ما هو شعورك عندما لا يرد احد علي موضوعك ويبفي عدد الردود لديك صفر !!

السلام عليكم ورحمه الله وبركاته

ترددت كثيرا في طرح هذا الموضوع ........

لكن الذي دفعني لذالك هو......

ملاحظتي في بعض المواضيع الرائعه والهادفه والتي تحتاج الى نقاش جاد

تذهب سريعا اللى الصفحات الاخيره دون ان يطلع احدا عليها

والسبب هو عدم وجود الردود......

فيحز في نفسي كثيرا عندما ارى موضوع جيد وعدد الردود لديه صفر.......

فأحيانا اتمكن من الردود عليها واحيانا وللاسف لا اتمكن لضيق الوقت....

وجود صفر امام المواضيع لا يعني انها رديئه...........

كما ان وجود 50 ردا او اكثر امام موضوع معين لا يعني انه جيد.....

عموما سؤالي محدد وواضح اتمنى الاجابه عليه بكل صراحه ووضوح لعلنا نستفاد جميعا

ما هو شعورك عندما لا يرد احدا على موضوعك؟؟؟؟؟

او بمعنى اخر ما هو شعورك عندما تضع موضوعا وبعد مده قصيره تجده انتقل الى الصفحات الاخيره

وعدد الردود به صـــفر................

ملاحظة :يارب بس تشاركوا وما ينتقلش الموضوع للخلف والردود صفر.....

شكرا MISS_ESADORA
بصراحة انا بيضايق جدا عشان بحث ان
الموضوع محدش استفاد منه وكانه لم يحقق هدفة
وفي ماقوله كويسة
لو قلت الردود جف الموجود

علي الموضوع

والطبيعي أن أي حد بيكون متضايق انه يشوف تعبه راح علي الفاضي

وحتي لو كان الموضوع منقول بس الواحد بيتضايق برضه

شكرا يا بشمهندسه علي الموضوع الرائع
وقله الردود اكيد بتعصب صاحب الموضوع جدا خاصه عند وجود نسبه مشاهده كبيره
وبدون اي رد ولو حتي كلمه شكر لانه اكيد تعب في الموضوع وحتي لو منقول

والله لو المشكلة فى عدم الردود ونسبة مشاهدة عالية يبقى ممكن نعديها انما للاسف تلاقى نسبة المشاهدة قليلة كمان وده اللى بيخلى الواحد مننا مش طايق نفسه ياريت لو الموضوع عنوانه مش حلو او الموضوع نفسه مش حلو ندخل ونقول انه مش حلو وايه اللى مش حلو فيه

وشكرا يا miss_esadora على طرحك للموضوع ده

ميس ايسادورا لطرحك هذا الموضوع الذي في نظري هو هام جداً
وانا بصراحة بتضايق جداً لما الاقي الموضوع بعد ما انا تعبت في كتابته او حتي لو كان منقول فاكيد كل واحد منا بيبذل مجهود علشان يجيب موضوع كويس يضعه في المنتدي
فبعد التعب ده كله تجد ان موضوعك لم يهتم به احد وعدد المشاهدات كبير
فانا لا اعرف لماذا يبخل الاعضاء في الرد علي المواضيع حتي لو بكلمة شكراً من الوجوه الضاحكة لان هذا بيرفع من الروح المعنوية للعضو وبيشجعه انه يضع مواضيع مرة اخري
وما اظنش ان كلمة شكراً بتكلف كتير يعني

يابشمهندس خذ بالحكمة التى تقول(لاحياة مع اليأس ولا يأس مع الحياة)
مسير مسير مسير المستخبى يبان اصدى بكلامى اكيد كتاباتك سوف تخرج من غيابات الظلام الى شروق ليس لة نهاية..........نصيحتى اللك التفاؤل ثم التفاؤل ثم التفاؤل
ميرسى......
م:رضوان المصرى
ا

