انتفاضة زمالكاوية _ لا لمرتضى منصور

المهم ان يصل ده لاعضاء الجمعية العمومية

و يكونوا مقتنعين انه سبب تدهور الزمالك في الفترة الاخيرة ( شطب من اتحاد اليد و ابتعاد عن بطولات القدم ...الخ)

لانه اعضاء النادي فقط هم اللي ممكن يقفوا لمرتضي منصور ... و الا لا فائدة



(بعودة مرتضي منصور ... اخيرا اصبح للزمالك درع و سيف .... نياهاهاهاها )

تسلم يا أحمد

بس لو أعضاء الجمعية العمومية

ما اقتنعوش بالكلام دةةةةةة

الجمهور حيبقى له كلام تانى

بلا جمعية عمومية

بلا جمعية استهلاكييييية

ايه الفرح ده كلوا يا يحيى

رساله وانتفاضة ولا لمرتضى

ايه الوحش فى مرتضى

سجنوه ومنعوا عضويته وعملوا فيه كل حاجة وهو عشان جه ياخد حقه يبقى وحش ولما ممدوح عباس شاف انه حقه فى انه يمنع قرار المحكمة بدخول مرتضى النادى وانه يضربه ويحاول قتله ما عملتوش كده ليه
وبعدين تعالى هنا وقولى هو القانون قال انه لو فى مجلس معين وهو اللى بيشرف على الانتخابات يبقى رئيس المجلس ينفع يترشح للرئاسة
هو ده ينفع يبقى حاميها حراميها يعنى ممدوح عباس يبقى مشرف على الانتخابات ويترشح فيها طب ماهو ده شئ طبيعى انه ينجح وباكتساح
وكمان لما طرد مرتضى هو وابنه من النادى لحد ما الانتخابات تخلص كده من دماغه من الباب للطاق عشان الخناقه اللى على الباب هو ده ينفع واساسا الخناقة اللى عاملها هو ممدوح عباس

نفسى حد يقولى هو فى رئيس نادى محترم يبقى عليه قضية غسيل اموال ويقعد شهرين يشترى فى اجوجو يروح اجوجو ويرجع اجوجو فى فى الدنيا كده
هانى سعيد جه الزمالك ماشى وبعد كده حصل اللى حصل وطلع هانى سعيد وقال انا مش هالعب للزمالك ابدا ولو حكمت هعتزل فى فى الدنيا نادى عنده كرامه واترفض علنا قدام الناس يروح يجيب هانى سعيد تانى طب اتكسفوا على دمكوا شوية

امير عزمى قال انا جاى اتعاقد مع الزمالك وعند الجد معلش انا اسف اصل انا مسافر تانى تركيا عشان اكمل احترافى ده بالزمة مجلس محترم لما يبقى محطة ييجى فيها كل لاعب شوية ولما يلاقيه مش عاجبه يسيبه ويمشى وفى الاخر النادى هو اللى يجرى وراه زى اجوجو وهانى سعيد

ولا نسيت زاكرونى يا يحيى اللى جه وانت جبت صور وفيديو ليه فى المطار وبعد كده اداكوا بمبة وخلع

ولا ممدوح عباس نسى اللى عمله فيه عمو هنرى ميشيل لما دبسكوا فى 8 مدافعين ومشى اتنين مهمين عندكوا زى وائل القبانى واطنطت عليكوا وقالكوا انا عايز المعسكر فى فرنسا وانا عايز وعايز واشتروا ده ومشوا ده وانتوا تقولوا حاضر وفى الاخر سابكوا وخلع بدون ما يستأذن الرحيل

كل المصايب والبلاوى دى كلها فى مجلس ممدوح عباس المجلس اللى مش محترم بمعنى ان كلمته ما بتتسمعش ييجى اجوجو وييجى هانى سعيد وامير عزمى وزاكرونى والاخ هنرى ميشيل وفى الاخر بدون ما يعملولكوا اى اعتبار لبسوكوا العمة وخلعوا

