد يعرف حد في قنا يقدر يجيب منه اخبار عن موعد وصول النتيجه و يتابع معهم اول باول و يبلغنا