شكرا على طرح الموضوع
موضوع جميل جدا والواحد كان محتاج لموضوع زي كدة من زمان علشان يقدر انه يقدر يسأل فيه سؤال غير اللي صاحبة الموضوع بارك الله فيها طرحته
والسؤال هو
هو الناس المستفيدة من الموضوع مبتردش عليه ليه ومبتحاولش تسأل عن أي حاجة مبهمة في الموضوع ليه ولا هو بيدخل يستفيد منه وخلاص ويطلع تاني ولا حياة لمن تنادي؟
بس هو الواحد عزاءه الوحيد ان الموضوع ده منتشر في معظم المنتديات في العالم والكلام ده أنا مش بقوله من فراغ لأني شوفت حاجات زي كدة كتير بل وجربت بنفسي إني أضع موضوع ومحدش يرد عليه واللي بيترك أثر أكبر في نفسي من الغيظ والحنق والغضب إنه يكون إستفسار أو سؤال عن حاجة معينة ومش موضوع عادي لأننا ممكن نتجاوز ونقول ان الموضوع العادي الواحد بيبقى حاطه ليستفيد منه كل الناس ومش مستني ردود من حد ولكن يطلب الأجر من الله عز وجل لكن الموضوع بيغيظ أكتر لما بيبقى سؤال أو استفسار وكمان يا سلام لو كان الموضوع الواحد محتاجه بسرعة ومحدش يسأل فيه بيبقى الموضوع يخنق أكتر وأكتر
وعلى أي مقدمناش حل في الموضوع ده غير إن لواحد بعد ما يكتب الموضوع يتوجه إلى الله بالدعاء إن حد يرد عليه
بارك الله في صاحبة الفكرة الحلوة دي وجزاها خير الجزاء
معذرة على الإطالة
والسلام

الشعور بخيبة الأمل يكون هو الشعور الغالب في معظم الأحيان

وخصوصا إذا كان الموضوع جاد وهادف ويستحق المناقشة والطرح
وأيضا عندما يكون الموضوع من بنات أفكار صاحبه وليس مقتبس فهذا يزيد من الألم

أنا أختلف معكم قليلا فى الرأى لأنه من وجهة نظرى أن أىحد بيكتب موضوع فى المنتدى بيكون هدفه هو أن يستفيد

الآخرين من الموضوع فاذا كان عدد مرات المشاهدة كبير نكون قد حققنا الهدف أما الردود فهى بمثابة نوع من التقدير أو

الشكر ان رغب من يطلع على الموضوع فى ذلك وما حدش يقنعنى انه بيرد على كل المواضيع و كل واحد بيتضايق اذا

كانت ردود موضوعه صفر أما لو كان موضوع حد تانى مفبش مشاكل.

ما هو شعورك عندما لا يرد احد علي موضوعك ويبفي عدد الردود لديك صفر !! 583409

انا شايف ان كتابة المواضيع دى فن برضة يجماعة يعنى العنوان مهم جدا ممكن يكون موضوع قوى جدا بس عنوانة ضعيف او توقيتة غلط يعنى فى مواضيع دراسية بيبقى الاقبال عليها مش قوى فى الاجازة فمن الافضل تتاجل لوقت تانى وفى حاجة تانى ان فى بيتعامل بمنطق انة مبيردش على موضوعات اويشارك فلما يجى يعمل موضوع جديد بيبقى الاقبال عليه ضعيف نسبيا لان المشاركة مطلوبة برضة
من المهم ان الواحد يعمل موضوع تفاعلى يعنى يطلب راى ومشاركة أقتراحات الاعضاء
تحسس العضو بان الموضوع مش هيكمل الا بمشاركتة
ولازم نعمل الموضوع بنية خالص لله وانا عن نفسى بستعجل فى كتير من موضوعاتى وبتتطلع مش ذى ماهية فى دماغى او فى مواضيع قديمة كنت بعملها من اجل اثبات تواجد لا اكثر
والصراحة ان ماخلصتش النية لله فى الشغل بتاعى وعرفت قيمة المشاركة والعمل الجماعى والتفاعل مع الناس الا بعد ماخدت دورة الباث واى(pathways( الاجازة دى فالموضوع برضة محتاج تدريب
miss_esadoraشكرا على الموضوع الجميل
معلش طولة عليكم

[ندعوك للتسجيل في المنتدى أو التعريف بنفسك لمعاينة هذا الرابط]

موضوع مناسب جدا للمناقشه هنا

وفعلا انا صادفنى كتير جدا اول ماكنت بحط مواضيعى هنا فى المنتدي

ووصلت لمرحله يأس كبيره بس فى ناس كتيره هنا فى المنتدي

قالولى مش معنى ان محدش رد يبقى موضوع مش كويس بالعكس

وبقت عادي بقى لو محدش رد بس بكون فعلا زعلان جدا

انا شايف الايموشن بتاعت شكرا سهله جدا لاي حد مش هتكلفه اكتر من 7 ثوانى

شكرا على الموضوع الجميل

» لاتحزن عندما لا يتم الرد على موضوعك
» خبير إعلانات / مجدى جمعة - لو ترغب أن يكون لديك وكالة دعاية وإعلان أو لديك وكالة دعاية وإعلان
» الردود فالمنتدى فن ومهاره فأقتنيها
» !! أكتب شعورك بعد مشاهدة هذه الصور !!
» تعلم مهارة الردود يا بشمهندس