طب انا راضى زمتك يا يحيى

النادى البريستول بتاع متعب اللى هو درجة تانية عشان كلمة المدرب ما اتسمعتش قالوا خلاص مش عايزين متعب رغم ان المدرب كان مصمم عليه ولكن التعليمات لازم تنفذ وانتوا الناس تمشى من عندكوا وتشتمكوا وتجروا وراهم تانى وفى الاخر تدبسوا الموضوع فى اى حد تانى ونلاقى قال ايه علاء صادق واحمد شوبير

يا يحيى ياريت ترد على الكلام ده وتخليك حيادى دون الانحياز لممدوح عباس لمجرد انه خلاكوا تاخدوا المركز التانى اللى هو كل املكوا دلوقتى وما تنساش ان مرتضى جاى بقرار محكمة ادارية ولازم تحترموا القرار زى ما مشيتوه بالقرارات بتاعتكوا وبتاعت حسن صقر وهو سابكوا 3 سنين وقلتوا القانون والكلام ده يبقى لازم تمشوا بالقانون ومرتضى يرجع واعرف من دلوقتى ان الرئيس القادم لنادى الزمالك هو مرتضى منصور الرجل المحترم اللى بيحفظ للزمالك حقه الرجل الفاضل اللى مش حرامى واللى خلى للنادى كيان وهيبة زى ما كان وانه ما ينفعش ممدوح عباس يترشح للانتخابات لانه هو رئيس المجلس المعين اللى هيشرف على الانتخابات

أولاً يا ميدوووووووو

كل كلاااااامك دة غلطططط * غلططططططططط

واسال أى زمالكاوى

حيقول لكككككك

ممدوح عباس وبسسسسسسسسسسسسسسسسسس

ممدوح عباس وبسسسسسسسسسسسسسس

وانا حمشى معاك كلمة كلمة

أولاً

مجلس ممدوح عباس مش حيشرف ع الإنتخابات
عشان دة ماينفعش وكلامك دة مش صحييح

الإنتخابات كانت حتبقى تحت اشراف المحمكمة والمستشارين

وبالنسبة للمجلس المعين انهم ممكن يرشحوا نفسهم مرة تانى

ينفعععععععع للمجلس المعين

لكن ما ينفعش للجنة المؤقتة اللى هى بتبقى لجنة ثلاثية تتعين قبل الإنتخابات بفترة بسيطة
ثلااثية مش مجلس معين

زى اللجنة اللى اتعملت في الإسماعيلي

* بالنسبة لذاكرونى ( المدرب العالمى الإيطالى ) بتهيألى مفيش حد بيحلم في مصر ولا حتى يفكر ان ممكن المدرب العالمى ذاكرونى بفكر انه ييجى يدرب نادى في مصر _
ومين حيدفع له فلووووس __ وبتهيألى انتوا عمركم ما اتشريتوا مدرب عالمى ولا حتى له اسم بررره
،،

ولو فيه ياريت ك يس تقول لى ( أنشلوتى ولا مين بالظبط ؟ )

ممدوح عباس اتعاقد مع مدرب عالمى ( هنرى ميشيل ) وانت عارف ازاى مصر كلها وقفت على رجليها قدام هنرى ميشيل _ العالمى __
بس للأسف كنا متوقعين انه مدرب يحترم عقوده وكلمته _
وأخل بالعقد لما راح يدرب منتخب المغرب _
ودفع للزمالك شهرين عشان يروح المغرب _

بالنسبة لذاكرونى الزمالك _ اتفق معاه على كل حااااااجة والفلوس كانت تماام _
وعربية مرسيدس موديل 2008 _ وغرفة في الشيراتون _ وكل حاااااااجة

بس هو طان عايز يحط الشرط بتاع هنرى ميشيل انه يشمى بدون شرط جزاااااائى وطبعاً
احنا خلااااااااص فهمنا اللعبة من هنرى ميشيل ودة _ اللى بووووووظ الصفقة ومشي _

يعنى مش ذنب ممدوح عباس _ مفيش حد في مصر كان بيحلم ان ذاكرونى ييجى هنا يفطر انه يدرب فريييق !!!!! ولا اييييييييه __ ولا جوزيه بقى عالمى ولا حااااجة ؟؟

نيجى بقى لأجوجو _

قول لى بس انت كدة الأول /

جيب لى نادى في مصر اتعاقد مع لاعب أفريقي كلن له اسم وشهرة وبيلعب أساسي في أحد المنتخبات الأفريقية الكبرى ( غانا ) وتم التعاقد معااااااه

حتقول لى فلافيو ولا جلبرتو ؟؟
دول أصلاً اتشهروا عندكم _ واصلاً ماحدش عارفهم غير هنا بس في مصر

وانا بسمع ان حسن حمدى وهو نايم حلم انه يشترى ايتو _ وحيفاوضووه في 5 سنين
_

واكيد انت شفت أجوجو وحسيت بتقله ازاى في الهجوم _ و لو حتقول لى اه _ ما احنا فزنا والكلام الهبل دة __ مش حرد عليييك _ عشان دة عمره ما لعب في نادى عربي ولا شاف اللعب هنا .....


بالنسبة لمرتضى منصور والكلام العبيط اللى سمعته ان ممدوح عباس ضرب مرتضى منصور
وكهرب له الباااب ودلق عليه مية سخنة
وجري وراه بالكرباااج

انا مش حعللللق على أى حاااجة من الكلام دة

كل اللى حقولهوا لك _ ان مرتضى لم يكن عضو في النادى حينها _ رغم ان المحكمة حكمت له بانه ترجع عضويته لكن الجهة الإدارية اللى الزمالك بينفذ كلامها وهو مجلس الرياضي ( حسن صقر ) ما أصدرش القرار دة ان مرتضى يرجع عضو في النادى _ عشان كدة منعوا مرتضى انه يدخل الناادى .
ودة كان السبب ان الإنتخابات اتأجلت _ ودة كان غلط من حسن صقر وشطارة من مرتضى _
ليس لممدوح عباس أى دخل بهااااااااااا

وبالنسبة لما يسمى هانى سعيد _ فبقول لك ان الزمالك
مش سهل عشان لاعب خقير يتلاعب بيه زى دة _ يوقع معانا ويقوول عايز ألعب في نادى تاااااانى .

وعصر كمال درويش و مرتضى انتهوا ان اسلام الشاطر ومحمد عبدالله يوقعوا للزمالك ونلاقيهم تانى يوم ففي الأهلى __

لاااااااااااا خلاص انسوااااااااااا الأيام دىىىىىى يا أهلىى

وبطططططططل الحركات بتاعتك _ الحركات اللى بتعملها مع عبدربه وهانى سعييييد

وهانى سعيد دفع غرامة 350 ألف جنية عشان اللى عمله دة والزمالك خد حقه
و يالا يا شوبير وعلاء صادق ولاد الشماته يحطوا وشهة في حتة تانية

وبالنسبة لعمرو ذكى _ ممدوح عباس أجبره ع التعاقد مع الزمالك 4 سنين قدام قبل الإعارة
وكدة حيفييييد الناااادى بأكتر من الفلوس اللى ادفعت فيييييييع 5 مرات وكمان حيرجع تانى النادى __

عمرك شفت رئيس نادى للزمالك عمل حاجة زى كدة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

فاكر درويش اللى باع بشير التابعى في أبهى صورة ب 400 الف دولار !!!!!!!!!!!!!!!!!!!!!!

والزمالك عشان يشتريه تانى دفع واحد ونص مليون دولار ؟؟؟؟؟؟؟؟
درويش اللى فرط في شيكابالاااا ومكانش عامل له عقد وكان مخلى شيكابالا هااااااااااو !!!!!!!!!!!

وممدوح عباس رجعه رغم كل الأزمات اللى عليه __

ممدوح عباس اللى رجع حازم امام من ايطاليا وهو أصلً مش عضو مجلس ادارة فقط من عشاق النادى

ممدوح عباس رجع أيمن عبد العزيز في أزهى صوره بملغ كبيير جداا

ممدوح عباس اللى عمره ما قال انا دفعت للزمالك كذا وكذا

وهو دفع وحده فوق ال 150 مليييييييييون جنية في سنة وهو في مجلس معين

يعنى مش ذنبة اانه يدفع حااااااااجة

ممدوح عباس اللى حول ملاعب الناشئين الغير أدمية لاجمل الملاعب الخضراء

ممدوح عباس اللى عمرنا ما سمعنا في عهده ان فيه لاعب بيقول ماخدتش فلوسي

ممدوح عباس اللى عمرنا ما سمعنا ان فيه لاعب الزمالك مشااه من النادى واشتكانا في الفيفا عشان ياخد بقية مستحقاته

ممدوح عباس اللى مش حتلااااااااااااق أى يافطة له تعلن عن دخوله الإنتخاااابات
في شوارع القاهرةةةةةة

بعكس هوءلاء المحسوبين على النااادى

المندوه الحسينى اللى صورة بالألاف هنا في القاهرة

في فيصل / الهرم / التحرير / الدقى / امبابة / ش جامعة الدول / الجيزة ..........

هو ومعاااااه هذا الإسماعيل سليم __

وكاتب على صوره

" المندوه الحسينى رجل التعليم الأول في مصر _ من أجل اصلاحات الزمالك وعودة البطولات "

" الزمالك تاريخ _ واسماعيل سليم جزء من هذا التااااريخ "

!!!!!!!!!!!!!!!!!!!

لا حول ولا قوة الا بالله

احنا كلنا بنحبك يا ممدوح عباااااااااس رغم عن أنف أى أهلاوى

وانا طبعاً عارف ليه الأهلاوية بيحبببببببو جداااااااااا ويعشقوا مرتضى منصصصصصصصوووووووووور

ابداااااااااااااااااا مش حيحححححححححححصل كدة يا أهلاوييييييية

وممدوح عباس رئيس الزمالك الفادم

شئتم ام أبيييييييييييييييييييييتم

اقتباس :

ومين حيدفع له فلووووس __ وبتهيألى انتوا عمركم ما اتشريتوا مدرب عالمى ولا حتى له اسم بررره

هو مانويل جوزيه مش مدرب عالمى ولا ايه يا باشا
ده جوزيه الرابع عشر على العالم فى ترتيب الفيفا للمدربين
فلت منك دى يا باشا

اقتباس :

ممدوح عباس اللى عمرنا ما سمعنا في عهده ان فيه لاعب بيقول ماخدتش فلوسي

ممدوح عباس اللى عمرنا ما سمعنا ان فيه لاعب الزمالك مشااه من النادى واشتكانا في الفيفا عشان ياخد بقية مستحقاته

امال اللى عمله عمرو زكى قبل كده اسمه ايه

اقتباس :

وعصر كمال درويش و مرتضى انتهوا ان اسلام الشاطر ومحمد عبدالله يوقعوا للزمالك ونلاقيهم تانى يوم ففي الأهلى __

كمان ده حصل فى العصر العباسى الحالى مع حسين على ولا انت نسيت
ان كنت ناسى افكرك
!!!!!!!!!!!!!!!!!!!

:o

انت بتقول يا يحيى ان الاهلى لم يسبق له التعاقد مع اى مدرب عالمى امال هيديكوتى المجرى ده كان بيعمل ايه وفايسا اللى دخل طريقة 5 3 2 لمصر فى عزها كان بيعمل ايه واخيرا مانويل جوزيه ومن قبله المدرب الهولندى اللى درب الاهلى من 3 سنين انا مش فاكر اسمه بس ما تنساش انه كان واخد الاولمبياد سنة 96 مع نيجريا وطلع بعد كده درب كوريا الجنوبيه

وبعدين الخناقة اللى قدام النادى انا مش جايبها من دماغى انا جايبها من الصور والفيديو واظن انك شفت ده

اما اللاعب العالمى اللى انت بتتكلم عنه بيتهيألى احمد فيليكس كان لاعب دولى فى غانا واظن انه شرف ليك انك تطلع لاعب من عندك وتخليه لاعب دولى مش تجيبه على الجاهز!!!!!!!!

اما موضوع الفيفا وماحدش اشتكاكوا فاظن عمرو زكى خير شاهد على الكلام ده ولو المجلس ده مش بتاع مشاكل قولى ازاى شيكابالا يتوقف طالما ان ممدوح عباس هو اللى متبنيه ليه هو ما خلصش الموضوع ده بفلوسه ولو فلوسه دى بتطلع عشان اذى مرتضى منصور وبس

اما بقى حكاية ان ممدوح عباس جاب وجاب فده فرض عليه لانه رئيس النادى وما تنساش ان مرتضى منصور هو اللى جاب عمرو زكى وابراهيم سعيد وكان الزمالك ليه شأن فى عهده وكل ده حصل فى 3 او 4 شهور بس وطبعا مرتضى هو اللى بدأ الاصلاحات اللى داخل النادى بالمنشأت وقراراته بمنع دخول البنات العراة داخل النادى يعنى من الاخر كده هو اللى علم ممدوح عباس ازاى يطور النادى

ومن الاخر كده انا ما تطرقتش للاهلى فى اى حاجة فبلاش تدخل الاهلى فى الموضوع انا باقارنلك بين ممدوح عباس ومرتضى منصور وبس من غير من ندخل اى حد تانى من الزمالك او الاهلى

لانك لو اتكلمت عن الاهلى فكلامك كله غلط فى غلط لان الاهلى هو افضل ادارة فى مصر وتقريبا فى الوطن العربى وافريقيا كلها بشهادة الخبراء مش شهادتنا احنا ولو عايز دلائل انا اجيبلك بس فى حالة انك تتطرق للاهلى فى حوار زى ده اللى اصلا مالهوش دعوة بالاهلى

خلاص يا يحيى ما تخرجش وتتشتت عن الموضوع بانك تدخل الاهلى واحمد شوبير وعلاء صادق والكلام ده اللى لا بيقدم ولا يأخر

[quote=YeHi@$MmZ]
احنا كلنا بنحبك يا ممدوح عباااااااااس رغم عن أنف أى أهلاوى

وانا طبعاً عارف ليه الأهلاوية بيحبببببببو جداااااااااا ويعشقوا مرتضى منصصصصصصصوووووووووور

[/quote]

عزيزي يحيي

مين اللي قال انه الاهلاوية بيحبوا مرتضي منصور ؟
انت ناسي الخناقة اللي في نهائي كاس مصر ( 3 - 0 للاهلي ) و رفعه للحذاء في ظل وجود مندوب عن رئيس الجمهورية ؟
و لا تمزيقه لكارنيه عضوية الاهلي في مؤتمر صحفي ؟
الخ

اما اذا كنت تقصد انه السبب في تدهور نتائج الزمالك و بالتالي احتكار الاهلي للبطولات ..فهذا ايضا خطا

من مصلحة الكرة المصرية ان يكون هناك استقرار في الزمالك و تحسن في النتائج
و من مصلحة المنتخب ايضا
بل و من مصلحة الاهلي نفسه

انا كما تعرف اهلاوي جدا جدا جدا

و اتمني ان يحصل الاهلي علي درع الدوري كل عام
و لكن اتمني ايضا ان يحقق اللقب في الاسبوع الاخير فقط ... و ليس من الدور الاول كما يحدث حاليا
لان هذه هي اثارة و متعة كرة القدم

من اجمل المواسم
تلك المواسم التي حسمت في نهايتها فقط ..مثلا:
موسم 93 / 94 الاهلي و الاسماعيلي تساووا في النقاط و لعبوا مباراة فاصلة في الاسكندرية فاز فيها الاهلي 4-3
موسم 2001/2002 موسم مباراة الستة الشهيرة و مباراة الاهلي و الاسماعيلي 4-4 ( اجمل مباراة في تاريخ الكرة المصرية ) الاهلي تعادل مع المحلة في الاسبوع قبل الاخير و حقق الاسماعيلي اللقب
موسم 2004 في الاسبوع الاخير الزمالك حقق اللقب بعد الفوز علي الاسماعيلي و خسارة الاهلي امام انبي في المباراة الشهيرة ( و كان مدرب الاهلي وقتها المدرب بونفرير اللي اتكلم عليه ميدو )

اما ما يحدث في الفترة الاخيرة من تراجع في مستوي الزمالك بسبب عدم الاستقرار و احتكار الاهلي لمعظم البطولات بسهولة ... فهذا لا يسعد احد بالمرة

نحن مثلكم نريد الاستقرار للزمالك ( حتي يكون للبطولات التي نحققها طعم ) سواء كان الاستقرار عن طريق ممدوح عباس او غيره

شكرا وارجو ان يكون الحوار هادئ بدون عصبية ونتمني ان ياتي من هو افضل